شينحۋا اگەنتتىگىنىڭ دەنە تاربيە تاراۋى 2015-جىلعى ەلىمىزدەگى ون ۇزدىك سپورتشىنى باعالاپ شىقتى

جۋ تيڭ ( ايەل،ۆولەيبول )
21 جاستا. نەگىزگى سپورتشى رەتىندە ەلىمىزدىڭ ايەلدەر ۆولەيبول كومانداسىنىڭ 2015-جىلعى ايەلدەردىڭ ۆولەيبولدان الەمدىك ساۋىتقا تالاسۋ جارىسىندا اعا جۇلدەگەر بولۋىنا مۇمكىندىك جاراتتى. بۇل ەلىمىزدىڭ ايەلدەر ۆولەيبول كومانداسىنىڭ افينا وليمپيادا سپورت جارىسىندا اعا جۇلدەگەر بولعاننان كەيىن اراعا 11 جىل سالىپ، قايتالاي الەمدىك اعا جۇلدەگەر بولۋى ەدى،سونىمەن بىرگە،ريو-دە-جانە-يرو وليمپيادا سپورت جارىسىنا قاتىناسۋ تولىمدىلىعىنا يە بولدى. جۋ تيڭ الەمدىك ساۋىتقا تالاسۋ جارىسىنداعى ەڭ قۇندى سپورتشىعا اينالدى. 

     ليۋ حۇڭ ( ايەل،جورعا جارىس )
28 جاستا. 28-تامىزدا جەڭىل اتلەتيكادان الەمدىك جۇلدەگە تالاسۋ جارىسىندا ءبىر ساعات 27 مينۋت 45 سەكۋندتىق ناتيجەمەن ايەلدەردىڭ 20 كيلومەترلىك جورعا جارىسىنىڭ اعا جۇلدەگەرى بولدى. بۇل 1999-جىلعى جەڭىل اتلەتيكادان الەمدىك جۇلدەگە تالاسۋ جارىسىنان كەيىنگى ەلىمىز سپورتشىلارىنىڭ وسى جارىس تۇرىنەن تۇڭعىش رەت اعا جۇلدەگەر بولۋى ەدى. ليۋ حۇڭ بيىل ماۋسىمدا وتكىزىلگەن حالىقارالىق جەڭىل اتلەتيكا بىرلەستىگىنىڭ لا-كورۋنيا بەكەتىندەگى جارىسىندا ايەلدەردىڭ 20 كيلومەترلىك جورعا جارىسىنىڭ دۇنيە جۇزىلىك  رەكوردىن جاڭالادى. 

   نيڭ زىتاۋ ( ەر،مالتاۋ )
22 جاستا. رەسەيدىڭ قازان قالاسىندا وتكىزىلگەن مالتاۋدان الەمدىك جۇلدەگە تالاسۋ جارىسىندا 47 سەكۋند 84 تاقىلدىق ناتيجەمەن ەرلەردىڭ 100 مەتر ارالىققا ەركىن مالتاۋ جارىسىنىڭ التىن مەدالىن ەنشىلەپ،الەمدىك جۇلدەگە تالاسۋ جارىسى تاريحىنداعى ەرلەردىڭ 100 مەتر ارالىققا ەركىن مالتاۋدان اعا جۇلدەگەر بولعان تۇڭعىش ازيالىققا اينالدى. 1973-جىلدان باستاپ وتكىزىلگەن مالتاۋدان الەمدىك جۇلدەگە تالاسۋ جارىسى تاريحىندا نيڭ زىتاۋ ەرلەردىڭ 100 مەتر ارالىققا ەركىن مالتاۋ جارىسىنىڭ شەشۋشى جارىسىنا قاتىناسقان تۇڭعىش  ازيالىق سپورتشىعا اينالدى. 

    سۋ بيڭتيان ( ەر،جەڭىل اتلەتيكا )
26 جاستا. 2015-جىلعى حالىقارالىق جەڭىل اتلەتيكا بىرلەستىگىنىڭ الماس بىرلەسكەن جارىسىنىڭ ەۋگەنە بەكەتىندەگى ەرلەردىڭ 100 مەتر ارالىققا جۇگىرۋ جارىسىندا  9 سەكۋند 99 تاقىلدىق تاماشا ناتيجە جاراتىپ،10 سەكۋند ىشىندە كەلگەن تۇڭعىش جۇڭگولىق سپورتشىعا اينالدى. بەيجيڭدە وتكىزىلگەن جەڭىل اتلەتيكادان الەمدىك جۇلدەگە تالاسۋ جارىسىندا سۋ بيڭتيان الەمدىك جۇلدەگە تالاسۋ جارىسىندا 100 مەتر ارالىققا جۇگىرۋدىڭ شەشۋشى جارىسىنا قاتىناسقان تۇڭعىش ازيالىققا اينالدى،ول باستاعان ەلىمىز كومانداسى ەرلەردىڭ 4×100 مەتر ارالىققا كۇش جالعاپ جۇگىرۋدىڭ شەشۋشى جارىسىندا كۇمىس مەدال الىپ،ەلىمىزدىڭ جەڭىل اتلەتيكا جارىسى تاريحىنداعى  4×100 مەتر ارالىققا كۇش جالعاپ    جۇگىرۋدىڭ ەڭ تاماشا ناتيجەسىن جاراتتى ءارى ازيا جەڭىل اتلەتيكا تاريحىنداعى وسى جارىس ءتۇرىنىڭ ەڭ تاماشا ناتيجەسىن جاراتتى.

    ي جيانليان ( ەر،باسكەتبول )
 28 جاستا.  3-قازاندا ي-جيانليان باستاعان ەلىمىز كومانداسى باسكەتبولدان ازيا جۇلدەسىنە تالاسۋ جارىسىنىڭ شەشۋشى جارىسىندا 67 گە قارسى 78 ۇپايمەن فيليپپين كومانداسىن جەڭىپ،ازيا اعا جۇلدەگەرلىگىن ەنشىلەدى ءارى ريو-دە-جانە-يرو وليمپيادا  سپورت جارىسىنا قاتىناسۋ تولىمدىلىعىنا يە بولدى. بۇل ەلىمىز كومانداسىنىڭ تاريحتا باسكەتبولدان ازيا جۇلدەسىنە تالاسۋ جارىسىنىڭ اعا جۇلدەگەرلىگىن 16-رەتكى ەنشىلەۋى. ي جيانليان ەڭ ۇزدىك باسكەتبول سپورتشىسى اتاعىنا يە بولدى.

    چىن لۇڭ ( ەر،قاۋىرسىن دوپ )  
26 جاستا. چىن لۇڭ 16-تامىزدا 14 كە قارسى 21 ۇپاي جانە 17 گە قارسى 21 ۇپايلىق ناتيجەمەن مالايزيا ساڭلاعى لي زۇڭۋيدى جەڭىپ،قاۋىرسىن دوپتان الەمدىك جۇلدەگە تالاسۋ جارىسىنىڭ ەرلەر جەكە جارىس ءتۇرىنىڭ اعا جۇلدەگەرلىگىن ساقتاپ قالدى. 17-مامىردا ول كومانداسىنداعىلارمەن بىرلىكتە 0 گە قارسى 3 ۇپايمەن جاپونيا كومانداسىن جەڭىپ،سۋديمان ساۋىتىنا تالاسۋ جۇلدەلى جارىسىنىڭ ەر-ايەل ارالاس كوللەكتيۆ اعا جۇلدەگەرلىگىن ءۇرتىس 6-رەت جەڭىپ الدى. وسى ناتيجەمەن دۇنيەدە ءبىرىنشى ورىندى يەلەپ،الەمدىك قاتارعا تۇرعىزۋدا 100 مىڭنان ارتىق    ءنومىر جيناقتاعان ەرلەر جەكە جارىس تۇرىندەگى تۇڭعىش جۇڭگولىق سپورتشىعا اينالدى.

 جىڭ جى (ەر،فۋتبول )    
35 جاستا. گۋاڭجوۋ حىڭدا كومانداسىنىڭ باستىعى رەتىندە جىڭ جى حىڭدا كومانداسىن باستاپ،ازيا اعا جۇلدەگەرلىگىنە تالاسۋ بىرلەسكەن جارىسىنىڭ شەشۋشى جارىسىندا اراب بىرىككەن امىرلىگىنىڭ الاحلي كومانداسىن جەڭىپ،اعا جۇلدەگەرلىكتى قانجىعاسىنا بايلادى ءارى دۇنيە جۇزىلىك كلۋبتار ساۋىتىنا تالاسۋ جارىسىندا الدىڭعى ءتورت مىقتى كوماندانىڭ بىرىنە اينالدى. ول 2015-جىلعى ازيا فۋتبول مىرزاسى كانديداتى ەسىمدىگىنە ەنگىزىلدى. 

    گو چۋان ( ەر،جەلكەندى قايىق )
50 جاستا. گو چۋان قۇراماسىنداعىلاردى باستاپ،3-قىركۇيەكتە رەسەيدىڭ مورمانىسكى قالاسىنان شىعىپ،سولتۇستىك ۇيەكتەگى شىعىس سولتۇستىك سۋ جولىن بويلاي ءجۇزىپ،12 كۇن 3 ساعات 8 مينۋت 15 سەكۋندتىق ۋاقىتپەن 3 مىڭ 240 تەڭىز ميلى جول باسىپ، بەرينگ بۇعازىنداعى كومبەگە جەتتى. بۇل ادامزاتتىڭ تەڭىزدە ءجۇزۋ تاريحىنداعى تۇڭعىش رەت جەلكەندى قايىقپەن سولتۇستىك ۇيەكتىڭ شىعىس سولتۇستىك سۋ جولىن ەندەي ءوتۋى بولدى.

    چىن پىنبين (ەر،ۇزاققا جۇگىرۋ) 
37 جاستا. چىن پىنبين 2-ساۋىردە گۋاڭجوۋ قالاسىنىڭ حايشينشا ازيا سپورت جارىسى باقشاسىنان شىعىپ،كۇنىنە ءبىر مارافون قاشىقتىقتا  جۇگىرىپ،گۋاڭدۇڭ، فۋجيان،جىجياڭ،شاڭحاي،جياڭسۋ،شاندۇڭ،حىبەي،تيانجين،بەيجيڭ سىندى 9 ولكە،قالانى باسىپ ءوتىپ،10-شىلدەدە بەيجيڭ قالاسىنىڭ ۋانشىدا ورتالىعىنىڭ سىرتىنداعى 100-مارافون كومبەسىنە جەتتى.

    سۇن ياڭ ( ەر،مالتاۋ )
24 جاستا. تامىزدا رەسەيدىڭ قازان قالاسىندا وتكىزىلگەن مالتاۋدان الەمدىك جۇلدەگە تالاسۋ جارىسىندا سۇن ياڭ ەرلەردىڭ 400 مەتر جانە 800 مەتر ارالىققا ەركىن مالتاۋ جارىسىنىڭ التىن مەدالىن ەنشىلەپ،800 مەتر ارالىققا ەركىن مالتاۋدىڭ اعا جۇلدەگەرلىگىن ءۇرتىس ءۇش رەت ەنشىلەۋدەي تاماشا ناتيجە جاراتتى. مۇنان تىس،ول 200 مەتر ارالىققا ەركىن مالتاۋ جارىسىنىڭ كۇمىس مەدالىن ەنشىلەپ،مالتاۋدان الەمدىك جۇلدەگە تالاسۋ جارىسىنداعى ەڭ ۇزدىك ەر سپورتشىعا اينالدى. 
 

        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.