ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

بالانىڭ باسىنان كەشكەندەرى

جولدانعان ۋاقىتى : 2015/12/28 16:37:18

گرحارد ۋاومرت(گەرمانيا)

   ءبىز برۋنونىڭ تۋىلعان كۇنىن تويلادىق. تۇستەن كەيىن وعان شەشەسى ءبىزدى كوفە ىشۋگە شاقىرۋعا رۇقسات بەرىپتى. اكە-شەشەسى جۇمىسقا كەتتى دە ءبىز ۇيدە  قالدىق.
برۋنونىڭ شەشەسى دومالاق-دومالاق تورت پىسىرىپ داستارقان ازىرلەپتى، ورتاعا شاۋگىم قويىپ، ۇستىنە ادامنىڭ كۇلكىسىن كەلتىرەتىن ءبىر اق ءيت جاۋىپ قويىپتى (اق ءيت ءىشى قۋىس دەتالدان جاسالعان قۋىرشاق. مۇنى ەۆروپادا ىدىستاعى شاي سۋىپ قالماۋى ءۇشىن جاپقىش رەتىندە پايدالانادى).

    ءبىز بالكۇلشەلەردى مەيلىنشە جەپ تويىپ الدىق تا ويىنعا ءتۇسىپ كەتتىك. الدىمەن ءۇندى-ءۇندى وينادىق. برۋنونى  باستىق سايلادىق، ويتكەنى بۇگىن ونىڭ تۋىلعان كۇنى عوي. باسقا كۇندەرى ول قاشاندا ادەتتەگى ءۇندى بولاتىن. ونى «قىلي جىلان» دەپ اتاۋشى ەدىك. بۇگىن وعان ءوزىن «تليكو» دەپ اتاۋىنا رۇقسات بەردىك. مەن « دانا الفونس » اتتى شامان بولدىم. «دۇنيە شىلىمى» وتە قاڭسىق ەكەن. قازىر شامان بولعاندىعىمنان ۇزدىكسىز شەگىپ تۇرۋىم كەرەك ەدى. برۋنو اكەسىنىڭ ۇستەلىنىڭ سۋىرماسىنان تەمەكىسى جوق ترۋپكا تاۋىپ بەردى. ءبارىبىر بۇلدا جۇرەگىمدى اينىتتى. ۇلكەيگەندە ولسەمدە تەمەكى تارتپايمىن.

  ونان «قاراقشى» وينىن وينادىق. وتە تاماشا بولدى. كروسلونى قاراقشىلاردىڭ كەمەسى، كىلەمدى ادەتتەگى ساۋداگەر كەمەسى قىلدىق. بۇگىن تۋىلعان برۋنو كاپيتان بولىپ سايلاندى. ءبىراق تۇككە تۇرعىسىز كوڭىلسىزدىك تۋىلىپ قالدى، تەڭىز سوعىسى قاتتى قىزۋ ءجۇرىلىپ جاتقان كەزدە كروسلونىڭ ءبىر سيراعى سىنىپ كەتتى.

سونان سوڭ نە ويناۋدىڭ بابىن تاپپادىق. مەن اياق استىنان:

-ءبىلدىم، ءبىلدىم، نە ويلاپ تۇرعانىمدى كىم تابادى؟- دەپ ايعايلادىم.

-وت وشىرۋشىلەر وينى ما؟- دەپ سۇرادى برۋنو.

مەن كۇلىپ جىبەردىم.

-شيپاگەر مەن ناۋقاس پا؟

-تىعىلماق پا؟

-تەمىر جول وينى ما؟

-شەكارا كۇزەتشىسى وينى ما؟

-ءبىز اسحانا وينىن وينايمىز، برۋنونىڭ تۋىلعان كۇنىن تويلايمىز، سوڭىندا بارلىعىمىز ماس بولامىز.

بۇل ۇسىنىسىم بالالارعا مايداي جاقتى. دەرەۋ كيىنىپ الدىق. مەن برۋنونىڭ اتاسى بولدىم. ماعان ونىڭ شيلاپاسى مەن قولعابى بەرىلدى. ەرون  كۇتۋشى، قالعاندار قوناق بولدى.
مەن داستارقان باسىنا وتىرىپ:

-كۇتۋشى،- دەپ ايعاي سالدىم.

ءبىراق نە ءىس ەكەنى بەلگىسىز ەرون  اسحانادا بۇگەجەكتەپ ءجۇردى دە ۇستەلگە ءدال ۋاعىندا كەلە المادى.

-كۇتۋشى، پىكىر داپتەرىن الىپ كەل.

ول دەرەۋ جانىمىزعا جۇگىرىپ جەتتى. قولىندا اپپاق ورامال، ءوزى ماڭايىمىزدا شىر كوبەلەك اينالىپ جۇگىرىپ ءجۇر.

-بۇگىن نەمەرەم برۋنونىڭ تۋىلعان كۇنى،- دەدىم داۋىسىمدى ۇلكەيتىپ اسپاي-ساسپاي،- رەنجىمەي، بىزگە بەس ستاكان ۋينو اكەلىپ بەرسەڭىز.

ەرون قاعازعا الدەنەلەردى جازىپ الدى دا جۇگىرىپ اس ۇيگە كىرىپ كەتتى. كوپ وتپەي كوتەرگەن پاتنوسى بار پايدا بولدى. پاتنوستاعى ستاكانداردا الدەبىر قىزىل سۇيىقتىق قۇيىلعان ەدى.
  ءبىز ستاكانداردى قاعىستىرىپ:

-سەنىڭ ساۋلىعىڭ ءۇشىن برۋنو!- دەپ ءبىر داۋىستا ايعايلادىق تا قاعىپ سالدىق.

بۇل جەمىس شىرىنى ارالاستىرعان گاز سۋى، ءبىراق، راس  ۋينوعا  ۇقسايدى ەكەن.

ءىشىپ العان سوڭ تىرقىلداپ كۇلە باستادىق. پەتر بارلىعىمىزعا تاعى ءبىر ستاكاننان كەلتىرۋدى بۇيىردى. ءبىز تاعى ىشتىك. مەنىڭ دە  ىشكىم   كەلىپ   تۇر،- دەدى ەرون. ءبىراق ول كۇتۋشى، سوندىقتان دا ونىڭ ءىشۋى مۇمكىن ەمەس ەدى.

-وقاسى جوق، ىشە بەرسىن،- دەدى برۋنو.

-ءبىر ستاكان اكەل. تۋىلعان كۇنى تويلانىپ جاتقاندا كۇتۋشىمىز ىشسە بولادى.

ءسويتىپ، ءبىز بەس ستاكاننان «گازۋينو» ىشتىك.

-بارلىعىمىز ماس بولدىق. ەندى بيگە باسامىز،- دەدىم مەن.

ءبىز ايعايلاپ ءان ايتتىق، بيگە باستىق.

وينىمىز ايرىقشا قىزعان ەدى.

ءبىراق برۋنونىڭ شەشەسىنىڭ ويى باسقاشا ەكەن، ونىڭ ۇيگە قالاي كىرىپ العانىن بىلمەي، ونى يتەرىپ جىبەرىپپىن.

-نە بولعان سەندەرگە؟- دەپ سۇرادى ول.

برۋنو وينىمىزدى جالعاستىرا بەرەيىك دەگەندەي قىلىپ، ماعان قاراپ كوزىن قىسىپ قويدى.

- سالەم، شەشە!- دەدى ول ساڭقىلداپ،- عاجايىپ جاقسى ۋينو ەكەن.

  -ءاي كۇتۋشى، تاعى ءبىر ستاكان كەلتىر،- دەپ ايعايلادىم مەن.

برۋنونىڭ شەشەسى ۇستەلگە جۇگىرىپ كەلىپ، ستاكانداردى يىسكەي باستادى.

-نە قىلىپ جاتىرسىڭدار؟ بارلىعىڭ ماسسىڭ عوي؟

ءبىز تاعى دا تىرقىلداپ-شيقىلداپ كۇلىپ ءجۇرمىز. وتىرىسىمىز  راسىندا  كوڭىلدى ەدى.

-ۋينونى قايدان الدىڭدار؟- دەپ اقىرا سۇرادى برۋنونىڭ شەشەسى بارلىعىمىزدى كروسلوعا وتىرعىزىپ،- بۇنى كىم باستادى؟

-شەشە،- دەپ ءسوز باستادى برۋنو. ءبىراق ول ءالى كۇلكىسىن تيا الماي ءجۇر،-شەشە، بۇل قانشالىقتى قىزىق بولعانىن ويلاپ تابا المايسىز.

 -قىزىق؟! قازىر سەندەرگە قانشالىقتى قىزىق ەكەنىن كورسەتىپ قويارمىن.

شەشەسى دولدانا اقىرىپ-شاقىرعان سوڭ، بارلىعىمىز جىم بولا قالدىق.

سودان كەيىن برۋنو شەشەسىنە ءتۇسىندىرىپ قويماقشى بولىپ:

-اپا، مەنى تىڭداڭىزشى...-دەي بەرىپ ەدى، شەشەسى ۇرىسىپ:

-برۋنو، شىنىڭدى ايت، ۋينو ىشكەندى كىم ۇيرەتتى؟- دەپ سۇرادى.

ءبىزدىڭ ۋينو ەمەس، گازدى سۋسىندىق ىشكەنىمىزدى ءارى وتىرىك ماس بولىپ ويناعانىمىزدى شەشەسىنە ءتۇسىندىرىپ قويماقشى بولىپ ەدى، ءبىراق شەشەسى ونىڭ سويلەۋىنە رۇقسات بەرمەدى. برۋنونىڭ شەشەسى:

-شىنىڭدى ايت، برۋنو، كىم ۇيرەتتى؟- دەپ تاعى سۇرادى.

سول ساتتە ول سۇق ساۋساعىمەن مەنى كورسەتىپ:

-سترباك،- دەدى.

برۋنونىڭ شەشەسى ءۇھ دەدى دە:

-باسە، وزىمدە سولاي عوي دەپ ويلاپ ەدىم! مەنىڭ برۋنومنىڭ ولاي ىستەمەيتىنىن ابدەن بىلەمىن،- دەدى.

سول ساتتە قاتتى ىزالاندىم، قۇلاقتارىما دەيىن قىزارىپ كەتكەن بولسا كەرەك، ماڭدايىمدى شىپىلداعان تەر باستى.

-مىنە كوردىڭ بە، كوردىڭ بە،- دەدى برۋنونىڭ شەشەسى،-ۋينو ىشكەندىكتەن تۇلا بويىڭ قىزارىپ سالا بەردى.

-جامان ءىس ىستەدىك پە؟- دەدىم اشۋىم كەلىپ.

-جامان ءىس  ىستەپتىك پە؟!  قازىر اكە-شەشەڭنىڭ قاسىنا بارعان سوڭ بارلىعىن ايتىپ بەرەمىن.

ول ءسوزىمدى ەلەڭ قۇرلى كورمەي، بارلىعىمىزدى قۋىپ سالدى. ال ءوزى سوڭىمنان ەرىپ الدى.

مەن برۋنوعا جۇدىرىعىمدى بىلەپ، ونى قورقىتۋعا دا ۇلگىردىم:

-كورەرسىڭ، ساتقىن!

برۋنونىڭ شەشەسى ىلەسە كەلگەنىن كورىپ، شەشەمنىڭ ءوڭى بۇزىلا قالدى.

-تەنتەكتىك ىستەپ قويدى ما؟- دەپ سۇرادى ساسقالاقتاي.

مەن باسىمدى شايقادىم.

-سىزبەن سويلەسسەم بولار ما، سترباك حانىم؟- دەدى برۋنونىڭ شەشەسى.

مەنى دالاعا تاستاپ قويىپ، اڭگىمەلەسە  باستادى،  ءبىراق ءبارىبىر ولاردىڭ ءسوزىن ەستىپ تۇرمىن.

-ءوزىڭىز كوز الدىڭىزعا كەلتىرىپ كورىڭىزشى، ۇيگە كىرىپ كەلسەم، بارلىعىن استاڭ-كەستەڭ، ويران-اسىرىن شىعارعان، بالالار ۋداي ماس. بۇل ءىستى باستاعان ءسىزدىڭ ۇلىڭىز ەكەن، قارامايسىز با، ولار ۋينو ءىشىپتى.
مەنى ۇيگە كىرگىزدى.

-الفا، راسىندا وسىلاي ىستەدىڭ بە؟- دەپ سۇرادى شەشەم اشۋلانىپ.

-ەشتەمە ىستەمەدىم، ۋينو ىشكەمىز جوق.

برۋنونىڭ شەشەسى قولىن وقتاپ:

-شىنىڭدى ايت، ايتپاعانىڭا قويمايمىن،- دەدى.

-ءبىزدىڭ ىشكەنىمىز...

-وندا نەگە ىشپەدىك دەيسىڭ؟- دەپ سىبىرلاي سۇرادى شەشەم.

-ويتكەنى، ءبىز ىشپەدىك، جوق ىشتىك، ءبىراق...- ءسوزىم قايشىلىقتى بولىپ قالدى.

-نە ايتىپ، نە قويعانىن ءوزى دە بىلمەيدى، سترباك حانىم،- دەدى برۋنونىڭ شەشەسى ءارى اشىنعان سياقتى باسىن شايقاي بەردى.

اشۋىم كەلگەنى سونشالىق، سويلەمەي تۇرىپ الۋعا بەكىندىم. ماعان ءبارىبىر ەدى. ءبىراق ولار بۇل ءىستى ماعان كىم ۇيرەتكەنىن قۋزاي باستادى.

-ماعان ەشكىم ۇيرەتكەن جوق، ءوزىم ويلاپ تاپتىم،- دەدىم.

-ە، مەنىڭ برۋنوم مۇنى بىلمەيدى،- دەدى برۋنونىڭ شەشەسى ماساتتانىپ.

عازابىم كەلگەنى سونشالىق، ونىڭ ۇلىنىڭ قورقىپ، بارلىق ايىپتى باسقالارعا جۇكتەگەنىن، باسقالاردان كەم ىشپەگەنىن، ونىڭ دا سەندەلىپ جۇرگەنىن ايعايلاپ تۇرىپ ايتىپ سالدىم.

شەشەم رەنجىپ:

- قانداي ادام بولار ەكەنسىڭ، الفا! جوق، جوق، شەشەڭە ەش جەرىڭ تارتپادى،- دەدى.

 مۇنىڭ جازاسى ءۇشىن تەز جاتا قالۋعا بۇيىردى. كوردىڭىز بە، ءبىر-ەكى ستاكان گاز سۋىن ءىشىپ قويعانىم ءۇشىن تاپا-تال تۇستە مەنى جاتقىزىپ تاستادى. باسقا كەزدەردە گاز سۋىن قانشا ىشسەم دە ەشكىم ۇندەمەيتىن.
شەشەم ءسوزىمدى اكەمە ايتتى، ءبىراق اكەم كۇلىپ قانا قويدى. شەشەم بۇل قىلىعىمنىڭ قانشالىق حاۋىپتى ەكەنىن ايتقان بولسا دا اكەم ءبارىبىر كۇلدى دە قويدى. ارتىنان توسەگىمنىڭ باسىنا كەلىپ، شىندىقتى ايتىپ بەرسەڭ دەدى. مەن بارلىعىن ايتىپ بەردىم.

ىشكەنىمىز ۋينو ەمەس، گاز سۋى ەكەنىن ايتتىم. اكەم ءسوزىمدى نازارىن سالا تىڭداپ بولدى دا قارقىلداپ كۇلىپ جىبەردى. تامداعى اينادا دىرىلدەپ قويا بەردى.

سول ساتتە شوشىپ كەتكەن شەشەم جۇگىرپ جەتتى. اكەم وعان بارلىعىن ايتىپ بەردى. مۇنى ەستىپ شەشەم دە كۇلىپ جىبەردى. ولار ورنىمنان تۇرۋىما رۇقسات بەردى. مەن كەشكى تاماق ورنىندا گاز سۋىن ىشەمىن دەپ تالاپ قىلدىم.

سودان باستاپ برۋنونىڭ شەشەسىن كەزىكتىرە قالسام، ادەيى ماس ادامشا سەندەلەكتەيمىن. مۇنىڭ جاقسىلىق ەمەس ەكەنىن ءوزىم دە بىلەمىن. ءبىراق، مۇعالىمىمىز بىزگە « جامان ادامنىڭ جازاسىن بەرۋ  كەرەك» دەپ تاربيە بەرگەن ەدى.

اۋدارعان - مۇرات قاسەن ۇلى


        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn