«جۇڭحۋا حالىق رەسپۋبليكاسىنىڭ قىلمىستىق ىستەر ارىز-شاعىم زاڭىنىڭ» 72-تارماعىندا بىلاي دەپ بەلگىلەنگەن: حالىق سوتى مەكەمەسى، حالىق پروكۋراتۋراسى جانە قوعام حاۋىپسىزدىگى ورگانى تۇتقىنداۋ شارتىنا ۇيلەسەتىن مىناداي جايتتەردىڭ ءبىرى بار قىلمىس كۇماندىسىنىڭ، ايىپكەردىڭ تۇراعىن باقىلاۋعا السا بولادى:
(1) اۋىر ناۋقاسقا شالدىققان، ءوز كۇنىن كورە المايتىن بولسا؛
(2) جۇكتى نەمەسە ومىراۋدا بالاسى بار ايەل بولسا؛
(3) ءوز كۇنىن كورە المايتىن ادامنىڭ بىردەن-ءبىر باعۋشىسى بولسا؛
(4) دەلونىڭ احۋالى ەرەكشە بولعاندىعى نەمەسە دەلو ءبىتىرۋدىڭ قاجەتى سەبەپتى تۇراعىن باقىلاۋعا الۋ شاراسىن قولدانۋ ءتىپتى دە ۇيلەسىمدى بولسا؛
(5) قاماپ قويۋ مەرزىم شەگى تولىپ، دەلو اياقتاماي، تۇراعىن باقىلاۋعا الۋ شاراسىن قولدانۋ قاجەت بولسا.
سوتتاعانعا دەيىن كەپىلگە شىعارۋ شارتىنا ۇيلەسكەنىمەن، ءبىراق قىلمىس كۇماندىسى، ايىپكەر كەپىل بولاتىن ادامدى كورسەتپەسە ءارى كەپىلدىك اقشا تاپسىرماسا، وندا ونىڭ تۇراعىن باقىلاۋعا الۋعا بولادى.
تۇراعىن باقىلاۋعا الۋدى قوعام حاۋىپسىزدىگى ورگانى اتقارادى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.