سۇراۋ: باۋىرىم ۇرىمجىدە جۇمىس ىستەيتىن. اۋىلداعى تانىس-بىلىستەر وعان جالعان كۋالىك جاساتىپ بەرۋدى تاپسىرا بەرگەن سوڭ،ولاردىڭ بەتىن قايتارمايىنشى دەپ بىرەۋلەرگە جالعان كۋالىك جاساتىپ اۋىلعا جىبەرىپ بەرىپتى. كەيىن بۇل ءىسى سەزىلىپ قالىپ، جالعان كۋالىك الىپساتارلىعى قىلمىسى بويىنشا جازا بەرىلدى. باۋىرىمنىڭ مۇنىسى قىلمىستى ارەكەت سانالا ما؟ وسى جايلى كەڭەس بەرسەڭىزدەر.
جاۋاپ: «قىلمىستىق ىستەر زاڭىندا» «مەملەكەت ورگاندارىنىڭ حات-قاتىناسىن، كۋالىگىن، تاڭباسىن جالعاننان جاساعاندارعا، وزگەرتىپ جاساعاندارعا، الىپ ساتقاندارعا نەمەسە ۇرلاعاندارعا، توناعاندارعا، كوزىن جويعاندارعا 3 جىلدان تومەن مەرزىمدى قاماۋ جازاسى، قولدا جۇمىس ىستەتۋ،باقىلاۋعا الۋ جازاسى بەرىلەدى نەمەسە ساياسي ۇقىعىنان ماقرۇم ەتىلەدى؛ قىلمىس سالماعى اۋىرلارىنا 3 جىلدان جوعارى، 10 جىلدان تومەن مەرزىمدى قاماۋ جازاسى بەرىلەدى. سەرىكتەستىكتەردىڭ، كاسىپورىنداردىڭ، ءىسورىندارىنىڭ،حالىقتىق ۇيىمداردىڭ تاڭبالارىن جالعاننان جاساعاندارعا 3 جىلدان تومەن مەرزىمدى قاماۋ جازاسى،قولدا جۇمىس ىستەتۋ،باقىلاۋعا الۋ جازاسى بەرىلەدى نەمەسە ساياسي ۇقىعىنان ماقرۇم ەتىلەدى» دەپ بەلگىلەنگەن.
«قوعام اماندىعىن باسقارۋ جازا زاڭىندا» تومەندەگى ارەكەتتەردىڭ بىرىندە 10 كۇننەن جوعارى، 15 كۇننەن تومەن قامالادى، 1000 يۋاننان تومەن ايىپ سالۋعا دا بولادى؛ كۇناسى جەڭىلدەۋ بولسا، 5 كۇننەن جوعارى، 10 كۇننەن تومەن قامالادى، قوسىمشا 500 يۋاننان تومەن ايىپ قوسا سالۋعا دا بولادى: « (1) مەملەكەت ورگانىنىڭ،حالىقتىق ۇيىمنىڭ،كاسىپورىن،ءىسورىندارىنىڭ نەمەسە باسقا دا ۇيىمداردىڭ حات-قاتىناسىن، كۋالىگىن، دالەل قۇجاتىن، تاڭباسىن جالعان جاساسا، وزگەرتسە نەمەسە الىپ ساۋدالاسا؛(2) مەملەكەت ورگانىنىڭ، حالىقتىق ۇيىمنىڭ،كاسىپورىن،ءىسورىندارىنىڭ نەمەسە باسقا دا ۇيىمنىڭ جالعان جاسالعان، وزگەرتىلگەن حات قاتىناسىن، كۋالىگىن، دالەل قۇجاتىن ساۋدالاسا نەمەسە پايدالانسا؛ (3) پويەز بەلەتىن، كەمە بەلەتىن،ۇشاق بەلەتىن،كونسەرت بەلەتىن، دەنە تاربيە جارىسى بەلەتىن نەمەسە باسقا دا باعالى بەلەت، كۋالىكتەردى جالعان جاساسا،وزگەرتسە، الىپ ساتسا...» دەپ بەلگىلەنگەن.
دەمەك، باۋىرىڭىزدىڭ باسقالاردىڭ اتىندا جالعان كۋالىك بىتىرگەن ءىس - ارەكەتى زاڭ -بەلگىلەمەگە قايشى بولعاندىقتان، ونىڭ ءىس - ارەكەتى قىلمىستى ارەكەت سانالادى.
«شينجياڭ زاڭ گازەتىنەن»
رەداكتورى:جازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.