ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

قالاشىقتىڭ سۇلۋى

جولدانعان ۋاقىتى : 2015/12/7 10:52:23

تايلور سەيمت ۋينسلوۋ ( ا ق ش )

      رۋرا مارلي 13 جاسىنان باستاپ   ءوزىنىڭ كەلبەتى ءۇشىن قام جەي باستادى. ول كەزدە وزگە قىز بالالاردىڭ بارىنەن بويشاڭ بولعاندىقتان،قاتتى ىڭعايسىزداناتىن. ەندى ءبىر جاعىنان، ءوزىن تىرتيعان ارىق ساناۋشى ەدى. 

     جيىرما جاسقا شىققاندا،ءوزىنىڭ  شىنىمەن ءوڭسىز ەكەندىگىنە كوزى جەتتى. وزگە بويجەتكەندەردىڭ ءبارى كوزىنە ادەمى ءارى سۇيكىمدى بولىپ كورىندى. ال رۋرانىڭ كيىمدەرى قاشان بولسىن بىرىس-تىرىسى جازىلماي  جۇرەتىن.
  ۇلدار مەن قىزداردىڭ ءبارى دە رۋرانى ۇناتاتىن،ول جاقسى بويجەتكەن ەدى. كەلبەتىن ايتپاعاندا،شاشتارى دا ىلعي قوبىراپ،سيقىن قاشىرعانىمەن، قاشاندا جۇزىنەن شاتتىقتىڭ لەبى ەسىپ تۇراتىن.

    سولاي بولعانىمەن دە رۋرانى سۇيگەن پات رۋدي ەسىمدى  جىگىت  بولدى. ونىڭ اكەسى ۇساق-تۇيەك زاتتار ساتاتىن شاعىن دۇكەن اشاتىن ەدى. پات  پالەندەي ەل نازارىن وزىنە اۋداراتىن جىگىت ەمەس، الايدا، ەلدىڭ ءبارى ونى رۋرانىڭ وڭىنە ساي تابىلعان جىگىت دەپ سانايتىن.

     رۋرا وزىنە ىستىق ىقىلاسى ءۇشىن پاتقا قاتتى رازى بولىپ،وعان كوپ كوڭىل اۋداراتىن. پاتپەن بىرگە بولعاندا ءوزىن كوڭىلدى سانايتىن. رۋرا ءاسىلى بۇعان ابدەن قاناعات ەتۋگە  ءتيىستى  ەدى. ءبىراق ول بۇكىل قالاشىقتىڭ   نازارىنداعى شىرىگەن بايدىڭ  ۇلى  سام تەنارتتى ۇناتىپ قالادى. ونىڭ اكەسى  بانكەر،اناسى قالاشىقتاعى قوعامدىق قيمىلداردىڭ ۇيىمداستىرۋشىسى ەدى. بۇدان سىرت،سام سوقتالداي ءارى  كەلىستى جىگىت بولاتىن.

     پات اكەسىنە بولىسىپ دۇكەن تيجاراتىمەن شۇعىلداندى. ال سام بانكەگە قىزمەتكە تۇردى. بانكە قىزمەتكەرى بولۋ وسى شاعىن قالاشىقتاعى بوز بالالاردىڭ ارمانى بولاتىن.
رۋرا ەشتەمەمەن دە شۇعىلدانبادى. ونىڭ اكەسىنىڭ داۋلەتى ونى باعىپ- قاعۋعا جەتىپ اسۋشى ەدى. ول ۇنەمى پاتپەن بىرگە ءبي كەشىنە بارعاندا سامعا سىرتىنان ىنتىعا كوز سالاتىن. قالاشىقتاعىلاردىڭ بارلىعى دا رۋرا پاتقا ۇيلەنەدى، ال پات اكەسىنىڭ ۇساق-تۇيەك زاتتاردى ساتاتىن ساۋدا دۇكەنىنە يە  بولادى دەپ ويلايتىن. 

      وسى قالاشىقتاعى ناعاشى اپايىنا امانداسا كەلگەن،جۋرنالعا قىستىرما سۋرەت سىزاتىن ايگىلى لەسلي دۋرانت ەسىمدى مىرزا پايدا بولا كەتپەگەندە مۇنىڭ   بارلىعى دا مۇمكىن ەدى. ول ءار ءتۇرلى باس قوسۋلارعا قاتىناسىپ جۇرگەن،  قوعامدىق قارىم-قاتىناسقا جۇيرىك جان ەدى. قالاشىقتا ساناۋلى كۇن تۇرسا دا الدەقالاي ىستەردىڭ تۋىلۋىنا جەتكىلىكتى بولدى. 

     ول رۋرا مارليدىڭ ەسىكتىڭ جانىندا سامعا قيىلا قاراپ تۇرعانىن كوردى. قىز ءوز بەت-الپەتىنەن جۇرەك قۇپياسىنىڭ اشكەرە بولىپ قالعانىن سەزبەگەن ەدى. ارينە، مۇنى دۋرانتتان وزگە بايقاعان پەندە بولمادى. ول رۋرانىڭ بويىنا ساي كەلمەيتىن كيىم كيىسىن،قوبىراعان شاشتارىن بايقادى. ال شىتتاي  قاتىپ كيىنگەن سام وزىنە تىم سەنىمدى كورىنەتىن. ىلە-شالا پات رۋرانى بيگە تارتىپ اكەتتى.

     ەرتەڭىندە دۋرانت: «وسى قىستاقتاعى ەڭ سۇلۋ ارۋ ءارى كۇنى بۇگىنگە دەيىن ءوزىم كورگەن ناعىز اي ماڭداي  رۋرا مارلي ەسىمدى بويجەتكەن ەكەن» دەپ ەلدى ەلەڭ ەتكىزدى. 

    بۇرىن-سوڭدى ەشكىم دە رۋرانىڭ كەلبەتىن ماقتاپ كورمەگەندىكتەن، ول ۇياڭ بولىپ،ءوزىن تومەن ساناپ،ىلعي دا كەلبەتى ءۇشىن مازاسىزداناتىن. ءبىراق، ەندىگىدە قالاشىققا  تۇڭعىش  اياق باسقان بەدەلدى جان ونى ەڭ سۇلۋ ارۋ ساناپ وتىر.

    دۋرانت بۇل ءسوزدى وعان ءوز اۋزىمەن ايتقان كەزدە ول قايتەرىن بىلمەي قالدى، قىرىنان قىسىلىپ تۇرىپ زورعا دەگەندە «راقىمەت!» دەدى. وسىدان  كەيىن ول دۋرانتتى قىمسىنا ىزدەپ  كەلىپ: 

_ ايتىڭىزشى،قايتكەندە كەلبەتتىرەك بولا الامىن،-دەپ ۇيالا سۇرادى.

     سول كۇنى كەشتە دۋرانت ءبي كەشىن ۇيىمداستىردى،بۇل ونىڭ قالاشىقتاعى ەڭ سوڭعى كەشى ەدى. رۋرا تۇڭعىش رەت ەل نازارىنداعى ەڭ تارتىمدى جانعا اينالدى. دۋرانت سامنىڭ رۋرانى شىن ىقىلاسىمەن بيگە تارتقانىن، رۋرانىڭ دا وعان بەيىم جانارىمەن قاراعانىن كورىپ كوڭىلى توعايدى. بۇرىن سام وعان نازار سالىپ كورمەگەن ەدى.

    دۋرانت نيۋ-يوركتەگى ۇيىنە قايتتى دا قاربالاس قىزمەتپەن بولىپ، بۇل ىستەر ەسىنەن كوتەرىلىپ كەتتى. ۋاقىت جىلجىپ ءوتىپ جاتتى. ءبىر كۇنى...

    دۋرانت ءبىر اسحانادا جالعىز ءوزى تۇسكى اس ءىشىپ وتىرعان ەدى. بويى سىندارداي، كىسىنى كورگەن جەردەن جالت قاراتاتىنداي ءبىر حانىم وعان قاراي كەلە جاتتى.

_ مەنى تانىدىڭىز با؟-دەدى حانىم.

دۋرانت ەسىنە كەلتىرە المادى.

_ مەن رۋرا تەنارتپىن. ءسىز مەنىمەن تانىسقان كەزىڭىزدە ەسىمىم رۋرا مارلي بولاتىن. ءسىز مەن تۇرعان قالاشىققا بارعان سوڭ ءومىرىمدى  وزگەرتتىڭىز. ەسىڭىزگە كەلدى مە؟- دەدى الگى حانىم. 

_ وھو، ارينە،- دەدى دۋرانت،- ەسىمە كەلدى، ول مەنىڭ ءبىر ادامنىڭ تاعدىرىن جاقسارتۋ ءۇشىن جاساعان ءبىر رەتكى سىناعىم ەدى.

_ ءسىز تاماشا ىستەدىڭىز!-دەدى رۋرانىڭ سوزىنەن عاجاپ  ءبىر  اۋەن ءبىلىنىپ.

_ ءسىز ءوزىڭىز ۇناتقان الگى ازاماتپەن  ۇيلەنگەن  شىعارسىز؟ ونىڭ    ەسىمى تەنارت ەمەس پە؟

_ سولاي، ونىڭ ەسىمىن  قالاي  ۇمىتپاعانسىز جانە مەنىڭ ونى ۇناتاتىنىمدى قالاي ءبىلدىڭىز؟-دەدى رۋرا.

_ مەن ادام ەسىمىن ەسكە ساقتاۋعا مىقتىمىن. سول كەزدە ءسىزدىڭ وعان ىنتىعا قاراعان جانارىڭىزدان بارلىعىن بىلگەن ەدىم. بار-جوعى وسى عانا،-دەدى دۋرانت.

_ سولاي ما؟ - دەدى رۋرا،- دەگەنمەن وتە قىزىق ەمەس پە؟ مەن پاتپەن ماقۇلداسىپ ءجۇرىپ، سامدى ۇناتىپ قالدىم. سول كەزدە مۇنىما بولا ءوزىمدى كىنالاپ،قاتتى كوڭىلسىزدەنىپ ءجۇردىم. ءسىز تۇتقيىلدان مەنى «ەڭ سۇلۋ ارۋ» دەدىڭىز دە مەن تابيعي تۇردە قالاشىقتاعى سۇلۋ بويجەتكەن بولىپ شىعا كەلدىم. بوز بالالاردىڭ ءبارى ماعان ءسوز سالدى. اقىرى ساممەن نەكەلەندىم.

_ وتە جاقسى بولعان ەكەن!- دەدى دۋرانت قۋانا جارقىلداپ،- قازىرگى جاعدايىڭىز قالاي؟

_ ايتۋعا تاتىمايدى،-دەدى رۋرا،-سام مەنىمەن باس قۇرادى. اۋەل باستا وتە باقىتتى بولدىم. كەيىن تەنارت اۋلەتىنىڭ بانكەسى كۇيرەپ،بارلىق قازىناسىنان سوقىر جارماق قالمادى،ارينە  ءبىزدىڭ ءۇيدىڭ بانكەگە قويعان اقشاسى دا قۇردىمعا كەتتى. سام  ءبىر ايەل كۇتۋشىنى ۇناتىپ قالدى دا ەكەۋىمىز  اجىراسىپ كەتتىك. 3 جىلدان بەرى ءبىر قىزدار مەكتەبىندە وقىتۋشىلىقپەن شۇعىلدانىپ كەلەمىن.

_ قىرسىق- اي ءا،-دەدى دۋرانت،- دەسەدە، بۇل ءجايت پاتقا تۇرمىسقا شىققانىڭىزعا قاراعاندا تاۋىرلەۋ بولعان شىعار. 

_ بالكىم،-دەدى رۋرا،- پات   اكەسىنىڭ ۇساق-تۇيەك زاتتار ساتاتىن دۇكەنىن قولىنا الىپ، قالاشىقتاعى ەڭ سۇلۋ بويجەتكەنمەن باس قۇراپ، قازىر 3 بالالى بولدى. تۇرمىستارى توتەنشە باقىتتى ءوتىپ جاتىر. قازىر ونىڭ الاتاۋ الشىسىنان كەلمەيدى. جەلىلەس دۇكەندەر اشتى. ول قازىر قالاشىقتاعى ەڭ    قۇرمەتتى ادام سانالادى.

اۋدارعان _ قانات جۇماش ۇلى


        
رەداكتورى: پارزانا عادىلبەك قىزى
 

تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn