ازاتتىق ارميا قۇراماسى دالالىق شاڭعى جارىسىنىڭ اعا جۇلدەگەر جاتتىقتىرۋشىسى چىن گوگۋاڭ: «جۇڭگو دالالىق شاڭعى سپورتىنىڭ تاعان تاسى بولۋعا رازىمىن»

     الىستان باسقا كوماندا مۇشەلەرى «اعا جۇلدەگەر جاتتىقتىرۋشى، قۇتتى بولسىن!» دەپ چىن گوگۋاڭعا ءوز تىلەكتەرىن ءبىلدىرىپ جاتتى.

        24-قاڭتاردا مەملەكەتتىك 13-كەزەكتى قىسقى سپورت جارىسىنىڭ دالالىق شاڭعى جارىسى فۋكاڭ جارىس رايونىندا تابىسپەن اياقتادى. 

       ازاتتىق ارميا قۇراماسى دالالىق شاڭعى جارىسىنىڭ ەرلەر 10×4 كيلومەترگە كۇش جالعاپ سىرعاناۋ جارىسىندا ءبىر ساعات 23 مينۋت 42 سەكۋندتىق ناتيجەمەن اعا جۇلدەگەرلىكتى جەڭىپ الدى. وسىدان بۇرىن دالالىق شاڭعى جارىسىنىڭ ەرلەردىڭ قوس ادامدىق جارىس ءتۇرى  مەن ەرلەردىڭ 15 كيلومەترلىك ەركىن سىرعاناۋ  جارىس تۇرىندە الدىڭعى 3 ورىندى يەلەگەن  سپورتشىلار  تۇگەلدەي ازاتتىق ارميا قۇراماسىنان كەلگەن. 

      بۇل ۇزدىك ناتيجەلەر سپورتشىلاردىڭ جارىس الاڭىنداعى جاپالى قۇلشىنىسىنىڭ بوداۋى بولىپ قالماستان، تابىسقا جەتۋ جولىندا ءۇن-ءتۇنسىز تەر توگىپ جاتقان جاتتىقتىرۋشىنىڭ ەڭبەگىنەن بولە قاراۋعا بولمايدى. ازاتتىق ارميا قۇراماسى دالالىق شاڭعى سپورتىنىڭ جاتتىقتىرۋشىسى چىن گوگۋاڭ تاربيەلەگەن سپورتشىلارىنىڭ اعا جۇلدەگەر بولعاندىعىنا ەرەكشە قۋانعاندىعىن، بەرگەن بوداۋىنىڭ جەمىسى كورىلگەندىگىن ايتتى.

      كورەرمەندەردىڭ الدىندا سيلىق ساحناسىنا شىعىپ، كەۋدەسىنە جۇلدىزداي جارقىراعان التىن مەدالدى اسىپ تۇرۋدىڭ ءوزى ءبىر داڭقتى ءىس. الايدا، چىن گوگۋاڭ مۇلدە بۇلاي ويلامايدى. ول:« ەڭبەگى باردىڭ ونبەگى بار، قازىرگى تابىسقا جەتكەندەر،اعا جۇلدەگەر بولعاندار كوپتەگەن بوداۋلاردى بەرگەندە عانا وسىنداي ناتيجەلەرگە جەتە الىپ وتىر. مەن اعا جۇلدەگەر بولعان سپورتشىلارىم بولعاندىعىنا ەشقاشان داندايسىپ كەتپەدىم، ءوزىمدى دە مىقتىمىن دەپ ويلامايمىن، ويتكەنى بەرگەن بوداۋىڭ كوپ بولىپ، ناتيجە مەن بەرگەن بوداۋىڭ تەڭەسكەننەن كەيىن ناتيجەگە دە تىم بوي ۇرىپ كەتپەيسىڭ» دەدى.

      چىن گوگۋاڭ جاتتىقتىرۋشى كوز الداعى ناتيجەسىنە بولا داندايسىپ كەتپەدى. چىن گوگۋاڭ ەلىمىزدە وسى تۇردەن باسقا مەملەكەتتەرگە قاراعاندا سالىستىرمالى تۇردە پارىق بولعانىمەن، جاتتىقتىرۋ ءتاسىلى، جابدىق تاڭداۋ جانە سپورتشىلاردى  قورەكتىكپەن قامداۋ جاعىندا بەلگىلى جەتەرسىزدىكتەرى  بارلىعىن، الايدا ءبىز ىستەيمىز دەسەك، ەۆروپاداعى قار شاڭعى سپورتشىلارمەن بەلدەسەر بولساق، بىرنەشە جىل،ءتىپتى نەشە ون جىلدا ەلىمىزدىڭ دالالىق شاڭعى سپورتىنىڭ دۇنيە جۇزىندە وزىندىك ورنى بولاتىندىعىنا سەنەتىندىگىن ايتتى.


        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.