ۇلى بريتانيانىڭ سومەرسەت اۋدانىنىڭ كوڭرەسبۋري قىستاعىنداعى 3 مىڭنان استام قىستاق تۇرعىنى جۇڭگونىڭ «كىشى-گىرىم ىستەرگە ەلەۋسىز قاراماۋ» دەگەن ءتامسىلىنىڭ ماعىناسىن تۇسىنبەسە كەرەك. الايدا،ولار ارەكەتتەرى ارقىلى بۇل ءسوزدىڭ ماعىناسىن تولىق ءتۇسىندىرىپ بەردى. قىستاق تۇرعىندارى وتكەن جىلى وزدەرىنىڭ شىركەۋىنىڭ قۇرىلعاندىعىنىڭ 800 جىلدىعىن ەسكە ءتۇسىرۋ ءۇشىن ءبىر جىلدا 800 جاقسى ءىس ىستەۋ قيمىلىن ورىستەتكەن. كىم جاقسى ءىس ىستەسە نەمەسە باسقا قىستاق تۇرعىندارىنىڭ كومەگىنە يە بولسا قاعازعا جازىپ، قاعازدى شىركەۋدىڭ بوساعاسىنداعى جاشىككە سالىپ قويادى ەكەن. ءبىر جىلدا 800 جاقسى ءىس ىستەۋ نىساناسى روجدەستۆو مەرەكەسىندە جۇزەگە اسىپ، 28-جەلتوقسانعا دەيىن جيىنى 817 جاقسى ءىس جيناقتالعان. كوپتەگەن جاقسى،يگى ىستەر كورەر كوزگە تىم قاراپايىم. مىسالى، كوشەدەگى سەرگەلدەڭدەرگە كيىم-كەشەك بەرۋ، الەۋمەتتىك ورىندارداعى ورىندىقتى سىرلاۋ،اۆتوموبيلمەن قيىنشىلىعى بار تۇرعىندارعا حال سۇراۋ بۇيىمدارىن جەتكىزىپ بەرۋ،كوشەدەگى قوقىر-قوقسىقتاردى تەرۋ،بەيتانىس ادامداردىڭ اۋىر دۇنيەلەرىن كوتەرىسىپ بەرۋ،كەدەي ادامداردى كينو كورۋگە ۇسىنىس ەتۋ سياقتىلار.
وسى قيمىلدى ۇيىمداستىرۋشى بەككي.نوح ۇلى بريتانيا « كۇندەلىكتى پوچتا گازەتىنە» قاراماققا بۇل ىستەردىڭ وتە قاراپايىم ەكەندىگىن،مەيلى ول ءىرى نەمەسە كىشى-گىرىم ءىس بولسىن، ەڭ ماڭىزدىسى،ادامداردىڭ ۋاقىت شىعارىپ باسقالارعا كومەك قولىن سوزا الۋىندا ەكەندىگىن ايتتى. ول جانە قىلاياعى كورشىسىنىڭ كىم ەكەندىگىن بىلمەيتىن مىنا زاماندا بۇل قيمىلدىڭ كوڭرەسبۋري قىستاعىنىڭ تاماشا الەۋمەتتىك اۋماق رۋحى مەن ءبىر-بىرلەرىنە بولعان جان اشىرلىقتارىن بەينەلەگەندىگىن،بۇل كۇندەرى بۇل قىستاقتىڭ احپارات قۇرالدارى جاعىنان ۇلى بريتانياداعى «ەڭ مەيىرىمدى» قىستاق اتالعاندىعىن ايتتى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.