« جۇڭگو فۋتبول كومانداسى » ۇكىمەت ميكرو بلوگىنىڭ 6-ساۋىردەگى حابارىنا نەگىزدەلگەندە، ريو-دە-جانە-يرو وليمپيادا سپورت جارىسى ايەلدەر فۋتبول جارىسىنىڭ جەرەبە سۋىرىپ، قاتارعا تۇرعىزۋ ناتيجەسى جاريالانىپ، ەلىمىزدىڭ ايەلدەر فۋتبول كومانداسى، كانادا ايەلدەر فۋتبول كومانداسى جانە جاڭا زەللانديا ايەلدەر فۋتبول كومانداسى بىردەي ءۇشىنشى قاتارعا كىرگەن.
3-قاتارعا كىرگەن ەلىمىزدىڭ ايەلدەر فۋتبول كومانداسى، كانادا ايەلدەر فۋتبول كومانداسى جانە جاڭا زەللانديا ايەلدەر فۋتبول كومانداسىنان سىرت، وليمپيادا سپورت جارىسى ايەلدەر فۋتبول جارىسىنىڭ شەشۋشى جارىسىنا قاتىناساتىن باسقا كوماندالاردىڭ ىشىندە برازيليا، ا ق ش جانە گەرمانيا سياقتى ەلدەردىڭ ايەلدەر فۋتبول كوماندالارى ءبىرىنشى قاتارعا، فرانسيا، اۆستراليا جانە شۆەتسيا سياقتى ەلدەردىڭ ايەلدەر فۋتبول كوماندالارى ەكىنشى قاتارعا كىرسە، كولۋمبيا، وڭتۇستىك افريكا جانە زيمبابۆە سياقتى ەلدەردىڭ ايەلدەر فۋتبول كومانداسى ءتورتىنشى قاتارعا كىرگەن. وليمپيادا سپورت جارىسى ايەلدەر فۋتبول جارىسىنىڭ گرۋپپالارعا ءبولۋ جەرەبە سۋىرۋ سالتى 14-ساۋىردە برازيليادا وتكىزىلەدى ەكەن.
ەلىمىزدىڭ ايەلدەر فۋتبول كومانداسى 5-ساۋىردەن باستاپ شىنجىندا شوعىرلى جاتتىعۋ جاساپ، وليمپيادا سپورت جارىسىنا دايىندالدى،ولار 8-ءساۋىر جانە 11 –ساۋىردە جەكە-جەكە شىنجىن ستۋدەنتتەر سپورت جارىسى ورتالىعى مەن يۇننان ولكەسىنىڭ چۇيجيڭ مادەنيەت-دەنە تاربيە سارايىندا كوستا-ريكا ايەلدەر فۋتبول كومانداسىمەن سايىسقا تۇسەدى. ۋ حاييان جارالانىپ قالعاندىقتان وسى كەزەكتى شوعىرلى جاتتىعۋعا قاتىناسا المادى،
1997-جىلى تۋىلعان جاس اتويشى ۋاڭ يىڭ وسى رەتكى شوعىرلى جاتتىعۋعا قاتىناساتىنداردىڭ ەسىمدىگىنە تولىقتاپ قابىلداندى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.