24-قاڭتاردا مەملەكەتتىك 13-كەزەكتى قىسقى سپورت جارىسىن ۇيىمداستىرۋ كوميتەتىنىڭ مەڭگەرۋشىسى، مەملەكەتتىك دەنە تاربيە باس مەكەمەسىنىڭ باستىعى ليۋ پىڭ اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇننىڭ سەرىك بولۋىندا مەملەكەتتىك 13-كەزەكتى قىسقى سپورت جارىسى ءوتىپ جاتقان بوعدا كولى قار شاڭعى الاڭىنا كەلىپ، تەكسەرۋ-زەرتتەۋ جۇرگىزىپ، سپورتشىلارعا، جاتتىقتىرۋشىلارعا، تورەشىلەرگە جانە ارتقى شەپ قىزمەتكەرلەرىنە امانداسىپ، ولاردان حال سۇرادى. ليۋ پىڭ مىنالاردى اتاپ كورسەتتى: شينجياڭ الاڭ، ساراي قۇرىلىسى، نەگىزدىك قۇرىلعى، قىزمەت وتەۋمەن قامتاماسىزداندىرۋ قىزمەتى جاقتارىندا وتە كەرەمەت جۇمىستار ىستەدى، تەك تاياۋدان بەرگى مەملەكەت كولەمىندەگى جاماعات پىكىرىنە نازار اۋدارار بولساق،بۇكىل ەل حالقىنىڭ شينجياڭنىڭ وسى كەزەكتى قىسقى سپورت جارىسىنا قاتتى ريزا ەكەندىكتەرىن سەزىنە الامىز. مەملەكەتتىك 13-كەزەكتى قىسقى سپورت جارىسىنىڭ تابىستى وتكىزىلۋى قىسقى وليمپيادا دايىندىعىنا تاجىريبە توپتاۋ، قوسىندى شىنىقتىرۋ، كۇشتى شوعىرلاندىرۋ بولىپ تابىلادى.
سىڭار تاقتايمەن سىرعانايتىن U ءتارىزدى استاۋشا الاڭدا ليۋ پىڭ سپورتشى، جاتتىقتىرۋشى جانە تورەشىلەرمەن ءبىر-بىرلەپ قول الىستى ءارى « سپورت جارىسى حالىقتىڭ تىلەگىن توعىستىراتىن، جىگەر-قايراتىن ۇشتايتىن، وتانشىلدىققا باۋليتىن سپورتتىق قيمىل، سوندىقتان ۋاقىتتى، ورايدى، ءسوزسىز، مىقتى ۇستاۋ كەرەك » دەپ ولارعا شابىت بەردى. دارمەن ۇسەن ۇلى سىڭار تاقتايمەن U ءتارىزدى استاۋشا الاڭدا ونەر كورسەتەتىن شينجياڭدىق سپورتشى، جاتتىعۋ بارىسىندا بۇعانا سۇيەگى سىنعان،ەمحانادان شىققانىنا 20 كۇن بولماي جاتىپ، جارىسقا تۇسەدى. 23-قاڭتارداعى شەشۋشى جارىستا قاتتى جىلعىلسا دا، جارىس اياقتاعانشا ەرەن ەرلىكپەن تاباندىلىق كورسەتكەنى بۇكىل ەل كورەرمەندەرىن قاتتى اسەرلەندىردى. ليۋ پىڭ دارمەندى قاجىرلىلىقپەن جاتتىعىپ، ۇزدىكسىز قۇلشىنىپ، ورەسىن ۇزدىكسىز جوعارىلاتىپ، سپورت شەبەرلىگىن كەمەلدەندىرىپ، كەلەسى كەزەكتەگى قىسقى وليمپياداعا بەلسەنە دايىندالۋعا شابىتتاندىردى ءارى ونىڭ 2022-جىلعى قىسقى وليمپيادا جارىسىنا قاتىناسىپ، شينجياڭ سپورتشىلارىنىڭ تاماشا رۋحاني بەينەسىن ايگىلەۋىن ءۇمىت ەتتى.
ەركىن سىرعاناۋدان ونەر كورسەتۋ الاڭىندا ليۋ پىڭ بىلاي دەدى: « ەركىن سىرعاناۋدان كەڭىستىكتە جانە قار ۇستىندە ونەر كورسەتۋ ءتۇرىنىڭ قىسقى وليمپيادا سپورت جارىسىنا قوسىلعانىنا ۇزاق ۋاقىت بولمادى، ەلىمىز وسى ەكى جارىس تۇرىنەن دە وزىندىك ابزالدىلىققا يە، ءسوزسىز، قاجىرلىلىقپەن جاتتىعۋ جاساپ، وزىندىك ونەردى جوعارىلاتىپ، 2022-جىلعى قىسقى وليمپيادا سپورت جارىسىندا تاماشا ناتيجە جاراتۋعا قۇلشىنۋ كەرەك ».
ول سپورتشىلاردى الداعى جارىستاردا كۇش ۇستىنە كۇش قوسىپ، وزىندىك ەرەكشەلىگى مەن ونەرىن تولىق ساۋلەلەندىرۋگە شابىتتاندىردى.
ليۋ پىڭ شينجياڭنىڭ جارىس وتكىزۋدەگى جالپىلىق قۋاتىن تولىق تۇراقتاندىرىپ بىلاي دەدى: « مەملەكەتتىك 13-كەزەكتى قىسقى سپورت جارىسى قازىرگە دەيىن ءساتتى وتكىزىلىپ، ءار جاقتاعى قىزمەتتەر وتە جاقسى ىستەلىپ كەلەدى. قىسقى سپورت جارىسىنىڭ كەزەكتەگى تابىستى ناتيجەسى اۆتونوميالى رايوندىق پارتكومنىڭ، ۇكىمەتتىڭ پارمەندى باسشىلىعىنىڭ، شينجياڭداعى ءار ۇلت حالقىنىڭ ءبىر جاعادان باس، ءبىر جەڭنەن قول شىعارا جۇمىلۋىنىڭ جانە كۇش سالا قولداۋىنىڭ ارقاسى ».
ليۋ پىڭ مىنالاردى اتاپ كورسەتتى: وتكىزىلىپ بولعان جارىس ءتۇرىنىڭ ناتيجەسىنە نەگىزدەلگەندە، ءبىرسىپىرا تاماشا ناتيجەلەر جاراتىلىپ، كەيبىرى دۇنيە جۇزىلىك رەكوردتى جاڭالاسا، كەيبىرى مەملەكەتتىك رەكوردتى جاڭالادى، الداعى جارىستاردا جالعاستى مىقتى سپورتشىلار مەن تاماشا ناتيجەنىڭ جارىققا شىعاتىندىعىنا سەنىمىم كامىل. بارىنەن دە ماڭىزدىسى، قىسقى سپورت جارىسى ونەردىڭ باسەكەسى ەسەپتەلەدى، ال ونىڭ نەگىزگى رولى جارىس ارقىلى بۇقارالىق قار-مۇز سپورتىنىڭ ورىستەتىلۋىن جەبەۋ بولماق. مەملەكەتتىك 13-كەزەكتى قىسقى سپورت جارىسىنىڭ شينجياڭدا وتكىزىلۋى شينجياڭ حالقىنىڭ قار-مۇز سپورتىنا بولعان قىزعىندىلىعىن قوزعاپ، شينجياڭ حالقىنىڭ اناعۇرلىم اقاۋسىز، اناعۇرلىم كوڭىلدى تۇرمىس كەشىرۋىنە،ءسوز جوق، مۇمكىندىك جاراتادى! مۇنان تىس، مەملەكەتتىك 13-كەزەكتى قىسقى سپورت جارىسىنىڭ تابىستى وتكىزىلۋى قىسقى وليمپيادا دايىندىعىنا تاجىريبە توپتاپ، قوسىندى شىنىقتىرىپ، كۇشتى شوعىرلاندىرادى.
ليۋ پىڭ مىنالاردى باسا دارىپتەدى: سپورتتى دامىتىپ، حالىقتىڭ دەنە ساپاسىن ارتتىرۋ دەنە تاربيە ءىسىنىڭ تۇپكى ماقساتى، « 300 ميلليون ادامنىڭ قار-مۇز سپورتىنا ات سالىسۋىن » جەبەۋ مەملەكەتتىڭ جالپى حالىقتىق دەنە شىنىقتىرۋ سالاسىنداعى ماڭىزدى شاراسى بولىپ، جالپى حالىقتىق دەنە شىنىقتىرۋدى جەبەۋدە ەرەكشە ماڭىز الادى. شينجياڭنىڭ « 300 ميلليون ادامنىڭ قار-مۇز سپورتىنا ات سالىسۋىن » جەبەۋ قىزمەتىندە بۇكىل ەلىمىزگە ۇلگى، ونەگە بولۋىن ءۇمىت ەتەمىن.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.