ەەڭ جاڭا مازمۇندار
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى

ءبىر سۇلۋعا قوس عاشىق

جولدانعان ۋاقىتى : 2016/2/14 12:43:17

    شيڭ شين- ي ( جاپونيا )

    ۋىلجىعان جاس ارۋ كىسنى باۋراپ الاتىنداي كەرەمەت سۇلۋ ەدى. ونى تەپسە تەمىر ۇزەتىندەي جاستىق جالىنى لاپىلداپ تۇرعان زەيىندى دە ىسكەر ەكى ازامات تا ۇناتاتىن. قۇددى بايىرعى اڭىزداعىداي، ول ارۋدى قۇلاي سۇيگەن ەكى جىگىتءبىر ۋاقىتتا ءسوز سالدى.

    - قالىڭ بويجەتكەننىڭ ىشىندە سەندەي ارۋعا جولىققانىما قۋانعانىمنان نە دەرىمدى بىلە الماي  وتىرمىن. ءاسىلى، سەنىمەن تانىسقانىمنىڭ ءوزى ءبىر باقىت، وسىعان قاناعات ەتسەم دە بولاتىن ەدى. دەسەدە، بىرەۋ جادىلاپ تاستاعانداي جۇرەگىمدەگى لاپىلداعان ماحاببات جالىنىن وشىرە الار ەمەسپىن. سول ءۇشىن سەنىمەن ماڭگى بىرگە ءومىر ءسۇرۋدى قالايمىن. مەن سەنى مىندەتتى تۇردە باقىتتى ەتەمىن، جانىم، قالاي قارايسىڭ؟ مەنىمەن...

    ەكى بىردەي ازاماتتىڭ ىستىق ىقلاسىنا بولەنگەن ارۋدىڭ قۋانىشى قوينىنا سيمادى. مەيلى قايسى قوعامدا بولسا دا بارلىق بويجەتكەننىڭ ءوز قالاۋىن تاڭدايتىن ۇقىعى بار عوي. ءبىراق، بۇل ارۋ قايتەرىن بىلمەي قينالدى.

    ويتكەنى ول ەكى ازاماتتىڭ تەگى قايسىسىنىڭ مويىنى وزىق ەكەنىن ايىرۋعا امالسىز قالعاندىقتان، ءبىر مەزگىل بەكىمگە  كەلە  الماي ءارى-ءسارى كۇي كەشتى. سونىمەن ول ەكى  ازاماتتى  شاقىرىپ الىپ:

    - سەندەردى شاقىرعانداعى ماقساتىم وزگە ەمەس، ماعان بىردەي تالاپ قويىپ وتىرسىڭدار. ءبىراق، سودان باستاپ، كوڭىلىم الاساپىران بولىپ، ءبىر بەكىمگە كەلە المادىم،ياعني ەكەۋىڭنىڭ قايسىنىڭنىڭ ءتاۋىر ەكەنىڭدى، قايسىنىڭدى ۇناتاتىنىمدى ويلانۋدامىن، ءارى... - دەدى.

    ازاماتتىڭ ەكەۋى دە كەۋدە كەرە العا شىعىپ، ءوز ويلارىن تالاسا- تارماسا ايتتى. 

    - مەن سەنى شىن جۇرەگىمنەن سۇيەمىن. ەشكىم دە مەندەي بولا المايدى. مۇمكىن بولسا كوكىرەگىمدى اشىپ، جۇرەگىمدى كورسەتەر ەدىم.

    - ولاي ەمەس، مىنا مەنىڭ سۇيىسپەنشىلىگىم ودان الدەقايدا ارتىق. تەك سەن ءۇشىن ءوز جانىمدى دا ارناي الامىن.

    - اۋەلى، ماقتانعاندى قويا  تۇر. ەگەر  ولىمنەن  قورىقپاساڭ، وندا ەكەۋىمىز ايقاسىپ، جەڭىس پەن جەڭىلىسكە كەسىم جاسايىق. بۇعان باتىلىڭ جەتسە...

    - جارايدى، بۇل ءدال مەنىڭ دە قالاۋىم. اشىق ايقاسىپ، كىمنىڭ ەر، كىمنىڭ ەز ەكەنىن ءبىر كورەيىك. بۇدان باسقا امال دا جوق سەكىلدى.

    - ويبوي، مۇنداي اقىماقتىق ىستەمەڭدەر. ەكەۋىڭنىڭ دە مەنى شىن نيەتپەن ۇناتاتىندارىڭدى بىلەمىن. دەسەدە، بۇلارىڭ وتە دورەكىلىك. بۇدان سىرت، قارتا ۇتىسۋ، ءباس تىگىسۋ دەگەندەر دە بارىپ تۇرعان ناداندىق. قازىر مادەنيەتتى قوعامدا جاساپ جاتىرمىز. تەگى وركەنيەتتى امالمەن باسەكەلەسىپ، ءوز ارتىقشىلىقتارىڭدى ايگىلەۋلەرىڭە بولماي ما؟

    - ارينە بولادى! دەسەدە، تەگى قانداي امال ارقىلى جەڭىس پەن جەڭىلىستى تۇراقتاندىرساق ەكەن؟

    جىگىتتەردىڭ ەشقايسىسىنىڭ وسال تۇسكىسى جوق ەدى. سونىمەن الگى بويجەتكەن ءسوزىن جالعاپ:

    - ءارقايسىڭ ءبىر-ءبىر كاسىپپەن شۇعىلدانىڭدار، كىم الدىمەن تابىسقا جەتەر ەكەن. قازىردەن باستاپ ءبىر جىل ىشىندە كاسىپپەن شۇعىلدانىپ، پايدانى كىم كوپ تاپسا سول جەڭگەن بولسىن. مەنى قاتە ءتۇسىنىپ قالماڭدار، مەن پايدا مەن اقشاعا كوز قىزارتاتىن پەندە ەمەسپىن. دەسەدە، مىناداي باسەكەگە تولى قوعامدا تابان تىرەپ تۇرۋ ءۇشىن ناعىز دارىن كەرەك. بۇل سەندەردى سىناعانىم،- دەدى.

    - بۇل امالىڭ بولادى ەكەن. وسى ارقىلى جەڭىس پەن جەڭىلىستى تۇراقتاندىرايىق. كورىپ تۇر بالەم، ءبىر كاسىپتەن ناتيجە شىعارىپ كورسەتپەسەم بە؟ ەگەر بويجەتكەن مەنىڭ ەندىگى ەڭبەگىمە قۇرمەت قىلساڭ، كەلىسىم جازىپ، قول قويىپ، ۋادەڭدە تۇرعايسىڭ.

    بويجەتكەن دە ولاردىڭ ايتقانىنا بىردەن كەلىسىمىن  بەردى. وسىلايشا ۇشەۋى كەلەر جىلى سول ۋاقىتتا كەزدەسەتىن بولىپ تاراستى.

    ەكى ازامات ءوز الدىنا ىسكە كىرىسىپ، ءار ءتۇرلى قاتىستى ماتەريالداردى تاۋىپ كەلىپ، مۇقيات زەرتتەپ، زەردەلەپ، بولاشاعى ەڭ كۇشتى كاسىپتەردى تاڭداپ، جوسپار جاساپ، بار ىقىلاسپەن ءوز كاسىپتەرىنە كىرىسىپ كەتتى. ول ەكەۋى دە قارسى جاعىنىڭ ارتىندا قالىپ قويۋدان الاڭداعاندىقتان، كۇلكى مەن ۇيقىنى ۇمىتىپ، كۇندى تۇنگە جالعاپ جۇمىس ىستەدى. سۇيگەن ارۋدىڭ ىقىلاسىنا بولەنە الۋ- الماۋى بۇكىلدەي وسى باسەكەدەگى جەڭىس پەن جەڭىلىسكە قاتىستى ەدى.

    ءبىر جىلدان كەيىن ەكى ازامات ءبىر ۋاقىتتا ارۋ قىزدىڭ الدىنا كەلدى. بىرەۋى:

    - مەن قۇلشىنا ىستەسەم دە ويلاماعان اپاتقا ۇشىراپ، جاقسى ناتيجەگە قول جەتكىزە المادىم. سول ءۇشىن مويىنسال بولىپ شەگىنبەكشىمىن،- دەدى.

    تاعى ءبىرى وعان ءناسيحات ايتىپ:

    - شىنىندا، مەن ەل نازارىن اۋداراتىن ناتيجەنى قولعا كەلتىرگەنىممەن، ول ويلاماعان اپاتقا ۇشىراماسا، بالكىم، مەنەن اسىپ كەتەتىن شىعار. تەك وسىعان بولا قورىتىندى شىعارساق كەيىن كوڭىلسىزدىك تۋىلادى. مەن باسەكەنىڭ ۋاقىتىن تاعى ءبىر جىل سوزۋدى ۇسىنىس ەتەمىن. تەپە- تەڭ شارت- جاعدايدا ءوزىمىزدىڭ اقىل-پاراساتىمىزدى ساۋلەلەندىرگەندە عانا ءادىل دە ۇيلەسىمدى قورىتىندى شىعارۋعا بولادى،- دەدى.

    بۇل ءبىر ۇيلەسىمدى، اقىلعا قونىمدى ۇسىنىس بولعاندىقتان، بويجەتكەن باس يزەپ، ماقۇلدىق بەردى. سونىمەن باسەكە تاعى جالعاستى.

    ەكىنشى جىلى ازاماتتىڭ ەكەۋى دە بار قاجىر- قايراتىن سالىپ، تىپتەن قۇلشىنا جاپالى ىستەدى ءارى زەيىندەرىن سەرگەك ۇستاپ، ءارقانداي ويلاماعان وقيعادان ساقتاندى. «بەينەت ءتۇبى زەينەت» دەگەن ەمەس پە، ولاردىڭ شۇعىلدانعان كاسىپتەرى العاشقى ادىمدا كولەمدەنىپ، وركەندەي باستادى. ەكەۋى دە ايتارلىقتاي ناتيجەگە يە بولدى. 

    ەكىنشى جىل ۋاقىتى تولعاندا ەكى ازامات بويجەتكەننىڭ الدىنا كەلدى. جىگىتتىڭ بىرەۋى:

    - بۇل جولى مەن وعان جەتىسىپ الدىم. قاراعاندا، مەن جەڭگەن سەكىلدىمىن. دەسەدە، بۇعان  بولا ءوزىمدى جەڭىپ شىقتىم دەگەنگە كوڭىلىم كونشىمەيدى. بىلتىر  مەن وعان قارىزدار بولىپ قالعام، باسەكەنى تاعى ءبىر جىل ۇزارتسام دەيمىن. وسى جىلدا ءبىزدىڭ كاسىپتەرىمىز تىپتەن وركەندەپ دامي تۇسەدى. بۇدان اناعۇرلىم كوپ پايدا الا الامىز. مەيلى قايسىنىمىز جەڭسەك تە سەنى باقىتتى ەتە الاتىن بولامىز،- دەدى.

    بويجەتكەن تاعى دا باس يزەپ ماقۇلدىق بەردى. ەكى ازامات جالعاستى بار زەيىنىمەن كاسىپ ىستەپ، شۇعىلالى تابىستاردى قولعا كەلتىرىپ، بۇدان بىلايعى دامۋلارى ءۇشىن مىعىم نەگىز قالادى. كەيدە قيىنشىلىقتار مەن اعاتتىقتاردان ساقتانۋ قيىن بولسا دا  امالىن تاۋىپ زياندى ەڭ تومەنگى شەككە ءتۇسىرىپ وتىردى ءارى سول ساتسىزدىكتەردەن ساباق الىپ، كەيىنگى جوسپارلارىن بەكەمدەپ كەمەلدەندىردى. 

    تاعى ءبىر جىل وتە شىقتى. دەسەدە، ەكەۋىنىڭ قايسىسىنىڭ جەڭگەنى انىق بولماعان سوڭ، ۋاقىتتى تاعى دا ءبىر رەت سوزدى. ول ەكەۋى اۋەلگىسىندەي كاسىپكە بەرىلىپ، كاسىپتەرىنىڭ كوز الدا بارعان سايىن زورايىپ بارا جاتقانىن سەزىندى. دەگەنمەن، بۇل تەك باستاماسى عانا، ناعىز باسەكە كەلەر كۇندەردىڭ ەنشىسىندە ەدى. بۇرىنعى ىستەگەندەرى پويەزدى رەليسكە شىعارعانداي عانا بولىپ، كىسى ەلىتەتىن ساپار الدا قول بۇلعاپ تۇردى.

    ەندىگىدە اقىل-پاراساتتارىن تولىق ساۋلەلەندىرىپ، كەرەمەتتەرىن كورسەتەتىن وتە تاماشا وراي كەلىپ تۇرعان بولاتىن.

      ەكى جىگىت بارلىعىن قايىرىپ قويىپ، جالعاستى قىزمەت ىستەي بەردى. كاسىپتەرى كۇن سايىن وركەندەپ، كاسىپورىننىڭ پايداسى ارتا بەردى. كىسىنى تەبىرەنتەتىن بۇل ىستەرمەن ولاردىڭ جىگەرى تاسىپ ەسەلەپ ارتتى. مىنە، بۇل ناعىز ەر ازاماتتىڭ ءومىرىنىڭ نىساناسى، ال باسقا ىستەر تۇككە تۇرعىسىز ەمەس پە...

    اققان سۋداي ءوتىپ كەتكەن ۋاقىت قايتىپ مويىن بۇرمايدى.
\
    الگى ارۋدىڭ جاسى ۇلعايىپ، ۇلبىرەگەن جاستىعىنان ايىرىلعان ەدى. ول الگى ەكى جىگىتتى شاقىرىپ كەلىپ، ولارعا:

    - ويبوي، سەندەردىڭ كاسىپتەرىڭ تابىسقا جەتتى.  بۇل، ارينە، ادامدى قۋانتادى. دەسەدە، مەنىڭ ءىسىم قايدا قالدى؟ اۋەل باستا كەلىسپەپ پە ەدىك؟ تەزدەن ءبىر بەكىمگە كەلىڭدەر،- دەدى.

    ەكى جىگىت ءبىر- بىرىمەن وڭاشادا شۇڭكىلدەسىپ الدى دا:

    - سولاي، باستابىندا سونداي كەلىسىمگە كەلگەنىمىز راس. ءبىزدىڭ قازىرگىدەي تابىسقا جەتۋىمىز سەنىڭ ارقاڭ. كەلەر جىلى، ءسوزسىز، ءبىر بايلامعا كەلەمىز. دەسەدە، بۇل جولى امالدى وزگەرتەيىك، وسى جولى كىم جەڭىلسە سەنىمەن سول نەكەلەنەتىن بولسىن...


اۋدارعان - قانات جۇماش ۇلى



رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.





رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn