ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ول،ءسىرا، كىم

جولدانعان ۋاقىتى : 2016/2/1 11:01:29

ميچەر بلاك   (امەريكا)

   پويەز اسحاناسى. قارسىمدا لاۋرا وتىر.  توگىلگەن قولاڭ شاشتارىنىڭ اراسىنان قاپ-قارا جانارى جىلت ەتە قالادى. ول مەنىڭ  قولىمدى سۇيرىكتەي ساۋساقتارىمەن قىسا ۇستاي:

- سۇيىكتىم، ساعان نە بولدى؟-دەدى.

مەن ءۇن قاتپاستان از قالعان شارابىمدى جۇتىپ جىبەردىم دە داياشىعا قاراپ ەدىم. ول اسىعا باسىپ، ءبىز جاققا قاراي كەلە  جاتىر ەكەن. ستاكاندى قويا سالىپ، باسىمدى ءسال يزەكتەپ، بەلگى بەردىم،– قىرسىق بولاتىن سياقتى.

ارتىنا قاراي بەرىپ، قايتا بەرى بۇرىلعان ول:

-ونى قايدانءبىلدىڭ؟-دەپ سۇرادى.

- كەسەتە الامىن، ماعان سەنشى...

كوزدى اشىپ-جۇمعانشا كەلىپ تۇرا قالعان داياشى يىلە ءىلتيپات ءبىلدىرىپ:

- بوپ مىرزا، ءسىزدى اۋرەلەگەنىمدى عاپۋ ەتەرسىز،-دەدى كىبىرتىكتەي،-انبۋراس مىرزا ءسىزدى  اتاعى جەر جارعان بارلاۋشى ۆنسەنت بوپ مىرزا ما ەكەن دەيدى؟

-كەيبىرەۋلەر سەنى ونداي ويلاي قويماس،-دەگەن لاۋرا ەركەلەي كۇلىمسىرەپ رۋمكاسىنداعىنى قاعىپ جىبەرىپ ەدى، رۋمكا ەرنەۋىندە قىپ-قىزىل بولىپ ەرىن تابى قالىپ قويدى.

- مىرزا، قارسى بولماساڭىز انبۋراس مىرزاعا كەزىكسەڭىز بولا ما؟ انە، ول كىسى ءسىزدىڭ سول جاق قاتارىڭىزدا كۇتىپ وتىر،-دەدى داياشى.

مەن فرانسيس انبۋراس مىرزانىڭ مولشەرمەن ەكىءجۇز الپىس شارشى مەتر كەلەتىن ەكى ۆاگون تىركەمەسىنىڭ ورتاسىنداعى گارمون فورىمدى ارالىقتاعى ورىندا وتىرعانىن كوردىم دە ەرىندەرىن بۇرتيتا وتىرىپ  قالعان  لاۋراعا «ماعان سەنشى، كوپ ۋاقىت كەتە قويمايدى»دەپ ورنىمنان تۇرا بەردىم.

- ەڭ جاقسىسى بۇيتپەشى،-دەدى ول،- ەندى ون بەس مينۋتتان كەيىن ساۋىق كەش تە باستالادى.

وزىڭمەن بىرگە  وتىرىپ، تىپ-تىنىش ويىن كورۋدى عانا قالايمىن. مەن كۇلە قاباق قاقتىم دا زىمىراپ كەلە جاتقان پويەزدا تەز-تەز باسىپ كەتىپ بارا جاتقان داياشىعا ىلەسە  بەردىم. جولاي، اپپاق، ارۋاقتاي قۋارعان انبۋراستىڭ شەكەسىنە شاپتاعان جاپسىرما    دارىسىنە دەيىن بوزارىپ كەتكەندەي كورىندى كوزىمە.  سول قولىنا ءتۇتىنى بۋداقتاعان   سيگارەت، وڭ قولىنا شاراپ رۋمكاسىن ۇستاپ الىپتى. 

-قاراعاندا تۇندە جاقسى دەم الا الماعان سياقتىسىڭ،-دەدىم جانىنا وتىرا بەرىپ.

باسىن يزەگەن ول رۋمكاسىن كوتەرە بەردى. ءجۇزىم شارابىنىڭ بۋىمەن قۋارعان وڭىنە بولماشى بولسا دا قىزىل جۇگىرگەنىمەن، تۇلا بويى قاعازداي اپپاق. قولىن سىلتەپ  قالىپ ەدى، داياشى بىزدەن  الىستاي  بەردى دە وسى ءبىر اياداي ارالىقتا ەكەۋىمىز عانا قالىپ، تارس-تۇرس ەتكەن پويەز ءۇنى ىشىندە اڭگىمەمىزدى جالعاستىرا بەردىك.

- پويەز باستىعى گرانسەر ماعان ءسىزدىڭ بارلاۋشى ەكەنىڭىزدى ايتقان ەدى،-دەدى ول،- ونىڭ ايتۋىنشا، ءسىز بۇرىن پويەزدە قىزمەت اتقارعان ەكەنسىز.

- انشا-مۇنشا ارالاسقان بولاتىنمىن،-دەدىم مەن،- نە جاعداي بولدى؟

- رەنا كيندەر پالسون مىرزانى بىرەۋ ءولتىرىپ كەتىپتى.

-نە دەيسىز؟

-ءوزىڭىز بارىپ كورسەڭىز بولار ەدى،-دەدى ول كۇرسىنىپ جىبەرىپ، سيگارەتىن قاۋىپ-قاۋىپ ىشىنە تارتا،- بىرەۋلەر ونىڭ ارناۋلى بولمەسىندە ولگەنىن بايقاپتى، وق قارا قۇسىنان تيگەن ەكەن. مامانداردىڭ بۇل ءىستى قالاي ءبىر جاقتىلى ەتۋگە بولاتىندىعى جونىندەگى قۇندى پىكىرلەرىن تىڭداپ كورسەم دەيمىن.

- جارايدى ەندەشە،- مەن لاۋراعا بۇرىلا قاراپ  قويدىم،- الدىمەن  حانىمىممەن    اقىلداسىپ كورەيىن. 

- ءسىز، راسىندا، بۇل ءىستى كورەگەندىكپەن شەشە الاسىز با؟-دەگەن ول بىلەگىمنەن شاپ بەرىپ ۇستاي الدى دا قادالا قالعان جانارىن تايدىرىپ اكەتتى.

مەن ۇستەلىمە قايتىپ ورالعانىمدا لاۋرا  سيگارەتىن تۇتاتقان بەتىندە تەرەزەدەن ءتۇن قاراڭعىلىعىنا كوز سالىپ وتىرىپ قالىپتى.

-ءيا، بوپ حانىم، مەنىمەن بىرگە ءبىر دەلونى ءبىر جاقتىلى ەتۋگە قالاي قارايسىڭ؟-دەدىم وعان كەلگەن بەتىمدە.

ماعان جالت قاراعان ول:

-سولاي، مەن دە  ءتىلسىم  ىستەرگە  قىزىعامىن، بولدى ەندى تەز وتىرا قال، انالار ىدىس-اياقتاردى   جيىستىرۋعا  كىرىسكەن ەكەن،-دەدى ول تاقاتسىزدانا ورنىمدى نۇسقاي بەرىپ.

-ماقۇل، جانىم،-دەدىم دە وعان جاقىنداي سىبىرلاپ، ەندى تازالىق ۇيىنە بارعان بولىپ، اناۋ، ساۋىقشىلىق ۆاگوندارىنان وتكەن سوڭ، پاراۆوزدىڭ ارتقى جاعىنداعى ارتيستەر تۇراتىن ۆاگونعا بارۋىن  تاپسىرىپ ەدىم، باسىن يزەپ-يزەپ قالعان ول جايبىرقات جانداي-اق، ورنىنان تۇرىپ جۇرە بەردى دە ارتىنان مەن دە ورنىمنان قوزعالدىم. وسى ساتتە، نازارىم ۇستەلدەردى تازالاپ جۇرگەن داياشى مەن كۇبىر-سىبىر كۇيبىڭدەسىپ جۇرگەن وزگە قىزمەتكەرلەردە بولدى. ۆاگون بىرىكپەسى جاقتا سيگارەتىن بۋداقتاتىپ وتىرعان انبۋراس دا مەنەن كوزىن الار ەمەس. العاشقى ساۋىق ۆاگونىنان وتكەن كەزىمىزدە بىرەۋلەر جىگى-جاپار جانتالاسىپ، تەاتر ساحناسىن ورنالاستىرىپ جاتىر ەكەن. بۇل    رەتكى ويىن، شەرلوك   حولمستىڭ  ‹‹ۇرەيلى ءتۇن›› كينوسىنا ەلىكتەپ جاسالعان تەاتر ەكەن دە وندا حولمس پەن ۆاتسوننىڭ جاھۇت توناۋ دەلوسىن ءبىر جاقتىلى ەتۋى جونىندەگى اڭگىمەسى جەلى ەتىلىپ، انگليانىڭ شەبەر اكتەرى رەنا كيندەر پالسون حولمستىڭ رولىن، اندەرۋ جورج ۆاتسوننىڭ رولىن سومدايتىن بولىپتى. ەكەۋى دە بۇرىننان ءبىرقانشا كينو فيلمدەر مەن انگليانىڭ ءبىر ۇلاسپالى فيلمدەرىندە رولدى بىرلەسىپ الىپ تابىسقا جەتكەن مىقتى اكتەرلەر ەدى. ەكىنشى ساۋىق ۆاگونىنان ءوتىپ بارا  جاتىپ، بۇل ارادا اناداعىداي قاربالاستىق نىسپى كورىنبەگەنىن بايقادىم. ويىن ساحناسى ءبىرىنشى ۆاگونعا عانا قۇرىلاتىندىقتان، مۇندا ىستەي قوياتىنداي شارۋا دا  جوق ەدى.  ارتيستەر  تۇراتىن   ۆاگوننىڭ الدىنداعى تىركەمەدەن وتە بەرە انبۋراستىڭ جەڭىنەن ۇستاي الىپ:

- بۇلءىستى تاعى كىمدەر ءبىلۋشى ەدى؟-دەپ تۇيىلە سۇرادىم. 

جۇرە بەرىپ، كلت توقتاعان ول سيگارەتىن تاستاي سالىپ، تابانىمەن تاپتاپ-تاپتاپ  جىبەردى دە:

-مەن، ءسىز جانە گرانسەر عانا بىلەتىن،-دەدى،- ءمۇبادا ءسىز حانىمىڭىزعا ءالى ايتپاعان بولساڭىز.

-ەندەشە، تورتەۋ بولدىق،-دەدىم مەن كۇلە سويلەپ،-جەندەتتى قوسساق بەسەۋ بولارمىز.

 ونىڭ ءجۇزى بەينە بويىنداعى قان-ءسولىن ءبىر-اق سورعىزىپ تاستاعانداي، ودان ارمان قۋارىپ كەتتى. ەندى ونىڭ ەسىنەن  تانىپ، جىعىلىپ كەتپەۋى ءۇشىن يىعىنان قاعا جۇباتقانسىماق بولدىم. ويتپەگەندە، اۋرە-سارساڭعا تۇسەتىن تاعى دا ءوزىم بولامىن عوي. ءبىز تىركەمەنى كەسىپ وتتىك تە ۇزىننان-ۇزاققا سوزىلعان ۆاگون كاريدورىنا كەلىپ كىردىك. 

قابىرعالارى مىقتى تاقتاي جانە ەسىكتەرمەن بىرىكتىرىلگەن جەكە-جەكە بولمەلەر ەكەن. ءبىرىنشى بولمەدە قاراپايىم ارتيستەر تۇرادى ەكەن دە پالسون، اندەرۋ جورج، ۆيۋەرلين لايكرلاردىڭ وزدەرىنىڭ جەكە-جەكە بولمەلەرى بار ەكەن. ۆيۋەرلين لايكر بولسا     پالسوننىڭ بىرنەشە جىلدىڭ الدىنداعى فيلمىندەگى كەيىپكەر رولىن سومداعان اكتەر ايەل،    پالسوننىڭ ونىمەن شىم-شىتىرىق بايلانىستارى تۋراسىندا قاۋەسەتتەر دە تارالىپ جۇرەتىن-دى، ءتىپتى، كەيبىر قالا گازەتتەرى   وت ۇستىنە ماي قۇيىپ، ونى ەجەلدەن ايەل قۇمار دەگەن قالپاق تا كيگىزىپ ۇلگىرگەن بولاتۇعىن. 

مەن انبۋراسپەن بىرلىكتە بولمەلەردىڭ جانىنان وتە بەردىم. الدىمىزدا قابىرعاعا سۇيەنىپ، قىزمەت كيىمىن كيگەن پويەز باستىعى گرانسەر تۇر ەكەن، مەنى كورە سالا ءبىر ۋىس قانا ءدوپ-دوڭگەلەك ءجۇزى كۇلىمسىرەپ، قولىن ۇسىنا بەردى. 

- بوپ مىرزا،-دەدى ول قولىمنان قىسا ۇستاپ،- سىزبەن جولىققانىما ەرەكشە قۋانىشتامىن،بالكىم، مەنى ۇمىتىپ قالعان شىعارسىز، انا جىلدارى ەمارك  توناۋشىلىق  دەلوسىن تەكسەرگەن كەزىڭىزدە احۋال ۇعىسقان ءبىرقانشا پويەز قىزمەتكەرىنىڭ ىشىندە مەن دە بار ەدىم. 

ونىڭ ايتقاندارى راس ەدى. ءبىراق،  ناقتاپ ەسىمە تۇسىرە الماسام دا:

-ءيا، ءوزىڭدى شىرامىتىپ تۇرمىن،-دەي سالدىم وعان. كوڭىلدەنىپ سالا بەرگەن ول قولىمدى بوساتا بەرگەنىندە قازىر ماعان كومەككە ءبىر ايەل كەلەتىندىگىن، ءوزىنىڭ سول ايەلدى توسا تۇرۋىن تاپسىرىپ ەدىم، ول باسىن يزەي بەردى.

- ءيا، گرانسەر، بىلە كەتەيىن دەگەنىم،-دەدىم مەن،- مۇندا پويەز قىزمەتكەرىنەن قانشاسى بار؟

تامسانىپ قالىپ، سوزگە كىرىستى ول:

-ەكى اسپاز، ءۇش داياشى، شوفەر جانە مەن. بارلىعى دا سەنىمدى ادامدارمىز.

- راقىمەت ساعان،-دەدىم مەن.

 رەنا كيندەر پالسوننىڭ بولمەسىنە كىرمەك بولىپ، ەسىك تۇتقاسىن بۇراپ ەدىم، ەسىگى قۇلىپتاۋلى ەكەن. گرانسەر ۇلكەن ءبىر كىلت شىعىرىعىن الىپ بەرگەن سوڭ، اراسىنان اق ءتۇستى ءبىر كىلتتى الىپ،   ەسىكتى اشىپ، كىرە بەردىم. كىبىرتىكتەپ سوڭىمنان ەرىپ كەلە جاتقان انبۋراس جانە ءبىر سيگارەت تۇتاتپاق بولىپ،  سيگارەت قاعازىن سىدىرا بەردى. بولمە ونشالىق  كەڭ ەمەس، مولشەرمەن 8 دە 12 شارشى مەتر اينالاسىندا عانا بولار.

- ماعان سالسا مىنا ارەكەتىڭدى قۇپتاماعان بولار ەدىم،-دەدىم مەن ونىڭ سيگارەتىن نۇسقاي،-شتاتتىق ساقشى مەكەمەسىندەگى ءبىر توپ سادىرمەكتەر بۇل جەرگە كەلەر بولسا، وسى تەمەكى كۇلىنەن شاتاسىپ قالۋلارى دا مۇمكىن. 

باسىن تاعى دا شۇلعىپ-شۇلعىپ قالعان انبۋراس سيگارەتىن قالتاسىنا قايتا سالىپ الا قويدى.

مەن ەندى پالسوننىڭ مۇردەسىنە  ۇڭىلە ءتۇستىم. ول الدىنداعى بەزەنۋ ۇستەلىندەگى ايناعا قاراعان بەتىندە وتىرعان ەكەن. قاسقا باس بولعاندىعىنان با، شۇيدەسىنەن تەسىپ وتكەن وقتىڭ ورنى ۇڭىرەيىپ كورىنىپ تۇر. جاراقات جاعدايىنا نەگىزدەلىپ، وعان اتىلعانى شاعىن كاليۆەرلى جان قۇرال ەكەنىن مولشەرلەدىم. جاراقات اينالاسىنان وق جارقىشاقتارىنىڭ كۇيدىرگەن داقتارى ايقىن اڭعارىلىپ تۇر. ۇستەلگە ەڭكەيە ەكپەتتەي جىعىلىپتى. بەت-اۋىزى قاتتى  قينالىستان  قيسايىپ  كەتكەن ەكەن. قارسىسىنداعى اينادان ءمايتتىڭ قاسقا باسى جارقىراپ كورىنەدى. ءبىر اينەك ستاكان ونىڭ سول جاعىندا قۇلاپ  جاتىر ەكەن دە    ىشىندەگى شاراپ الدەقاشان ەدەنگە اقتارىلىپتى.  مەن ونىڭ تاماعىنا قولىمدى تيگىزگەنىمدە تامىرى باياعىدا سوعۋىن توقتاتىپ، دەنەسى الدەقاشان سۋپ كەتكەن ەكەن.

- ول ولگەن بە ەكەن؟-دەپ سۇرادى انبۋراس.

كوشە اۆتوموبيلدەرىنىڭ سىر-سىر ەتكەن داۋىستارى ونىڭ ءۇنىن باسىپ كەتتى.

- ءيا، مۇنى الدىمەن كىم بايقاعان،   قاشان بايقاعان؟

-گرانسەر بايقاپتى،-دەدى انبۋراس،- رەجيسسەر ىزدەگەن سوڭ، پالسوندى     شاقىرىپ كەلۋگە بارعان گرانسەر الدىمەن  بايقاپ، ماعان ايتقان بولاتىن.

- مۇنداي بولعاندا سەن كەلىپ تەكسەرگەن بولدىڭ عوي؟-دەدىم مەن اينالانى ءبىر  قاراپ شىعىپ.

-ولاي ەمەس، گرانسەرگە بۇل ارانى كۇزەتۋدى تاپسىرىپ قويعان بولاتىنمىن،-دەدى ول.

- پالسوندى ەڭ سوڭعى رەت كىم، قاشان بايقاعان ەكەن؟

ءبىراز كىبىرتىكتەپ قالعان ول:

-ءبىز ادەتتەگىدەن تىم ەرتە تاماقتانعانبىز، پالسون مىرزا ساحنالىق كيىمىن كيىپ، جۇمىسىنا دايىندالۋ ءۇشىن شىعىپ كەتكەن بولاتىن. ون بەس مينۋت اينالاسىندا وسىءىس تۋىلعانىن بىلدىك.

وسى كەزدە ەسىك قاعىلىپ، گرانسەر   كىرىپ كەلدى.

-بوپ مىرزا، ءسىز ايتقان ايەل كەلدى.

- جارايدى،-دەدىم مەن شىنتاعىممەن انبۋراستى تۇرتە،- بۇل ارادا ەندى ءبىز ىستەيتىن شارۋا قالعان جوق.

بولمەدەن شىعا بەرگەنىمدە تابانىمنىڭ استى سىقىرلاعانىن بايقاپ، نە ەكەنىنە كوزىم جەتكەن سوڭ عانا، انبۋراسقا ەسىكتى قايتادان قۇلىپتاپ قويۋدى تاپسىرىپ، شىعا بەردىم.

- ول ءولىپ پە؟-دەدى جانىما كەلگەن لاۋرا.

-ەشقانداي كۇماندانارلىعى جوق،-دەدىم مەن انبۋراسقا بۇرىلىپ،-قازىر پويەزدىڭ قارقىنى قانشالىق؟

- ءبىز پويەزدى ءارقانداي جەردە 35 تە 40 اعىلشىن ميلى جىلدامدىقپەن جۇرگىزەمىز.

- توقتاتۋعا بولا ما؟

-جوق، بۇل ارا بىزدەن باسقا ەشكىمدى قاجەت ەتىپ كورمەدى. زاۆود العاش جۇمىس باستاعاندا تۇراقتى ۋاقىتقا تياناقتاندىرعانىمەن، قازىرگى كەزدە قالا رايونىنداعى ۆاگزالدان جولعا شىعىپ، كونە گلۋنبەرلين ستانسياسىنا بارىپ، قايتا ورالعانشا ەكى ساعات جيىرما بەس مينۋت ۋاقىت كەتەدى،- ول جەيدەسىنىڭ قالتاسىنان قويىن ساعاتىن الىپ قاراپ،-قازىر ءداپ-ءدال ورتا جولعا كەلدىك،-دەدى.

-ءمۇبادا پويەزدى توقتاتا الساق، پويەزدەن ءتۇسىپ قالۋعا بولا ما؟-دەپ سۇرادىم ودان.

- شۇعىل ەسىكتى بۇزىپ اشار بولسا، ساقتىق سيگنالى داۋىس شىعارادى.

-جارايدى، گرانسەر، مىنە بۇل ءبىزدىڭ ىستەۋگە ءتيىستى ءىسىمىز، ەگەر جەندەتكە جان كەرەك بولسا، مىناداي قارقىنمەن كەلە جاتقان پويەزدەن سەكىرىپ كەتە الماس-اۋ، بىلايشا ايتقاندا، پويەزدى جول ورتادا توقتاتپاساق بولعانى، ول مىناۋ يەندە قالعىسى كەلگەن كۇننىڭ وزىندە دە سەكىرىپ كەتۋگە باتىلى بارمايدى دەگەن ءسوز. مۇنداي بولعاندا، جەندەت ءالى دە وسى پويەزدە دەپ كەسىم جاساۋىمىزعا ابدەن بولادى. 

-ەگەر، ول ايەل ادام بولساشى،-دەدى لاۋرا قۋناقىلانا،-تانتىپ كەتتىم بە، قالاي؟

مەن ويلانا قالدىم.

-جارايدى، ەندەشە، شوفەرگە پويەزدى بار قارقىنمەن جۇرگىزە بەر دەپ تاپسىرىڭدار. ال، سەن گرانسەر، سىمسىز بايلانىسپەن ساقشىلارعا حابارلاسىپ، پويەز قايتا قايتقانىندا ۆاگزالدان ءبىزدى توسسىن دەپ ايت. ۇقتىڭ با؟ 

بالاشا ءماز بولا قالعان گرانسەر:

-تۇسىنىكتى،-دەدى دە پاراۆوزعا    جۇگىردى.

-ەندىگى جەردە نە ىستەمەك ويىڭ بار، سۇيىكتىم؟-دەدى جۇزىنە بولماشى قان  جۇگىرە قالعان لاۋرا.  

-بارلىق كۇماندىلاردى قۇرساۋلاۋىمىز  قاجەت.

- سول ءۇشىن، بارلىق ادامدى اسحاناعا جيناماقسىز با؟-دەدى انبۋراس.

-مۇلدە مۇنىڭ كەرىسىنشە،- دەدىم مەن،- بۇل ادامدى پالسون، ءسوز جوق، تانيدى، بولماسا ول جەندەتتىڭ وزىنە باسپالاپ ءتونىپ كەلە جاتقانىن اينادان كورە تۇرىپ، جالتارىپ كەتپەي تۇرماس ەدى.  جەندەت، ءسوزسىز، ونىڭ باقتالاسى. سوندىقتان بارلىق  جولاۋشىلارعا دا، ماعان دا، اۋەلى مىنا حانىمعا دا قاتەر ءتوندىرۋى مۇمكىن دەپ قورىتىندىلاۋىمىزعا بولادى. 

لاۋرا قاتتى  كۇلىپ  جىبەرىپ  ەدى.  انبۋراستىڭ قاباعى ونان ارمان تۇكسيە ءتۇستى دە مەنەن ەندى قانداي جۇمىس ىستەۋ كەرەكتىگىن سۇرادى.

-ماعان وزگە دە ارتيستەردى كەزىكتىرسەڭ، الدىمەن جورج جانە لايكر بيكەشتەن باستاساق،-دەدىم مەن،-ولارمەن  ءوزىم ايرىم اڭگمەلەسىپ كورەيىن.

ءبىز ەڭ الدىمەن اندەرۋ جورجدىڭ بولمەسىنىڭ ەسىگىن كەپ قاعىپ ەدىك، ەسىك اشىلىپ، جورج شىعا كەلدى.  ول  ەلۋدىڭ ىشىندەگى تىعىرىقتاي عانا سەمىزشە جان ەكەن. بەتتەرىنە باتتاستىرىپ ماي جاعىپ العان ونىڭ يەگى دىمدانىپ تۇر دا  ورتاسىنان جارىپ تاراعان شاشتارى كوزىمىزگە تىم ەرسى كورىندى. ساۋساقتارىمەن قويۋ مۇرتىن قايتا-قايتا سىلاپ قويادى.

-ءيا، قانداي جۇمىستارىڭىز بار؟

- كوڭىلىڭىزگە الماساڭىز بولمەڭىزگە كىرىپ كورسەك؟-دەدىم دە ونىڭ جاۋابىن كۇتپەستەن ىشكە قاراي سۇعىنا بەردىم. لاۋرا مەن انبۋراس تا ىلەسە كىردى.

ونىڭ بولمەسى پالسوندىكىنەن الدەقايدا تار كورىندى.

- ءبىراز شارۋا شىعىپ قالدى، رەنا كيندەر مىرزا بۇگىن كەشتە ويىن قويۋعا شىعا الماۋى مۇمكىن.

مەن سويلەپ تۇرىپ، ونىڭ بەت پىشىنىندەگى وزگەرىستى باقىلاۋمەن بولدىم. دەسەدە، ونىڭ قالىڭ بىتكەن قاستارى جانارىن بۇركەپ الىپ ەشتەڭەنى اڭعارتار ەمەس. 
-نە دەيسىز؟-دەدى ول،- ونى تاعى دا ولە ماس بولىپ قالدى دەپ ايتا كورمەڭىز.

-سولاي، ول ءبىراز جايسىزدانىپ قالدى دەسەم ۇيلەسىمدى بولاتىن سياقتى،-دەدىم مەن.

- وي، قىرسىققانىن قاراشى!-دەگەن ول اينانىڭ الدىنا بارىپ وتىرا كەتتى دە شاشىن ءبىر جاعىنا جاتقىزا تاراپ جاتىپ،- بولدى وندا، حولمستىڭ رولىنا ءوزىم-اق شىعا سالايىن. ءتاڭىرىم ءوزى كۋا، بۇل رولدى مەن بۇرىن دا الىپ شىققان بولاتىنمىن. دەسەدە، وعان ايتىپ قويىڭدار، بۇل مەنىڭ ەڭ سوڭعى رەت ونىڭ ورنىنا شىعۋىم بولماق.

تاراعىن ۇستەل ۇستىنە قويا سالعان ول تاعى دا:

- راس-اۋ، وعان مەنىڭ ونىڭ وزىندەي كەلبەتتى دە اشىق-جارقىن جان ەمەس ەكەنىمدى ايتساڭدار بولادى،-دەدى.

ول شيراتىلىپ تۇرعان بۋرىل ەكى مۇرتىن الىپ تاستادى دا قاس بوياۋىمەن ەرىندەرىنىڭ اينالاسىن بوياپ الا قويدى.

- كەلبەتتى، اشىق-جارقىن دەيسىز بە؟-دەدىم مەن.

-ءيا،-دەدى ول   بۇرىلا   قاراپ،-ول ‹‹شەرلوك حولمستىڭ قاتەرلى كەشىرمەلەرى››دەگەن ون ەكى سەريالى ۇلاسپالى فيلمگە توقتامعا قول قويعان بولاتىن. ءبىراق ولار ۆاتسوننىڭ رولىن سومداۋ ءۇشىن باسقا ادامدى ۇسىنىس ەتىپتى،- سويلەپ تۇرىپ تامسانىپ قويدى،- بۇل ونىڭ قالتاسىن ونان ارمان قامپيتا تۇسەر، كاسىپتىك شەبەرلىك اتاۋلى بۇل كۇندە ونىڭ ويىنا كىرىپ-شىقپايدى. مۇنى مەن ەرتە سەزگەمىن.

-قاراعاندا كوكىرەگىڭە تالاي شەر بايلانعان ۇقسايدى عوي،-دەدىم ادەيى قيتىعىنا تيە سويلەپ،- وندا ونى نەگە كەلمەسكە جىبەرمەيسىڭ؟

سوندا دا ونىڭ الپەتىنەن ەشقانداي وزگەرىس بايقالا قويمادى.

- ونى ويلاپ كورمەدى دەيسىز بە؟- دەدى ول ساعاتىنا قاراپ قويىپ، ايناعا قاراعان بەتىندە.

- تاماقتان كەيىن قايدا بارعان ەدىڭ؟-دەپ سۇرادىم ودان.

- وسى جەرگە كەلىپ، ساحنالىق كيىمىمدى كيدىم.

- جالعىز ءوزىڭ عانا ما؟

- ارينە، بۇنىڭ قاي جەرى سولەكەت سەزىلدى سىزگە؟

- پالسوندى ەڭ سوڭعى رەت قاشان كورىپ ەدىڭ؟

- ەسىمدە قالماعان ەكەن،-دەدى ول قاس بوياۋىن سۇيكەكتەتىپ جاتىپ،-تاماق ۋاقىتىندا بولسا كەرەك.

مەن ەسىككە ءبىر قاراپ قويىپ، وعان ەندى ءوزىنىڭ جەكەلىك اكتەرلىگىن تاماشالاعىمىز كەلىپ تۇرعانىن ايتتىم دا سىرتقا شىعا بەرىپ، لاۋرادان:

-قانداي ويعا كەلدىڭ؟- دەپ سۇرادىم.

- مەن دە بىلمەدىم،-دەدى ول،- قاراعاندا، ول پالسوندى جاراتپايتىن كورىنەدى. وعان قول جۇمساۋى مۇندا  تۇرعان  ءىس سياقتى سەزىلە بەردى ماعان.

انبۋراس قوستاعانداي باس يزەدى.

- ەندى انا حانىمعا بارىپ كورمەيمىز بە،-دەدىم مەن لايكر حانىمنىڭ بولمەسىنە قاراي جىلجي بەرىپ.

جەڭىل عانا  ەسىك  قاعىپ  ەدىم، ىشتەن «كىرىڭىز!» دەگەن بيازى ءۇن شىقتى. كىرىپ بارعانىمدا لايكردىڭ اپپاق جىبەك كويلەككە مالىنىپ تۇرعان تۇلعاسى كوزىمە وتتاي باسىلدى. ول بىزگە بۇرىلىپ تا قاراماستان كوزدەرىنىڭ جيەگىن بوياۋمەن ابىگەر بولىپ جاتىر ەكەن. 

-قانداي شارۋالارىڭىز بار ەدى؟-دەدى ءجۇزىن اينادان الماستان.

- ءيا، لايكر بيكەش، مەن بوپ بولامىن، پالسون مىرزادان ءبىراز جاعداي بايقالدى.

- ا، سولاي ما؟-دەدى ول قاربالاستىعىن توقتاتپاستان،- ونى ارى-بەرى جۇيتكىگەن وسى شاعىلعىردىڭ ۇستىندەگى الگى ءبىر سارى شاشتى قىزعا تەسىلىپ قاراي بەرىپ، زورىعىپ قالدى دەمەگەلى كەلمەگەن شىعارسىز.

- سارى شاشتى قىز دەيسىز بە؟-دەدىم مەن.

- ءيا،-دەگەندە ونىڭ داۋىسى ساڭق ەتە ءتۇستى،- ول مەنىڭ ءوزى جونىندەگى بىلەتىندىگىمدى سەزگەن ەمەس، دەسەدە، بۇل رەت مەنى ەرەكشە اشۋلاندىرعانى ونىڭ اياق استىنان ساقسىنا قالاتىن بولعانى. بۇرىن قاشان كورسەڭ ايەلدەردى وزىنە ەلىكتىرىپ، لەپىرە ماقتاناتىن-دى. قاي ۋاقىتتان بەرى بۇلاي بولا قالعانىن كىم ءبىلسىن.

-ەندەشە، وعان بولا قامىعىپ كەتپەيتىن بولدىڭىز عوي؟-دەپ سۇرادىم مەن.

-ارينە، مەن نەسىنە ويتە قويماقپىن.

-ءسىز ەكەۋلەرىڭىزدىڭ قاتىناستارىڭىزدى تىم قويۋ دەگەندى  قۇلاعىم  شالىپ  قالعان ەدى،-دەدىم مەن.

ول ايناعا تەسىرەيگەن بەتىندە ساقىلداي كۇلىپ كەتتى.

-رەنا كيندەردىڭ كۇندەلىكتى جوسپارى قايتكەندە كوپتەگەن ايەلدەرمەن امپەي-جامپەي بولۋ عانا،-دەدى ول،- ونىڭ ەسىل-دەرتى ايەلدەردىڭ نازىك بىتىمدەرىنە كوز سالۋ، بىلايشا  ايتقاندا،  بارىپ تۇرعان    ءناپسىقۇمار جان.
مەن جانىمدا كوزى شاراسىنان شىعا تاڭدانىپ قالعان لاۋراعا قارادىم. ەسىكتەن شىعىپ بارا جاتقان انبۋراس ونان ارى سازارىپ العان ەكەن. بەلگىسىز اشۋمەن ىڭىرانىپ قويادى. لاۋراعا قايتا قاراپ باسىمدى يزەپ قويدىم دا سۇيىكتى لايكر بيكەشتى قىزىقتى جۇمىسىنان قالدىرماۋدى ويلاپ ەسىككە بەتتەي بەردىم.

-قازىر قانداي ويعا كەلدىڭ؟-دەپ سۇرادىم لاۋرادان سيگارەت الىپ شىعىپ،  وعان دا، انبۋراسقا دا ۇسىنىپ جاتىپ. لاۋرا باسىن شايقادى دا انبۋراس اسىپ-ساسىپ ءوز جانىنداعى سيگارەتىن الىپ ارشي باستاعانىندا سيگارەت ەرنەۋىندەگى كۇلدىڭ ۇنتاعى جەرگە توگىلىپ كەتتى.

-قاراعاندا، ول دا قامىعىپ كەتپەيتىندەي تۇرادى،-دەدى لاۋرا.

مەن شاقپاعىمدى الىپ شىعىپ، سيگارەتتى تامىزدىم دا انبۋراسقا تاياپ:

- قانشا دەگەنمەن، ول ءبىر اكتەر عوي، ماڭىزدىسى ول قانداي ادام؟-دەپ سۇرادىم.

-بوپ، بۇلاي ەتسەك ءبىر جۇيەگە كەلە المايمىز،-دەدى انبۋراس ءتۇتىنىن بۋداقتاتا،-گرانسەرگە بارلىق شىراقتى اسحانا ۇيگە تۋرالاۋىن تاپسىرىپ، سول جەردە ساقشىنىڭ كەلۋىن كۇتەيىك.

-وعانعا دەيىن نە ىستەي قويماقشىسىڭ؟-دەدىم مەن،- ويىندى جالعاستىرا بەرسىن، ماسەلە ءوزى-اق شەشىمىن تاباتىن بولادى.

الدەقالاي تۇلان تۇتىپ، كەتىپ بارا جاتقان ونىڭ سوڭىنان قاراپ تۇرىپ قالىپ ەدىم، پاراۆوز جاقتاعى ەسىك اشىلدى دا گرانسەر كىرىپ كەلدى. 

- بارەكەلدى، بوپ مىرزا، ستانسياداعى ساقشىلاردان حابار الىپ كەلدىم،-دەدى ول،- ولاردىڭ ايتۋىنشا، قايتار جولىمىزدا پويەزدەن ەشكىم ءتۇسىپ-شىققان جوق ەكەن.

وعان بۇرىلا بەرگەنىمدە اياعىمنىڭ استىندا تاعى ءبىر نارسە باسىلىپ سىتىرلاعانداي بولعان سوڭ، الىپ قاراسام انبۋراستىڭ سيگارەتىنىڭ جىلتىر قاعازى بولىپ شىقتى.

-گرانسەر سەن سيگارەت  تارتۋشى  ما ەدىڭ؟-دەدىم مەن وعان.

-جوق، مىرزا.

-وندا، ءوزىڭنىڭ مۇردەنى قالاي بايقاعانىڭدى تاعى ءبىر رەت ايتىپ بەرشى.

-رەجيسسەر تەاتر مازمۇنىنا وزگەرىس جاساماقشى بولعاندىقتان، پالسوننىڭ بولمەسىنەن سەنەريانى الايىن دەپ بارىپ، ەسىگىن قانشا قاقسام دا  ءۇن   قاتپادى، سونىمەن ەسىگىن زاپاس كىلتپەن اشىپ، كىرىپ بارعانىمدا عانا ونىڭ جاعدايىن كوزىم كوردى دە تەلەۆيزوردا بەرىلەتىن فيلمدەگىلەردەي-اق تامىر سوعىسىن ۇستاپ كورىپ، ەسىكتى قايتا قۇلىپتاپ جۇرە بەرگەنىمدە، انبۋراس مىرزاعا ۇشىراسىپ قالدىم.

-ونىمەن قاي جەردەن ۇشىراسىپ     قالدىڭ؟

- ەكى ساۋىق بولمەسىنىڭ ورتاسىندا  سيگارەتىن شەگىپ ءتۇر  ەكەن،-دەدى    گرانسەر،- ول مەنەن سەنشە قايتسەك بولار  ەكەن دەپ سۇراعان سوڭ، ءسىزدىڭ دە وسى پويەزدە ەكەندىگىڭىزدى ايتقان ەدىم، ول  ءسىزدى شاقىرىپ كەلۋگە كەتتى دە مەن وسى جەردە كۇزەتتە قالعان بولاتىنمىن. 

-مەن كەلۋدەن بۇرىن بۇل  بولمەگە  كىمدەر كىردى؟

- ەشكىم كىرمەدى،-دەدى گرانسەر  كەسەتە باسىن شايقاپ.

الاقانىمداعى سيگارەتتىڭ جىلتىر قاعازىن قاتتى قىسىپ تۇرىپ قالدىم. 

- گرانسەر، بۇل وتە ماڭىزدى،- دەدىم مەن، ول قۇپتاعانداي  باسىن  يزەدى،-ءوزىڭنىڭ انبۋراسقا نە دەگەندەرىڭدى انىقتاپ ەسىڭە تۇسىرە الاسىڭ با؟

 ادەتىنشە تامسانىپ جىبەرىپ:

-جارايدى،- دەدى كىبىرتىكتەي بوگەلىپ بارىپ،- مەن وعان پالسون مىرزا ءولىپتى، بىرەۋ جان قۇرالمەن اتىپ كەتكەن  ەكەن  دەدىم.

- وسىلاردى عانا ايتتىڭ با؟-مەن دە ىلە سۇرادىم،-كەسەتە الاسىڭ با؟

- ءيا،- دەدى ول باسىن تاعى شۇلعي بەرىپ.

-وندا انبۋراسقا وق ونىڭ باسىنان تيگەنىن ايتپاعان بولدىڭ عوي؟-دەدىم وعان.

- جوق،- دەدى ول اسا سابىرلى بەينەدە،- مەنىڭ بار ايتقانىم وسىلار عانا.

- مەن كەلۋدەن بۇرىن ول بولمەگە  انبۋراس كىرمەدى مە؟

- جوق، ەشكىمدى دە وندا كىرگىزبەدىم،-دەدى ول،- بۇلاردى نەگە سۇراي قالدىڭىز؟

- انبۋراس مىرزانى قانشالىقتى تۇسىنەسىڭ؟

-ءبىرشاما جاقسى بىلەمىن ونى، وتكەن جەتى ايدان بەرى پالسون مىرزا، جورج مىرزا جانە لايكر بيكەش بارلىعىمىز وسى اراداعى قاربالاستىقتا بىرگە بولىپ كەلەمىز،-دەدى ول.

-انبۋراس مىرزا دا سونشا ۋاقىتتان بەرى وسىندا بولىپ پا  ەدى؟-دەدىم  مەن،- ونىمەن پالسون مىرزانىڭ اراسىندا ەشقانداي كىربەڭدىك تۋىلمادى ما؟

ويلانىپ تۇرىپ قالعان گرانسەر باسىن شايقادى.

- ەجەلدەن  بەرى  وندايىن  بايقاماعان ەكەنمىن،- دەدى،– قىزىنىڭ تراگەدياسى تۋىلۋدان بۇرىن ەشقاشان قىزمەتىنەن قالىپ كورمەگەن بولاتىن.
-قانداي تراگەديا؟

- ونىڭ قىزى، شىندىعىن ايتار  بولسام وگەي قىزى. ءوزى
دە ءبىر ون جەتىگە جاڭا ىلىنگەن سۇيكىمدى بالا ەدى، ۇنەمى بىزبەن بىرگە پويەزدە بولاتۇعىن.

- سوندا ول نە جاعدايعا دۋشار  بولىپ ەدى؟-دەدى لاۋرا.

گرانسەر داۋىسىن كوتەرە جاۋاپ بەردى:

- ءۇش اپتانىڭ الدىندا  اسىلىپ ءولدى. الىپ قاشپا سوزدەردەن الدە بىرەۋلەردىڭ قىلعاندارى...- ول ايتا الماي تۇيتكىلسىپ قالدى دا قىمسىنا جىميعان لاۋراعا قاراپ قويدى،- ونى تىعىرىققا تىرەگەن سياقتى، سولءۇشىن اكەسىنە بىلدىرگىسى كەلمەگەن بە ەكەن دەپ ويلايمىن. انبۋراس پەن حانىمى بۇل  ىسكە ەرەكشە كۇيزەلدى. دەسەدە، كىسىنى قايران قالدىرعانى ونىڭ ءبىر اپتادان كەيىن-اق، قىزمەتكە قايتا شىققانى بولدى. ويلاعانىمداي بۇل رەتكى تەاتر ول جونىنەن وتە ماڭىزدى بولعان سياقتى.

مەن قولىمداعى سيگارەت قاعازىن شيىرشىقتاپ تۇرىپ، الگىندەگى تابانىمنىڭ استىنداعى سىتىرلاعان زات تۋرالى ويلاي قالدىم دا:

- ونىڭ قىزى سارى شاشتى ما ەدى؟-دەپ سۇرادىم.

-ءيا،- دەدى گرانسەر اسپاي-ساسپاي،- ونى قايدان ءبىلدىڭىز؟

-ماعان ىلەس،-دەدىم مەن كاريدوردى بويلاي، الگىندە عانا انبۋراس كەتكەن جەرگە قاراي بەتتەپ.

-ەندى الگى سۇمىرايدى توسىپ قالۋىمىز كەرەك. ايتپەگەندە، ول الاڭعاسارلىقپەن جان قۇرالدى  لاقتىرىپ  جىبەرەر مە ەكەن  دەپ الاڭدايمىن. بەينە پالسوندى ولتىرگەننەن كەيىن ساسقالاقتاپ ءجۇرىپ، ونىڭ بولمەسىنە سيگارەت قاعازىن قالدىرىپ كەتكەنى سياقتى. 

- قالجىڭداپ تۇرماعان شىعارسىز؟- دەدى گرانسەر.

- مەنىڭ كۇيەۋىم جەندەتتىك دەلونى ءبىر جاقتىلى ەتكەندە ەجەلدەن قالجىڭداپ كورمەگەن جان،-دەدى لاۋرا جانىمدا كوڭىلدەنە كۇلىمسىرەپ تۇرىپ،- ول قاشاندا جانىمدا تۇرىپ-اق، كىمنىڭ جەندەت ەكەنىن تاۋىپ شىعۋعا تىرىساتىن.


اۋدارعان - ريشات سابىرباي ۇلى


        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn