ءۇش كۇندىك قيان-كەسكى بەلدەسۋ ارقىلى 4-كەزەكتى جۇڭگو مۇگەدەكتەر جەڭىل اتلەتيكا جارىسى جانە 2016-جىلعى حالىقارالىق مۇگەدەكتەر وليمپيادا سپورت كوميتەتىنىڭ جەڭىل اتلەتيكا جارىسىنىڭ بەيجيڭ بەكەتىندەگى جارىسى 24-ساۋىردە جۇڭگو مۇگەدەكتەر دەنە تاربيە قيمىلىن باسقارۋ ورتالىعىندا اياقتالدى. ەلىمىز سپورتشىسىنان 2 ادام جانە 2 كوماندا 4 ءتۇرلى دۇنيە رەكوردىن جاڭالاپ، ءبىر ادام دۇنيە جۇزىلىك رەكوردپەن تەڭ ءتۇستى.
جاۋ يۇيپيڭ 12F دارەجەلى ( كورۋ كەمىستىگى بارلار ) نايزا لاقتىرۋ جارىسىندا 42.73 مەترلىك ناتيجەمەن دۇنيە جۇزىلىك رەكوردتى جاڭالادى؛ لوندون مۇگەدەكتەر وليمپيادا سپورت جارىسىنىڭ اعا جۇلدەگەرى ياڭ ليۋان ( قول-اياعى كەم سپورتشى ) ايەلدەردىڭ ( 54F /34F ) دارەجەلى شويىن دوپ لاقتىرۋ جارىسىندا 7.9 مەترلىك ناتيجەمەن وسى دارەجەنىڭ دۇنيە جۇزىلىك رەكوردىن جاڭالادى.
دۇنيە جۇزىلىك رەكوردتى جاڭالاعان ەكى كوماندا جەكە-جەكە ( 13F ـ 11F ) كورۋ كەمىستىگى بار ايەلدەردىڭ 4 × 100 مەتر ارالىققا كۇش جالعاپ جۇگىرۋ كومانداسى مەن قول-اياعى كەم ( 38T ـ 35T ) ايەلدەردىڭ 4 × 100 مەتر ارالىققا كۇش جالعاپ جۇگىرۋ كومانداسى بولىپ، ولار جەكە-جەكە 48 سەكۋند 33 تاقىل جانە 51 سەكۋند 52 تاقىلدىق ناتيجەمەن رەكورد جاراتتى.
مۇنان تىس، ۋىن شياۋيان ايەلدەردىڭ ( 38T ـ 37T ) ۇزاققا سەكىرۋ جارىسىندا 4.92 مەترلىك ناتيجەمەن دۇنيە جۇزىلىك رەكوردپەن تەڭ ءتۇستى.
جۇڭگو، جاپونيا، وڭتۇستىك كورەيا سياقتى 21 مەملەكەت پەن رايوننان كەلگەن 200 دەن ارتىق مۇگەدەك سپورتشى بەيجيڭ بەكەتىندەگى جارىسقا قاتىناستى.
ريو-دە-جانە-يرو وليمپيادا سپورت جارىسىنىڭ ولشەمگە جەتۋ جارىسى بولعاندىقتان، وسى رەتكى جارىس ءارقايسى مەملەكەتتىڭ ( رايوننىڭ ) جەڭىل اتلەتيكا كومانداسىنىڭ جارىسقا قاتىناسۋشىلار سانى جانە سپورتشىلارىنىڭ جارىسقا قاتىناسۋ تولىمدىلىعىمەن تىكە قاتىستى بولدى. حالىقارالىق مۇگەدەكتەر وليمپيادا سپورت كوميتەتى جىبەرگەن دارەجەگە ءبولۋ قىزمەتكەرلەرى وسى رەتكى جارىستا سپورتشىلاردى حالىقارالىق ولشەم بويىنشا دارەجەگە ءبولدى.
بۇل رەتكى جارىس حالىقارالىق مۇگەدەكتەر وليمپيادا سپورت كوميتەتىنىڭ بەكىتۋىمەن، جۇڭگو مۇگەدەكتەر وليمپيادا سپورت كوميتەتىنىڭ ۇيىمداستىرۋىندا، جۇڭگو مۇگەدەكتەر دەنە تاربيە قيمىلىن باسقارۋ ورتالىعى وتكىزدى. بۇل 2013-جىلدان بەرى جۇڭگو مۇگەدەكتەر دەنە تاربيە قيمىلىن باسقارۋ ورتالىعىنىڭ حالىقارالىق مۇگەدەكتەر وليمپيادا سپورت كوميتەتىنىڭ جەڭىل اتلەتيكا جارىس ءتۇرىن ءۇرتىس 4-رەت وتكىزۋى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.