ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

قىسقا قايىرىمدار

جولدانعان ۋاقىتى : 2015/12/28 16:32:30

   ۇشۋدىڭ قۇپياسى
  يسا جاد ( اۆستراليا )
   پاتشا ارابتان كەلگەن ساۋعانى — ەكى اڭ بۇركىتىن تاپسىرىپ الادى. پاتشا بۇرىن-سوڭدى مۇنداي تەگەۋرىندى قۇستى كورمەگەن بولاتىن. ول   بۇلاردى ءوزىنىڭ بۇركىت باپتاۋشىسىنا باپتاۋعا بەرەدى.

   بىرنەشە اي وتەدى، بۇركىت باپتاۋشى ءبىر بۇركىتتىڭ سامعاي ۇشقانىن، ال ەندى بىرەۋىنىڭ ورداعا كەلگەننەن بەرى اعاش باسىنان ەكى ەلى اجىراماي قويعانىن ءمالىم ەتەدى. 

  پاتشا ءار جەردەگى مال دارىگەرلەرى مەن شەبەرلەرىن جيىپ، ولارعا امالىن تاۋىپ وسى بۇركىتتى ۇشىرۋدى بۇيىرادى. ءبىراق بارلىعى دا ويداعىداي امال تابا المايدى. ەڭ سوڭىندا پاتشا «بالكىم ،دالا جاعدايىنا، تابيعاتقا قانىق ادام بۇل ماسەلەنى شەشە الار» دەپ ويلايدى دا قول استىنداعىلارعا ءبىر ديقاندى شاقىرىپ كەلۋدى بۇيىرادى. 

ەكىنشى كۇنى تاڭەرتەڭ پاتشا الگى بۇركىتتىڭ باقشانىڭ كوگىندە اينالا شارىقتاپ جۇرگەنىن كورىپ، قۋانعانىنان ۋازىرىنە: 

- الگى مۇھجيزا تۋدىرعان ىسكەر ديقاندى وسىندا الىپ كەلىڭدەر،- دەيدى. ول كەلگەن سوڭ پاتشا:

- سەن ءزايىرى، قانداي امال تاۋىپ، مىنا بۇركىتتى  سامعاپ ۇشاتىن ەتتىڭ؟- دەيدى.

- تاقسىر، مەنىڭ امالىم وتە قاراپايىم، بار بولعانى الگى اعاشتىڭ بۇتاعىن كەسىپ تاستادىم،- دەيدى.

بارلىق ادامنىڭ كوڭىلىندە ەركىن سامعايتىن قانات بار. دەسەدە، ءبىز وعان نەمقۇرايدى قارايمىز. ءوزىمىزدىڭ حاۋىپسىزدىگىمىز، جان راقاتىمىز ءۇشىن، قانىق ىستەرگە تاستاي قاتىپ جابىسىپ الامىز دا كوركەم دۇنيەنى بارلايتىن  يقۋاتىمىزدان ايرىلىپ قالامىز.  ءوزىمىزدى    بۇعاۋلاپ  وتىرعان «اعاش بۇتاعىن» كەسىپ تاستاعاندا عانا قانات قاعىپ بيىككە سامعايتىن بولامىز.

وزگەلەردىڭ كوزقاراسى
انتوني مەيگن ( ا ق ش )

  ۇستاز وزگەلەردىڭ وزىنە بولعان كوزقاراسىن ەلەپ تە  قويمايتىن ەدى. شاكىرتتەرى ودان مۇنداي كوڭىل كۇيدى قالاي ساقتاي الاتىنىن سۇرايدى. ول قارقىلداي كۇلىپ:

-20 جاستان بۇرىن وزگەلەردىڭ ماعان قالاي قارايتىنىن ويلاپ تا قويمادىم. 20 جاستان كەيىن كورشىمنىڭ ماعان بولعان كوزقاراسىنا الاڭداۋمەن بولدىم. 50 جاستان كەيىنگى ءبىر كۇنى، قاپەلىمدە وزگەلەردىڭ مەنى كاپەرىنە دە المايتىنىن بايقادىم.

تاكيتۋس قاتەرى
جاشيلام دود

   تاكيتۋس (Tacitus) بايىرعى ريمنىڭ ەڭ ۇلى تاريحشىسى، كەزىندە ساياسي ءمانساپتى بولعان. ول ساياسيمەن شۇعىلدانعانداعى اسەرىن: «ۇكىمەت قارسى الىنباعان كەزىندە، ونىڭ يگى ساياساتى دا، ناشار ساياساتى دا حالىقتى شامىرقاندىرادى» دەپ قورىتىندىلاعان. بۇل تۇسىنىكتەمە باتىس ساياسي سالاسىنىڭ ايگىلى قاعيدالارىنىڭ ءبىرى  تاكتيۋس  قاتەرى  دەپ اتالعان، ياعني سەنىمدىلىگى جوعالعان كەزدە مەيلى شىن ءسوز ايتساڭىز دا، جالعان سويلەسەڭىز دە، ىزگى ءىس ىستەسەڭىز دە، كەسىرلى ءىس  ىستەسەڭىز دە، ادامدار ءسىزدى جالعان ايتىپ، كەسىرلى ىسپەن شۇعىلداندى دەپ قارايدى. 

  قۋانۋ مەن قۋانباۋ
  حۋاڭ حىڭ

  ءبىر كۇنى قىزمەتتەسىممەن بىرگە كولىككە وتىرىپ ساپارعا شىقتىم. كۇن وتە ىستىق، تەمپەراتۋرا ℃37 ەدى. كولىك تەرەزەسىنەن سونادايدا ون نەشە ادامنان قۇرام تاپقان ۆەلوسيپەد اترەتىندەگىلەردىڭ كەتىپ بارا جاتقانىن كوردىك.

  مەن قىزمەتتەسىمە: «مىناداي اپتاپتا ۆەلوسيپەدپەن كوزدەگەن جەرىنە قالاي جەتەر ەكەن، بەيشارالارعا وبال بولعان ەكەن!» دەدىم. قىزمەتتەسىمنىڭ ويى مەنىكىنىڭ  كەرىسىنشە  بولدى.  ول: «ولاردىڭ ۆەلوسيپەدپەن ساياحاتتايتىن ۇيىرمە ەكەنىن بايقامادىڭ با؟ ولار، بالكىم، اپتاپتا ۆەلوسيپەدكە مىنگەنىنە قۋاناتىن شىعار. ءمان- ماڭىزى جوق ماجىلىسكە كەتىپ بارا جاتقان سوڭ، كەرىسىنشە ناعىز سورلى بەيشارا ءبىزبىز» دەدى.

  قولدانىمپازدىق
   انتوني مارلو


  شاكىرت نەكە قوناعاسىسىن ورنالاستىرعاندا كەدەيلەرگە بولعان قۇرمەتتى ويلاستىرىپ، داعدىنى بۇزىپ، كەمباعالداردى الدىڭعى قاتارعا، باردامداردى ارتقى قاتارعا وتىرعىزۋدى ۇيعارادى. ول ۇستازىنىڭ جانارىنا باعىپ، ونىڭ مۇنى ماقۇلداۋىن كۇتەدى.

ۇستازى از-كەم ويلانىپ العان سوڭ: 

-شاتاق بولعاندا، ەشكىم دە مۇنداي تويدى ۇناتپايدى. اقى يەسى وسى ءۇشىن قىسىلىپ-قىمتىرىلادى. باردامدار قيتىعىمىزعا ءتيدى دەپ ەسەپتەيدى، كەمباعالدار اش وزەگىنە ءتۇسىپ مازاسى كەتەدى. ويتكەنى ولاردىڭ ۇياتى كۇشتى، ەڭ الدىڭعى قاتاردا وتىرىپ، تاماقتى سىپىرا  جەۋدەن ۇيالادى،- دەيدى.

ءيت پەن ەسەك
ي ميڭ

    بىرەۋدىڭ اسىراعان ءيتى مەن ەسەگى بولىپتى. ول ءار كۇنى ۇيىنە ورالعاندا ءيتى الدىنان ارسالاڭداي شىعىپ، قۇيرىعىن بۇلاڭداتىپ ەركەلەپ، اۋەلى يەسىنىڭ بەتىن دە جالايدى ەكەن. يەسى وعان رازى بولىپ، باسىنان سيپايتىن بولسا  كەرەك.  مۇنى  كورگەن ەسەكتىڭ     قىزعانىشى   قوزىپ: «جۇمىستى سونشالىق ولەرمەندەنە ىستەسەم دە تاياق جەيمىن. ال ءيت تۇك بىتىرمەسە دە يەم ونى مەنەن جاقسى كورەدى. ءاسىلى، يەممەن بولعان بايلانىسىمدى جاقسارتپاسام بولمايدى ەكەن» دەپ تۇيەدى ىشتەي. 

سونىمەن ەرتەڭىندە يەسى سىرتتان جۇمىس ىستەپ  ۇيىنە ورالعاندا، ەسەك  ازان- قازان اڭىراپ، يەسىنىڭ يىعىنا الدىڭعى ەكى اياعىن ارتىپ جىبەرىپ، بەت- اۋزىنان ءولىپ- ءوشىپ جالاپ-جۇقتاپتى. وتاعاسى بۇنىڭ بايىبىنا بارا الماي قاتتى تىكسىنىپتى ءارى وت الىپ قوپاعا ءتۇسىپ، ونى بار پارمەنىمەن  يتەرىپ قۇلاتىپتى، ءارى قامشىنىڭ استىنان الىپتى. 

   ساردار مەن ەسەك
   لوحۇڭ

  بايىرعى ريمنىڭ پاتشاسى حادرينۋس (Hadrianus) مىناداي ءبىر  ماسەلەگە  جولىققان ەكەن:

   پاتشانىڭ قول استىنداعى ءبىر ساردار ءوزىن وسىرۋگە ءتيىستى دەپ ساناپ، پاتشا الدىندا ءوزىنىڭ اسكەردە ۇزاق جىل مىندەت اتقارعانىن كولدەنەڭ تارتىپ: «مەنى ماڭىزدى باسشىلىق ورىنعا قويۋعا ءتيىستىسىز، ويتكەنى مەنىڭ تاجىريبەم مول، ماڭىزدى شايقاستارعا 10 رەت قاتىناستىم» دەپتى.

    حادرينۋس ادامدارعا جانە تالانتقا وسكەلەڭ ورەدە تۇجىرىم جاساي الاتىن پاتشا ەدى. ول مىنا سارداردى  ءتىپتى دە  جوعارى ورىنعا لايىق دەپ ساناماپتى. سونىمەن ول ماڭايدا بايلاۋلى تۇرعان ەسەكتەردى قولىمەن نۇسقاپ تۇرىپ: 

  - قادىرلى ساردارىم، مىنا ەسەكتەرگە قاراشى، ولار كەمىندە 20 رەت شايقاسقا قاتىسقان. دەسەدە، ولار ءالى دە ەسەك قالپىندا،- دەپتى.

  جىلقى، بۇعى جانە ادام
  جاڭ حىڭ

   جىلقى شالعىنى جايقالعان جايىلىستى بايقاپتى دا ۇنەمى سوندا بارىپ جايىلادى ەكەن. دەسەدە، كەيىن كەلە ءبىر بۇعى دا بۇل ارانى بايقاپ قالىپ، جىلقى جوق كەزدە كەلەتىن بولىپتى. جىلقى مۇنى بىلگەننەن كەيىن، بۇعى جەرىمە سۇعاناقتىق جاسادى دەپ قىزعانىپ، ودان كەك الۋدى ويلاسا دا امالى   بولماعان سوڭ، ادامنان    كومەك  سۇراپتى. ادام: «بۇعان مەنىڭ دە امالىم جوق. دەسەدە، ەگەر باسىڭا نوقتا سالعىزىپ، مىنگىزەر بولساڭ ونى قۋىپ جەتىپ، جازالاپ  بەرەر ەدىم» دەپتى. جىلقى ماقۇل بولىپتى. ادام جىلقىعا ءمىنىپ، بۇعىنىڭ سازايىن بەرىپتى. ءبىراق وسىدان كەيىن ونى قويا بەرمەي بايلاپ قويىپ، ۇنەمى مىنەتىن بولىپتى. جىلقى سوندا بارىپ،  وكىنىشتەن  اھ ۇرىپ:

- نەتكەن اقىماق ەدىم، كىشى گىرىم ىسكە بولا كەك الامىن دەپ باسپايلى قۇل بولعانىم- اي،- دەپتى.

  ءبىر ساعاتتىڭ حيكاياسى
  حۋاڭ ي

   جاڭادان قۇراستىرىلعان ساعات ەكى كونەتوز ساعاتتىڭ ورتاسىنا قويىلىپتى. ەكى كونە ساعات سىرت- سىرت ەتىپ  تەربەلىپ ءجۇرىپ تۇرىپتى. كونە ساعاتتىڭ بىرەۋى جاڭا ساعاتقا:

- جارايدى، ەندى سەندە جۇمىسقا كىرىس. دەسەدە، سەن ءۇشىن الاڭداپ تۇرمىن. سەن 32 ميلليون رەت سىرتىلداپ تەربەلگەنگە شىداي الار ما ەكەنسىڭ،- دەپتى.

- جاساعان- اۋ، 32 ميلليون رەت! مۇنداي اۋىر جۇمىس قولىمنان مۇلدە كەلمەيدى!- دەپ تىكسىنىپتى جاڭا ساعات.

مۇنى ەستىگەن تاعى ءبىر كونە ساعات:

- ونىڭ بۇل ءسوزىن كاپەرىڭە الما! سەن بار بولعانى سەكۋند سايىن سىرت ەتىپ تەربەلىپ تۇرساڭ بولعانى،- دەپتى.

- قايدان مۇنداي وڭاي بولسىن؟- دەپتى جاڭا ساعات سەنەر- سەنبەسىن بىلمەي،- شىنىمەن سونداي بولسا، سىناسام سىناپ كورەيىن.

سونىمەن جاڭا ساعات سەكۋند سايىن سىرت ەتىپ تەربەلىپ وتىرىپتى. وسىلايشا ءبىر جىلدان كەيىن ول شىنىندا 32 ميلليون رەت تەربەلىپتى.


اۋدارعان - قانات جۇماش ۇلى



        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn