وليمپيادا سپورت جارىسىنىڭ دايىندىق جارىسىندا ەلىمىزدىڭ ايەلدەر فۋتبول كومانداسى نولگە قارسى 2 ۇپايمەن ۆيەتنام ايەلدەر فۋتبول كومانداسىن جەڭىپ الدى

29-اقپاندا ەلىمىز فۋتبول كومانداسىنىڭ مۇشەسى ۋاڭ شانشان (الدىڭعى قاتار سولدا) جارىستا دوپ الىپ شابۋىلعا وتۋدە.

   2016-جىلعى ريو-دە-جانە-يرو وليمپيادا سپورت جارىسى ايەلدەر فۋتبول جارىسىنىڭ ازيا رايونى دايىندىق جارىسىنىڭ شەشۋشى  جارىسى  29-اقپاندا جاپونيانىڭ وساكا قالاسىندا  باستالدى. ەلىمىزدىڭ ايەلدەر فۋتبول  كومانداسى العاشقى مايدان جارىسىندا نولگە قارسى 2 ۇپايمەن قارسىلاسى ۆيەتنام ايەلدەر فۋتبول كومانداسىن جەڭىپ، العاشقى جەڭىسكە قول جەتكىزدى.

سول كۇنى وساكا قالاسىنىڭ اۋا رايى سۋىق بولىپ، ارا-تۇرا سەبەزگى جاڭبىر جاۋىپ تۇردى. قاڭتار ايىنداعى شىنجىن قالاسىندا وتكىزىلگەن 4 ەل جارىسى كەزىندەگى ۆيەتنام ايەلدەر فۋتبول كومانداسىمەن بولعان جارىسپەن سالىستىرعاندا بۇل رەت ەلىمىزدىڭ ايەلدەر فۋتبول كومانداسىنىڭ جارىس باستالا سالعانداعى بەينەسى تىم ايتارلىقتاي  بولمادى، ال ۆيەتنام ايەلدەر فۋتبول كومانداسى قورعانۋ شەڭبەرىن كىشىرەيتىپ، جارىم مايداندا شابۋىلداۋ مەن قورعانۋ ءتاسىلىن قولداندى. ەلىمىزدىڭ ايەلدەر فۋتبول كومانداسى قارسى جاققا تالاي رەت شابۋىل جاساپ، ىرىقتى ورىندى يەلەسە دە، ءبىراق قاقپاعا دوپ كىرگىزە المادى.

كەيىنگى مايدان جارىستا ەلىمىزدىڭ ايەلدەر فۋتبول كومانداسى مۇشەلەرىنە رەتتەۋ جۇرگىزىپ، ما شياۋشۇي مەن ۋاڭ شۋاڭنىڭ ورنىنا  لۋ جياحۇي مەن گۋ ياشانى ءتۇسىردى. جارىس 53 مينۋتقا بارعاندا ەلىمىز كومانداسىنداعى ۋاڭ شانشاندى شەكتەلگەن رايون ىشىندە قارسى جاقتىڭ ادامى شالىپ جىققاندىقتان، ەلىمىز كومانداسى 11 ادىمنان قاقپاعا دوپ ۇرۋ ورايىنا يە بولدى. بۇل دوپتى كوماندا مۇشەسى لي دۇڭنا تەبەدى، ءبىراق قاقپاعا دوپتى كىرگىزە المادى. جارىس 56 مينۋتقا بارعاندا جارىس جاعدايىندا بۇرىلىس بولىپ، گۋ ياشا بۇرىشتان تەبىلگەن دوپتى سول اياعىمەن قاقپاعا تەۋىپ كىرگىزىپ، ۇپاي سانىن نولگە قارسى ءبىر ۇپايعا وزگەرتەدى.

ال جارىس 62 مينۋتقا بارعاندا ەلىمىز كومانداسىنداعى رىن گۇيشين دوپ الىپ شەكتەلگەن رايونعا كىرگەن كەزدە قارسى جاقتىڭ تارتىپ قالۋىنان جىعىلعاندىقتان، ەلىمىز كومانداسى  تاعى ءبىر  رەت 11 ادىمنان قاقپاعا دوپ ۇرۋ ورايىنا يە بولادى. بۇل دوپتى كوماندا مۇشەسى جاڭ رۇي تەۋىپ  قاقپاعا كىرگىزەدى. سونىمەن ەلىمىز كومانداسى نولگە قارسى 2 ۇپاي الدىدا بولادى. وسىدان كەيىن ۆيەتنام كومانداسى  ارت-ارتىنان ادامىن اۋىستىرادى. ال ەلىمىز كومانداسى كۇشتى شابۋىلعا وتسە دە، جارىس اياقتالعانعا دەيىن دوپ كىرگىزە المايدى.

جارىستان كەيىنگى تىلشىلەردى قابىلداۋ ماجىلىسىندە ەلىمىزدىڭ ايەلدەر فۋتبول كومانداسىنىڭ باس جاتتىقتىرۋشىسى برۋنو بيني جۇڭگو كومانداسىنىڭ سول كۇنگى  جارىس باستالعانداعى بەينەسىنىڭ تىم ايتارلىقتاي بولماعاندىعىن، بۇل ونىڭ وسى ورىنعا تاعايىندالعاننان بەرگى  بولعان ەڭ جاقسى ءبىر مايدان جارىس ەمەس ەكەندىگىن، ءبىراق ەڭ ماڭىزدىسى، جەڭىسكە جەتىپ، 3   ءنومىر العاندىعىن ايتتى. ول جۇڭگو كومانداسى ءالسىز كوماندامەن كەزدەسكەن كەزدە كوبىندە رولىن تولىق  ساۋلەلەندىرە  المايدى، ءبىراق الداعى جەردە ازياداعى بىرنەشە مىقتى كوماندامەن كەزدەسكەن كەزدە رولىن ويداعىداي ساۋلەلەندىرەتىن بولادى دەپ قارادى.

ۆيەتنام ايەلدەر فۋتبول كومانداسىنىڭ باس جاتتىقتىرۋشىسى  مي دىجۇڭ ۆيەتنام كومانداسىنىڭ قاڭتار ايىنداعى 4 ەل جارىسىندا جۇڭگو كومانداسىمەن قالاي سايىسۋدى ۇيرەنگەندىگىن ءارى سول كەزدەگى 8 گە قارسى ءنول ۇپايمەن سالىستىرعاندا ۆيەتنام كومانداسىنىڭ بۇل رەتكى جارىستا جۇڭگو كومانداسىمەن بولعان پارىقتى كىشىرەيتىپ، ەڭ سوڭعى مينۋتقا دەيىن كۇرەس جۇرگىزگەندىگىن، جارىستا جەڭىلسە دە، ءبىراق  ولاردىڭ   مۇنداي  قايسار رۋحىنا ماقتاناتىندىعىن ءبىلدىردى.

العاشقى مايدان جارىستا جەڭىسكە جەتكەن ەلىمىزدىڭ ايەلدەر فۋتبول كومانداسى 2-ناۋرىز جانە 4-ناۋرىزدا جەكە-جەكە سولتۇستىك كورەيا كومانداسى جانە جاپونيا كومانداسىمەن سايىسقا تۇسەدى. قازىرگى دۇنيە جۇزىلىك فۋتبول كوماندالارىن قاتارعا تۇرعىزۋعا نەگىزدەلگەندە، جاپونيا ايەلدەر فۋتبول كومانداسى دۇنيە جۇزىندە 4- ورىندا بولسا، سولتۇستىك كورەيا  ايەلدەر فۋتبول كومانداسى 6-ورىندا بولعان. ال  ەلىمىز ايەلدەر فۋتبول كومانداسىنىڭ بۇل ەكى مىقتى كومانداعا توتەپ بەرە الۋ-الماۋى  جۇرتشىلىقتىڭ  نازار  اۋداراتىن   تۇيىنىنە اينالدى.



رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.