ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

تىك شىرقاۋ

جولدانعان ۋاقىتى : 2017/1/19 12:48:28

باقىتجان قاناپيانوۆ

  باقىتجان قاناپيانوۆ 1951-جىلى دۇنيەگە كەلگەن. قازاقستاننىڭ 1968-،1969-جىلعى  ەكى رەتكى بوكسەر جارىسىنىڭ باس جۇلدەگەرى. قازاق جانە ورىس تىلىندە ولەڭ جازاتىن اقىن الۋان مادەنيەتتەر تۇرعىسىندا تۇرىپ شىعارماشىلىقپەن شۇعىلدانادى. تۇرىك اقىنى حيكمەتتىڭ جانە فرانسۋز اقىنى ۆارەلليدىڭ ولەڭدەرىن ورىس تىلىنە اۋدارعان اقىننىڭ ءوزىنىڭ باستى شىعارمالارى دا جيىرما نەشە تىلگە اۋدارىلعان. ەلىمىزدە «ءۇنسىز شاقتار» اتتى توپتاما ولەڭدەرى «پوەزيا الەمى» (诗林) جۋرنالىنىڭ 2016-جىلعى 4-سانىندا  وۋياڭ يۇيدىڭ اۋدارماسىمەن جاريالانعان.
 
الدىمىزدا ماڭگى ءومىر تۇرعانداي،
ەرتەڭگىگە كوپ قالادى ءىسىمىز.
بالالىق پەن الاڭسىزدىق-بۇل قانداي؟
ەرتە ءتۇسىپ كەتپەيدى مە قىسىمىز؟
 
عاسىردىڭ دا كۇنتىزبەسى اشىلدى،
جولىڭ بولسىن،دوڭگەلەگەن دۇنيە.
قارسى الىپ ءبىز ەندى جاڭا عاسىردى،
ىلەسەمىز سەنىڭ عاجاپ بيىڭە.
           
    * * *         
 
قولدا ۇشاق بەلەتى،كوشپەندىمىن،
قۇجاتىمدا تولعان ءمور-وسكەندىگىم.
ال،ۇشاعىم تاڭەرتەڭ بۇل اۋداننان
كوتەرىلەر الديلەپ اسپان جىرىن.
 
امستەردامدا وياندىم -جاقسى قانداي!
ەرتەڭىنە پاريجگە ءساتتى قونعاي.
ساحنادا ءبارى دە ءوتىپ جاتىر،
ال،جۇرەكتە ءبىر قۇس بار باق سىنارداي.
 
انگليا كۇزى مەن اتىرابى،
جەر ورتا تەڭىزى دە شاقىرادى.
كولەڭكەسىن سپورتشى ۇشاعىنىڭ
قوندىرادى تاۋلاردىڭ شوقىلارى.
 
بىلەسىز بە،ارالدىڭ ءتۇسى قانداي؟
قاراساڭىز بيىكتەن سۇسى بارداي.
اسپان مەنەن بۇلتتىڭ ارالاسىپ،
وزگەرگەنىن قالاسىز تۇسىنە الماي.
 
ۇلى جۇڭگو قورعانى ار جاعىندا،
سينگاپۋردا دوس كۇتەر،ول-باعىم دا.
جانىم مەنىڭ كوشپەندى عارىشىڭدا،
شەڭبەردەن سوڭ شەڭبەردىڭ قورعانىندا.
 
سەرىك ەتسە ول ماعان جاناتانى،
كەڭىستىككە بەت تۇزەپ جان وتانى.
سالماقسىزدىق ۇرەيلى قابىلدانىپ،
قيىندىعىن ءومىردىڭ جوعالتادى.
 
بۇل ساياحات ماعان از كورىنەدى،
مەن ۇشقاندا ولەڭ بوپ ورىلەمىن.
شارشاعاندا ميىمدا تۇزىلەدى
كۇنام مەنەن رۇقسات ءمورىم مەنىڭ

       * * *

قايدان كەلدىك بەلگىسىز،
ەندى قايدا بارامىز؟
ۋاقىتتا دا توزگىسىز
اقشا-قارجى تابامىز.
 
مەنى مۇمكىن تەڭىزگە
الىپ بارار تاعدىرىم.
جۇلدىزدى ىزدە،كوپ ىزدە،
سوندا مەنىڭ جان-جىرىم.
 
بار كيەلى ارمانىم،
جاۋھار ءسوزىم-جىرلارىم.
ءوزىم سونى تاڭدادىم،
سىعان قىزداي سىرلارىم.
 
تاسپاداعى ءۇن كەيدە
زىرىلدايدى باسىمدا.
تاڭعى تۇستەي ءبىر بەينە
كورىنەدى اقىنعا.
 
       تۇز
 
قادىمنان ءمالىم،بۇرىنعى
ءداستۇرى تەڭىزشىلەردىڭ:
بوتەلكەگە ساپ جىرىمدى،
تەڭىزگە تاستاپ جىبەردىم.
 
بىلمەيمىن،بىرەۋ تابا ما!
كىتاپتى پىشاق قىرىنداي.
قالا ما شىعىپ جاعاعا!
اعا ما ءجۇز جىل بۇرىلماي!
 
قاتەم كوپ ءالى ولەڭدە،
بۇل مەنىڭ-تۇڭعىش ارمانىم!
تۇزدى سۋ شايسىن ال ەندى،
جىرىمنىڭ ءالسىز تارماعىن.
 
اقىنمىن! ەندى بۇرىلمان!
ويتكەنى قىسقا ءومىر شىن.
تۇنگى جۇلدىزداي جىرىمنان،
تىرشىلىك تۇزى كورىنسىن!

         * * *

شىڭدارى سۇستى،ىزعارى كۇشتى قار قاتقان،
تاۋلار تۇر اقباس قالانى قورشاپ جان-جاقتان.
 
التىن ءمۇيىز اي توبەدەن ءتونىپ قالاعا،
قاۋىزعا سۇڭگىپ جۇزەدى شىقپاي جاعاعا.
 
سالقىنمەن تۇنگى ارىقتار ويناپ جارىسقان،
سامساعان تەرەك ساياسىندا ءتۇرلى جانىپ شام.
 
كىشى الماتى،كوزىندە تاۋدىڭ مۇزى ەرىپ،
كۇلگەندەي شۋلاپ ەڭىسكە بەتى تۇزەلىپ.

        * * *

داۋىلداتىپ جەل تۇردى.
قۇس اتاۋلى شۋىلداپ،
ۇيالارىنا ۇمتىلدى
قاناتتارى سۋىلداپ.
 
ۇرپاعىن ءدۇر كوتەرىپ
جەبەي ۇشىپ قارا ءۇزدى.
كوڭىلىمدە دە وت ءورىپ،
داۋىل تۇرعان ءتارىزدى.
 
قۇس قىلىعى سەرپىلتىپ،
ەركىندىك دەپ وي الاڭ.
ءومىر جەلى جەلپىنتىپ،
ەرتەڭگە ۇمتىل،ەي،ادام.

        * * *

جاقىننان تۇك قىزعانبا،
جاتىڭنان تۇك قىزعانبا،
تاعدىر شىپ-شىپ تولتىرعان
ءوز باقىتىڭ تۇرعاندا.
 
قۋانار دا شاعىڭ بار،
مۇڭايار دا شاعىڭ بار.
عۇمىر جولىن تۇيىقتاپ
كۇن تۋادى دامىلدار.

     * * *

اعاشتاردىڭ ورماندا
تامىرى ءبىر بولادى.
قۋراپ ءبىرى سولعاندا
ءتۇبىرى امان قالادى.
 
سونان ءوربىپ سان ءىرى
بۇتا بۇرلەپ كوكتەيدى.
نىق بولعان سوڭ تامىرى
ورمان قۇرىپ كەتپەيدى.
 
         * * *    
 
وتكەن شاعىم ورمان سىندى
قالىڭ جىنىس كۇن تۇسپەس.
ال،سەزىمىم الۋان سىرلى
جاپىراقتارى گۇل تۇستەس.
 
جاپىراقتاردىڭ سىبدىرىمەن
الاس ۇرىپ ويلارىم،
باقىتىمنىڭ تىڭ گۇلىمەن
قاۋىشسام دەپ ويلادىم.
 
           * * *  
 
بىلمەيتىن رۋدى دا،تايپانى دا،
بالاقان باسىپ جاتىر ايعايىنا.
شىقپاعان ءالى ءتىلى،ال ىڭگاسى-
تۇسىنىكتى جاھاننىڭ جالپاعىنا.
 
شامدانۋ،ءيا،بولماسا،قايعى بارداي،
جىلاۋدى ەستىمەگەم ءدال مىنانداي!
ءسابيدىڭ شىرىلىندا وزگەشە ەسەپ،
وتىرىك پەن شىندىق تۇر ايرىلا الماي!

   * * *

اقىننىڭ تاعدىرى _
ءتاڭىردىڭ نىشانى؛
جىرلارىن
اسپاننىڭ جانارى قۇشادى.
سول ءبىر ءسات
جەر دەرتىپ،
ءدان شالقىپ دالادان،
بال تاتىپ كەتەدى
ءبىر ءۇزىم قارا نان.
 
     دايىنداعان _ مادەنيەت مۇقاتاي ۇلى

رەداكتورى:جازيرا قاجىكەن قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn