ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

كولەڭكەسىن قورەك ەتكەن ادام

جولدانعان ۋاقىتى : 2017/3/20 12:54:50

لەي بارلەي (ارگەنتينا)
 
   كەشكى تاماق مەزگىلى بولاتىن،اسحاناعا ۇزىن بويلى،جىلى ءجۇزدى،بەت الپەتىندە ءبىراز يمەنۋ مەن شاراسىزدىقتىڭ بەلگىسى بار ءبىر ادام كىرىپ كەلدى.

   ول جەڭىل باسىپ الدىعا شىقتى دا ساڭقىلداپ سويلەي جونەلدى:

   -قۇرمەتتى حانىمدار مەن مىرزالار، پاقىرلارىڭىزدىڭ سىزدەرگە بۇرىن ەشكىم بايقاماعان ءبىر حيكمەت كورسەتكەلى كەلىپ تۇرعان جايى بار،بىرنەشە جىلدان بەرى  مەن ءوزىمنىڭ كولەڭكەمە قىزىعا اۋەستەنىپ،بەرىلە زەرتتەۋ جۇرگىزدىم، بۇگىن سونىڭ ءمان-جايىن سىزدەرگە كورسەتىپ، قالاۋلارىڭىزدان شىقسام دەگەن ءۇمىتىم بار، مىنەكي،مەنىڭ جانىمنان ەكى ەلى ايرىلماس،ومىرلىك جان سەرىگىم بولعان كولەڭكەمنىڭ ناقتىلى بەينەسىن تاماشالاڭىزدار!

   ول ءۇي ءىشىن الاكولەڭكەلەپ جانىپ تۇرعان شام جارىعى ىشىندە اقىرىن باسىپ تامنىڭ جانىنا باردى دا سىرىقتاي ۇزىن  بويىنىڭ كولەڭكەسىن اپ-انىق ەتىپ قابىرعاعا ءتۇسىردى. زال ءىشى ءۇنسىز تىنىشتىققا شومىپ، وتىرعان جۇرت «ءسىرا،نە بولار ەكەن؟» دەگەندەي مويىندارىن سوزىپ اڭتارىلا قاراستى،سوسىن ول بەينە  ۇشاتىن كەپتەر قۇساپ قومدانىپ، ەكى قولىن جۇپتاستىرىپ الىپ ءنومىر جاريالاي باستادى:
 

   -اتتى ساربازدار قامالدان سەكىرسىن!

   دەرەۋ اتتى جاساقتىڭ بەينەسىندەگى كولەڭكە قابىرعادان جارق ەتە قالدى.

   -قوياندار كوكونىس جەسىن!

      ىلە-شالا قوياننىڭ بەينەسىندەگى كولەڭكە پايدا بولدى دا كوكونىستى كەمىرە باستادى.

   -ەشكىلەر تاۋعا شىعىڭدار!

   ايتقانىنداي ەشكىنىڭ بەينەسىندەگى  كولەڭكە بەتكەيدە جايىلا باستادى.

   -مەن قازىر وسى جارق ەتىپ عايىپ بولعان قىسقا كورىنىس ارقىلى سىزدەرگە جەكە دارا تىرشىلىك ەتۋ قابىلەتىنە يە،  دىبىسسىز جاڭا ءبىر دۇنيەنى كورسەتەتىن بولامىن.

   ول وسىنى ايتىپ بولدى دا تام قابىرعاسىنان الىستاي باستادى، كولەڭكەسى ويىن كورسەتۋ ءۇشىن اشەكەيلەپ قويعان جەرگە جەتكەنشە سوزىلا ءتۇستى.

   - قۇرمەتتى قوناقتار،مەن كولەڭكەمە وزىمنەن اۋاشا،دارا تۇرمىس كورسەتۋ  ءۇشىن ۇقساماعان تاجىربيەلەر جاساپ  كوردىم،مەن وعان از عانا بۇيرىق بەرسەم بولدى،ول ءار ءتۇرلى تىرشىلىكتىڭ  بەينەسىنە ەنە الادى... ءتىپتى،تاماق تا جەي الادى! مەن دەرەۋ سىزدەرگە ونى دا كورسەتەيىن، قانە، كوپشىلىك وعان قانداي جەيتىن نارسە ۇسىنار ەكەن؟

   - ءما،وعان مىنا كۇركە تاۋىقتىڭ ەتىنەن جەگىز،-داۋىسى قۇلاق تۇندىرارداي بىرەۋ گۇر ەتە ءتۇستى.

   كوپشىلىك دۋ كۇلدى. ول قولىن سوزىپ تاباقتى الدى دا داۋالعا قاراي ءجۇردى، كولەڭكەسى دە ىلەزدە اشەكەيلەنگەن تاقتايدىڭ ۇستىنەن جيىرىلىپ كەپ،ونىڭ  دەنەسىنە جابىسارداي دارەجەدە جاقىنداسا قالدى،كوپشىلىك اپ-انىق كورىپ تۇر، ونىڭ دەنەسى قوزعالعان جوق، كەرىسىنشە الگى كولەڭكە جىڭىشكە،سيديعان ەكى  قولىن تاباققا قاراي سوزىپ، ەتتى اقىرىن الىپ، اۋزىنا اپاردى دا جەي باستادى...

   - شىنىندا،كەرەمەت!

   - ءيا،ءسىز بۇعان سەنبەيسىز بە؟

   - وي،ءتاۋبا! حانىم، مەن ءۇش جاستاعى بالا ەمەسپىن عوي!
  
   - الايدا،ءسىز بۇل ويىننىڭ شىنىمەن حيكمەت ەكەنىن مويىنداماي قويمايسىز، سولاي ما؟

- المۇرت، كورىپ تۇر، ونىڭ المۇرت جەگەندەگى بەينەسى ءتىپتى دە كەرەمەت!

   - وتە تاماشا،قۇرمەتتى حانىمدار مەن مىرزالار، قازىر ول كەپتىرىلگەن تاۋىق  ەتىن جەمەكشى، رەنجىمەي بىرەۋىڭىز  ماعان قول سۇرتەتىن قاعاز بەرسەڭىزدەر، راقىمەت!

   مايدانداعى بۇكىل ادام قىزىق كورۋ  ءۇشىن الدىعا قاراي ەنتەلەي ۇمتىلدى.

   -وعان ءبىراز قارما ناننان جەگىز، كولەڭكەڭ ارىقتاعاندا تىرتيىپ قالىپتى.

   - ءاي، سيقىرشىم، كولەڭكەڭ اراق ىشە مە؟ مىنا ءبىر رۋمكا اراقتى بەر،   ءىشىپ ءبىر جادىراپ قالسىن.

- حا... حا... حا... كۇلگەندە ىشەگىم تۇيىلەيىن دەدى.

   كولەڭكە شىبىن شاققان قۇرلى كورەتىن ەمەس، ءىش دەسەڭ ءىشىپ، جە دەسەڭ جەپ جاتىر. كوپ وتپەي الگى ادام شىراقتى تۇگەل جاقتى، بەينەسى ءسال جابىرقاڭقى، ءوڭى اپپاق بوپ قۋارىپ كەتىپتى.

   ول ىقىلاستى تۇردە:

   - قۇرمەتتى كوپشىلىك، بۇنداي ءتىلسىم ويىننىڭ باسقالاردى كۇمانداندىرىپ ءارى وڭاي كۇلكىگە قالدىراتىنىن مەن ابدەن بىلەمىن، الايدا، بۇل ماڭىزدى ەمەس، كولەڭكە ادامنان دەربەس ءومىر سۇرەتىن مۇنداي ماعىنالى تاجىربيە كۇندەردىڭ ءبىر كۇنى مويىندالاتىن جانە ماداقتالاتىن بولادى، ەگەر كۇماندانۋشىلار بولسا،مەن جۇرەر كەزدە كەلىپ ونە بويىمدى اقتارىپ، ەشقانداي ءبىر زات جاسىرماعانىمدى تەكسەرىپ كورۋىنە بولادى،سىزدەردىڭ بۇگىنگى جومارتتىقپەن ۇسىنعان نارسەلەرىڭىزدىڭ بارلىعى مەنىڭ كولەڭكەمنىڭ ازىعى ءۇشىن عانا، بۇل بەينە پاقىرلارىڭىزدىڭ ەسىمى بارون. كاميلو بولعانى سياقتى بۇكىلدەي راس دۇنيە.

   - كوزىڭە سايتان كورىنگىر،جوعال!

- كىم سەنىڭ ونە بويىڭدى  تىنتەدى ەكەن؟!

   - سيقىرعا ابدەن تويدىق، قانە ءبىراز مۋزيكا قويىڭدارشى!

   بارون. كاميلونىڭ شىن اتى حۋان. مارينو بولاتىن، ول ءۇش جاعىنا بىردەي ءيىلىپ تاعىزىم ەتتى دە، ءار قادامىن اسىقپاي باسىپ اسحانادان سىرتقا شىقتى، گۇل باقشانىڭ قاسىنا جەتكەن كەزدە بىرەۋ بىلەگىنەن شاپ بەرىپ ۇستاي الدى.

   -كوزىمە كورىنبەي دەرەۋ جوعال!- ساقشى وعان قاتاڭ تۇردە ەسكەرتتى.

   -ەندى ماعان ۇستالساڭ كولەڭكەڭمەن بىرگە جۇرەلەپ وتىرىپ، ساقشى مەكەمەسىندە تاڭ اتىراتىن بولاسىڭ.

   ول ءۇنسىز عانا باسىن يزەدى دە اقىرىن كەتىپ قالدى، كوشەنىڭ بۇرىشىنان اينالا بەرە دەنەسىن تىك ۇستاپ، ءجۇرىسىن تەزدەتىپ ۇيىنە تارتتى.
  
   - سەن كەلمەي مىنا تەنتەكتەردىڭ   ۇيىقتايتىن ءتۇرى جوق، شارشاتىپ ولتىرەيىن دەدى!

   شاشتارى التىنداي سارى ەكى جۇگىرمەك ونى ەركەلەي كەلىپ قارسى الدى،كىشكەنتاي قىز تاياپ كەلىپ اقىرىن عانا:

   -بىردەڭە اكەلدىڭ بە؟- دەپ سۇرادى. ول ءلام دەمەستەن قويىنىنان قاباتتالعان قول سۇرتەتىن قاعازدى،ىلە-شالا كەپتىرىلگەن تاۋىق ەتىن،بىرنەشە قارما نان جانە ەكى تال كۇمىستەن سوعىلعان كىلتتى الىپ شىقتى.

كىشكەنتاي قىز تاماقتاردى تۋراپ تاباققا سالدى دا ەكى باۋىرىمەن بىرگە جەي باستادى.

   -اكە، سەن ءوزىڭ جەمەيسىڭ بە؟

   -جوق،- ول باسىن كوتەرمەستەن جاۋاپ بەردى.

   - سەندەر جەي بەرىڭدەر، مەن جەپ العامىن.

   حۋان. مارينو تەرەزەنىڭ الدىنا كەلىپ وتىردى، ەشتەڭەدەن حابارى جوق شىرت ۇيقىدا جاتقان تۇنگى قالانىڭ توبەسىنەن كوز الماي قاراپ تۇرىپ، ەرتەڭ قايدا بارىپ ويىن كورسەتەتىنى جايلى ويعا باتتى.
 
اۋدارعان -مۇرابەك سايلاۋ ۇلى



رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn