ەەڭ جاڭا مازمۇندار
ۇلتتار ىنتىماعىنىڭ جارقىن كەلبەتى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماقتىق پارتكومنىڭ وزەكتى گرۋپپاسى 20-رەتكى كوللەكتيۆ ۇيرەنۋىن وتكىزدى
ونەردەن ومىرگە جالعاسقان دوستىق
كورىكتى اۋىل-قىستاق قۇرۋعا ات سالىستى
ەمدەۋ ارقىلى جۇرتشىلىققا تيىمدىلىك اكەلدى
قوقسىقتى تۇرگە ايىرىپ ءبىر جايلى ەتۋ ۇگىتىن ورىستەتتى
جۇڭگو ارمانىن قالاي ءتۇسىنۋ كەرەك
جاراسىمدى، باي-باقىتتى ورتا جاراتۋدا باس نىساناعا تاباندى بولۋىمىز كەرەك
ساياحاتشىلاردى قىزۋ قارسى الدى
شاعىن قىستاقتا ادامگەرشىلىكتىڭ تۋى جەلبىرەدى
2018-جىلى 6-ايدىڭ 14-كۇنى
تولىقسىعان تولى
ەلەكتروندى ساۋدا تەكشەسى شارۋالاردىڭ اۋقاتتانۋىنا سارا جول اشتى
2018-جىلى 6-ايدىڭ 13-كۇنى
بۇقاراعا قولايلىلىق جاراتتى
ءداستۇرلى تاعامداردى جاساۋ جارىسىن وزدىردى
بۇقارانىڭ تۇرعىن ءۇي قيىنشىلىعىن شەشىم ەتتى
پارتياعا ابسوليۋتتى ادال كادر بولايىق
اۋەلگى ماقساتتى ۇمىتپاي، مىندەتتى ادالدىقپەن اتقارىپ، قوعام ورنىقتىلىعىن قورعاۋدىڭ قۇرىش قامالىن سوعايىق
اۋەلگى ماقساتتى ۇمىتپاي، بورىشتى ەستە بەرىك ساقتايىق
«بۇل اراعا كەلگەن ەكەنبىز، جۇرتشىلىققا يگى ءىس ىستەپ بەرۋگە بار كۇشىمىزدى سالامىز»
«سەندەر باردا مەن الاڭسىز جۇمىس ىستەيمىن»
«پارتيا قۇرىلىسى جاعىندا شينجياڭعا كومەكتەسۋ +» قىزمەتى جۇرتشىلىققا تيىمدىلىك اكەلدى
2018-جىلى 6-ايدىڭ 12-كۇنى
قىزمەت اترەتىنىڭ رولىن شىنايى ساۋلەلەندىردى
قىزمەت وتەۋ ونىمدىلىگىن جوعارىلاتىپ، حالىققا قولايلىلىق جاراتتى
مەيىر باعىشتاپ، كوڭىلگە مەدەت بەردى
قوستوبەدە قۇلپىرعان دوستىق گۇلى
مادەني مۇرا كۇنىن اتاپ ءوتتى

بەتاشار

جولدانعان ۋاقىتى : 2017/4/27 12:11:15

جۇمان اقتوبەتوۆ

كەرىم دالا كەشەگى،
تاۋ ەتەگى  دەسەدى.
قىردان-قىردى قۋالاپ،
ەركە سامال ەسەدى.
سول ولكەدە ەلىتىپ،
ەركىن وسكەن ەلىم-اي،
كوگاراي شالعىن بەلىم-اي،
جۋسانى جۇپار جەرىم-اي،
جاعاسى جايساڭ كولىم-اي!
سارقىراعان سارىنى،
ورەكپىگەن وزەنىم.
وزەن بويلاپ قوناتىن
قوناقۋار ءوز ەلىم.
ءوز ەلىم عوي ماقتانىم،
بالىق باۋىر اق تاڭىم.
قاراشادا قار جاۋىپ،
اق بوران تۇرعان اقپانىم.
كۇركىرەگەن كوكتەمدە،
نايزاعاي ويناپ وتكەندە،
كوشكىن كوشىپ، سەڭ ءجۇرىپ،
قاق ايرىلعان مۇزدار-اي!
ۇشار باسىن كۇن ءسۇيىپ،
شالقاق جاتقان قۇزدار-اي!
وسىنىڭ ءبارى اسىلىڭ،
ماپەلەسىن عاسىرىڭ.
توعاناعىن تولىقتاپ،
كوشىپ كەلگەن قىزدار-اي،
ەل مەن جەرگە ءبىر سالەم!
ساۋكەلەسى جاراسىپ،
ءبىر-بىرىنە قاراسىپ،
قىزدار قورشاپ اكەلدى،
كورىڭدەر دەپ كەلىندى،
كورىڭدەر دەپ كەرىمدى.
قاز مويىنى ءيىلىپ،
قالام قاسى قيىلىپ،
كەلىن كەلدى كورىكتى.
قىزعالداقتاي قىز ەدى-اۋ،
ۇكىلەپ كيگەن بورىكتى.
ءۇرىپ ۇرتتاپ ساۋمالدى،
ءۇزىپ جەگەن ورىكتى.
تىڭدا كەلىن جالىقپا،
قازىنا بار حالىقتا،
جوق نارسەگە تارىقپا.
كىندىكتى مىنا ولكەدە
جاقسىلىق ورگەن جامىراپ،
ءوزىڭ تۇسكەن جانۇيا
كيەلى قارا شاڭىراق.
قارا شاڭىراق ەجەلدەن،
وسىرگەن تالاي اۋلەتىن.
ايدىندى ەتىپ كورسەتكەن،
سالتاناتىن، ساۋلەتىن.
قارا شاڭىراققا ءبىر سالەم!

تىڭدا كەلىن قايتالاپ،
ەمەس مۇنىم جاي تالاپ.
«ءورىسىمدى ۇزارتقان،
وڭ جاعىمدى قىزارتقان،
ۇل مەن كەلىن ماقتانىم،
جەمىسىندەي تاقتانىڭ.
ۇل مەن كەلىن جارقىنىم،
جارقىراعان التىنىم»
دەپ قۋانعان اتا-ەنەڭ.
اتا-ەنەڭدى بىلەمىز،
ءتورت-تۇلىگى ساي كىسى،
جونى قالىڭ باي كىسى.
ۇيدەن ۇيگە كوشە مە؟
قاتارداعى جاي كىسى.
اتا-ەنەڭە ءبىر سالەم!

ەرجىگىتتىڭ ءبىر جۇرتى
ناعاشىنىڭ اۋىلى.
جيەنىم دەپ ايمالاپ،
ەلجىرەگەن باۋىرى.
ناعاشىدا جيەننىڭ
قىرىق شۇبار تايى بار.
وسى تويدا سول تايدى
ساناپ بەرەر جايى بار.
ناعاشىلارىنا ءبىر سالەم!
سوڭىنان ەرگەن ءىنىنىڭ
ىزىمەن بارىپ ءسوز سالعان.
توڭىرەگىنە توڭكەرىپ،
ءالسىن-ءالى كوز سالعان.
جىگىتىڭنىڭ اعاسى،
وقالى توننىڭ جاعاسى،
وردالى تاۋدىڭ ساعاسى.
بىلە ءجۇر مۇنى اق كەلىن،
ساۋىسقانداي ساق كەلىن،
كەلىن شاي بەرىپ قولىڭنان،
اتالارسىڭ  ناق كەلىن.
قايىن اعاڭا ءبىر سالەم!

وزىڭدەي وقشاۋ كيىنىپ،
سالت-ساناعا ءسۇيىنىپ،
كەلگەن كەلىن ىلگەرى،
سەن كەلەت دەپ بىلگەلى،
جاساۋىڭدى بۇتىندەپ،
تىك ۇشسا ەكەن ءتۇتىن دەپ،
اۋىل تويىن اتقاردى،
اعايىندى كۇتىمدەپ.
ول عوي ساعان ابىسىن،
تاتۋ بولسا ابىسىن،
ءبولىسىپ الار تابىسىن.
ابىسىنعا ءبىر سالەم!

تالدى بۇلاق، كوك بۇلاق،
كول جاعاسى كوپ قۇراق.
بۇلدىرگەندى جىلعا، ساي،
اي سۇلۋدىڭ سىرعاسى-اي!
«قوش-امان بول، باۋىرىم،
قوش امان بول، اۋىلىم»
دەپ سىڭسىعان اپكەسى.
قايىن اپكەڭە ءبىر سالەم!

ەر-تۇرمانىن تۇگەندەپ،
جورعا مىنگەن جۇگەندەپ.
اڭگىمەسىن اعىتىپ،
بالدىزدارىن قاعىتىپ،
قايىن جۇرتىم دەگەندە
اقتارىلىپ قالاتىن،
ءبارىن ءبىر-اق سالاتىن.
جەزدەڭىزگە ءبىر سالەم!

جاعا-جەڭىن تۇزەتىپ،
قىزدى اۋىلدى كۇزەتىپ،
جەڭىل-جەلپى ازىلدەپ،
ءان مەن جىرىن ازىرلەپ،
قاعاناعى قارىق بوپ،
ساعاناعى سارىق بوپ،
قۋتىڭداعان  قاينىڭا
ءيىلىپ تۇرىپ ءبىر سالەم!

تاڭدا تۋعان شولپانداي،
كولدە ويناعان شورتانداي،
كوك كويلەگى كولبىرەپ،
ەت باۋىرى ەلجىرەپ،
الدى-ارتىڭا ورالعان،
كوكىرەگىندە مول ارمان،
بۇلىقسىعان بۇلاقىز
قايىن سىڭلىڭە ءبىر سالەم!

تاڭداپ تاپقان جىگىتىڭ،
ۇكىلەگەن ءۇمىتىڭ،
ءبىر اۋىلدىڭ ماقتانى،
اعارىپ اتقان اق تاڭى،
ونىڭ داعى دوسى بار،
قاتارىڭا قوسىپ ال.
قاز-قاتار بوپ كەلەدى،
قول قۋسىرىپ توسىپ ال.
دوس-قۇربىڭا ءبىر سالەم!

ءبارىن بىردەن اداقتاپ،
مايدا اۋەنمەن ماداقتاپ،
تانىستىردىم، اۋەلى،
جاڭا جۇرتتا، كەلىنجان،
بايتەرەك بول ماۋەلى.
مەن تىلەدىم اق تىلەك،
مەنى وسىرگەن تاۋ ەلى.
ماعان داعى ءبىر سالەم!
  رەداكتورى: اراي ەركىن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.