قايرات،ليۋ لۋ حابارلايدى. 29-اقپان كۇنى كەشتە ساۋان اۋدانى قوعام حاۋىپسىزدىگى مەكەمەسى الاڭ جولى ساقشى بولىمشەسىنىڭ ساقشىلارى كۇن-ءتۇن كۇزەتۋ ارقىلى قىلمىس كۇماندىسى ا XX تى ۇيىنە قايتقان جولىنان قولعا الادى،تەرگەۋ ارقىلى ول ەكى كۇننىڭ الدىندا توناۋشىلىق ىستەگەن قىلمىستى ىستەرىن بۇلجىتپاي مويىندايدى.
27-اقپان كۇنى كەشكى ساعات 23 تە جۇمىسسىز جۇرگەن اXX ۇيىنەن شىعا سالىپ قول سومكە كوتەرگەن ا XX ايەلدىڭ ارتىنان ەرەدى،ايلانباعا كەلگەندە جان-جاعىندا باسقا ادامنىڭ جوقتىعىن بايقاعان سوڭ ا XX دەرەۋ ورايدى قولدان جىبەرمەي، ا XX ايەلدىڭ سومكەسىن الا قاشادى،سونىمەن سومكەدەگى 1100 يۋان اقشانى قالتاسىنا سالادى دا سومكەنى قوقسىق ساندىققا تاستاپ زىتىپ بەرەدى.
الاڭ جولى ساقشى بولىمشەسىنىڭ ساقشىلارى تەكسەرۋ جۇرگىزۋ بارىسىندا دەلو تۋىلعان ورىننىڭ ماڭايىنداعى بۇقارادان جاعداي ۇعىسىپ،سول جەردەگى جاتاعان ۇيلەردەگى ۇنەمىلىك تۇرعىنداردىڭ وتباسىنا ۇنەمى كەلىپ-كەتىپ جۇرەتىن ادامداردى تەكسەرۋ ارقىلى ا XX تىڭ ءۇي مايلاعاننان بەرى ۇزاق ۋاقىت ۇيىنە قايتپاعانىن، ونى از كەزدەستىرەتىندىگىن،ەكى كۇننەن بەرى كۇندىز شىعىپ كەتىپ، تۇندە كەلەتىندىگىن ۇعىسادى.
ساقشىلار تەكسەرۋ ارقىلى دەلو تۋىلعان كۇنى قىلمىس كۇماندىسى ءبىر دوسىنىڭ ۇيىنەن اراق ءىشىپ شىققاندىعىن، ونىڭ دەلو تۋدىرعان ۋاقىتى مەن ورنى نەگىزىنەن قابىساتىندىعىن انىقتاپ شىعادى.
ا XX تىڭ قىلمىس كۇماندىسى ەكەندىگىن العاشقى ادىمدا تۇراقتاندىرعاننان كەيىن، ساقشىلار كۇنى-ءتۇنى كۇزەتۋ ارقىلى 29-اقپان كۇنى ساعات 23 تە ۇيىنە قايتىپ بارا جاتقان ا XX تى قولعا الادى.
زاتتىق سپات پەن زياندالۋشىنىڭ دالەلدەۋىمەن ا XXءوزىنىڭ قىلمىسىن بىردەن مويىندايدى ءارى ءوزىنىڭ تاپقان اقشاسىن ىستەتىپ بولىپ،بىرنەشە كۇننەن بەرى اراققا بەرىلىپ مول تابىسقا كەنەلۋدى ويلاعانىن، مۇنداي تەز تورعا تۇسەتىنىن ويلاماعاندىعىن ايتىپ شاعىندى. كەزەكتە بۇل دەلو تەكسەرىلۋ ۇستىندە.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.