ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

باسىمنىڭ ىشىندەگى عاجايىپ نارسە

جولدانعان ۋاقىتى : 2016/4/25 13:48:29

ورحان پامۇك ( تۇركيا )

1  


قاس قارايىپ كوپ وتپەي، مايپۋرت اۋلانىڭ كەتىك داۋالىنا سيپالاي ءجۇرىپ جاقىنداپ كەلدى. بويجەتكەندەردىڭ اكەسى قيسىق مويىن ابدىراحمان بولاتىن. ولار تۇراتىن اق ءۇيدىڭ ارتقى تەرەزەسى قاپ-قاراڭعى. 10 مينۋت بۇرىن كەلگەن ول ءوزىن قويارعا جەر تاپپاي، اناۋ قاپ-قاراڭعى تەرەزەگە قايتا-قايتا جالتاقتاپ قاراۋمەن بولدى. ول بۇرىن قىز الىپ قاشامىن دەپ، وشپەندىلىك تۋدىرىپ تاياقتان ولگەندەردى، قاراڭعىدا قاشىپ، اداسىپ قالىپ ۇستالعانداردى، ەڭ سوڭعى ساتتە قىز قاشۋدان ۋاز كەشىپ، ابىرويى ايرانداي توگىلگەن جىگىتتەردى ەسىنە الدى. ول ورنىنان تاعاتسىزدانا تۇرىپ، وزىنە جاراتۋشىنىڭ جار بولاتىنىن ەسكەرتتى.

ءيت ءۇردى، تەرەزە جارق ەتىپ، قايتا قاراڭعىلاندى. مايپۋرتتىڭ جۇرەگى اتقالاقتاپ الا جونەلدى. ول ۇيگە قاراي اياڭدادى. اعاش اراسىنان سىبدىر ەستىلدى. بويجەتكەن باسەڭ داۋىسپەن:

  - ماي ... پۋرت،- دەپ ونىڭ ەسىمىن شاقىردى.

  بۇل _ ماحاببات ىڭكارلىعى كەرنەگەن داۋىس. ول اسكەردەگى كەزدە جازعان عاشىقتىق حاتتارىن وقىعان، وعان قۇلاي سەنگەن ادامنىڭ داۋىسى ەدى. جىگىت اناۋ عاشىقتىق پەن ىڭكارلىققا تولى  جۇزدەگەن  حاتتاردى ەسىنە الدى. ول ايداي ارۋدى قولعا قوندىرۋ ءۇشىن بارلىق ۋادەسى مەن تاماشا مۇراتىن بوداۋعا بەرۋگە رازى ەدى. اقىرى بويجەتكەندى قولىنا قوندىردى. مىناداي ءتىلسىم قاراڭعىلىقتا ول ەشتەمەنى كورە الماسا دا داۋىس شىققان جاققا قاراي ۇيقىسىراپ كەتىپ بارا جاتقانداي بەت الدى.

تاس قاراڭعىدا ولار ءبىر- ءبىرىن تاۋىپ الدى دا قول ۇستاسا جۇگىرە جونەلدى. ون نەشە ادىم جەرگە جۇگىرىپ جەتكەنى سول ەدى، ءيت قۇتىرىنا ابالاپ قويا بەردى. مايپۋرت ساسقالاقتاپ كەتىپ باعداردان جازىپ قالدى. ول العا قاراي قۇنى-پەرەن قاشىپ كەلە جاتقانىمەن، ساناسى الەم تاپىرىق. قاراڭعى دا اعاشتار قاراڭداپ، قۇددى قاتار- قاتار سەمەنت داۋال رەۋىشتى ارتىندا قالىپ جاتىر. وسىنىڭ ءبارى كورگەن ءتۇس تاقىلەتتەس.

جوسپارلاعانىنداي ىشەكشە يرەلەڭدەگەن كوشەدەن قاشىپ شىققانىندا، مايپۋرتتىڭ الدىنان تىك بەتكەي پايدا بولا كەتتى. جىنىس تاستاردىڭ اراسىمەن يرەلەڭدەي ورلەگەن تار جول بارعان سايىن تىكتەلىپ، قۇددى قاپ- قارا بۇلتپەن تۇمشالانعان قاراڭعى اسپانعا تۇتاسىپ جاتقانداي ەدى. جارتى ساعاتتاي ورمەلەگەن ولار بەتكەيدىڭ قىر جەلكەسىمەن قول ۇستاسا توقتاۋسىز العا تارتىپ وتىردى. وسى ارادا جۇمشىدايلي قىستاعىنىڭ شىراقتارى جانە ارت جاقتان جىگىتتىڭ تۋىپ-وسكەن قىستاعى جەنايتپۋنار قىستاعى كوزگە كورىنەدى. زاۋدەعالام، بىرەۋلەر قۋا شىقسا، ۇستالىپ قالىپ  قىستاققا  اپارىلماۋ ءۇشىن، سۇلەيمەننىڭ وزگە ءبىر پلانىنا سايكەسسە مايپۋرت كەرى باعىتقا جۇرمەك ەدى.

ءيت ءالى قۇتىرىنا ابالاۋدا. مايپۋرت ءوزىنىڭ قىستاقتاعىلارعا جات بىرەۋ بولىپ كەتكەنىن، ەشبىر ءيتتىڭ ونى تانىمايتىنىن بىلەدى. كوپ وتپەي  جۇمشىدايلي قىستاعى جاقتان مىلتىق داۋىسى ەستىلدى. ولار بارىنشا سابىر ساقتاپ، جۇرىستەرىنىڭ قارقىنىن وزگەرتپەدى. ءيتتىڭ داۋىسى تىنا قالىپ قايتا شىققان كەزدە، بەتكەيدەن قۇلداي جۇگىردى. اعاش جاپىراقتارى مەن بۇتاقتارى ولاردىڭ بەتتەرىن وسقىلاپ، بالاقتارىن بۇرگەن جۇلمالادى. قاراڭعىدا مايپۋرت ەشتەمەنى دە كورە المادى، ول تاسقا ءسۇرىنىپ جىعىلار ما ەكەنبىز دەپ الاڭداعان ەدى،ونداي بولمادى. ول اناۋ يتتەردەن قاتتى قورىقسا دا جاراتۋشىنىڭ رايحان ەكەۋىنە جار بولاتىنىنا سەندى، ولار ستامبۋلدا باقىتتى تۇرمىس كەشىرەتىن بولادى ءالى.

ولار اقشەشىرگە باراتىن جولعا ەنتىگە جەتكەنىندە، مايپۋرت وزدەرىنىڭ كەشىگىپ قالماعانىنا كامىل سەندى. ەگەر سۇلەيمەن دە شاعىن جۇك اۆتوموبيلىن ايداپ جەتىپ كەلسە، ەشكىم دە ونىڭ قولىنان رايحاندى تارتىپ اكەتە الماس ەدى. مايپۋرت ءار جولى حات جازا باستاعانىندا، بويجەتكەننىڭ  ارايلى ءجۇزى مەن ەستەن كەتكىسىز جانارىن كوز الدىنا ەلەستەتىپ، حاتتىڭ باسىنا بويجەتكەننىڭ «رايحان» دەگەن ادەمى ەسىمىن تولقىعان سەزىممەن كوركەمدەپ تۇرىپ جازار ەدى. وسىلاردى ويلاعان جىگىت اياق الىسىن جىلدامداتا ءتۇستى. 

2

قاراڭعىدا ول ءوزى الىپ قاشىپ كەلە جاتقان قىزدى انىق كورە الماسا دا ونى سيپاعىسى، سۇيگىسى كەلدى. رايحان الىپ جۇرگەن بۋىنشاعىمەن ونى جەڭىل يتەرىپ قويدى. مايپۋرت ونىڭ مۇنىسىن ءجون كوردى. ول نەكەلەنۋدەن بۇرىن وزىنە ءومىرىن ارناعان وسى جانعا قيانات ەتپەۋگە بەكىدى.

ولار قول ۇستاسقان كۇيى سارپ بۇلاعىنىڭ ۇستىندەگى شاعىن كوپىردەن ءوتتى. رايحاننىڭ ساۋساعى جىڭىشكە سۇيرىك ەكەن. سىلدىراي اققان بۇلاقتان سۋعا شىلانعان جەبىر ءشوبى مەن دارشىن گۇلىنىڭ حوش ءيىسى مۇرىندى جاردى.

تۇنگى اسپاننان نايزاعاي  جارق  ەتىپ، ىلە-شالا كۇركىرەگەن داۋىس ەستىلدى. مايپۋرت ۇزاققا سوزىلاتىن پويەز ساپارىنىڭ الدىندا جاۋىنعا مالشىنۋدان الاڭدادى. دەسەدە، ءجۇرىسىن تەزدەتپەدى.

10 مينۋتتان كەيىن ولار سۇلەيمەننىڭ اۆتوكولىگىنىڭ ارتقى شىراعىن بايقادى. جۇك كولىگى كولشىك قاسىنا كەلىپ القىنا توقتادى. قۋانعانىنان مايپۋرتتىڭ تىنىسى توقتاپ قالعانداي كۇي كەشتى. سۇلەيمەنگە تىم سەنىم ارتپاعانىنا ىشتەي قاتتى ۇيالدى. جاڭبىر جاۋا باستادى، ولار قۋانعاندارىنان جۇگىرە جونەلدى.  دەسەدە، ەكەۋى دە قاتتى شارشاعان ەدى. فورت ماركالى شاعىن جۇك اۆتوموبيلىنىڭ ارتقى شىراعى ولاردىڭ ويلاعانىنان نەداۋىر جىراقتا ەكەن. كولىك قاسىنا جەتكەنىندە جاۋىنعا ابدەن مالشىنعان ەدى. 

رايحان بۋىنشاعىن الىپ، شاعىن جۇك كولىگىنىڭ الا كولەڭكەلى ارت جاعىنا كىردى. بۇل مايپۋرت پەن سۇلەيمەننىڭ الدىن الا جوسپارلاعانى ەدى. بىرىنشىدەن، رايحاننىڭ قاشىپ كەتكەنى ءبىلىنىپ قالسا، اسكەرلەر جولدا كولىكتى ءتىنتۋى مۇمكىن. ەكىنشىدەن، رايحان سۇلەيمەندى كورە المايدى جانە تاني المايدى.

الدىڭعى قاتارعا وتىرعان مايپۋرت:

- سۇلەيمەن، سەنىڭ تۋىستىق كوڭىلىڭدى ءومىر بويى ۇمىتپايمىن! – دەپ نەمەرە باۋىرىن قاتتى قىستى. 

سۇلەيمەننىڭ بۇعان تىم جەلپىنبەگەندىگىن، وزىنە تىم سەنىپ كەتپەگەنىمدى كوڭىلىنە الىپ قالعان بولدى عوي دەپ ءتۇيدى مايپۋرت.

  سۇلەيمەن:

  - ساعان مەنىڭ جاردەمدەسكەنىمدى ەشكىمگە ايتپاۋعا قاسام ءىش،- دەدى.

مايپۋرت قاسام ءىشتى. 

  - بويجەتكەن ارتقى ەسىكتى جاپپاپتى،- دەدى سۇلەيمەن. مايپۋرت كولىكتەن ءتۇسىپ، قاراڭعىدا شاعىن جۇك كولىگىنىڭ ارتىنا باردى. ول جاس ارۋعا بەت الدىن بەرىپ، ارتقى ەسىكتى جابا بەرگەندە جارق ەتكەن نايزاعايدا اسپان مەن تاۋ سىلەمى،جارتاستار مەن اعاشتار، بارلىق دۇنيە قاس-قاعىم ساتتە سوناۋ الىستا قالعان ەستەمەدەي جارق ەتتى. مايپۋرت وزىنە جار بولىپ، بۇكىل ءومىرىن وزىمەن بىرگە وتكىزگەلى تۇرعان ارۋ قىزدىڭ ءجۇزىن تۇڭعىش رەت جاقىننان كوردى. كەيىن ول ءومىر بويى وسىناۋ لەزدىك ءسات پەن وسىنداي وزگەشە سەزىمدى ۇنەمى ەسكە الۋمەن ءوتتى. 

اۆتوموبيل قوزعالعاننان كەيىن سۇلەيمەن ساندىقشادان ءبىر جاپىراق سۇرتكىش الىپ شىعىپ، مايپۋرتقا بەرىپ:

- مىناۋمەن ءسۇرتىن،- دەدى. مايپۋرت سۇرتكىشتى يىسكەپ كورىپ، تازا ەكەنىنە كوزى جەتكەن سوڭ، كولىك ەسىگىندەگى شاكەنە ساڭلاۋدان سۇرتكىشتى ارت جاقتاعى بويجەتكەنگە بەردى.

كوپ ۋاقىتتان سوڭ، سۇلەيمەن:

- كيىمىڭ ءالى شىلقىلداعان  سۋ ەكەن، وزگە سۇرتكىش قالماعانى- اي،- دەدى.

3

جاڭبىر تامشىلارى كولىكتىڭ توبەسىن سوققىلاپ، ىڭىرسىعانداي وزگەشە ءبىر دىبىس شىعارىپ كەلەدى. دەسەدە، مايپۋرت وزدەرىنىڭ جىم- جىرتتىقتىڭ شىم-شىتىرىق شۇڭەتىندە ىلگەرىلەپ كەلە جاتقانىن سەزدى. اۆتوكولىكتىڭ بۇلىڭعىر سارعىلت شىراعى الدىنداعى ورماندىق قاپ-قاراڭعى بوپ مۇلگىپ تۇر. مايپۋرت قاسقىر، شيەبورى، ايۋ جانە جەر استىنداعى ارۋاقتاردىڭ جارىم تۇندە جينالاتىنى جونىندەگى حيكايالاردى كوپ ەستىگەن. تۇنگى ستامبۋل كوشەلەرىندە اڭىزداعى قۇبىجىقتار مەن شايتانداردىڭ بەينەسىن دە سان رەت كورگەن. مۇنداي قاراڭعىلىق ەگەۋقۇيرىق شايتان، تالىس تابان ديۋ، سىڭار ءمۇيىز، جالعىز كوزدى  قۇبىجىقتىڭ اداسقان اقىماق پەن كۇدەرى ۇزىلگەن قىلمىسكەردى ۇستاپ الىپ، جەر استى الەمىنە الىپ كەتكەنىن ەلەستەتىپ تۇرعانداي ەدى.

-نە قىلىپ مىلقاۋ بولىپ قالدىڭ؟- دەدى سۇلەيمەن قالجىڭداپ.

مايپۋرت ءوزى شومعان ءتىلسىم تىنىشتىقتىڭ ۇزاق جىلدارعا جالعاساتىنىن انىق سەزدى. 

ول ءومىر قۇرعان وسى تۇزاققا قالاي عانا اعات باسىپ تۇسكەنىن بىلگىسى كەلدى، «ويتكەنى ءيت ءۇردى، مەن اداسىپ قالدىم دا وسىلاي بولدى» دەپ ويلادى. وسىناۋ سەبەپتەردىڭ قاتە ەكەنىن انىق بىلە تۇرا، وزىنە وسى تەكتەس سەبەپ ىزدەدى. دەسەدە، مۇنان وزىنە جۇبانىش تاباتىنى ءۇشىن بۇعان رازىلىقپەن سەندى.

-بىرەر ماسەلە بار ما؟- دەپ سۇرادى سۇلەيمەن.

- جوق.

جۇك اۆتوموبيلى باتپاقتى تار بۇرما جولدا قارقىنىن باسەيتتى. كولىك شىراعىنىڭ جارىعىندا، كوز الدارىندا جارتاس پەن اعاش بەينەلەرى، كۇڭگىرت كولەڭكەلەر مەن ءتىلسىم بىردەڭەلەر كولبەڭدەدى. مايپۋرت بار زەيىنىمەن بۇل ءتىلسىم كورىنىستەرگە قادالا قاراپ كەلەدى. ول بۇلاردى  ءومىر  بويى ەسىنەن شىعارا المايتىنىن انىق سەزىپ كەلەدى. ولار يرەلەڭدەگەن تار جولمەن بىردە جوعارى ورلەسە، بىردە اينالا تومەن قۇلديلادى. قاراڭعىعا جاسىرىنعان باتپاقتى قىستاقتان ۇرىداي  ەپتەپ ءوتىپ بارادى. قىستاق يتتەرى ۇرە جونەلدى. ىلە-شالا تاعى دا تەرەڭ تىنىشتىق ورنادى. مايپۋرت مۇنداي عاجايىپ سەزىمنىڭ ساناسىندا، الدە شىنايى دۇنيەدە بولىپ جاتقانىن ايىرا المادى. قاراڭعىدا ول اڭىزداعى قۇستىڭ ساعىمىن، عاجايىپ سىزىقشالارمەن تۇلعالانعان جازۋلاردى، نەشە ءجۇز جىلدىڭ الدىندا مىناۋ قيىر كەدەي قىستاقتى تاپتاعان شايتاندار قوسىنىنىڭ ءىزىن، كۇناعا باتىپ تاسقا اينالعانداردىڭ بەينەسىن كورگەندەي بولدى. 
- استە وكىنۋشى بولما،- دەدى سۇلەيمەن،- قورقاتىن تۇك تە جوق. مىقتاعاندا قىزدىڭ قيسىق مويىن اكەسىنەن باسقا ءبىزدى قۋىپ كەلە جاتقان ەشكىم جوق. بالكىم، ولار قىزىنىڭ قاشقالى جۇرگەنىنەن حابارلى دا شىعار. وزگەلەرگە مەنى استە ايتا كورمە. سوندا عانا قيسىق مويىن ابدىراحماندى ساباسىنا ءتۇسىرۋ وڭاي. ءبىر-ەكى اي وتەر وتپەستەن ول ەكەۋىڭدى كەشىرەتىن بولادى. جازدان بۇرىن جەڭگەم ەكەۋىڭ قايتىپ كەلىپ ونىڭ قولىنان سۇيسەڭدەر، بارلىق ءىس ءوتىپ كەتەدى.

كولىك ءبىر تىك بەتكەيدەن شۇعىل بۇرىلا بەرگەندە، كولىكتىڭ ارتقى دوڭگەلەگى باتپاقتان تايىپ كەتتى. سول ساتتە مايپۋرت «بارلىعى اقىرلاستى، رايحان سول ءوزىنىڭ ءمان-ماعىناسىز قىستاعىنا، مەن دە ستامبۋلداعى ءمان- ماعىناسىز ۇيىمە قايتىپ  كەتتىم-اۋ» دەپ ۇمىتسىزدەنىپ كەتتى.

دەسەدە،اۆتوكولىك جالعاستى العا تارتىپ وتىردى.

ءبىر ساعاتتان كەيىن كولىك شىراعىمەن ءبىر-ەكى جەردەگى ديقان ۇيلەرى _ اقشەشىر قالاشىعىنىڭ كوشەسى كوزگە شالىندى. پويەز بەكەتى قالاشىقتىڭ ەندى ءبىر باسىندا،قالاشىق سىرتىندا ەدى.
-سەندەر استە بولەك كەتپەڭدەر،-دەدى سۇلەيمەن ولاردى اقشەشىر پويەز بەكەتىنە جەتكىزىپ سالعاننان كەيىن. قاراڭعىدا ول بۋىنشاعىن الىپ انادايدا تۇرعان بويجەتكەنگە ءبىر كوز سالىپ قويدى،-ول مەنى كورىپ قويماسىن، مەن كولىكتەن تۇسپەي- اق قويايىن. بۇل ىسكە مەن دە شاتىلدىم. مايپۋرت، سەن رايحاندى مىندەتتى تۇردە باقىتقا كەنەلتەتىن بول، جاراي ما؟ ول سەنىڭ جان جارىڭ،  بولار ءىس بولدى. سەندەر ستامبۋلدا از ۋاقىت جاسىرىنا تۇرىڭدار.

مايپۋرت پەن رايحان سۇلەيمەن جۇرگىزگەن جۇك كولىگىنىڭ ارتقى قىزىل شىراعى قاراڭعىدا كورىنبەي كەتكەنشە كوزدەرىمەن ۇزاتىپ سالدى. ولار اقشەشىر پويەز بەكەتىنىڭ كونەتوز عيماراتى ىشىنە قول ۇستاسپاي كىردى. 

شىراق عيمارات ءىشىن جاپ-جارىق ەتىپ تۇر. مايپۋرت ءوزىنىڭ الىپ قاشقان بويجەتكەنىنە ەكىنشى رەت كوز سالدى. بۇل جولى ول جاقىن ارالىقتان، دەمىن ىشىنە تارتا بايىپتاي قارادى. ول اۆتوكولىك ەسىگىن جاۋىپ جاتىپ كورگەن، قايتكەندە دە سەنۋگە امالسىز ىسكە كوزى جەتىپ، جانارىن تايدىرىپ اكەتتى.

بۇل بويجەتكەن نەمەرە ءىنىسى كالكۇتتىڭ تويىندا كورگەن بويجەتكەن ەمەس، قايتا ونىڭ قاسىنداعى اپەكەسى ەدى. ولار توي كەزىندە وعان سۇلۋ بويجەتكەندى  كورسەتكەن، قازىر ونىڭ اپەكەسىن جىبەرىپ وتىر. مايپۋرت ءوزىنىڭ الدانعانىن ءبىلىپ، قاتتى نامىستاندى.  ەسىمى دە  رايحان  با، ەمەس پە بەلگىسىز قىزدىڭ بەتىنە ول قايتا قاراي المادى.

  ونىمەن بۇلاي قالجىڭداسقان كىم ەكەن؟ بەلەت ساتۋ ورنىنا كەلگەندە، ول ءوز اياعىنان شىققان دىبىستى دا باسقا بىرەۋدىكىندەي، تىم شالعايدان شىعىپ جاتقانداي سەزىندى. مىنا كونە پويەز بەكەتى ءومىر بويىنا ونىڭ سول بىرنەشە مينۋتتىق ەستەمەسىن وياتىپ وتىراتىن بولدى. 


 اۋدارعان _ قانات جۇماش ۇلى




رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn