كەزىندە حيۋستون روكەتس باسكەتبول كومانداسىنىڭ مۇشەسى بولعان ەلىمىزدىڭ باسكەتبول سپورتشىسى ياۋ ميڭ 4-ساۋىردە 2016-جىلعى نايسميت مەموريال باسكەتبول ايگىلى ادامدار ورداسىنان رەسمي ورىن الدى. ايگىلى ادامدار ورداسى ياۋ ميڭدى NBA دىڭ جۇڭگوداعى تانىمالىلىعىن ارتتىرۋعا كومەكتەستى دەپ قارادى.
نايسميت مەموريال باسكەتبول ايگىلى ادامدار ورداسىنىڭ قاتىستى قايراتكەرى سول كۇنى حيۋستوندا وسى حاباردى جاريالادى ءارى قۇرمەتكە بولەنگەن باسكەتبول سپورتشىسى، سونداي-اق باسكەتبول سپورتىنىڭ دوستىق ەلشىسى بولعان ياۋ ميڭ دۇنيە ءجۇزى باسكەتبول سپورتىنىڭ بەت-بەينەسىن جاڭالادى دەپ قارادى.
ياۋ ميڭدى نايسميت مەموريال باسكەتبول ايگىلى ادامدار ەسىمدىگىنە كورسەتكەن حالىقارالىق ساراپتاۋ كوميتەتى بىلاي دەپ قارادى: ياۋ ميڭ 2002-جىلى شاڭحاي كومانداسىن باستاپ، جۇڭگو باسكەتبول بىرلەسپە جارىسىنىڭ (CBA) اعا جۇلدەگەرلىگىن ەنشىلەدى ءارى سول جىلى تۇڭعىش شەتەل سپورتشىسى رەتىندە NBA كومانداسىنا مۇشە بولىپ قابىلداندى. حيۋستون روكەتس باسكەتبول كومانداسىنىڭ مۇشەسى بولعان ياۋ ميڭ 2003-جىلى جاڭا سپورتشىلار يگىلىكتەنۋگە ءتيىستى بارلىق اتاققا يە بولدى ءارى 2004-جىلى جانە 2006-جىلدان 2009-جىلعا دەيىن بەس رەت NBA كومانداسىنىڭ ەڭ تاڭداۋلى مۇشەلەر قۇراماسىنان ورىن الدى.
2003-جىلدان 2009-جىلعا دەيىن جانە 2011-جىلى 8 رەت باسكەتبول شولپاندارى جارىسىنا تالدانىپ، باسكەتبول شولپاندارىنىڭ داۋىسقا يە بولۋ رەكوردىن جاڭالادى. جۇڭگونىڭ مەملەكەتتىك ەرلەر باسكەتبول كومانداسىنىڭ تىرەكتى سپورتشىسى بولعان ياۋ ميڭ ازيا جۇلدەگەرلىگىنە تالاسۋ جارىسىندا 3 رەت ەڭ قۇندى سپورتشى اتاعىنا يە بولدى.
نايسميت مەموريال باسكەتبول ايگىلى ادامدار ورداسى القالار كەڭەسىنىڭ ءتوراعاسى كرانجەروۋ: « 2016-جىلعى ايگىلى ادامدار ورداسىنان ورىن العان ون ادام مەيلى جەكەلىك اتاق-ابىرويى، ادامگەرشىلىگى جانە ىقپال كۇشى جاعىنان بولسىن ەلدەن ەرەك كوزگە تۇسەدى، ولار ءتۇرلى فورمامەن باسكەتبول سپورتىنا وزىندىك ۇلەستەرىن قوستى » دەدى.
بۇل قيمىلدىڭ ناقتىلى سالتى بيىل 9-قىركۇيەكتە ماسساچۋسەتس شتاتىنىڭ سپرينگفيلد قالاسىندا وتكىزىلمەكشى.
نايسميت مەموريال باسكەتبول ايگىلى ادامدار ورداسى 1959-جىلى قۇرىلىپ، باسكەتبول سپورتىنا ەرەن ەڭبەك سىڭىرگەن سپورتشى، جاتتىقتىرۋشى، تورەشى جانە باسقا دا ۇلەس قوسۋشىلاردى ەسكە ءتۇسىرۋدى ماقسات ەتكەن. قازىرگە دەيىن 345 ادام وسى ايگىلى ادامدار ورداسىنا كىرگەن.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.