مەملەكەتتىك 13 - كەزەكتى قىسقى سپورت جارىسىنىڭ سىڭار تاقتايمەن U ءتارىزدى استاۋشا الاڭدا سىرعاناۋ جارىس تۇرلەرى 25 - قاڭتاردا «تيانشان بوعدا كولى حالىقارالىق قار شاڭعى الاڭىندا» تولىق مارەسىنە جەتتى. سول كۇنى ءتۇستىڭ الدىندا وتكەن سىڭار تاقتايمەن U ءتارىزدى استاۋشا الاڭدا سىرعاناۋ جارىسىنىڭ ەڭ سوڭعى جارىس ءتۇرى ەرلەر مەن ايەلدەردىڭ توپتىق جارىسىندا ءۇرىمجى قۇراماسىنىڭ ەرلەر توبى 257 نومىرلىك ناتيجەمەن، ايەلدەر توبى 220 نومىرلىك ناتيجەمەن جەكە - جەكە كۇمىس مەدال الىپ، شينجياڭ قۇراماسىنىڭ قورجىنىنا 2 كۇمىس مەدال سالدى.
ال وسى جارىس تۇرىندە مۇلدەم باسىم قۋاتقا يە حاربين قۇراماسىنىڭ ەرلەر توبى 261 نومىرلىك ناتيجەمەن، ايەلدەر توبى 223.50 نومىرلىك ناتيجەمەن التىن مەدالدى قانجىعالادى. ال ەرلەر توبىنىڭ قولا مەدالىن قارامايلى قۇراماسىنىڭ جىگىتتەرى تاعىنسا، ايەلدەر توبىنىڭ قولا مەدالىن حىگاڭ قۇراماسىنىڭ قىزدارى تاقتى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.