ەەڭ جاڭا مازمۇندار
جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قۇتتىقتاۋ بايلانىسىمەن مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى

كيەسا مەن موريتو

جولدانعان ۋاقىتى : 2016/3/28 13:34:42

(نوۆەللا) 

اكۋتاگاۆا ريۋنوسكيە  (جاپونيا)


    ءتۇن. موريتو قورشاۋدىڭ سىرتىندا اق ساۋلە شاشقان ايعا قاراپ، جەردە جاتقان جاپىراقتاردى جانشىپ، ويعا شومىپ تۇر. 

     ونىڭ وزىمەن-ءوزى سويلەسۋى. 

     «مىنە، اي دا تۋدى.  انشەيىندە ونىڭ تۋۋىن تاعاتىم تاۋسىلىپ توسۋشى ەم، ال بۇگىن جارىقتان قورقىپ تۇرىسىم مىناۋ. جامان با، جاقسى ما، ايتەۋىر، ءبىر ادامداي تىرلىك ەتىپ كەلگەن مەن ءبىر تۇندە بارىنەن ايىرىلىپ، ەرتەڭنەن باستاپ قانىشەر اتانام دەگەن ويدان-اق جانىم دا، ءتانىم دە قالتىرايدى. قولىمنىڭ، مىنە، مىنا قولداردىڭ قىزىل قانمەن بىلعانعانى قانداي بولماق. سوندا  ءوزىمدى-ءوزىم قارعاپ، وزىمنەن-ءوزىم جيرەنەم عوي. ەگەر جەك كورەتىن ادامىمدى ولتىرسەم، بۇلاي ازاپتانباس ەدىم-اۋ. سورلاعاندا، وسى تۇندە جازىعى دا، جاماندىعى دا جوق جاندى ولتىرۋگە ءتيىسپىن. 

    ءوزىن كوپتەن بەرى تۇستەپ تانيتىنمىن. ەسىمىنىڭ ۆاتارۋ سايەموندزە ەكەنىن ەندى عانا ەستىسەم دە ونىڭ ەر ادامعا ءتان ەمەس  جۇقالتاڭ، اپپاق ءجۇزىن قاشاننان بىلەتىنىمدى ءداپ باسىپ ايتا الماسپىن، ءتىپتى كوپ بولعان سياقتى. ونىڭ كيەسانىڭ كۇيەۋى ەكەنىن ەستىگەندە قىزعانعانىم راس. ءبىراق ول قىزعانىشتىڭ جانىمدا ەش ءىز قالدىرماي ءوتىپ كەتكەنى قاشان،ءتىپتى ۆاتارۋ ماحابباتتاعى قارسىلاسىم بولسا دا كوڭىلىمدە وعان دەگەن وشتىك تە، جەك كورىنىش تە جوق، قايتا ونى ايايمىن دەسەم ءجون بولار. كيەسانى وزىنە قاراتۋ ءۇشىن كوروموگاۆا وزەنىنىڭ ساعاسىندا قانشالىقتى اۋرەگە تۇسكەنىن ەستىگەندە، ءتىپتى وعان ءىشىم جىلىپ قالدى. قايتسەم دە كيەسانى جار ەتەم دەگەن ماقساتپەن ولەڭ جازۋمەن شۇعىلدانعانى قانداي. وسى ءبىر قايسار سامۋراي جازعان ماحاببات ولەڭدەرى قانداي ەكەن دەگەن وي كەلگەندە ەرىكسىز جىميامىن. ءبىراق بۇل كەلەمەج  كۇلكى  ەمەس، قايتا ايەلگە سونشاما ۇناعىسى كەلىپ الەككە تۇسكەن ادامعا دەگەن ىستىق ىقىلاس. الدە ونىڭ ءدال مەن سۇيەتىن ايەلگە ۇناعىسى كەلىپ اۋرەلەنۋى مە ەكەن، عاشىق كوڭىلىمە شۋاق سەپكەن؟ 

     الايدا وسىلاي ايتاتىنداي رەتىم بار ما، كيەسانى شىنىمەن-اق سونشالىقتى سۇيەم بە؟ مەنىڭ كيەساعا دەگەن ماحابباتىم ەكى كەزەڭگە بولىنەدى: قازىرگى كەزدەگى جانە بۇرىنعىسى. كيەسا ۆاتارۋمەن قوسىلماي تۇرعاندا-اق مەن ونى سۇيگەنمىن. بولماسا، سۇيەمىن دەپ ويلاعانمىن. ءبىراق قازىر بايىپتاپ وتىرسام، ول كەزدە كوڭىلىمدە كوپ تۇيتكىل بولعان ەكەن. مەن كيەسادان نە تىلەپ ەدىم؟ وندا ءالى ايەل قۇشىپ كورمەگەن كەزىم، سوندىقتان دا تىلەگەنىم تەك ءتان ءلاززاتى ەدى. مەنىڭ كيەساعا دەگەن ماحابباتىم سول تىلەكتى شىنايى ىڭكارلىققا ۇقساتقان سەزىمتالدىق ەكەنىن ايتسام، ارتىق كەتكەنىم ەمەس. ونىڭ ءبىر دالەلى مىناۋ: كيەسامەن كەزدەسۋىم تيىلعان سوڭ دا ءۇش جىل بويى ونى ەسىمنەن شىعارا المادىم، ەگەر ونىڭ ءتانىن كورسەم ءدال وسىلاي ەستە ۇستار ما ەدىم؟ قانشا قولايسىز بولسا دا مويىندايىن: ءدال وسىلاي ەستە ۇستار ەدىم دەپ ايتا المايمىن. جالپى كيەسانى ويلاعاندا كوڭىلىمدە ىلعي ءتان ءلاززاتى تۇراتىن. وسىنداي   سەزىمدەرمەن  ازاپتانىپ ءجۇرىپ، اقىرى ءوزىم سونشاما قورىققان ءارى اڭساعان قاتىناسقا قولىڭ جەتتى. ال سوندا نە بولدى؟ دەپ سۇرايمىن  ەندى  وزىمنەن-ءوزىم. كيەسانى سۇيەتىنىم راس پا؟ 

    ءبىراق بۇل سۇراققا جاۋاپ بەرمەس بۇرىن، قانشا قيىن بولسا دا كەيبىر جايتتەردى وي ەلەگىنەن وتكىزۋىم كەرەك. ءۇش جىل بويى كورىسپەگەن كيەسانى كەزدەيسوق ۆاتانابيە كوپىرىنىڭ قاسىنداعى عيباداتحانادا جولىقتىرىپ قالىپ، سودان جارىم جىل بويى سوڭىنان قالماي وڭاشا كەزدەسۋگە كوندىرۋگە تىرىسىپ باقتىم. اقىرى، كوندىردىم. جوق، تەك وڭاشا جولىعۋعا كوندىرىپ قانا قويسام ءبىر ءسارى، بۇرىن تۇسىمدە عانا كورىپ قيالداپ جۇرگەن قىزىعىما  جەتتىم، ءتانىن قۇشىپ راقاتتاندىم. ءبىراق بۇلاي ەتۋىمە بۇرىنعى ءتانىن كورمەدىم-اۋ دەگەن وكىنىش قانا سەبەپ بولعان جوق. كوروموگاۆا كوشەسىندەگى ۇيدە، قامىس بويرا ۇستىندە كيەسامەن قاتارلاسىپ وتىرعاندا مەن الگى وكىنىشىمنىڭ السىرەگەنىن سەزىندىم. بۇرىنعىداي ەمەس، ايەل   دەگەننىڭ  نە ەكەنىن بىلگەن كەزىم، سودان دا بولار، باياعى الىپ ۇشۋ جوق. ونىڭ ۇستىنە كيەسا دا وسىدان ءۇش جىل بۇرىنعى كيەسا ەمەس، كوپ وزگەرگەن. بەت تەرىسى كومەسكى تارتىپ، كوزىنىڭ استىندا كوگىلجىم شەڭبەرلەر پايدا بولىپتى. جۇپ-جۇمساق تومپيعان بەتى بوساڭسىپ، ۇلبىرەگەن بوعاعى عايىپ بولىپتى. بۇكىل بوي-باسىندا وزگەرمەگەن ءبىر عانا نارسە - كوزى، سول باياعىداعىداي تايسالماي تىك قارايتىن قارا كوزدەرى. بۇل وزگەرىس مەنىڭ قۇشتار كوڭىلىمە اۋىر سوققى بولدى. ءۇش جىل بويى كورۋدى  اڭساعان كيەساما جولىققاندا ايران-اسىر بولعانىم سونشا، ەرىكسىز ءجۇزىمدى بۇرىپ اكەتتىم. 

     وندا بۇنىم نە؟ بۇرىنعى قۇشتارلىقتىڭ جوعىن بىلە تۇرا ودان باس تارتپاعانىم قالاي؟ بىرىنشىدەن، ونى دەگەنىمە كوندىرسەم، وزىمە باعىندىرسام دەگەن ءبىر توسىن تىلەك بۇكىل وي-سانامدى بيلەپ العان-دى. ويتكەنى العاش كەزدەسكەن كۇنى كيەسا مەنىڭ قىزعانىشىمدى قوزدىرۋ ءۇشىن قاساقانا ۆاتارۋدى سۇيەمىن، ءسۇيىپ ءتيدىم دەگەندى ايتىپ ەدى. ال مەن ونىڭ ءسوزىنىڭ جالعان ەكەنىنە ەش كۇمان كەلتىرمەدىم. ‹بۇل ايەلدىك  مەنمەنشىلدىك› دەپ ويلادىم  ىشتەي. ‹مۇمكىن، مەن مۇسىركەمەسىن  دەپ  ىستەگەن امالى ما ەكەن؟› دەپ جانە ءبىر ويلادىم. سودان وسى وتىرىكتى اشكەرە ەتسەم دەگەن تىلەك بىردەن-بىرگە كۇشەيە ءتۇستى. الدا-جالدا مەنەن: ‹وتىرىك ەكەنىن  قايدان  ءبىلدىڭ، وسىنىڭ وزىمشىلدىكتەن تۋعان وي ەمەس پە؟› دەپ سۇراسا كەسىپ جاۋاپ بەرە الماس ەدىم. دەي تۇرعانمەن، ونىڭ ءسوزىنىڭ جالعان ەكەنىنە كۇمانىم جوق. ءالى كۇنگە دەيىن سولاي ويلايمىن. 

     ءبىراق مەنى بيلەگەن تەك  ونى وزىمە باعىندىرسام دەگەن تىلەك قانا ەمەس ەدى. ودان باسقا... وسىنى ايتقاندا ەرىكسىز ءجۇزىم قىزارادى. ودان باسقا مەندە تازا ءتاني تىلەك بولدى. بۇل بۇرىنعى كيەسانى ءبىر قۇشسام دەگەن ارمان-تىلەك ەمەس-تى. جوق، بۇل ايتەۋىر، ايەل عوي، ءبىر كورگەننىڭ ارتىعى بولماس دەگەن ارسىز تىلەك  ەدى، ءتىپتى  جەزوكشە ايەلدىڭ ءتانىن اقشاعا ساتىپ العان ەركەك تە ءدال مەندەي وڭباعان ەمەس ەدى سول ساتتە. قالاي  بولعاندا دا وسىنداي ءتۇرلى تىلەكتەردىڭ يتەرمەلەۋىمەن مەن كيەسامەن توسەكتە جولىقتىم. ناقتىراق ايتقاندا، كيەسانى ماسقاراعا ۇشىراتتىم. ەندى اۋەل باستا وزىمە قويعان سۇراققا ورالايىن. جوق، كيەسانى سۇيەمىن بە،

   سۇيمەيمىن بە دەپ قايتا سۇراپ كەرەگى جوق. سۇيمەك تۇگىلى، كەيدە ونى كورمەستەي بوپ جەك كورەمىن، اسىرەسە بولار ءىس بولىپ، بەت-اۋزىن جاس جۋعان كيەسانى كۇشتەپ قۇشاقتاپ توسەكتەن كوتەرگەن كەزىمدە ول مەنەن دە گورى ۇياتسىزىراق سياقتانىپ كورىندى. ۇيپا-تۇيپا شاشى،  تەرشىگەن  ءجۇزى، ونىڭ ءتانى مەن جانىنىڭ سيىقسىزدىعىنىڭ ايقىن كورىنىسى  تارىزدەندى. ەگەر ونى بۇرىن سۇيگەن بولسام، بۇل كۇن ماحابباتىمنىڭ ماڭگىلىككە جوعالعان، كەلمەسكە كەتكەن كۇنى ەدى. ال ەگەر بۇرىن ونى سۇيمەگەن بولسام، سول كۇننەن باستاپ كەۋدەمدە وعان دەگەن وشپەندىلىك وياندى. ەندى مىنە... ەندى سول ءوزىم سۇيمەيتىن ايەل ءۇشىن ەش جازىعى جوق ادامدى ولتىرمەكپىن. 

     بۇعان ەشكىم كىنالى ەمەس. ول جايلى ءوز ەركىممەن، ءبىرىنشى بولىپ ءسوز باستادىم. ‹ۆاتارۋدى ولتىرەيىن بە؟› دەپ سىبىرلادىم ونىڭ قۇلاعىنا ەرىنىمدى  تيگىزىپ.  قازىر  ويلاپ وتىرسام، سول جولى ەسىم كىرەسىلى-شىعاسىلى بولعان سياقتى. ءسويتىپ مەن سول ءسوزدى ايتىپ سىبىرلادىم. ‹سىبىرلامايمىن› دەپ تىستەنىپ وتىرىپ سىبىرلادىم. نەگە سونى ايتۋعا قۇشتار بولعانىمدى قازىر دە بىلمەيمىن. ايتكەنمەن دۇرىستاپ ويلانىپ كورسەم... ونى نەعۇرلىم جەك كورىپ، جيرەنگەن سايىن، سوعۇرلىم نە سوزبەن، نە ىسپەن قورلاسام، جەر ەتسەم دەگەن قۇلشىنىسىم ارتتى. ‹ۆاتارۋدى ولتىرەيىن بە؟› دەگەن ءسوزدىڭ وسى ماقساتىما سونشاما ساي كەلگەنى، راسىندا دا، كيەسا سۇيەمىن-كۇيەمىن دەپ الدەقانداي ەتكەن ادامدى ءولتىرۋ جانە بۇل ىسكە ونىڭ ءوزىنىڭ، وتىرىك تالىمسىگەن ايەلدىڭ، كەلىسىمىن الۋدان اسقان قورلاۋ بار ما؟ مىنە، ءسويتىپ مەن ناق ءبىر سايتان تۇرتكەندەي، ەركىمنەن تىس كىسى ولتىرۋگە ۇسىنىس جاسادىم. ماعان ‹ۆاتارۋدى ولتىرەيىن بە؟› دەگىزگەن تەك الگى ايتقان سەبەپتەر عانا ەمەس ءتارىزدى، بەينە الدەبىر كوزگە كورىنبەيتىن كۇش (ءتارىزى الباستىنىڭ ءوزى بولار) ەرىك-سانامدى بيلەپ، جامان جولعا يتەرمەلەگەندەي. سولاي ما، سولاي ەمەس پە، ايتەۋىر، مەن الگى ءسوزدى ايتىپ كيەسانىڭ قۇلاعىنا قويماي سىبىرلادىم. 

     سودان ءبىراز ۇندەمەي وتىرىپ - وتىرىپ كيەسانىڭ كەنەت بەتىمە جالت قاراپ، كەلىسەمىن دەگەنى. ونىڭ سونشاما   جەڭىل  كەلىسە  سالعانى ەمەس، جالپى كەلىسكەنى مەنى قايران قالدىردى. اڭىرىپ بەتىنە قاراعاندا كوزىنەن ءوزىم بۇرىن-سوڭدى كورمەگەن توسىن جارقىل بايقادىم. سول ساتتە: ‹ناعىز زيناقور ايەل عوي مىناۋ!› دەگەن وي كەلدى باسىما. سول سول-اق ەكەن، قانشالىقتى قارا نيەت، سۇمدىق ىسكە بارعالى تۇرعانىمدى انىق سەزىنىپ جانىم تۇرشىككەنى. ونىڭ ابدەن توزعان، بۇزىق جۇزىنە قاراۋدان بۇرىنعىدان بەتەر جيرەنگەنىم ايتپاسام دا تۇسىنىكتى بولار. ماعان سالسا سول جەردە، سول مەزەتتە-اق ۋادەمنەن باس تارتار ەدىم. ونىمەن  قويماي، ادالدىقتان اتتاعان ايەلدى اياۋسىز جازالار ەدىم. سوندا مۇمكىن، ءتىپتى سول ايەلدى دۇرىس جولدان تايدىرعان ءوزىم بولسام دا ار-ۇيات الدىنداعى ازابىم جەڭىلدەر مە ەدى، قايتەر ەدى. ءبىراق مەن ەندى ويتە المايتىن بەيشارا كۇيدە ەدىم. ونىڭ ءجۇزى اياق استىنان ادام ايتقىسىز وزگەرىپ، جانارى وڭمەنىمنەن ءوتىپ، تەسە قاراعاندا ەركىمنەن تىس ۆاتارۋدى ولتىرۋگە ۋادە قىلۋعا ءماجبۇر بولدىم، ەگەر ۋادەمدە تۇرماسام كيەسانىڭ كەك الاتىنىن سەزىنىپ، سودان قورىققانىمنان، ءتىپتى ۆاتارۋدى ولتىرەتىن كۇنىم مەن ساعاتىنا شەيىن كەسىپ ايتتىم، ءتىپتى كۇنى بۇگىنگە دەيىن سول قورقىنىش، سول ۇرەي كەۋدەمنەن كەتەر ەمەس. ەگەر بىرەۋ-مىرەۋ مەنى قورقاق دەپ مازاق ەتسە، كۇلسە، ەش قىسىلمايمىن، كۇلە بەرسىن. سو جولى كيەسانى كورمەگەن ادام عانا ويتە الادى. ‹ەگەر مەن ونى ولتىرمەسەم، كيەسا مەنى ولتىرەدى، مەيلى، ءوز قولىمەن بولماسىن، ايتەۋىر، ولتىرەرى حاق. ءوزىم ولگەنشە ۆاتارۋدىڭ قانىن موينىما جۇكتەگەنىم ءجون ەمەس پە› دەپ شەشتىم  مەن كيەسانىڭ جاسسىز جىلاعان جانارىنا قاراپ تۇرىپ. ءسويتىپ مەن انت ەتتىم، سوندا كيەسانىڭ جانارىن تومەن سالىپ اقىرىن عانا كۇلگەنىن، بەتىنىڭ ۇشى شۇقىرايىپ، بوپ-بوز جۇزىنە قان جۇگىرگەنىن كورگەندە قورقىنىشىمنىڭ نەگىزسىز ەمەستىگىنە ابدەن كوزىم جەتتى. 

     ‹و، ءتاڭىرى! ەندى سول قارعىس اتقان انتىمدى ورىنداۋ ءۇشىن ءوزىمنىڭ ابىرويسىز، ارسىز جانىما ادام ءولتىرۋ كۇناسىن جانە جاماماقپىن. شىركىن، وسى ءتۇن انتىمدى بۇزا السام عوي... جوق، ەندى ويتسەم دە جان دۇنيەمدى اراشالاپ الىپ قالا المايمىن. بىرىنشىدەن، انت بەرگەن ادامىم امان، كوزى ءتىرى. ونىڭ كەك قايتارۋىنان قورقاتىنىمدى اۋەل باستا ايتتىم. قورقاتىنىم قىلاۋسىز شىندىق. ءبىراق بۇدان باسقا دا ءبىر سەبەپ بار. ول نە سەبەپ؟ جازىقسىز جاندى ولتىرۋگە مەن سياقتى قورقاق نەمەنى يتەرمەلەگەن سول ۇلى كۇش نەندەي كۇش؟ بىلمەيمىن. بىلمەيمىن، ءبىراق كەيدە... جوق، ولاي بولۋى مۇمكىن ەمەس. مەن ول ايەلدەن جيرەنەم. قورقام. جەك كورەم. ايتكەنمەن... سوندا دا... مۇمكىن... ونى ءالى دە سۇيەتىن سياقتىمىن...»

     بىرەسە   ولاي، بىرەسە  بىلاي ءجۇرىپ سەندەلگەن موريتو وزىمەن-ءوزى سويلەسكەنىن كىلت تيدى. اي ساۋلەسى توڭىرەكتى اپپاق نۇرعا بولەپ تامىلجىپ تۇر. الدەبىر جاقتان ءان ەستىلەدى. 

     و، ادام جانى، جۇرەگى ءتىلسىم جۇمباق تۇنەگى. جىلت ەتىپ جانعان ءبىر ساۋلە، جانادى دا سونەدى، جانادى دا سونەدى. مىنە، وسى بار كورەرى. 

     ءتۇن. كيەسا توسەكتەن باسىن كوتەرىپ، شام جارىعىنان ءجۇزىن بۇرىپ، جەڭىن تىستەلەپ ويعا شومدى. 

     ونىڭ وزىمەن-ءوزى سويلەسۋى. 

     «كەلە مە؟ الدە كەلمەي مە؟ كەلمەۋى مۇمكىن ەمەس. الايدا اي توبەدەن اۋىپ بارادى، سىرتتان اياق تىقىرى ەستىلەر ەمەس، مۇمكىن، ول اينىپ قالعان بولار. شىنىمەن كەلمەسە قايتەم؟ وندا ەرتەڭ ءجۇزى كۇيگەن ءجۇزىقارا قۇساپ جارىق كۇنگە قاراي الماي جەر بولام عوي. وسىنشاما پاسىقتىقتى، جەكسۇرىندىقتى قالاي كوتەرمەكپىن؟ وندا مەنىڭ اياق استى بوپ جولدا جاتقان مۇردەدەن قانداي ايىرماشىلىعىم بولماق؟ ماسقاراعا ۇشىراپ قورلانعانىم ازداي،

    تۇك كورمەگەندەي، تۇك بولماعانداي ءمۇلايىمسىپ، مىلقاۋ قۇساپ مەلشيىپ، ەشكىمگە ەشتەڭە ايتا الماي ءىش قۇسا كۇن كەشۋىم كەرەك. ەگەر ءدال سولاي بولسا، وندا ولگەننەن كەيىن دە كورگەن ازابىم مەن مازاعىمدى ۇمىتا الماسپىن. جوق، جوق، ول قايتسە دە كەلەدى. قوشتاسقان ساتتەگى قاراسى ەسىمدە، كەلەتىنىنە سەنەتىنىم دە سودان. ول مەنەن قورقادى. جەك كورەدى، جيرەنەدى، سويتسە دە قورقادى. راسىندا دا، ەگەر مەن وزىمە عانا سەنسەم، ونىڭ كەلەتىنىنە كەپىلدىك جاساي الماس ەم. ءبىراق مەن وعان سەنەم، ونىڭ وزىمشىلدىگىنە سەنەم. جوق، مەن وزىمشىلدىكتەن تۋعان توپاس قورقاقتىققا سەنەم. كەلەدى دەپ ايتاتىنىم سودان. ول، ءسوزسىز، بۇكشيىپ   بۇعىپ، جىمىپ  باسىپ وسىندا كەلەدى. 

     قۇداي-اۋ، وزىنە-ءوزى سەنە المايتىن ادامنان وتكەن سورلى بار ما؟ وسىدان ءۇش جىل بۇرىن مەن وزىمە، كوركىمە سەنۋشى ەدىم. ءۇش جىل بۇرىن... جوق، سول كۇنگە دەيىن دەسەم ءجون بولار. سول كۇنى، ونىمەن تۋىس اپايدىڭ ۇيىندە وڭاشا كەزدەسكەن كۇنى، ونىڭ جۇزىنە ءبىر قاراعاننان-اق ءوزىمنىڭ سۇرىقسىزدىعىمدى سەزىندىم. ول وتىرىك كولگىرسىپ، اينالىپ-ءۇيىرىلىپ قۇشاعىنا تارتتى. ءبىراق  ءوزىنىڭ  سۇرىقسىز ەكەنىن سەزىنگەن ايەل ونداي جىلىمشى سوزگە نانار ما؟ مەن  تەك  ىشتەي ازاپتاندىم. قورىقتىم. قايعىردىم. ەسىمە بالا كەزدەگى ءبىر وقيعا ءتۇستى، كۇتۋشى ايەلدىڭ قولىندا وتىرىپ ايدىڭ تۇتىلعانىنان قورقىپ، جانىم تۇرشىگىپ ەدى، ونداعى كۇيىم قازىرگىمنەن كوپ ىلگەرى ەكەن. بۇكىل ارمان-ءۇمىت ادىرا قالدى. بۇلىڭعىر كۇنى بويدى بيلەيتىن بويكۇيەز مۇڭ جانىمدى جايلادى. مۇڭنان مۇجىلگەن، سەزىم قاشقان ءولى ءتانىمدى اقىرى ونىڭ قۇشاعىنا تاستادىم. ءوزىم سۇيمەيتىن، ءوزىمدى جەك كورەتىن، مەنەن جيرەنەتىن، ءتاتتىقۇمار ەبەلەككە ءتانىمدى قيدىم. مۇمكىن، سۇرىقسىزدىعىمدى سەزىنگەن ساتتەگى ۇمىتسىزدىكتەن، مۇڭنان ءوزىمدى قويارعا جەر تاپپاي سويتكەن بولارمىن. ايتەۋىر، مەن ءوزىمدى دە، وزگەلەردى دە الداۋسىراتۋ ءۇشىن ونىڭ كەۋدەسىنە باسىمدى قۇشتارلىقپەن، ىڭكارلىقپەن باسقان ءتۇر كورسەتتىم. الدە مەنى دە ونىڭ بويىن بيلەگەن جەكسۇرىن قۇمارلىق ەلىتتى مە ەكەن؟ وسىنى ويلاسام-اق بەتىم كۇيەدى. ۇيات-اي. ۇيات، اسىرەسە ونىڭ قۇشاعىنان بوسانعان ساتتە ءوزىمدى-ءوزىم قالاي جەك كوردىم دەسەيشى. 

     قانشاما تىستەنىپ باقسام دا كۇيىنىش، قايعى جاسى ەركىمە كونبەي، كول بوپ اعىپ  ءجۇزىمدى  جۋدى. الايدا بۇل ادالدىقتان اتتاعانىما ۇيالعان، وكىنگەن وكىنىش جاسى عانا ەمەس، بارىنەن دە  جانىما  باتقانى - مەنى ءازازىل تىلمەن ازعىرىپ، دۇرىس جولدان تايدىرعانىمەن قويماي، قورلاعانى، مەنەن الاپەس يتتەن جيرەنگەندەي جيرەنگەنى. سوسىن نە ىستەپ ەدىم؟ ەسىمدە ەمىس-ەمىس بىردەڭەلەر قالىپتى، بەينە ءبارى كۇنى كەشە ەمەس، باياعىدا بولعان سياقتى. ەڭىرەپ جىلاعانىم ەسىمدە، سوسىن كەنەت ونىڭ مۇرتىمەن قۇلاعىمدى جىبىرلاتىپ، ىستىق دەمىمەن بەتىمدى كۇيدىرە: ‹ۆاتارۋدى ولتىرەيىن بە؟› دەگەنى دە جادىمدا. الگى سوزدەردى ەستىگەن ساتتە ءولى كەۋدەمە تىرشىلىك ورالعانداي بولىپ سەزىنگەنىم. تىرشىلىك؟ ەگەر ايدىڭ ساۋلەسىن  جارىق  دەپ اتاۋعا بولسا، وندا الگى تۇسىنىكسىز سەزىمدى تىرشىلىكتىڭ تۇتانۋى دەۋگە كەلەر. ءبىراق بۇل قانداي تىرشىلىك دەسەڭىزشى، كۇن ساۋلەسى قايدا، ول قايدا؟ سولاي بولا تۇرسا دا وسى سۇمدىق سوزدەردىڭ جانىمدى جاي تاپتىرعانى راس. قۇداي-اۋ، شىنىمەن-اق مەن، شىنىمەن-اق ايەل بەيباق بوتەن ەركەكتىڭ ماحابباتىنا ماسايراعاننان ءوز كۇيەۋىن ولتىرۋگە بەيىل بولعانى ما؟ 

     وسى تۇنگى اي ساۋلەسىندەي مۇڭدى تىرشىلىك تىنىسىنىڭ تام-تۇمداپ بويىمدى جايلاي باستاعانىن سەزىنگەندە دە جىلاۋىمدى دوعارعان جوق ەدىم. ال سوسىن شە؟ سوسىن؟ كۇيەۋىمدى ولتىرۋگە انت بەرگىزگەنىم قاشان،

    قالاي بولىپ ەدى؟ ونى انت-سۋ ىشۋگە ءماجبۇر ەتكەن كەزدە بارىپ العاش رەت كۇيەۋىمدى ەسىمە الدىم. جاسىرارىم جوق، كۇن ۇزاققا العاش رەت ەسىمە العانىم سول بولدى. وعان دەيىن ويلاعانىم ءوز ماسقارام، قام جەگەنىم دە ءوز ابىرويىم ەدى. ءيا، تەك سوندا عانا كۇيەۋىمدى، مومىن كۇيەۋىمدى ەسىمە الدىم، جوق، ونىڭ ءوزىن ەمەس... كوز الدىما ونىڭ الدەنە جايلى كۇلىمسىرەي اڭگىمەلەگەن كەيپى كەلە قالدى. سول كەيىپتى ەسكە العاسىن-اق ويعا العان نيەتىمە دەن قويدىم. مەن ولىمگە بەل بايلادىم جانە وسىنداي شەشىمدى قابىلداۋعا ەرىك-كۇشىمنىڭ جەتكەنىنە قۋاندىم. ءسويتتىم دە جىلاعانىمدى قويىپ، باسىمدى كوتەردىم، سول مەزەت ونىڭ جۇزىنە كوزىم ءتۇسىپ كەتتى دە قۋانىشىم سۋ سەپكەندەي    باسىلدى،  ويتكەنى ءوزىمنىڭ سۇرىقسىز  ەكەندىگىمدى ەسىمە العان ەدىم. سانامدا سول باياعى بالا كۇنگى سۋرەت، كۇتۋشى ايەلدىڭ الدىندا وتىرىپ كورگەن تۇتىلعان ايدىڭ سۋرەتى جانداندى. بويىمداعى بولىمسىز قۋانىشتىڭ تاساسىنا تىعىلعان قارا نيەت ويلار قايتادان اتوي سالىپ شىعا كەلدى. ەگەر كۇيەۋىمنىڭ ورنىنا ءوز باسىمدى اجالعا تىكسەم، ونى سۇيەتىنىمدى دالەلدەگەنىم بولماي ما؟ جو، جوق،

    مەن ءوز كۇنامدى جەڭىلدەتۋ ءۇشىن عانا وسى ىسكە بارماقپىن، ال ءسۇيۋ دەگەنىڭ جاي عانا جەلەۋ. ءوز بەتىممەن ولە المايتىن بولعان سوڭ سويتپەكپىن. جۇرت الدىندا جاقسى  اتانۋ  ءۇشىن وسىلاي ىستەمەكپىن. ءبىر بۇل عانا بولسا تۇك ەمەس قوي، مەنىڭ نيەتىم ودان دا حارامىراق، ودان دا جەكسۇرىنىراق. كۇيەۋىم ءۇشىن ءوزىمدى قۇربان ەتەمىن دەپ وتىرىك كولگىرسىگەنمەن ارعى ويىم كوڭىلدەسىمنەن كەك الۋ عوي، مەنى جەك كورگەنى ءۇشىن، ءبىر ساتتىك ءناپسى جەلىگىن باسۋ ماقساتىمەن مەنى ويىنشىق ەتكەنى ءۇشىن ونى وسىلاي جازالاماقپىن. ونىڭ بەتىنە كوزىم تۇسكەندە اي ساۋلەسى قۇساپ سانامدى ءبىرتىن-ءبىرتىن ساۋلەلەندىرىپ كەلە جاتقان جاندانىستىڭ جالپ ەتىپ وشكەنى، جۇرەگىمنىڭ مۇڭنان مۇزداپ   كەتكەنى   تەگىن ەمەس-تى. ياكي مەن  كۇيەۋىم ءۇشىن ولمەيدى ەكەم، ءوزىم ءۇشىن عانا ولمەكپىن. جۇرەگىمنىڭ جارالانعانىنا قايعىرعاننان، ءتانىمنىڭ تاپتالعانىنا كۇيىنگەننەن ولمەكپىن. تەك  سول ءۇشىن عانا ولمەكپىن. مەنىڭ تىرشىلىگىمنىڭ قۇنى كوك تيىن. ءولىمىم دە سونداي  ابىرويسىز  بولماق. قانداي ابىرويسىز بولسا دا اجال مەنى  السا ەكەن، تەك سوعان جەتسەم ەكەن.

    جۇرەگىمدى جارىپ بارا جاتقان مۇڭدى جاسىرىپ زورلانا  جىميدىم، ءسويتتىم دە وعان الگى ءبىر انتىن تاعى ءبىر قايتالاتتىم. ول دا اقىماق ەمەس، ەگەر بەرگەن انتىن بۇزسا مەنىڭ تەگىن قويماسىمدى، ءبىر بالەگە باستايتىنىمدى بىلەدى. ولاي بولسا، ول كەلۋگە ءتيىس، انت بەرۋىن بەرىپ، كەلمەي قالۋى مۇمكىن ەمەس. مىناۋ نەمەنە، جەل مە؟ سوناۋ ءبىر كۇنى باستالعان ازابىمنىڭ وسى تۇندە اياقتالاتىنىن ويلاعاندا كادىمگىدەي-اق سەرگىپ، جەڭىلدەپ قالام. ەرتەڭ باسسىز مۇردەمە كۇن سۋىق ساۋلەسىن تۇسىرەدى. ونى كورگەن كۇيەۋىم... جوق، كۇيەۋىم جايلى ويلاماعانىم ءجون، ونىڭ مەنى سۇيەتىنى كۇمانسىز. 

     ءبىراق ونىڭ سۇيگەنىنەن ماعان ەش جەڭىلدىك جوق. قاشاننان بەرى ءبىر عانا ادامدى سۇيگەنمىن، ءالى دە سۇيەم. ەندى مىنە، سول ادام وسى ءتۇن مەنى ولتىرۋگە كەلمەكشى. ءتاڭىرى، تۇنگى شامنىڭ كومەسكى جارىعىنىڭ ءوزى كوزىمدى قارىقتىرىپ بارا جاتقانىن قاراشى. عاشىعىنىڭ ازاپتاۋىنان الجاسۋعا اينالعان مەن سورلىنىڭ كوزىن قارىقتىرىپ بارادى». 

     كيەسا شامدى ءسوندىردى. ارتىنشا-اق قاراڭعىلىقتان سىرعىما ەسىكتىڭ اقىرىن عانا سىرعىتىلعان دىبىسى ەستىلدى. ساڭلاۋدان ايدىڭ كومەسكى ساۋلەسى ءتۇستى. 

اۋدارعان - ب . قوجابەكوۆا 

دايىنداعان - قاجىبەك ايدارقان ۇلى


رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn