ۋاڭ فىڭگو
سىرتتان كوڭىلدەس تاۋىپ العان كۇيەۋى ايەلىنە كۇنالىدەي جۇرەتىن،ءار جولى ۇيىنە قايتقاندا،بەينە قاتەلىك وتكىزىپ قويعان بالاداي جاۋتاڭ قاعىپ،وتباسى جۇمىستارىنا دا وزدىگىنەن ارالاسا كەتەتىن. ىلگەرىدە كۇيەۋى وتباسى جۇمىستارىنا يلىكپەيتىن،وتباسىنىڭ ۇلكەندى-كىشىلى ءارقانداي جۇمىستارىنا تەك ايەلى ءوزى عانا جۇگىرەتىن. قازىر ول مۇلدەم باسقاشا،ءوزىنىڭ قاتەلىك وتكىزىپ جۇرگەندىگىن سەزدىرمەۋ ءۇشىن،ايەلىنە اس ازىرلەپ بولسا دا قاتەلىگىنىڭ ورنىن تولتىرماقشى بولدى. ونىڭ بۇل توسىن وزگەرىسى ايەلىن ونشا قايران قالدىرمادى،ويتكەنى ولار جاڭادان توي جاساعان جىلدارى كۇيەۋى ۇنەمى اس ازىرلەيتىن. قازىر ىدىس-اياق باسىنا بارعىزبايتىن ايەلىنە:
- كوپتەن بەرى اس ازىرلەمەيتىن بولعامىن،مەنىڭ جاڭادان توي جاساعان مەزگىلدەگى ءتاتتى سەزىمگە قايتقىم كەلەدى،- دەدى.
كۇيەۋى اۋەلگىسىنشە كوڭىلدەسىمەن كەزىگىپ ءجۇر. ول بويجەتكەن مەكەمەسىندە وزىمەن بىرگە ىستەيتىن قىزمەتتەسى ەدى. باستابىندا بويجەتكەننىڭ ونىمەن ۇيلەنۋ ويى جوق بولاتىن،تەك ءبىر مەزەتتىك ءتاتتى سەزىم عانا دەپ ويلايتىن. كەي كەزدەرى ماحاببات بەينە سۋدان ءوتۋ سەكىلدى،سۋدى كەشكەن سايىن تەرەڭدەي تۇسەتىنىڭ بەلگىلى،ول بويجەتكەننىڭ دە ماحابباتى تەرەڭدەي ءتۇسىپ،ۇيلەنۋ ويىنا كەلەدى. بويجەتكەن ءبىر كۇنى:
- ءبىز ۇيلەنەيىك!-دەدى. ول ونشا قايران قالمادى،ۇيلەنە سالۋدىڭ وڭاي-وسپاق ءىس ەمەستىگىن انىق بىلەتىن. ەگەر بۇل بويجەتكەنمەن ۇيلەنەر بولسا، ءسوزسىز،ايەلىمەن اجىراسۋى شارت. ايەلىنىڭ وزىنە بولعان مامىلەسى وتە جاقسى ءارى كەشىرىلمەستەي كۇنادا وتكىزىپ كورگەن ەمەس. وسىلاردى ويلاعاندا كۇيەۋى قىنجىلىپ قالدى.
الگى بويجەتكەن ونىمەن ۇيلەنۋ ءۇشىن بار ءادىس-امالدى قولدانباقشى بولدى. اۋەلى،ايەلىمەن قىرقىستىرۋ ءۇشىن وعان ءبىرتالاي قۋلىقتاردى دا ۇيرەتتى،ياعني ماحاببات حاتىن جازىپ كۇيەۋىنىڭ قالتاسىنا سالىپ قويىپ،ايەلىنىڭ كىر جۋعاندا بايقاپ قالىپ،ەكەۋىنىڭ جاڭجالداسۋىنا،سول سەبەپتى ايەلىنىڭ وزدىگىنەن اجىراسۋ تالابىن قويۋىنا وراي جاراتپاقشى بولدى. ءبىراق،ناتيجەسى ولار ويلاعانداي بولمادى،ايەلى ەشقاشان كۇيەۋىنىڭ قالتاسىنداعى نارسەلەرىن الباتى اقتارمايتىن،ۇستەل ۇستىنە قويىپ قوياتىن.
ولار تالاي امال جاسادى، ءبىراق ەشقايسىسى كادەگە جارامادى.
اقىرى كۇيەۋى ءوزى ءونىمدى دەگەن امالدى ويلاپ تاپتى. ايەلىن ازاپتاۋدىڭ امالىنىڭ وتە قاراپايىم ءتاسىلى اس ازىرلەپ جاتىپ، تۇزدى مەيلىنشە كوپ قوسۋ،ايەلىنىڭ جەي الماي ەندىگى جەردە جاڭجال شىعارۋىنا وراي تابۋ. تەك ءبىر رەت ءجۇز شايىسسا بولدى،اجىراسۋدىڭ كەزى كەلدى دەي بەر دەپ ويلايدى. ءبىر كۇنى اس ازىرلەپ جاتىپ كۇيەۋى ادەيى بىرەر قاسىق تۇزدى ارتىق سالدى،ناتيجەدە ايەلى جايشىلىقتاعىداي وتىرىپ جەي بەردى،وعان نارازىلىق بىلدىرمەدى. كۇيەۋى ونىڭ بۇل بەينەسىنە شىدامدىلىق ەتپەي:
- اس ءدامدى بولىپ پا؟-دەپ سۇرادى. ايەلى باسىن يزەپ قانا قويدى. كۇيەۋى دە ىڭعايسىزدانا كۇلىپ قويدى.
بۇل امالدىڭ دا ءونىمى جىرعامادى،كۇيەۋى ءار جولى تۇزىن باسا سالىپ ءجۇردى،ايەلى جايشىلىقتاعىداي وتىرىپ جەي بەرەدى،ارينە،كۇيەۋى ءوزى جاساعان استان ءدام تاتپايدى،ايتاتىن سىلتاۋى دا كوپ،بىرەسە سىرتتان تويىپ كەلدىم دەسە،بىرەسە بۇل كوكونىستى ۇناتپايمىن دەپ جاتادى.
ءبىر كۇنى كۇيەۋىنە ءبىر عاجايىپ وي تۇسە قالادى،وسى ازىرلەگەن اسىمدى عاشىعىما الىپ بارىپ،ءار كۇنى وسى امال ارقىلى ايەلىنە اس ازىرلەپ جۇرگەندىگىن ايتپاقشى بولادى دا،كوكونىستەردى دوربالاپ،مەكەمەسىنە بارادى.
ەرتەسى تۇسكى اس مەزگىلىندە، ول ءوزىنىڭ مەكەمەدە ازىرلەگەن اسىن كوڭىلدەسىنىڭ الدىنا قويىپ جاتىپ:
- ساعان اس ازىرلەپ الىپ كەلدىم،-دەدى. كوڭىلدەسى اۋزىنا سالار-سالماستان،بۇلقان-تالقان بولىپ،اۋزىنداعى تاماقتى تۇكىرىپ تاستايدى دا،وعان ءزارلى داۋىسپەن:
- بۇل سەنىڭ نە قىلعانىڭ؟ قايتپەكشىسىڭ؟بۇل ادام جەيتىن اس پا،ءوزىڭ جەپ كورشى قانە، قازىردىڭ وزىندە تۇگەلىمەن جەپ تاۋىس،جە دەيمىن!-دەدى.
- نە بولىپتى،جەسەم جەدىم،-دەپ اۋزىنا سالىپ ءدامىن تاتىپ كورسە،راسىندا،تۇزى كۇشتى ەكەن.
ونىڭ بۇل بەينەسىن كورگەن كوڭىلدەس قىزى تىپتەن اشۋلانا بۇيرىق سوعا:
- قانە،جە دەيمىن،جە،تۇگەلىمەن جە،ەگەر جەمەسەڭ ەركەك ەمەسسىڭ،-دەپ وعان ودان بەتەر تونە تۇسەدى. كوڭىلدەسىنىڭ بۇل بەينەسىن كورگەن ول ورنىنان اشۋلانا اتىپ تۇرەگەلىپ:
- كوزىمنەن جوعال!-دەدى. ءدال وسى ساتتە،ول كەنەتتەن ايەلىن ويلادى،ايەلىنىڭ وسىنداي تۇزى كۇشتى تاماقتى جەپ وتىرعانداعى بەينەسىن كوز الدىنا ەلەستەتتى. ول ايەلىنە وتە وبال بولعاندىعىن،ءبىراق ايەلىنىڭ ونىڭ وسى قىلىقتارىن سەزىپ جۇرسەدە،كەشىرىممەن ىشىنە عانا ساقتاپ،ۇندەمەي جۇرە بەرگەندىگىن ويلاعاندا جۇرەگى سىزداپ سالا بەردى.
سول كۇنى كەشتە كۇيەۋى ايەلىنىڭ ۇناتىپ جەيتىن اسىن ازىرلەدى،تۇز سالاردا ءوزى الدىمەن ءدامىن تاتىپ كوردى،ءدال بابىندا ەتىپ ازىرلەدى. داستارقان ۇستىندە كۇيەۋى ايەلىنە:
-بۇگىنگى اس ءدامدى بولىپ پا؟-دەپ سۇرادى.
ايەلى جىميىپ كۇلىپ قويدى.
كۇيەۋى ايەلىنىڭ ساقپى ۇستاعان قولىن قىسا ۇستاپ وتىرىپ:
- بۇدان كەيىن،مەن،ءسوزسىز،ءار كۇنى وزىڭە ءدامىن بابىنا كەلتىرىپ وتىرىپ اس ازىرلەپ بەرەمىن،-دەدى شىن پەيىلىمەن. ايەلىنىڭ كوزىنەن جاس مونشاعى توگىلىپ كەتتى.
رەداكتورى:جازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.