ەڭ جاڭا مازمۇندار
شاۋەشەك قالاسى ”بيىلعى يۋانشياۋ مەرەكەسى ەرەكشە مەرەكەلىك مانگە يە بولدى“
بارلىق الاپتان كوكتەم لەبى ەستى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماق 2023 -جىلعى 1 -توقسانداعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ سالتىن جانە ساۋداگەر شاقىرىپ، قارجى ەنگىزۋ قىزمەتى ءماجىلىسىن اشتى
عىلىم -تەحنيكا شاعىن اۋلاسى اۋىل -قىستاقتى گۇلدەندىرۋگە كۇش ۇستەدى
بۇقاراعا قىزمەت وتەدى
ەرىكتى قىزمەت وتەدى
نەگىزگى ساتىنىڭ جاڭالىعىن بايقاپ، ەكپىندەي ىلگەرىلەۋدەگى كۇش - قۋاتتى سەزىندى
ۇكىمەت ءدارى -دارمەك كاسىپورىندارىنىڭ قيىنشىلىق قىسپاعىنان وتۋىنە 6 ميلليون يۋانعا جۋىق قارجىلاي كومەك كورسەتتى
سەلبەستىك كووپەراتيۆى 329 مىڭ يۋان پايدا ءبولىسىن تاراتىپ، 65 قىستاق تۇرعىنى يگىلىككە كەنەلدى
قار -مۇز ۇستىندەگى قىزىقتى سپورت جارىسى
اۋىل شارۋاشىلىق ماشينالارىن ساتىپ الۋعا قوسىمشا قاراجات بەرۋ ساياساتىن ۇگىتتەدى
2023-جىلى 2-ايدىڭ 8-كۇنى 29-سان
شي جينپيڭ تۇركيانىڭ زۇڭتۇڭىنا، سيريانىڭ زۇڭتۇڭىنا جەكە - جەكە حال سۇراۋ تەلەگرامماسىن جولدادى
اكىمشىلىك مەكەمەسى 2023-جىلعى ءبىرىنشى جالپى ءماجىلىسىن اشتى
ايماعىمىز 350 نەگىزگى ساتى كادرىن لياۋنيڭ ولكەسىنە باۋلۋعا تاڭداپ جىبەردى
ايماق دامۋ جانە رەفورما قىزمەتى ءماجىلىسىن اشتى
سپورت جارىسى جالىندى كۇش سيلاپ، جۇمىسشى -قىزمەتكەرلەر كەلبەتىن ايگىلەدى
1 - ايدا باقتى شەكارا وتكەلىندەگى سىرتقى ساۋدا سايكەس مەزگىلدەگىدەن %05. 125 ارتتى
كلاسسيك قار - مۇز سالتاناتىن سومداپ، كوكتەمدى بەتكە الىپ تاعى دا ساپارعا اتتاندى
مەرەكە ساۋىعى اسىرىپ كوكتەمنىڭ دۋمانىن،سالت -ءداستۇر قىزدىردى شاتتىقتىڭ قىرمانىن
2023-جىلى 2-ايدىڭ 7-كۇنى 28-سان
ما شيڭرۇي، ەركىن تۇنياز افريكا ەلدەرىنىڭ جۇڭگودا تۇراتىن ەلشىلەر ۋاكىلدەر ۇيىرمەسىندەگىلەرمەن كەزدەستى
باس شۋجي شي جينپيڭنىڭ ماڭىزدى ءسوزىنىڭ، ماڭىزدى ارناۋ ءسوزىنىڭ، جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى
ايماعىمىزدىڭ 2023 -جىلعى تۇڭعىش توپتاعى اۋىل -قىستاقتى گۇلدەندىرۋ كومەك قارجىسى بوساتىلدى
قىزمەت ورنىمىزدى تياناق ەتىپ، ەكپىندەي ىلگەرىلەۋ كۇشىن ۇيىستىرامىز
بارابان ءۇنى جاڭعىرىپ اسپاندادى، ايگىلەنىپ بارشا جۇرت شاتتانعانى
ەرتە جوسپارلاپ، ەرتە كىرىستى، جەر - جەردىڭ ساۋداگەر شاقىرۋ ارناۋلى ءبانى قارقىندى جەدەلدەتۋگە تولىق دايىندالدى
ءوندىرىستى ورنىقتىرىپ، قامداۋعا كەپىلدىك ەتتى
العاشقى ايدا تارىم مۇناي الابىنىڭ مۇناي - تابيعي گاز ءونىم مولشەرى بىردەي ارتتى

توراپتا وسەك-اياڭ تاراتۋشى باسىنا پالە تاۋىپ الدى

جولدانعان ۋاقىتى : 2016/3/28 12:38:00

ءتىلشىمىز فان چۇنحاي 

         توراپ تۇرمىسىمىزعا زور قولايلىلىق الا كەلدى، الايدا، توراپتان پايدالانعاندا   مادەنيەتتى  بولىپ، ءسوزسىز، قاتىستى ەرەجە-تارتىپكە بويسۇنۋىمىز كەرەك. 14-ناۋرىزدا ءدوربىلجىن اۋدانىنداعى ۋاڭ xx تىڭ توراپتان پايدالانىپ، دوستىق شەڭبەرىندە وسەك-اياڭ تاراتىپ، قوعام حاۋىپسىزدىگى تاراۋى جاعىنان جازالانۋى توراپتا زاڭعا قايشى ارەكەتپەن شۇعىلدانۋدىڭ سوڭى اۋىر زارداپقا سوقتىراتىندىعىن ۇعىندىردى. 

    14-ناۋرىز ساعات 14 مولشەرىندە ءدوربىلجىن اۋداندىق قوعام حاۋىپسىزدىگى مەكەمەسى ۋيچاتتاعى اتى ۋاڭ xx ەسىمدى ازاماتتىڭ دوستىق شەڭبەرىندە قوعامدا كەرى اسەر تۋدىراتىن مازمۇنداعى جولدامالاردى تاراتىپ، توراپتاستاردىڭ كەڭىنەن تاراتۋىن وتىنگەندىگىن بايقاپ قالادى. جاعدايدان حاباردار بولعان ءدوربىلجىن اۋداندىق قوعام حاۋىپسىزدىگى مەكەمەسى مۇنداي « قوعامنىڭ الەۋمەتتىك ءتارتىبىن بىلىقتىرۋعا » ۇرىنعان توراپتا زاڭعا قايشىلىق جاساۋ ارەكەتىنە قاراتا، قاتىستى كۇشتەردى ۇيىمداستىرىپ دەرەۋ تەكسەرۋ جۇرگىزەدى. 

    ماڭىزدى ءجىپ ۇشىنا يە بولعان سوڭ 12 ساعات جۇمساپ، 15-ناۋرىزدا ۋاڭ xx تى قولعا تۇسىرەدى. تەكسەرۋ ارقىلى ۋاڭ xx تىڭ ايماعىمىزدىڭ « توك پەن قۇدىقتى تىزگىندەۋ » ساياساتىن تولىق تۇسىنبەي، سۋ باعاسىنىڭ جوعارىلايتىندىعىن ەستي سالىپ، انىق-قانىعىنا وي جۇگىرتپەستەن، نارازىلىق ءبىلدىرىپ، ۋيچاتتاعى دوستىق شەڭبەرىندە كەرى ۇگىت جۇرگىزگەندىگىن بايقاعان. 

    ۇعىسۋعا قاراعاندا، « توك پەن قۇدىقتى تىزگىندەۋ » ساياساتى جاڭادان قوسىلاتىن  توك قۇدىق پەن جاڭالاناتىن توك قۇدىقتى قاتاڭ تىزگىندەپ  جانە  باسقارىپ، جەر  استى سۋىنان بەتالدى پايدالانۋدى تەجەۋ ءۇشىن شىعارىلعان ساياسات ەكەن. 

    ءدوربىلجىن اۋداندىق سۋ ىستەرى مەكەمەسىنىڭ باستىعى مىڭ شياۋيۇڭ: « بيىل ايماعىمىز سۋ بايلىق قاينارى اقىسى مەن سۋ اقىسىنا رەتتەۋ جۇرگىزىپ، شينجياڭ ۇيعۇر اۆتونوميالى رايوندىق پارتكوم كەڭسەسى تاراتقان ( 2015-جىلعى ) 12-ءنومىرلى حۇجاتى جانە اۆتونوميالى رايوندىق دامۋ-رەفورمالاۋ كوميتەتى، قازىنا مەڭگەرمەسى، سۋ ىستەرى مەڭگەرمەسىنىڭ تاراتقان شينجياڭ ۇيعۇر اۆتونوميالى رايوندىق دامۋ-رەفورمالاۋ كوميتەتىنىڭ اۋىل شارۋاشىلىق ونىمدەرىنىڭ باعاسىن رەتكە سالۋ جونىندەگى ( 2015- جىلعى ) 1724-ءنومىرلى حۇجاتىنىڭ تالابىنا ساي، ءدوربىلجىن اۋدانى ەكىنشى رەت كوتەرەگە العان جەر، مەملەكەت باسقارۋىنداعى ەگىن، مال شارۋاشىلىق الاڭدارىنداعى جۇمىسشى – قىزمەتشىلەر كوتەرەگە العان جەر، مالشىلاردى وتىرىقتاندىرۋ تۇيىنىندەگى شاپپالىق جەر، 5 پايىزدان تومەنگى زاپاس جەر، الەۋمەتتىك يگىلىك ورمانى مەن ەكولوگيالىق ورمانداردى سۋارۋ ءۇشىن جەر استى سۋىنان پايدالانسا، 2016-جىلى 1-قاڭتاردان باستاپ، جەر استى سۋىنىڭ باعاسى بۇرىنعى  ءار  تەكشە  مەترى 0.01 يۋاننان 0.03 يۋانعا جوعارىلاعان؛ مەملەكەت مەنشىگىندەگى جەر، 5 پايىزدان جوعارى زاپاس جەردى سۋارۋ ءۇشىن جەر استى سۋىنان پايدالانسا، جەر استى سۋىنىڭ باعاسى بۇرىنعى ءار تەكشەمەترى 0.01 يۋاننان 0.4 يۋانعا ورلەگەن؛ الايدا، ايماعىمىزدىڭ تالاي جىلدان بەرگى جەر استى سۋىنان پايدالانۋ مولشەرى شەكتەن اسىپ كەتكەندىكتەن، جەر استى سۋىنىڭ دەڭگەيى تومەندەپ، ەكولوگيالىق ورتاسى اۋىر دارەجەدە بۇلىنگەن، وسىنداي جاعدايدى وڭاۋ ءۇشىن، ايماقتىق پارتكوم مەن اكىمشىلىك مەكەمەسى ەكولوگيالىق ورتا قۇرىلىسىنا باسا ءمان بەرىپ، قاتىستى تاراۋلاردىڭ قاتىستى ايماق، وبلىستاردىڭ جەر استى سۋىن قالىپتان تىس پايدالانۋ جاعدايى مەن بەلگىلەگەن قاتىستى ساياساتىنا جان-جاقتىلى تەكسەرۋ جۇرگىزۋدى تالاپ ەتۋ ارقىلى ايماعىمىز جان-جاقتىلى دالەلدەۋ، ەسەپتەۋ جانە باعالاۋدان وتكىزۋىندە تارباعاتاي ايماقتىق دامۋ – رەفورمالاۋ كوميتەتىنىڭ ( 2015–جىلعى ) 85-ءنومىرلى حۇجاتى بويىنشا ءار تەكشەمەتر سۋدان 0.8 دە ءبىر يۋانعا دەيىن اقى الۋدى بەلگىلەدى، مۇندا اقى الىناتىن جەر كولەمى مەملەكەت مەنشىگىندەگى جەر مەن كوللەكتيۆ جەردىڭ 5 پايىزىنان جوعارى زاپاس جەرلەرىنە قاراتىلعان بولىپ، شارۋالاردىڭ ەكىنشى رەت قايتالاي كوتەرەگە العان جەرى سياقتىلار ىقپالعا ۇشىرامايدى » دەدى. 

    توراپتان پايدالانىپ دوستىق شەڭبەرىندە وسەك-اياڭ تاراتقاندىعىنا قاتتى وكىنگەن ۋاڭ  xx: « سۋ باعاسىنىڭ 90 دا 100 نەشە يۋانعا قىمباتتايتىندىعىن ەستىپ، وزىمدەگى 100 مۋ جەرگە ءار جىلى 20 دا 30 مىڭ يۋان ارتىق اقشا تولەيدى ەكەنمىن دەپ قاتە ءتۇسىنىپ، ۋيچاتتاعى دوستىق شەڭبەرىنە جولداعان ەدىم. مەن قاتەلىگىمدى تانىدىم، بۇدان كەيىن مۇنداي ينفورماتسيالاردى تاراتپايمىن، باسقا سالاداعىلار مەن شارۋالاردىڭ وسىنداي ناشار ينفورماتسيالاردى  تاراتپاۋىن  ءۇمىت ەتەمىن» دەدى. 

    لي xx دوستىق شەڭبەرىنەن ۋاڭ xx تىڭ جولداعان ينفورماتسياسىن كورگەن سوڭ، كوپ ويلانباستان جالعاستى تاراتىپ الەۋمەتتىك ءتارتىپتى بىلىقتىرىپ، اۋىر ناشار ىقپال تۋدىرعان. ءدوربىلجىن اۋداندىق قوعام حاۋىپسىزدىگى مەكەمەسىنىڭ تاربيە بەرۋىندە لي xx ماسەلەنىڭ توتەنشە اۋىر ەكەندىگىن تانىپ جەتتى. 

    لي xx: « ۇيدە نەمەرەمدى ويناتىپ ءجۇرىپ، فولفونىمنان شارۋالارعا قاتىستى سۋ باعاسىنىڭ وسەتىندىگى جونىندەگى ينفورماتسيانى كورىپ، سۋدىڭ باعاسى قانشا ارزان بولسا، سونشا جاقسى دەگەن ماقساتپەن، بۇل ينفورماتسيانى جالعاپ تاراتىپ قويعان ەدىم، بۇدان كەيىن مۇنداي ينفورماتسيالارعا سەنبەيمىن، قوعامعا كەسىرىن تيگىزەتىن مۇنداي ينفورماتسيالاردى بۇدان كەيىن استە جالعاپ تاراتپايمىن » دەدى. 

    ءدوربىلجىن اۋداندىق قوعام حاۋىپسىزدىگى مەكەمەسى زاڭ –ءتۇزىم ۇلكەن اترەتىنىڭ باستىعى ماۋ يۇيجى: « تەكسەرۋ بارىسىندا ۋاڭ  xx كەيبىر وسەك-اياڭداردى ەستىپ، دۇرىس-بۇرىسىنا وي جۇگىرتپەستەن وسى جالعان ينفورماتسيانى جازىپ دوستىق شەڭبەرىنە تاراتقاندىعىن مويىندادى. ۋاڭ xx تىڭ ارەكەتى قىلمىستىق ىستەر جاۋاپكەرلىگىن قۋزاستىرۋعا شارتى تولمايتىندىقتان، ‹جۇڭحۋا حالىق رەسپۋبليكاسىنىڭ قوعام اماندىعىن باسقارۋ جازا زاڭىنىڭ› 26-تارماعىنىڭ 4-تارماقشاسىنداعى بەلگىلەمەسى بويىنشا وعان اكىمشىلىك جاقتان قاماي تۇرۋ جازاسى بەرىلدى » دەدى. 

     ماۋ يۇيجى: «توراپتىق  ورتا دا الەۋمەتتىك ورتا سانالادى، توراپتىق ءتارتىپ-ءتۇزىم دە قوعامدىق ءتارتىپ–ءتۇزىمنىڭ ءبىر ءبولىمى،سوندىقتان قالىڭ توراپتاستاردىڭ توراپقا ينفورماتسيا شىعارۋدا ەرەكشە قىراعى بولىپ، كەيبىر وسەك-اياڭداردى تاراتپاۋىن ءۇمىت ەتەمىز» دەدى. 

ۋاڭ xx تىڭ ارەكەتىنەن ساباق العان توراپكەر جۋ يۇيلين: «قازىر توراپتا كوپتەگەن كەرى جاقتان ۇگىتتەۋ مازمۇندارى بار، مۇنداي ىستەردى استە قولداۋعا بولمايدى،تاراتۋعا ءتىپتى دە بولمايدى. وزىمىزدەن باستاپ كىرىسىپ،قوعامداعى وڭ ەنەرگيالاردى تاراتۋىمىز كەرەك» دەدى. 




رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.





رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn