مەملەكەتتىك 13-كەزەكتى قىسقى سپورت جارىسىنا ءبىر مىڭ 400 ەرىكتى قابىلدادى

جولدانعان ۋاقىتى : 2015/12/4 16:35:04

     مەملەكەتتىك  13-كەزەكتى قىسقى سپورت جارىسىنىڭ ىركىلىسسىز وتكىزىلۋىنە كەپىلدىك ەتۋ ءۇشىن، اۆتونوميالى رايون بيىل ماۋسىم ايىنان باستاپ ەرىكتىلەردى قابىلداۋ قىزمەتىن باستادى ءارى 5 مىڭنان ارتىق ءوتىنىش قابىلدادى. سارالاۋ ارقىلى سوڭىندا 1400 ادام قىسقى سپورت جارىسىنا ەرىكتى قىزمەت وتەۋشى بولىپ تۇراقتاندىرىلدى.

    وسى كەزەكتى قىسقى سپورت جارىسىنا ەرىكتىلەردى قابىلداۋ،  تاربيەلەۋ، ورنالاستىرۋ، باسقارۋ جانە قىزمەت وتەۋ قىزمەتىنە اۆتونوميالى رايوندىق كوممۋنيستىك جاستار وداعى كوميتەتى جاۋاپتى بولدى. بۇكىل ەلىمىزدەگى 29 ولكە، قالا جانە اۆتونوميالى رايوننان حانزۋ، ۇيعۇر، قازاق، حۇيزۋ، موڭعۇل سياقتى 17 ۇلتتان قۇرالعان ءبىر مىڭ 400 ەرىكتى  قابىلدادى، مۇنىڭ ىشىندە، جاسى ەڭ ۇلكەنى 52 جاستا، جاسى ەڭ كىشىسى 16 جاستا بولىپ، ورتاشا جاس شاماسى 21  جاس ەكەن.

      اۆتونوميالى رايوندىق جاستار وداعى كوميتەتىنىڭ شۋجيى اينۇر ماقسات قىزى تىلشىگە: « ەرىكتىلەردىڭ ىشىندە ورتا، جوعارى مەكتەپ وقۋشىلارى 90 پايىزىن، قوعامداعى ەرىكتىلەر 10 پايىزىن ۇستايدى؛  شينجياڭدىق ەرىكتىلەر 95 پايىزىن، شينجياڭنان سىرتقى ورىنداردان كەلگەن ەرىكتىلەر 5 پايىزىن ۇستايدى؛ از ۇلت ەرىكتىلەرى 25 پايىزىن ۇستايدى؛ وليمپيادا سپورت جارىسى، ازيا كورمەسى سىندى قيمىلدارعا ەرىكتى قىزمەت وتەۋگە قاتىناسقان ەركتىلەر 18 پايىزىن ۇستايدى، بۇل ‹ات سالىسۋ كولەمى كەڭ، ۋاكىلدىك سيپاتى كۇشتى، قابىلەت،  ساپاسى   جوعارى›  بولعان ەرىكتىلەر قوسىنى سانالادى » دەدى.

     مەملەكەتتىك 13-كەزەكتى قىسقى سپورت جارىسى 2016-جىلى 20-قاڭتاردان 30-قاڭتارعا دەيىن 11 كۇندىك ۋاقىتپەن وتكىزىلەدى ەكەن.


        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.