ويلاماعان جەردەن قولعا تۇسكەن موتوتسيكل ۇرىسى

     2-جەلتوقساندا ساۋان اۋدانىندا ادام كۇلەرلىكتەي قىزىقتى جاعداي تۋىلدى: ۇرلاعان موتوتسيكلمەن جوعارى قارقىندى تاس جولدى بويلاپ، 130 كيلومەتر جول باسقاننان كەيىن،  ۇزاپ كەتتىم، ەندى ەشتەڭە ەتپەيدى دەپ ويلاعان موتوتسيكل ۇرىسىنىڭ ويلاماعان جەردەن  ساۋان اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى انجىحاي ورتا اترەتىنىڭ قاقپاسى الدىندا موتوتسيكلى بۇزىلىپ، حالىق  ساقشىلارىنىڭ  قولىنا تۇسكەن.

    سول كۇنى ساعات 14 تەن 20 مينۋت وتكەندە انجىحاي ورتا اترەتىنىڭ مىندەت وتەپ جۇرگەن 3 حالىق ساقشىسى قاراستى اۋماعىنداعى شارلاۋ مىندەتىن اياقتاتىپ، ورتا اترەتكە قايتادى.  ولار ورتا اترەت قاقپاسىنىڭ الدىنا كەلگەن كەزدە ماي xx تىڭ ءنومىرى جوق موتوتسيكلدى وتالدىرا الماي تەرلەپ-تەپشىپ تۇرعاندىعىن كورەدى. حالىق ساقشىلارى بۇل ادامدى جولاۋشى دەپ قاراپ، ماشينادان ءتۇسىپ وعان كومەكتەسەدى.

   ءبىراق ماي xx كە كومەكتەسۋ بارىسىندا حالىق ساقشىلارى بۇل ادامنىڭ كۇماندى ەكەندىگىن بايقايدى ءارى  ونى  ورتا اترەتكە اپارىپ،  ىشكەرىلەي   جاعداي ۇعىسپاقشى بولادى. حالىق ساقشىلارى سۇراق سۇراۋ بارىسىندا ماي  xx تىڭ  كانىككەن  ۇرى ەكەندىگىن، ءدال ورتا اترەتتىڭ قاقپاسى الدىندا بۇزىلعان بۇل موتوتسيكلدى ماي xx تىڭ  قارامايلى قالاسىنان ۇرلاپ اكەلە جاتقاندىعىن بىلەدى.

ماي xx  بيىل 25 جاستا، قارامايلى قالاسى جارانبۇلاق رايونىنىڭ تۇرعىنى. ماي xx سول كۇنى تاڭەرتەڭ جارانبۇلاق رايونىنىڭ 303-جول اۆتوبۋزىنىڭ سوڭعى بەكەتى جانىنان ۋاڭ xx تىڭ 150 تۇرپاتتى «شينگانجۋە» ماركالى قىزىل ءتۇستى موتوتسيكلىن ۇرلاعان. ماي xx بۇل موتوتسيكلدى ۇرلاعاننان كەيىن دەرەۋ وتالدىرىپ، ناق مايداننان قاشىپ كەتكەن. ناتيجەدە  ابايسىزدان جوعارى قارقىندى  تاس  جولعا شىعىپ، ساۋان اۋدانىنا جەتكەن.
 ماي xx انجىحاي قالاشىعى ورتا اترەتىنىڭ الدىنان وتكەن كەزدە موتوتسيكلىنىڭ موتورى كەنەتتەن ءوشىپ قالىپ،وتالماي قوياتىنىن قايدان ءبىلسىن. ۇرىنىڭ ارتى قۋىس دەگەندەي ۇرلاعان موتوتسيكلى بۇزىلمايتىن كەزدە بۇزىلعان،ءسويتىپ، ماي xx موتوتسيكلىن وتالدىرا الماي قاراتەر بولىپ جاتقان كەزدە شارلاۋ مىندەتىن اياقتاتىپ، مەكەمە ورنىنا قايتقان حالىق ساقشىلارىنا جولىققان.

   ماي xx حالىق ساقشىلارىنىڭ قولىنا تۇسكەننەن كەيىن باسقالاردىڭ موتوتسيكلىن ۇرلاعان قىلمىسىن مويىنداپ قالماستان، قارامايلى قالاسىنان ىلگەرىندى-كەيىندى ەكى  موتوتسيكل، 3 قولفون   ۇرلاعان  قىلمىسىن تاپسىرادى.

  كەزەكتە ساۋان اۋدانىنىڭ ساقشى جاعى قىلمىس كۇماندىسى ماي xx پەن ۇرلانعان موتوتسيكلدى قارامايلى قالالىق قوعام حاۋىپسىزدىگى مەكەمەسى جارانبۇلاق بولىمشە مەكەمەسىنىڭ ءبىر جاقتىلى ەتۋىنە تاپسىرىپ بەردى.



        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.