ۇشقىشسىز ۇشاق پەن سۋ تۇبىندە اۆتوماتتى بارلاۋ جۇرگىزۋ ماشيناسى بۇل كۇندە جۇرتقا تاڭسىق ەمەس، ا ق ش رۋتگەرس ۋنيۆەرسيتەتىنىڭ زەرتتەرمەندەرى ءارى كوكتە سامعاي الاتىن، ءارى سۋ تۇبىندە جۇزە الاتىن قۇرلىقتا دا، تەڭىزدە دە پايدالانۋعا بولاتىن ۇشقىشسىز ۇشاقتى تاپقىرلاۋعا كىرىسكەن، جوسپار بويىنشا، كەلەر جىلى جازدا تەڭىزگە ءتۇسىرىلىپ سىناق جاسالادى ەكەن.
بۇل نىساندى ا ق ش تەڭىز ارمياسىنىڭ زەرتتەۋ باسقارماسى 618 مىڭ دوللارمەن ( شامامەن 4 ميلليون يۋان ) قارجىلاندىرعان. بۇل ۇشقىشسىز ۇشاقتىڭ اتى « ناۆياتور » بولىپ، قازىرگى جاسالىپ شىققان مودەلى ءارى كوكتە ۇشا الادى، ءارى سۋعا سۇڭگي الادى، الايدا، توك سىمى ارقىلى مەڭگەرىلەدى. جوبا بويىنشا، «ناۆياتور» سىمسىز مەڭگەرىلەتىن بولىپ، تەرەڭ تەڭىز ايدىنىندا بارلاۋ جۇرگىزۋگە قولايلىلىق جاراتپاقشى ەكەن.
رۋتگەرس ۋنيۆەرسيتەتىنىڭ توراپ بەكەتى مۇنداي قۇرلىقتا دا، تەڭىزدە دە پايدالانۋعا بولاتىن ۇشقىشسىز ۇشاق سۋ بەتىندەگى نەمەسە سۋ تۇبىندەگى دەرەكسىز كەتكەن ادامداردى ىزدەۋگە كومەگىن تيگىزەتىن بولىپ، تەڭىزگە باتقان كەمە، سۋ استى كوپىرى، مۇناي قۇبىرى، پورت سياقتى قۇرىلىستاردىڭ جاعدايىن تەكسەرۋگە، تەڭىز تۇبىندەگى كەن بايلىق قاينارىن بارلاۋعا، تەڭىز بەتىندەگى مۇنايدىڭ اعۋ جاعدايىن تەكسەرۋ سياقتىلارعا جانە اسكەري ىستەرگە دە پايدالانۋعا بولاتىندىعىن ايتتى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.