شينجياڭ قۇراماسى تۇڭعىش رەت ەرلەردىڭ تەز سىرعاناۋ توپتىق جارىسىنىڭ اعا جۇلدەگەرلىگىن ەنشىلەدى

   شينجياڭ قۇراماسىنىڭ ەرلەردىڭ تەز سىرعاناۋ توپتىق جارىسىنىڭ اعا جۇلدەگەرلىگىن ەنشىلەۋى شينجياڭنىڭ تۇڭعىش رەت قىسقى سپورت جارىسىندا تەز سىرعاناۋ تۇرىنەن توپتىق جارىسىتىڭ اعا جۇلدەگەرلىگىن ەنشىلەۋى بولماق.

    سپورتشىلار 20 جىلدان كەيىن قىسقى سپورت جارىسىنىڭ سيلىق  مىنبەسىنە  قايتا ورالدى، ەرلەردىڭ تەز سىرعاناۋ توپتىق جارىسىندا راقىمباي تالاپقان ۇلى، جۋ جيافان، ءداستۇر تۇرسىنقان ۇلى قاتارلى سپورتشىلار شينجياڭ قۇراماسىنا ەڭ قۇندى التىن مەدال الىپ بەردى.

    24-قاڭتاردا مەملەكەتتىك 13-كەزەكتى قىسقى سپورت جارىسىنىڭ ەرلەردىڭ تەز سىرعاناۋ توپتىق جارىسى شينجياڭ مۇز ءۇستى سپورت ورتالىعىندا وتكىزىلدى. سوڭعى گرۋپپادا مايدانعا شىققان شينجياڭ قۇراماسىنداعى راقىمباي تالاپقان ۇلى، جۋ جيافان، ءداستۇر تۇرسىنقان ۇلى قاتارلى سپورتشىلار ناق مايدانداعى كورەرمەندەردىڭ مەدەت بەرۋىندە ويداعىداي سايكەسىپ، ەڭ سوڭىندا 3 مينۋت 49 سەكۋند 19 تاقىلدىق ناتيجەمەن اعا جۇلدەگەرلىكتى قانجىعاسىنا بايلادى.

     راقىمباي تالاپقان ۇلى: « ەرلەردىڭ تەز سىرعاناۋ توپتىق جارىسىندا اعا جۇلدەگەرلىكتى ەنشىلەۋ ءبىز ءۇشىن ەرەن قۋانىش، زور داڭق سانالادى، الداعى جەردە شينجياڭعا داڭق اپەرۋگە جالعاستى قۇلشىنامىن » دەدى.

     ءداستۇر تىلشىگە: « بۇل مەن ءۇشىن العاندا تەك العاشقى باستاما، الدا تالاي بيىكتەردى باعىندىراتىندىعىما سەنەمىن » دەدى. بۇل التىن مەدال داستۇرگە تىڭ شابىت سيلادى.

      ءداستۇر: « العاشقى جارىس كۇنى قاعيداعا قيعاشتىق جاساپ، جاقسى ناتيجە جاراتا الماعاندىقتان قاتتى جابىرقادىم، جاتتىقتىرۋشىلار قايتا سەرپىلۋىمە دەم بەردى، بۇگىنگى جارىستا ناق مايدانداعى كورەرمەندەردىڭ مەدەت بەرۋى ماعان زور شابىت سيلادى » دەدى.

     جۋ جيافان: « بۇل جارىس مايدانىن قاتتى ۇناتامىن، بۇل ارادا جارىسقا قاتىناسۋ ادامعا زور ەستەتيكالىق ءلاززات باعىشتايدى » دەدى.

     جۋ جيافاننىڭ نازارىندا التىن مەدال الۋ شينجياڭنىڭ تەز سىرعاناۋ قۇراماسىنا زور كۇش-قۋات باعىشتايدى ەكەن. ول: « جايشىلىقتاعى جاتتىعۋ ناتيجەمىزدە بۇگىنگىمەن قارايلاس بولاتىن، نەگىزىمىز بولسا دا بۇرىن مۇنداي جوعارى ورەگە جەتىپ  كورمەگەن ەدىك،الايدا ءبىز ءوزىمىزدىڭ كۇش-قۋاتىمىزعا سەنەمىز » دەدى.

     ءىس جۇزىندە سول كۇنى جارىسقا قاتىناسقان ءتورت گرۋپپاداعى  سپورتشىلاردىڭ ىشىندە اعا جۇلدەگەربولعان قۇرامانىڭ ناتيجەسى 3 مينۋت 50 سەكۋندتىق ەڭ تاماشا ناتيجە بولدى.

     شينجياڭ تەز سىرعاناۋ قۇراماسىنىڭ وڭتۇستىك كورەيالىق جاتتىقتىرۋشىسى لي زايجى: « بۇل ەل ىشىندەگى ەڭ تاماشا ناتيجە، قۇراماداعىلار ءوز رولىن تولىق ساۋلەلەندىردى » دەدى.

    الدىڭعى ەكى كۇندەگى قۇلدىراۋ جاعدايدى باستان كەشىرگەن لي زايجى تىلشىگە 3-گرۋپپادا مايدانعا شىققان ازاتتىق ارميا قۇراماسى 3 مينۋت 51 سەكۋند 74 تاقىلدىق ناتيجە جاراتقاندا قاتتى ابىرجىعاندىعىن ايتتى.

    لي زايجى: «ازاتتىق ارميا قۇراماسى جاقسى ناتيجە جاراتقان بولسادا،مەن قۇراماداعىلارعا وزدەرىنىڭ كۇش-قۋاتىنا سەنۋىن ايتقانمىن، ولار زور  قىسىم استىندا، تاماشا ناتيجە جاراتتى» دەدى.

    سول كۇنگى تەز سىرعاناۋ جارىس مايدانىندا ەرلەر قۇراماسى اعا جۇلدەگەرلىكتى ەنشىلەۋدەن تىس، شينجياڭ ايەلدەر تەز سىرعاناۋ قۇراماسى 3 مينۋت 8 سەكۋند 3 تاقىلدىق ناتيجەمەن ايەلدەردىڭ تەز سىرعاناۋ توپتىق جارىسىندا ەكىنشى بولدى، اعا جۇلدەگەرلىكتى 3 مينۋت 7 سەكۋند 22 تاقىلدىق ناتيجەمەن چيچيحار قۇراماسى قانجىعاسىنا بايلادى.

    كاسىپتىك قايراتكەرلەر مەملەكەتتىك 13-كەزەكتى قىسقى سپورت جارىسىنداعى تەز سىرعاناۋ تۇرىنە قاتىناسقان سپورتشىلاردىڭ ءبىر التىن، ءبىر كۇمىس مەدال الۋداي تاماشا ناتيجەسى شينجياڭنىڭ قار-مۇز سپورتىنىڭ دامۋىن ىلگەرىلەتەدى دەپ قارادى. شينجياڭ تەز سىرعاناۋ قۇراماسىنىڭ جەتەكشىسى فۋ يۇڭ: « ءوز جەرىمىزدە اعا جۇلدەگەرلىكتى ەنشىلەۋ بىزگە زور قوزعاۋشى كۇش باعىشتادى، جارىستان كەيىن شينجياڭنىڭ قار-مۇز سپورتى سالاسىندا ءتىپتى دە كوپ دارىندىلاردىڭ شىعۋى مۇمكىن » دەدى. 



        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.