2016-جىلعى ازيا ساۋىتىنا تالاسۋ تاق-تۇق دوپ جارىسى 30-ساۋىردە اراب بىرلەسكەن امىرلىگىنىڭ دۋباي قالاسىندا اياقتالدى. ەلىمىز كومانداسى اراسىندا جۇرگىزىلگەن ەكى مايدان قيان-كەسكى دودادا شۇي شين 2 گە قارسى 4 ۇپايمەن جاڭ جيكىنى جەڭىپ، ەرلەردىڭ جەكە ادامدىق ءتۇرىنىڭ اعا جۇلدەگەرلىگىن ساقتاپ قالسا؛ ليۋ شى-ۋىن 1 گە قارسى 4 ۇپايمەن لي شياۋشيانى جەڭىپ، ايەلدەردىڭ جەكە ادامدىق ءتۇرىنىڭ اعا جۇلدەگەرى بولدى.
الدىن الا وتكىزىلگەن ايەلدەردىڭ جەكە ادامدىق شەشۋشى جارىسىندا ليۋ شى-ۋىن مەن لي شياۋشيا قيان-كەسكى دوداعا ءتۇستى. ليۋ شى-ۋىن شەشۋشى كەزەڭدى مىقتى يگەرىپ، 8 گە قارسى 11 ۇپاي جانە 9 عا قارسى 11 ۇپايمەن الدىڭعى ەكى مايدان جارىستىڭ جەڭىسىن قولعا كەلتىردى. ءۇشىنشى مايدانعى جارىستا لي شياۋشيا شابۋىلدى كۇشەيتىپ، 9 عا قارسى 11 ۇپايمەن ءبىر مايدان جەڭىستى قولعا كەلتىردى. ەكەۋىنىڭ ءتورتىنشى مايدانداعى جارىسى ەرەكشە قيان-كەسكى بولىپ، 12 ۇپايعا دەيىن تەڭ ءتۇسىپ ءبىر-بىرىنە ەسە بەرمەدى، سوڭىندا ليۋ شى-ۋىن بار كۇشىن سالىپ 12 گە قارسى 14 ۇپايمەن جەڭىپ الدى. بەسىنشى مايداندا ليۋ شى-ۋىننىڭ جارىسقا بەيىمدەلۋى ءتىپتى دە جاقسى بولىپ،3 كە قارسى 11 ۇپايمەن قارسىلاسىن شاڭ قاپتىرىپ كەتتى،سونىمەن 1 گە قارسى 4 ۇپايلىق جالپى ناتيجەمەن ليۋشى-ۋىن ازيا ساۋىتىنا تالاسۋ تاق-تۇق دوپ جارىسىنىڭ ايەلدەردىڭ جەكە ادامدىق ءتۇرىنىڭ اعا جۇلدەگەرلىگىن ءتورتىنشى رەت ساقتاپ قالدى.
ايەلدەردىڭ جەكە ادامدىق ءتۇرىنىڭ قولا مەدالىنا تالاسۋ جارىسىندا سينگاپۋر سپورتشىسى فىڭ تيانۋي جۇڭگو شياڭگاڭ سپورتشىسى تيە يانانى جەڭىپ الدى.
ەرلەردىڭ جەكە ادامدىق جارىسىنىڭ شەشۋشى جارىسىندا شۇي شين تاعى دا ونەرىن سوڭىندا ايگىلەدى، اۋەلى، 11 گە قارسى 4 ۇپايمەن ءبىرىنشى مايداندا جەڭىلىس تاپقان سوڭ، دەرەۋ ءوزىن رەتكە سالىپ، 7 گە قارسى 11 ۇپاي، 6 عا قارسى 11 ۇپاي جانە 8 گە قارسى 11 ۇپايمەن ارت-ارتىنان 3 مايدان جەڭىپ، جالپى ناتيجەنى 1 گە قارسى 3 ۇپايعا اينالدىردى. جاڭ جيكى بەسىنشى مايدان جارىستا بار ونەرىن سالىپ، 6 عا قارسى 11 ۇپايمەن ءبىر مايدان جەڭىستى قولعا كەلتىردى. التىنشى مايدان جارىستا شۇي شين اسا سابىرلىق بايقاتىپ 6 عا قارسى 11 ۇپايمەن تاعى ءبىر مايدان جەڭىپ الىپ، سوڭعى ناتيجەدە 2 گە قارسى 4 ۇپايمەن ازيا ساۋىتىنا تالاسۋ جارىسىنىڭ ەرلەردىڭ جەكە ادامدىق جارىس ءتۇرىنىڭ اعا جۇلدەگەرلىگىن ءتورتىنشى رەت ەنشىلەدى.
ەرلەردىڭ جەكە ادامدىق جارىسىنىڭ قولا مەدالىنا تالاسۋ جارىسىندا جۇڭگو شياڭگاڭ كومانداسىنىڭ سپورتشىسى حۋاڭ جىنتيڭ 2 گە قارسى 4 ۇپايمەن سينگاپۋر سپورتشىسى گاۋ نيڭدى جەڭىپ الدى.
جۇڭگو تاق-تۇق دوپ ايەلدەر كومانداسىنىڭ باس جاتتىقتىرۋشىسى كۇڭ ليڭحۇي ما لۇڭ مەن لي شياۋشيا ەلىمىزدىڭ ەرلەر جانە ايەلدەر تاق-تۇق دوپ كومانداسىنان تۇڭعىش رەت ريو-دە-جانە-يرو وليمپيادا سپورت جارىسىنىڭ جەكە ادامدىق جارىسىنا قاتىناسۋ تولىمدىلىعىنا يە بولعاندىعىن ايتتى.
شۇي شين مەن ليۋ شى-ۋىننىڭ وسى رەتكى ازيا ساۋىتىنا تالاسۋ جارىسىندا اعا جۇلدەگەر بولۋى ولاردىڭ جۇڭگو كومانداسى اتىنان وليمپيادا سپورت جارىسىنىڭ جەكە ادامدىق جارىس تۇرىنە قاتىناسۋ مۇمكىندىگىن ارتتىردى.
مەملەكەتتىك تاق-تۇق دوپ كومانداسى وليمپيادا سپورت جارىسىنىڭ جەكە ادامدىق جارىسىنا قاتىناساتىن ەكىنشى سپورتشىنى 30-مامىردان بۇرىن بەلگىلەپ،توپتىق جارىسقا قاتىناساتىنداردى 30-ماۋسىمنان بۇرىن تۇراقتاندىرادى ەكەن.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.