ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

ميكەلانجەلو مەن دا ۆينچيدىڭ كوركەمونەر جاعىنداعى بەلدەسۋى

جولدانعان ۋاقىتى : 2017/1/19 13:06:51

جياڭ شۇن
 

  1500-جىل،48 جاسقا كەلگەن دا ۆينچي ‹‹ەڭ سوڭعى قوناعاسى›› اتتى تۋىندىسىن سالىپ بولعاسىن   فلورەنتسيا قالاسىنا قايتىپ بارادى. ارادا ءبىر جىل وتكەندە دا ۆينچي 26 جاستاعى ميكەلانجەلومەن كەزدەسەدى،ول كەزدە ميكەلانجەلو «حريستوسقا ازا تۇتۋ» اتتى ءمۇسىندى   بىتىرگەن ەدى،سونىمەن تاريحتاعى ەكى تەڭدەسىز ۇلى كوركەمونەرشى وسىلايشا كەزدەسەدى،ەكەۋىنىڭ جاس  پارقى  23 جاس ەدى. بۇل كەزەڭدە دا ۆينچي ءدال جاسامپازدىقتىڭ تالعار شىڭىندا جۇرگەن،ال،ميكەلانجەلو ‹‹كورمەگەن قورىقپاس،توسىلماعان تورىقپاس›› دەگەندەيىن،دا ۆينچيمەن ونەر جاعىنان ۇزەڭگى سوعىستىرماق ويىندا ءارى ونەردەگى بىردەن-ءبىر بەلدەسەتىنىم دا ۆينچي دەپ بەكيدى.
 
  دا ۆينچيدىڭ «قاسيەتتى انالى-بالا جانە قاسيەتتى اننا» اتتى تۋىندىسى فلورەنتسيا قالاسىندا كورگىزبەگە قويىلىپ،كوپشىلىكتىڭ قىزۋ القاۋىنا بولەنەدى. جاس سۋرەتشى ميكەلانجەلو بۇل تۋىندىدان شابىت العان،سونىمەن قاتار،ۇقساس تاقىرىپتاعى قاسيەتتى انا مەن قاسيەتتى بالا جايلى ءبىرقىدىرۋ جاي  سىزبا  سۋرەت  تۋىندىسىن سالادى ءارى جۇمىرتقا سارىسىنان پايدالانىپ سالىنعان  رەڭدى تۋىندى ‹‹قاسيەتتى اۋلەتتى›› دوڭگەلەك فورمادا كارتيناعا الادى.
 
  قازىر بۇل سۋرەت دۇنيە ءجۇزى بويىنشا ەڭ ايگىلى اسەمونەر سارايى فلورەنتسيا وۋفيس اسەمونەر سارايىندا ساقتالۋعا الىنعان. بۇل ميكولونجولانىڭ جۇمىرتقا سارىسىنان پايدالانىپ سالىنعان سيرەك ۇشىرايتىن بوياۋلى سۋرەت تۋىندىسى ەدى. جۇمىرتقا سارىسى بوياۋلى سۋرەت دەپ   جۇمىرتقا سارىسىنان نەمەسە جۇمىرتقا اعى جانە كەن بوياۋلارىنان تەڭشەلىپ،بۇلدىڭ بەتىنە نەمەسە اعاش تاقتانىڭ بەتىنە  سالىنعان سۋرەت  ءتۇرىن ايتادى. بۇل تۇردەگى ماتەريالدان سالىنعان تۋىندى  يتاليادا اعىمعا اينالعان. 16-عاسىرعا دەيىن جالعاسا كەلە،كەيىن فرانسيانىڭ سولتۇستىك وڭىرىنەن ەنگەن ماي بوياۋ ماتەريالدارى ورنىن باسقان.
 
  ميكەلانجەلو دوڭگەلەك پىشىندە كومپوزيتسياعا العان سۋرەتتىڭ ءدال ورتاسىنا قاسيەتتى انا ماريامدى  سىزادى،قاسيەتتى انا تىزەسىن بۇگە ارتىنا شالقالاي قوس قولىن بيىك كوتەرىپ،ارقا تۇسىندا تۇرعان يسوس پايعامباردىڭ قولىنان قاسيەتتى بالا -حريستوستى الادى. بەينەلەۋ جاعىندا دا ۆينچيمەن ۇقسامايتىن جەرى ميكەلانجەلو قاسيەتتى انا-ماريام انانى ەرلەرگە ءتان سوم   دەنەلى،كەلبەتتى سۇلۋلىعىمەن   وزگەشەلەندىرىپ،بىلەگىندەگى  بۇلشىق ەتتەردى نىعىز ءارى شىمىر بەينەلەپ شىعارادى. ول دا ۆينچيدىڭ ايەلدەرگە ءتان جۇمساق ءارى كەربەز سۇلۋلىعىن بەينەلەۋىنە كەلىسپەيتىندەي. وسىلاي ۇقساس ءبىر تاقىرىپقا شىمىر ءارى سوم  دەنەلى ەركەك  ءبىتىمىنىڭ ەستەتيكالىق ەرەكشەلىگىن بەرە بىلگەن ەدى.
 
  ميكەلانجەلو  الدىڭعى بۋىن ۇستازداردىڭ كولەڭكەسىندە قالىپ قويماۋدى تانىپ جەتتى،ول استە دا ۆينچيدى كوشىرمەدى،قايتا ءوزىنىڭ سىناسۋ  وبيەكتىسى رەتىندە كورىپ، وزىندىك ەرەكشەلىككە يە دارالىق ۇلگىسىن قالىپتاستىرا بىلگەن ەدى.
 
  شىعارماشىلىق الەمىندە دا ۆينچي مەن ميكەلانجەلو قارسىلاس ءارى ءبىر-ءبىرىن تۇسىنىسەتىن جانداردان ەدى.  
 
  ‹‹قاسيەتتى اۋلەت›› اتتى تۋىندىنىڭ ارت جاعىنداعى كورىنىستە باس   تاقىرىپپەن ءوزارا قابىسپايتىن بەس جالاڭاش دەنەلى ەركەك سىزىلعان، مۇندا ولاردىڭ ەمىن-ەركىن،اقاۋسىز ءبىتىمى ايگىلەنىپ،ريم  رۋحىنا ءتان ماقتانىش سەزىم بەينەلەنگەن ەدى.
 
   1503 -جىلدان 1505-جىلعا دەيىن ميكەلانجەلو ‹‹بولۋرو قاسيەتتى انا›› تۋىندىسىن جاراتادى،بۇل    ءبىرقىدىرۋ سالالاس سۋرەتتەر دا ۆينچيدىڭ ‹‹قاسيەتتى انالى-بالا›› سىندى كەسەك شىعارماسىنا قايتارىلعان اڭىس ەدى.
 
  سوسىندا ەكى سۋرەتشىنىڭ شىنايى بەلدەسۋ ويىنى فلورەنتسيا قالالىق ۇكىمەتتىڭ تالقى وزدىرۋ جيىن زالىنا سىزىلاتىن شايقاس تۋرالى تۋىندىعا ورتاق ات سالىسۋىنان باستالادى.
 
  قالالىق ۇكىمەتتىڭ جيىن زالىنىڭ كىرە بەرىسىندەگى بۇيىردە ەكى تالقى جيىن زالى ورنالاسقان،مۇندا بەس ءجۇز ادام ەركىن سياتىن بولعاندىقتان،«بەس ءجۇز ادامدىق ۇلكەن زال» دەپ تە اتالعان.

  سول كەزدە  اكىمياتتا وتىرعان  ادامدار اراسىندا ەكى الىپ سۋرەتشى جايلى ايتىلاتىن سىبىر ءسوز دە كوپ ەدى،ولاردىڭ ويىنشا ەگەر ەكەۋى  بىرگە وتىرىپ ءوزارا تولىقتاي تۇسەتىن تۋىندى جاراتا بىلسە،كەلەشەككە تاريحي ىقپال قالدىراتىندارى ءشۇباسىز دەيتىن. ولار ول ەكەۋىنىڭ   فلورەنتسيا قالاسىنا شايقاس تۋرالى ەكى تۋىندى سىزىپ قالدىرۋىن  شىنايى ءۇمىت ەتكەن ەدى.
 
  دا ۆينچي ‹‹انگياري تۇبىندەگى شايقاسى›› جايلى تۋىندى جاراتۋعا جاۋاپتى بولدى،نەگىزى ميلان  سوعىسىن بايان ەتكەن،ال،ميكەلانجەلو «كاسسينو شايقاسىن» بەينەلەۋگە جاۋاپتى بولادى. ءدال وسى كەز،1503-جىلدارى  دا ۆينچي 51 جاستا،ميكەلانجەلو 28 جاستا ەدى، ەكەۋى بىرلىكتە سىزباعا وتىرادى، ەكەۋى ءبىر-بىرىنە  قارسىلاس   ەكەندىكتەرىن بىلەدى،سوندىقتان دا ءار ەكەۋى قىرۋار جاي سىزبا سۋرەت سىزۋ ارقىلى تۋىندىنىڭ العاشقى سۇلباسىن جاراتادى.

  دا ۆينچي «انگياري تۇبىندەگى شايقاسى» اتتى تۋىندىسىندا اتتاردىڭ كىسىنەگەنىن،شابىسىن،شايقاستىڭ  ەڭ قيان-كەسكى ساتىندەگى    جاۋىنگەرلەردىڭ ىزا مەن اشۋعا باسقان ايعايىن بەينە اسپاندى ءزىل-زالا ەتكەندەي  جاندى  دا اسەرلى بەينەلەيدى.
 
  «كاسسينو شايقاسىندا» فلورەنتسيا شايقاسىنىڭ پيزا ارمياسىن باعىندىرعانى سۋرەتتەلگەن،شايقاستىڭ  باس ارداگەرى دونا پاتشا. ايتىلۋىنشا،ءبىر رەتكى زور شايقاستان كەيىن اسكەرلەر قالجىراعاندارىن باسۋ ءۇشىن، دۋلىعالارىن شەشىپ،يانو وزەنىنە سۋعا ءتۇسىپ،دەمدەرىن الادى، كەنەتتەن پيزا اسكەرلەرىنىڭ تۇتقيىل شابۋىلىنا ۇشىرايدى. سونىمەن    ميكەلانجەلو ءدال  وسى اڭگىمەدەن اسەمدىك عىلىمى جايلى تابان تيەر تياناق تابادى: تىرشىلىك ءارقاشان توسىننان كەلەتىن حاۋىپ-قاتەرگە تولى،ءدال وسى حاۋىپ-قاتەر تونگەن ساتتە ونىمەن ايقاسۋعا    دايارلانعان ءتان  تىرشىلىك كۇشىنە يە ءتان بولماق،سوندىقتان دا ول بۇل ءتاندى ەڭ كوركەم ءارى ادامداردى ەلىكتىرە الادى دەپ قارايدى.
 
  ميكەلانجەلو وسى وي جەتەگىندە جالاڭاش اسكەرلەردىڭ تۇيىلگەن بۇلشىق ەتىن تەز سىزبامەن سىزىپ شىعادى،سول قىسىلتاياڭ ساتتەگى تۇيىلە قالعان بۇلشىق ەتتەردى سەرپىمدى كۇشكە يە يرەلەڭدەگەن جىلانعا ۇقساتادى،شايقاستىڭ سۇراپىلدىلىعىن  تەڭدەسسىز  دارەجەدە   «جوعارى شەككە» كوتەرىپ بەينەلەيدى.

  دا ۆينچي جاسامپازدىعىندا شايقاستىڭ «جوعارى شەگىن» شايقاستىڭ ءجۇرىلۋ بارىسىمەن بەينەلەگەن،ال ميكەلانجەلو كەرىسىنشە «جوعارى شەكتى» شايقاسقا ارالاسپاس بۇرىنعى سول بىرنەشە مينۋتتاعى ازىرلىكتىڭ ايبىندى ۇسقىنىمەن تەبىرەنىستى بەينەلەگەن.
 
  ەكەۋىنىڭ دە العاشقى نوباي  سۋرەتتەرى كورمەگە قويىلادى، جۇرتشىلىق قاۋمالاي كەلىپ تاماشالايدى. جۇرتشىلىقتىڭ كوبى جاس سۋرەتشى ميكەلانجەلونى وسى رەتكى باسەكەدە ءوز قارسىلاسىن جەڭىپ شىقتى دەپ  قارايدى. ميكەلانجەلو   «سوعىس» تۋىندىسى ارقىلى ادامدار جۇرەگىن ءبىر ءسات ءدۇر سىلكىندىردى دەپ ءبىلدى.
 
  ءىس جۇزىندە ءبىز ەكەۋىن تەڭ ورىنعا قويىپ سالىستىرا المايمىز، ويتكەنى ەكى تۋىندى تولىق سىزىلىپ بىتپەي،زالداعى قابىرعالار اپپاق كۇيدە قالا بەرگەن،وسىلايشا تاريحقا ماڭگىلىك ەستەلىك ءارى وكىنىش رەتىندە تاڭبالانعان.
 
  كوپتەگەن جازبالاردا كورسەتىلۋىنشە،ميكەلانجەلو وزىنەن 23 جاس ۇلكەن دا ۆينچيگە اسا ۇلكەن قۇرمەتسىزدىك بىلدىرگەن. ول  ۇنەمى دا ۆينچيدى كەلەكەلەگەن، قىلاياعى ۇستىنە كيگەن ءساندى دە كوركەم كيىمدەرىن،ءارقاشان دا كەلىستى دە كەلبەتتى،بەدەلدى سالاۋاتىنا دەيىن كەلەمەجدەگەن ءارى ونىڭ كوپتەگەن سىزىلىپ اقىرلاسا قويماعان تۋىندىلارىنا دەيىن سايقى-مازاق ەتكەن. بالكىم،ميكەلانجەلو ءوز جۇرەگىنە ۇڭىلگەندە،ءوز-وزىنە ەرەكشە كەكتەنگەن بولۋى مۇمكىن،اسىپ تۇسۋگە شاماسى كەلمەيتىن وسىنداي كۇشتى قارسىلاسىنا تاپ بولعاندا، اۋدارىپ تاستاۋعا مۇمكىندىگى جوق اسقار تاۋ سەكىلدى،ءوزى دە ءتۇسىنىپ جەتپەيتىن باسىمدىلىق پەن اشۋ-ىزاعا بۋلىققان جاعدايدا بولعان بولۋى كەرەك.
 
  الايدا،جۇرتشىلىق الدىندا دا ۆينچيدىڭ نامىسىنا تيگەن كەزدەرىندە،دا ۆينچي قارسىلىق تانىتپاعان، قايتا اسا ادەپتىلىكپەن جاس ميكەلانجەلوعا ءوز قۇرمەتىن ءبىلدىرىپ، ارتىنا بۇرىلىپ كەتە بەرگەن.
 
  مۇمكىن،قارسىلاسىنا نەمەسە قاس دۇشپانىنا قۇرمەت سەزىمىندە بولا العان ادام شىنىندا دا جەڭىمپاز بولار-اۋ.
 
اۋدارعان _ گۇليا ورالبەك قىزى

رەداكتورى:جازيرا قاجىكەن قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.

 

 
powered by IlgharCMS 3.2 www.ilghar.cn