2016 - جىلعى ريو - دە - جانە - يرو وليمپياداسىنىڭ بەلەتى ناۋرىز ايىنان باستاپ ساتىلا باستادى. كورەرمەندەردىڭ بەلەت ساتىپ الۋىنا قولايلىلىق تۋدىرۋ ءۇشىن، ريو - دە - جانە - يرو وليمپيادا كوميتەتى جاقىندا 2016 - جىلعى وليمپيادا سپورت جارىسىندا «ەڭ سوڭعى سايىسقا» تۇسەتىن ايگىلى 9 سپورتشىنىڭ ەسىمىن جاريالادى. ولاردىڭ ىشىندە جۇڭگونىڭ قاۋىرسىن دوپ شەبەرى لين دان، يامايكالىق جەلاياق بورت، ا ق ش - تىق ايەلدەر تور دوپ شەبەرى كىشكەنە ۆيليامس تا بار. لين دان ريو - دە - جانە - يرو وليمپياداسىنان بۇرىن سپورت ساحناسىنان شەگىنەتىندىگى جونىندەگى قاۋەسەتتى تەرىسكە شىعاردى، بۇل ونىڭ ريو - دە - جانە - يرو وليمپياداسىندا 3 - رەت باس جۇلدە الۋعا قارماناتىندىعىن ايگىلەيدى.
لين دان: باس جۇلدە الۋعا 3 - رەت قارمانادى
تاريحتاعى ەڭ ايگىلى قاۋىرسىن دوپ شەبەرى رەتىندە لين دان 2012 - جىلعى لوندون وليمپياداسىندا مالايزيانىڭ شەبەرى لي زۇڭۋيدى جەڭىپ، تاريحتا ءۇرتىس 2 كەزەك قاۋىرسىن دوپ التىن مەدالىن قورجىنىنا سالعان سپورتشىعا اينالدى. لين دان ريو - دە - جانە - يرو وليمپياداسىنان بۇرىن سپورت ساحناسىنان شەگىنەتىندىگى جونىندەگى قاۋەسەتتى تەرىسكە شىعاردى.
بورت: تاريحتاعى ەڭ ۇزدىك سپورتشى
بورت 2008 - جىلعى بەيجيڭ وليمپياداسى مەن 2012 - جىلعى لوندون وليمپياداسىندا ەرلەردىڭ 100 مەترگە، 200 مەترگە جانە كۇش جالعاپ جۇگىرۋ جارىسىنىڭ التىن مەدالىن ەنشىلەگەن بولاتىن. ريو-دە-جانە-يرو وليمپياداسىندا ونىڭ ماقساتى وسى 3 تۇردەن 3 - رەت باس جۇلدەنى قانجىعاسىنا بايلاۋ. ەگەردە ونىڭ بۇل ويى ىسكە اسسا، بورت تاريحتاعى ەڭ ايگىلى جەڭىل اتلەتيكا سپورتشىسىنا اينالماق.
تىلگە تيەك ەتۋگە تاتيتىنى، بورت ريو - دە - جانە - يرو وليمپياداسىنىڭ جابىلۋ سالتى كۇنى (2016 - جىلى 21 - تامىزدا) 30 جاسقا تولادى. يامايكالىق جەلاياق سول كەزدە ءوز جەڭىسىمەن تۋعان كۇنىن اتاپ وتە الا ما؟ بۇل جۇرت نازارىن اۋدارىپ وتىرعان ماسەلە. ول جاقىندا 2017 -جىلى سپورت ساحناسىنان شەگىنەتىندىگىن جاريالادى.
كىشكەنە ۆيليامس: ەڭ سوڭعى التىن مەدالدى الماق
33 جاستاعى ا ق ش - تىق تور دوپ شەبەرى كىشكەنە ۆيليامس قازىرگە دەيىن 19 رەتكى جارىستىڭ باس جۇلدەگەرى، ول 22 رەتكى جارىستا باس جۇلدەنى جەڭىپ العان گەرمانيالىق گلافتان كەيىن تۇرادى. وليمپيادا تور دوپ ساحناسىندا كىشكەنە ۆيليامس اپەكەسى ۇلكەن ۆيليامسپەن بىرگە 4 التىن مەدالعا قول جەتكىزىپ، ەڭ جوعارى رەكورد جاراتىپ وتىر. ريو-دە-جانە - يرو وليمپياداسىندا ول ەڭ سوڭعى التىن مەدالعا قول جەتكىزگەن سوڭ سپورتتان شەگىنۋ ويىندا.
ەلەنا يسنبايەۆا: سىرىقپەن بيىككە سەكىرۋدىڭ پاتشايىمى
تاريحتاعى سىرىقپەن بيىككە سەكىرۋدەگى ەڭ ايگىلى ايەل سپورتشىنىڭ ءبىرى، رەسەيلىك سپورتشى يسنبايەۆا بالالى بولعاننان كەيىن قايتادان سپورت ساحناسىنا ورالدى. ونىڭ ماقساتى ريو - دە - جانە - يرو وليمپياداسىندا التىن مەدالعا قول جەتكىزۋ. ول 2004 - جىلعى افينا وليمپياداسى مەن 2008 - جىلعى بەيجيڭ وليمپياداسىندا ءۇرتىس 2 رەت التىن مەدال العان. 2012 - جىلعى لوندون وليمپياداسىندا قولا مەدالدى مىسە تۇتقان يسنبايەۆا ريو - دە - جانە - يرو وليمپياداسىندا ءوزىن تاعى دا ءبىر رەت دالەلدەمەك.
ۆيگەنس: ۇلى بريتانيالىق ۆەلوسيپەد سپورتشىسى
34 جاستاعى ۇلى بريتانيالىق ۆەلوسيپەد سپورتشىسى ۆيگەنس 3 كەزەك وليمپيادا ۆەلوسيپەد جارىسىندا 4 التىن مەدال، ءبىر كۇمىس مەدال، 2 قولا مەدال العان سپورتشى. ول سونىمەن بىرگە، فرانسيانى ايلانۋ ۆەلوسيپەد جارىسىنىڭ باس جۇلدەسىن العان تۇڭعىش ۇلى بريتانيالىق.
روبەرت شايت: ءوز ەلىندە اقتىق سايىسقا قاتىناسادى
41 جاستاعى برازيليالىق جەلكەندى كەمە سپورتشىسى روبەرت شايت كەزىندە وليمپيادا سپورت جارىسىندا 2 التىن مەدال، 2 كۇمىس مەدال، ءبىر قولا مەدال العان. ريو - دە - جانە - يرو وليمپياداسى ونىڭ ەڭ سوڭعى رەت جارىسقا قاتىناسۋى بولماق.
كاتچينگس: مەملەكەت قۇراماسىن 4-رەت وليمپيادا چەمپيوندىعىن الۋعا باستايدى
35 جاستاعى كاتچينگس ا ق ش ايەلدەر كاسىپتىك باسكەتبولىنىڭ قولباسشىسى رەتىندە، وتكەن 3 كەزەك وليمپيادا جارىسىندا مەملەكەت قۇراماسىن باستاپ سيلىق تورىنەن ورىن العان ەدى. ول دا ريو - دە - جانە - يرو وليمپياداسىنان كەيىن باسكەتبول الاڭىنان شەگىنبەكشى.
تياگو كاميرو: وليمپيادا التىن مەدالىن الۋعا سەرت بەردى
2007 - جىلعى حالىقارالىق دزيۋدونىڭ (جاپونشا كۇرەس) باس جۇلدەگەرى، برازيليانىڭ ايگىلى سپورتشىسى كاميرو كەزىندە سيدنەي مەن بەيجيڭ وليمپياداسىندا جەكە - جەكە ءبىر كۇمىس، ءبىر قولا مەدال العان.
لاۋرون جەكسون: اۆستراليا ايەلدەر كاسىپتىك باسكەتبولىنا قوش ايتپاق
33 جاستاعى لاۋرون جەكسون سۇلۋ دا سىمباتتى بولىپ قالماستان، اۆستراليا ايەلدەر كاسىپتىك باسكەتبولىنداعى ەڭ جاس سپورتشى، وليمپيادا سپورت جارىسى كۇمىس مەدالىنىڭ يەگەرى، ول دا ريو - دە - جانە - يرو وليمپياداسىنان كەيىن باسكەتبولعا قوش ايتپاق.
«شينجياڭ گازەتى سايتىنان»
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.