ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

كۇزگى باقتىڭ قۋىستارىن شارلايسىڭ

جولدانعان ۋاقىتى : 2016/3/14 12:33:46

ءجۇرسىن ەرمان   (قازاقستان)

       ىرعاي جىرى
ىرعاي، ىرعاي، ىرعايلى،
ىرعاي موينىن ىرعايدى.
زىرلايدى كەپ زىرلايدى،
ىزىڭىنا پەندەنىڭ،
موينىن ءبىر ءسات بۇرمايدى.
رىزدىعىڭدى بەرگەن بوپ،
قىزىعىڭدى ۇرلايدى. 

ىرعاي، ىرعاي، ىرعايلى،
ىرعاي موينىن ىرعايدى.
بايانى جوق بۇل داۋرەن،
باسىندا كوپ تۇرمايدى.
وكىنىشىڭ وزەۋرەپ،
وزەگىڭدى تىرنايدى. 
كوزدىڭ جاسى كەپتەلىپ،
كومەيىڭدە قۇرعايدى.

ىرعاي، ىرعاي، ىرعايلى،
ىرعاي موينىن ىرعايدى.
ىرىلداسىپ قايتەمىز،
سەندە دە بار ءبىر قايعى،
مەندە دە بار ءبىر قايعى.
ىرعاي، ىرعاي، ىرعايلى،
ىرعاي موينىن ىرعايدى...
*  *  * 
دەيسىڭ: 
- حال قالاي؟
شۇكىر، جالعان- اي.
تىرلىك ءتوس بولسا،
باسىم بالعاداي.

كوزىم شىراقتاي،
ءسوزىم سىناپتاي.
قاجاي بەرگەندى،
قالام ۇناتپاي!

ءۇمىت سونبەيدى،
ءىسىم ونبەيدى.
قاجىپ جۇرسەم دە
ولگىم كەلمەيدى.

جانداي ۇر دا جىق،
جۇرەم زىر قاعىپ.
كۇلەم سۇرلانىپ،
كىرەم ۇرلانىپ.

نارىق دەگەنىڭ،
تۇزاق- كوگەنىن.
ءىلدى مويىنعا،
ءىلبىپ كەلەمىن.

كوپتىڭ ءبىرىمىن،
ءازىر ءتىرىمىن.
توناپ ءوزىمدى،
جۇرگەن ۇرىمىن.

ءمىنىس اتتايمىن،
جەلەم، شاپپايمىن.
كورگە كىرگەنشە،
تىنىم تاپپايمىن.
*   *   * 
كۇن جىلى،
كۇننەن ءتۇن جىلى.
سۋسايمىن نەگە ءشول قانباي؟
ءومىردىڭ ءبىتىپ مىڭ جىلى،
مىڭ ءبىرىنشىسى قالعانداي.

تەڭسەلىپ تۇعىرىم مىنا،
كوڭىلگە كۇدىك كىرگەندەي.
مىڭ جىلدىق عۇمىرىمدى دا
باسقا ءبىر ادام سۇرگەندەي.

ءسۇيدىم بە جاننىڭ داۋاسىن،
كۇيدىم بە قاپى سان وتقا.
جۇتتىم با ءومىر اۋاسىن،
بارمىن با، جوق پا ساناتتا؟

سانامدا بولماي سەكەمىم،
جۇگىردىم، تۇردىم، جىعىلدىم.
ءومىردىڭ وگەي ەكەنىن،
جالت ەتكەن ساتتە ۇعىندىم.

سۋ ەتىپ جۇرەك ءبىر ساتكە،
سۋىنسا كوڭىل نە قىلاسىز؟
ماڭگىلىك ءۇشىن مەن بەيباق،
نوقات قانامىن ماعىناسىز.

شالشىققا باسقان ىزىمە،
قادايدى سۇعىن سۇڭعىلا اي.
كەلە ساپ جالعان جۇزىنە،
كەتىپ بارام با؟ سۇمدىق- اي!
*   *   * 
قارا شاشىم اعارادى، اعارسىن،
اعاردىڭ دەپ قالاي كىنا تاعارسىڭ؟
قايىرىلماسقا كەتكەن قايران كۇندەردەن،
كەلىپ جاتقان اق ساۋىتتى حابارشىم.

قارا جەردە كوگەرەدى، كوگەرسىن،
كوگەرسە دە، كونەرسە دە كونەرسىڭ.
پىر- پىر ۇشقان كوپ كۇندەرىم كوگەرشىن،
ۇياسىنا ورالماسا، نە دەرسىڭ؟..

اقشا بەتىم قىزارادى، قىزارسىن،
قىزارماساڭ قىزىعىمدى بۇزارسىڭ.
كيىز ءۇيدىڭ ىرگەسىندە كولەڭكەم،
سەنىڭ كۇنىڭ تۇسكەن جاقتان ۇزارسىن.

كوك جاپىراق سارعايادى، سارعايسىن،
سارعايعاننىڭ ءبارىن قالاي قارعايسىڭ؟
جاز بەلگىسى قالدى ما دەپ ءبىر جەردە،
كۇزگى باقتىڭ قۋىستارىن شارلايسىڭ.

كوڭىلىمە سالىپ تالاي قاياۋدى،
وڭىپ جاتىر بوياۋلارىم اياۋلى.
ۋاقىت پا؟ 
ۋاقىت سۇم الدامشى،
تەك سول عانا ايىرمايتىن بوياۋدى. 

        ەكى سۋرەت 
سۇلۋ كورسەم سوڭىنان جۇگىرەتىن،
مىناۋ مەنىڭ جاس كۇنگى سۋرەتىم.
شاراپ بەرسەڭ شالقالاپ سىمىرەتىن،
مىناۋ مەنىڭ بۇگىنگى سۋرەتىم.

وسى مەنىڭ بۇگىنگى سۋرەتىم،
قاراي بەرمە قاجىعان تۇرىمە تىم.
اياعىنا جەم تۇسكەن تۇعىر قۇساپ،
ەتەگىمە بولىپپىن سۇرىنەتىن.

قاشان، قالاي كەلتىرگەن كىم رەتىن؟
كون سەكىلدى تارتىلعان ءسىرى بەتىم.
كۇندەر قايدا جوعالعان كولگە بارسام،
قارماعىما اق سازان ىلىنەتىن.

جىگىت ەدىم جاقسىعا جۇگىنەتىن،
ءجونىم بار- اۋ جالعاننان تۇڭىلەتىن.
سىندىر بارلىق اينانى، جىرت البومىمدى،
كورىنبەسىن كوزىمە سۋرەتىم...
سەن نەدەگەن شەبەرسىڭ قۇدىرەتىم؟!
              *   *   * 
اقىننان ەس كەتەتىن، جىردان - مازا،
كەرەگى نە داقپىرتتىڭ قۇر داڭعازا.
تاڭدا ماقشار بولعاندا ءار پەندەگە،
انىق بولسا ءبىر ءادىل تۇرعان جازا؟!

داڭقىمدى ەمەس، ءتاڭىرىم، انتىمدى بەر،
بولجاماسام حالىمدى - حالقىم كۇلەر.
كەشەيىن قويدان قوڭىر تىرلىگىمدى،
ءوزىنىڭ شاماسى مەن شارقىن بىلەر.

جايداقتالىپ كەتكەنمەن زامانا تىم،
وڭمەڭدەۋمەن شىقپاسىن جامان اتىم.
شۇعا جاۋىپ جاتسا دا كوكتەن جەرگە،
قالعىپ كەتپە، قازاقى قاناعاتىم!
            دايىنداعان - اراي ايتىكەن ۇلى 

رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn