ۇسىنىس ەتىلگەن ءتىلشى سۋ گاڭۋي
جۋىقتا ساۋان اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى شۇعىل اتتانىسقا كەلىپ، قاتىناس شىرعالاڭىن تۋدىرىپ قاشقان ياڭ xx تى 2 ساعات ىشىندە قولعا ءتۇسىردى.
2016-جىلى 27-جەلتوقسان ساعات 23 تەن 27 مينۋت وتكەندە ساۋان اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى ساۋان اۋدانىنداعى ولكە جولى 219- لەنياسىنىڭ 31.1 كيلومەترلىك جەرىندە قاتىناس شىرعالاڭى تۋىلىپ، شىرعالاڭ تۋدىرعان شوفەردىڭ كولىكتى ايداپ قاشىپ كەتكەندىگى جونىندەگى دەلو مالىمدەۋ تەلەفونىن قابىلدايدى.
تەلەفوندى قابىلداعاننان كەيىن ساۋان اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى جاقىن ماڭداعى ساقشىلار مەن 120 شۇعىل قۇتقارۋ ورتالىعىنا حابارلاپ، شىرعالاڭدى ءبىر جاقتىلى ەتۋگە جابال كىرىستى.
حالىق ساقشىلارى شىرعالاڭ تۋىلعان ناق مايدانعا بارىپ، دەلو تۋىلعاندا باسى-قاسىندا بولعانداردان جاعداي ۇعىسۋ، دەلو مالىمدەۋشىدەن ىشكەرىلەي سۇراستىرۋ جانە شىرعالاڭ تۋىلعان ناق مايداندا قالعان اۆتوكولىك سىنىقتارىنا تەكسەرۋ جۇرگىزۋ ارقىلى شىرعالاڭ تۋدىرعان كولىكتىڭ قىزىل ءتۇستى جەڭىل اۆتوكولىك ەكەندىگىن العاشقى ادىمدا تۇراقتاندىردى ءارى ىلە-شالا وسى ينفورماتسيانى ءارقايسى مىندەت وتەۋ تۇيىنىنە جولدايدى.
سول كۇنى ساعات 23 تەن 53 مينۋت وتكەندە حالىق ساقشىلارى باقىلاۋ كامەراسى ارقىلى ولكە جولى 219-لەنياسىنىڭ 30 كيلومەترلىك جەرىنەن كۇماندى كولىكتى بايقايدى. الايدا، وسى جول بولەگىندە قولعا الۋ قولايسىز بولعاندىقتان، حالىق ساقشىلارى ونىڭ سوڭىنا ءتۇسىپ، قول سالۋدىڭ تاماشا ورايىن قاراستىرادى.
2016-جىلى 28-جەلتوقسان كۇنى تاڭعى ساعات 1 دەن 23 مينۋت وتكەندە قىلمىس كۇماندىسى ساۋان اۋداندىق سۋمەن قامداۋ جانە لاس سۋ ىعىستىرۋ سەرىكتىگىنىڭ لاس سۋدى ءبىر جاقتىلى ەتۋ زاۆودىنىڭ ماڭىنا بارعاندا ساقشىلار جاعىنان مەڭگەرىلەدى. ناق مايداندا تەكسەرۋ جۇرگىزۋ ارقىلى اۆتوكولىكتىڭ الدىڭعى جاعىندا سوعىلعان ءىز بار ەكەندىگى، ونىڭ ۇستىنە، سوعىلعان جەرىندەگى بۇلىنگەن ورنى مەن شىرعالاڭ تۋىلعان ناق مايداننان تابىلعان ۇساق بولشەكتەردىڭ ءوزارا سايكەس كەلەتىندىگى انىقتالادى. قىلمىس كۇماندىسى ياڭ xx تە ءوزىنىڭ قاتىناس شىرعالاڭىن تۋدىرىپ قاشىپ كەتكەندىگىن مويىندايدى.
تەكسەرۋ ارقىلى 2016-جىلى 27-جەلتوقسان ساعات 23 تەن 20 مينۋت وتكەندە شىرعالاڭ تۋدىرعان شوفەر ياڭ xx جەڭىل اۆتوكولىگىن ايداپ، وڭتۇستىكتەن سولتۇستىك باعىتقا قاراي ولكە جولى 219-لەنياسىنىڭ 31.1 كيلومەترلىك جەرىنە بارعاندا جاياۋ ءجۇرىپ بارا جاتقان يۇي xx تى سوعىپ كەتكەنىن، جاۋاپكەرلىك ارقالاۋدان قورىققان ياڭ xx تىڭ كولىگىن ايداپ قاشىپ كەتكەنىن، شىرعالاڭدا كولىككە سوعىلعان يۇي xx تىڭ 2016-جىلى 28-جەلتوقسان تاڭەرتەڭ ساعات 11 دە قۇتقارۋ ءونىم بەرمەي جان ۇزگەندىگىن انىقتايدى.
كەزەكتە، قاتىناس شىرعالاڭىن تۋدىرىپ قاشىپ كەتپەكشى بولعان ياڭ xx زاڭ بويىنشا قولعا الىندى.
رەداكتورى: جازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.