ەرىكتى ءتىلشى جياڭ حۇڭ حابارلايدى. ءۇي ىشىندە ءۇي جيھازدارى رەتتى قويىلىپ، تەرەزەلەر ايناداي جارقىراپ، تەرەزە جاقتاۋىندا الۋان گۇلدەر قاۋلاي وسسە، ءۇي سىرتىندا كوكونىس باقشاسىنداعى دوعاشا قالتقىدا وسىرىلگەن سارىمساق جەۋگە كەلىپ، اس جۋانىڭ بيىكتىگى 15 سانتيمەترگە جەتىپتى...
جۋىقتا ساۋان قالاسى ليۋماۋۋان قالاشىعى ليۋماۋۋان جاڭا قىستاعىنىڭ تۇرعىنى جياڭ بونىڭ وتباسىنا بارعانىمىزدا بارلىق جەردەن جالىندى تىرشىلىك لەبى ەسىپ تۇر ەكەن.
”بىلتىر ءبىر دوعاشا قالتقىدان ءبىر توننا كوكونىس الىپ، ءوزىمىز جەۋدەن سىرت، 2000 يۋاننىڭ كوكونىسىن ساتتىق. بيىل تاعى ءبىر دوعاشا قالتقى سالدىم، ەكى دوعاشا قالتقى 2 فىن كولەمىندە بولىپ، نەگىزىنەن اس جۋا، قيار، باكلاجان، شىتىرشىق سياقتىلار ەگىلەدى. تاعى ءبىر كوكونىس دۇكەنىمەن نەمەسە اسحانامەن بايلانىس جاساپ، ءوزىمىز ەككەن جاسىل كوكونىسپەن قامداپ، كىرىسىمدى ۇزدىكسىز ارتتىرۋعا قۇلشىنامىن“ دەدى جياڭ بو نىق سەنىممەن.
جۋىق جىلداردان بەرى ليۋماۋۋان جاڭا قىستاعىنىڭ تۇرعىندارى قىستاق “ەكى كوميتەتىنىڭ” باستاۋىندا، ءوز اۋلالارىنداعى بوس تۇرعان جەرلەردى ىڭعايلاستىرىپ، دوعاشا قالتقى سالىپ، كوكونىس ەگىپ، ءوز قاجەتتەرىن تولىق قامداۋدان اسقان كوكونىستەردى قىستاق تۇرعىندارىنىڭ كىرىستەرىن ارتتىرۋ جولىنىڭ بىرىنە اينالدىردى.
“قازىر ءبىز ءۇرىمجى جيۋديڭ تولايىم ساتۋ بازارىمەن كەلىسىم جاساپ، قىستاق تۇرعىندارىنىڭ شاعىن كوكونىس باقشاسىن ءبىر تۇتاس جوبالاپ، ءبىر تۇتاس ەگىپ، ءبىر تۇتاس باسقارىپ، ءبىر تۇتاس ساتىپ، شارۋالاردىڭ شاعىن اۋلاسىن شارۋالار كىرىسىن ارتتىراتىن ‘اسىل ساندىققا’ اينالدىرماقشىمىز” دەدى ليۋماۋۋان جاڭا قىستاعى بانچياۋ گرۋپپاسى پارتيا ياچەيكاسىنىڭ شۋجيى جاڭ فاڭ.
حۇيمينچۇي جاڭا قىستاعى تاۋجياجۋاڭ گرۋپپاسىنىڭ تۇرعىنى چىن ىنفۋ اۋلا باعىمشىلىعىن دامىتىپ، يگىلىگىن كورۋشىلەردىڭ ءبىرى. 2022 -جىلى ول دولان، سافىكى سياقتى ەكى ءتۇرلى سورتتى قويدان 32 تۇياق جانە 26 جەرگىلىكتى تاۋىق ەنگىزىپ، جىلدىق كىرىسىن 40 مىڭ يۋانعا جەتكىزدى. ول: ”بيىل تاعى 30 اسىل تۇقىمدى قوي ەنگىزىپ، اۋلا شارۋاشىلىعىنان كىرەتىن كىرىسىمدى ءبىر ەسە ارتتىرماقشىمىن“ دەدى.
قازىر ليۋماۋۋان قالاشىعىنىڭ ءارقايسى قىستاقتارىنداعى قىستاق تۇرعىندارى 820 دوعاشا قالتقى سالىپ، كوكونىس ەكسە، 1200 دەن استام قىستاق تۇرعىنى اۋلا باعىمشىلىعىن دامىتتى.
ليۋماۋۋان قالاشىعى پارتكومىنىڭ ورىنباسار شۋجيى شيڭ جۇن: “بيىل قالاشىعىمىز قىستاق تۇرعىندارىن جەرگىلىكتى جاعدايعا قاراي ىستەۋگە كۇش سالا جەتەكتەپ، اۋلا باعىمشىلىعى، ەگىنشىلىك سياقتىلاردى زور كۇشپەن دامىتىپ، كاسىپ كۇيى مول ‘ۇساق شارۋاشىلىقتىڭ’ اۋىل -قىستاقتى گۇلدەندىرۋگە تىڭ تىنىس قوسۋىنا مۇمكىندىك جاساپ، قىستاق تۇرعىندارىنىڭ كىرىسىن ارتتىرۋ ارناسىن ەڭ جوعارى شەكتە كەڭەيتتىك” دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى