برازيليا فەدراتسيالىق ۇكىمەتى مەن ريو-دە-جانە-يرو قالالىق ۇكىمەتى جۋىقتا وليمپيادا سپورت جارىسى كەزىندەگى دەنساۋلىق ساقتاۋ قيمىلى جوسپارىن جاريالادى ءارى زيكا ۆيرۋسى مەن دەنگە قىزباسى سياقتى اۋرۋلاردىڭ وليمپيادا سپورت جارىسى كەزىندە كەڭىنەن تارالا قويمايتىندىعىن ايتتى.
برازيليانىڭ دەنساۋلىق ساقتاۋ مينيسترى مارسەلو كاسترو: « ۇكىمەت زيكا ۆيرۋسى مەن دەنگە قىزباسى سياقتى شىبىن-شىركەي ارقىلى تارالاتىن اۋرۋلاردىڭ ورشۋىنەن الاڭدايدى، الايدا، وليمپيادا سپورت جارىسى وتكىزىلەتىن ۋاقىت ريو-دە-جانە-يرونىڭ قىس ماۋسىمىنا تۋرا كەلەتىندىكتەن، اۋرۋدىڭ تۋىلۋ سالىستىرماسى وتە تومەن بولۋى مۇمكىن. فەدراتسيالىق ۇكىمەت ەڭ جوعارى دارەجەدە قۇلشىنىس جاساپ، شىبىن– شىركەي ارقىلى تارالاتىن اۋرۋدى تىزگىندەۋگە دايىندالدى. تامىز ايىندا ماسا وتە از بولادى، كليمات تا جاقسى بولاتىندىقتان، مۇنداي حاۋىپ – قاتەر تۋىلا قويمايدى، كوپشىلىكتىڭ الاڭسىز كەلە بەرۋىنە بولادى. ءبىز بارلىق ءىستىڭ ءساتتى بولۋىنا مۇمكىندىكتىڭ بارىنشا قۇلشىنامىز، الايدا، ەشقانداي ماسەلە شىقپايدى دەپ ەشكىم دە كەسىپ ايتا المايدى » دەدى.
دەنساۋلىق ساقتاۋ قيمىلى جوسپارىندا ناۋقاس كورۋگە 2 مىڭ 500 ۋاقىتتىق قىزمەتكەر ۇسىنىس ەتەتىندىگى، ۇكىمەت شيپاحانالارىندا شۇعىل جاعدايعا توتەپ بەرۋگە ارناپ توسەك ورنىن كوبەيتەتىندىگى جانە سپورتشىلار مەن ۋاكىلدەر ۇيىرمەسىنىڭ ءمانساپتىلارى ارناۋلى ەمدەۋ قۇرىلىمىندا ەمدەلەتىندىگى سياقتى مازمۇندار قامتىلعان.
وليمپيادا سپورت جارىسى مەزگىلىندە دۇنيە ءجۇزىنىڭ جەر-جەرىنەن كەلەتىن شامامەن ءبىر ميلليون 400 مىڭ كورەرمەن جانە سپورتشىنى قابىلداۋ ءۇشىن، برازيليا فەدراتسيالىق ۇكىمەتى، ريو-دە-جانە-يرو شتاتى ۇكىمەتى، ريو-دە-جانە-يرو قالالىق ۇكىمەت پەن وليمپيادا سپورت جارىسىن ۇيىمداستىرۋ كوميتەتى دەنساۋلىق ساقتاۋعا قاتىستى قۇتقارۋ-كومەكتەسۋ مىندەتىن ورتاق ۇستىنە الماقشى. مەجەمەن جارىس مەزگىلىندە 22 مىڭ ادام رەت ناۋقاس كورمەكشى، ريو-دە-جانە-يرو قالالىق دەنساۋلىق ساقتاۋ مەكەمەسىنىڭ باستىعى سولانتس: « 2012-جىلعى لوندون وليمپيادا سپورت جارىسىنىڭ ناۋقاس قابىلداۋ رەت سانى 11 مىڭ رەتكە جەتكەن،
ءبىز وسى ساندى مالىمەتتىڭ ەكى ەسەسىنە مەجەلەپ دايىندىق كورىپ، ويلاماعان جاعدايدىڭ تۋىلۋىنان ساقتانباقشىمىز» دەدى.
سولانتس مەجەمەن كۇنىنە مىڭعا جۋىق ادام ناۋقاسىن كورسەتۋى مۇمكىن، سوندىقتان ءار دارەجەلى ۇكىمەت 8 ميلليون ريال ( ءبىر ريال شامامەن 1.76 يۋان ) ەرەكشە قاراجات بوساتقاندىعىن ايتتى.
مۇنان تىس، ريو-دە-جانە-يرو وليمپيادا سپورت جارىسىن ۇيىمداستىرۋ كوميتەتى تاعى ەكى جەكە ەمدەۋ قۇرىلىمىمەن توقتامداسىپ، سپورتشى، تىزىمگە الدىرىلعان ءتىلشى جانە جارىسقا قاتىناسقان ۋاكىلدەر ۇيىرمەسىنىڭ مۇشەلەرىن قامتىعان 15 مىڭ ادامنىڭ دەنساۋلىعىن تەكسەرۋگە جاۋاپتى ەتتى.
وليمپيادا سپورت جارىسى مەزگىلىندە قالالىق ۇكىمەت جارىس الاڭىنىڭ ماڭىنداعى شيپاحانادا ەڭ نەگىزدىك ەمدەۋمەن قامداۋعا جاۋاپتى بولادى، شتات ۇكىمەتى شۇعىل جاعدايدا ناۋقاستاردى ءبىر دارەجە جوعارى شيپاحاناعا جەتكىزۋگە جاۋاپتى بولىپ، بارلىق ەمدەۋ قيمىلىنا ريو-دە-جانە-يرو مەن استانا برازيلياعا ورنالاسقان دەنساۋلىق ساقتاۋ ورتالىعى جاۋاپتى بولدى.
مۇنان تىس، برازيليا فەدراتسيالىق ۇكىمەتى ناۋرىزدىڭ اياق شەنىندە 30 ميلليون ريال قارجى شىعارىپ، ريو-دە-جانە-يرو وليمپيادا سپورت جارىسى مەزگىلىندە ناۋقاستاردى تاسۋعا پايدالاناتىن قۇتقارۋ اۆتوموبيلىن جانە اۆتوموبيلدىڭ ىشكى جابدىقتارى مەن جانار زاتىن ساتىپ الۋعا پايدالاناتىندىعىن، كەزەكتە ەمدەۋ قۇرىلىمى ۇسىنىس ەتپەكشى بولعان 2 مىڭ 500 ۋاقىتتىق قىزمەتكەردىڭ 80 پايىزى قابىلدانىپ بولعاندىعىن جاريالادى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.