جالپى سيلىق سوماسى 11 ميلليون 400 مىڭ يۋاندىق 2015-2016 -جىلعى جارىس ماۋسىمىنداعى «شياۋياڭ رۋسۋانيان ساۋىتىنا» تالاسۋ جۇڭگو قاۋىرسىن دوپ كلۋبىنىڭ ەرەكشە دارەجەلى بىرلەسپە جارىسى 1-جەلتوقسان كەشتە فۋجوۋدا شىمىلدىعىن اشتى.
سول كۇنى كەشتە وتكىزىلگەن ونەر كورسەتۋ جارىسىندا بۇرىنعى ەرلەر جەكە ادامدىق قاۋىرسىن دوپ تۇرىنەن دۇنيە ءجۇزى بويىنشا ءبىرىنشى ورىندا تۇراتىن لي زۇڭۋي مەن وليمپيادا سپورت جارىسىنداعى ايەلدەر قاۋىرسىن دوپ جەكە ادامدىق ءتۇرىنىڭ اعا جۇلدەگەرى لي شۋەرۇي ارت-ارتىنان ەكى دۇركىن سايىسقا ءتۇسىپ، قازىر دۇنيە ءجۇزى بويىنشا ەرلەر جەكە تۇرىنەن ءبىرىنشى ورىندا تۇراتىن چىن لۇڭ مەن جۇڭحۋا تايبەيلىق داي زى-يىڭدى جەڭىپ الدى.
مەملەكەتتىك دەنە تاربيە باس مەكەمەسىنىڭ تاق-تۇق دوپ، قاۋىرسىن دوپ جارىسى ىستەرىن باسقارۋ ورتالىعىنىڭ ورىنباسار مەڭگەرۋشىسى، ەلىمىز قاۋىرسىن دوپ قوعامىنىڭ ورىنباسار ءتوراعاسى لي يۇڭبو كەلەسى جىلى توماس-يۋبەر ساۋىتىنا تالاسۋ جارىسى جانە ريو-دە-جانە-يرو وليمپيادا سپورت جارىسى سياقتى ەكى ۇلكەن جارىستىڭ بارلىعىن، مەملەكەت كومانداسىنىڭ جارىسقا دايىندالۋ مىندەتى اۋىر بولۋمەن بىرگە،كوپتەگەن سايىس پەن قىسىمعا ءدوپ كەلەتىندىگىن، الايدا، قاۋىرسىن دوپ ەرەكشە دارەجەلى بىرلەسپە جارىسىنىڭ دامۋىن بەلسەنە جەبەيتىندىگىن، مەملەكەت كومانداسىنىڭ ءبىرىنشى شەبىندەگى نەگىزگى كۇشتەردىڭ تۇگەلدەي قاتىناساتىندىعىن ءارى مايداننىڭ رەت سانىنا جانە ساپاسىنا كەپىلدىك ەتەتىندىگىن ايتتى.
لين دان، ساي يۇن، جاڭ نان، جاۋ يۇنلەي،لي شۋەرۇي، چىن لۇڭ، ۋاڭ يحان جانە ۋاڭ شىشيانداردى قامتىعان كوپتەگەن مەملەكەت كومانداسىنداعىلاردان سىرت، جۇڭگو قاۋىرسىن دوپ ەرەكشە دارەجەلى بىرلەسپە جارىسى جانە لي لۇڭدا، ليۋ يانشيڭ، سونداي-اق جۇڭحۋا تايبەيدە ايەلدەر جەكە ادامدىق تۇرىنەن ءبىرىنشى ورىندا تۇراتىن داي زى-يىڭ سياقتى ەلىمىز قاۋىرسىن دوپ قوعامىندا جوق سپورتشىلاردى دا باۋرادى.
لي يۇڭبو كەزەكتە قاۋىرسىن دوپ سپورتىنىڭ جالپىلاسۋ دارەجەسىنىڭ كۇننەن-كۇنگە جوعارىلاپ، قاتىناساتىن ادام سانىنىڭ بارعان سايىن كوبەيىپ، جالپى حالىقتىق دەنە شىنىقتىرۋ قيمىلدارىنىڭ دامۋى دا ونان ارى جاقسارا تۇسكەندىگىن، الايدا جۇڭگو قاۋىرسىن دوپ قوعامىنىڭ جالپى حالىقتىق دەنە شىنىقتىرۋداعى مەملەكەتتىڭ ستراتەگياسىنا سەلبەسىپ، قاۋىرسىن دوپ ەرەكشە دارەجەلى بىرلەسپە جارىسىن تابىستى وتكىزۋىن ءۇمىت ەتەتىندىگىن ايتتى.
ايتا كەتۋگە تاتيتىنى، وسى جولعى قاۋىرسىن دوپ ەرەكشە دارەجەلى بىرلەسپە جارىسىنىڭ جالپى سيلىق سوماسى 11 ميلليون 400 مىڭ يۋانعا جەتىپ، مۇنىڭ ىشىندە، اعا جۇلدەگەر بولعان كلۋبقا 4 ميلليون يۋان، ەكىنشى بولعانعا 3 ميلليون يۋان، ءۇشىنشى بولعانعا ءبىر ميلليون 800 مىڭ يۋان، ءتورتىنشى بولعانعا ءبىر ميلليون 200 مىڭ يۋان، ال بەسىنشىدەن سەگىزىنشىگە دەيىنگىلەر ايىرىم-ايىرىم 500 مىڭ، 400 مىڭ، 300 مىڭ جانە 200 مىڭ يۋانمەن سيلانادى ەكەن. مۇنان سىرت، جارىس باستالاردان بۇرىن ۇيىمداستىرۋ كوميتەتى 8 كلۋبتىڭ ءارقايسىسىنا 600 مىڭ يۋاننان ىسكە كىرىسۋ قاراجاتىن بەرەدى ەكەن.
لي يۇڭبو جۇڭگو قاۋىرسىن دوپ قوعامى جونىنەن الىپ ايتقاندا، قاۋىرسىن دوپ ەرەكشە دارەجەلى بىرلەسپە جارىسىن وتكىزۋدە ەشقانداي پايدانى كوزدەمەي، كەرىسىنشە قاۋىرسىن دوپ قوعامى كلۋبتارعا شاماسىنىڭ جەتىسىنشە تيىمدىلىك جەتكىزۋگە قۇلشىنعاندىعىن، بيىلعى %70 تەن استام كىرىستى كلۋبقا سيعا تارتاتىندىعىن ايتتى.
لي يۇڭبو بىرلەسپە جارىستىڭ دامۋى ءاربىر كلۋب، قاتىناسقان ءاربىر اداممەن تىعىز بايلانىستى ەكەندىگىن، ءاربىر بۋىندى جاقسى ىستەگەندە عانا،بىرلەسپە جارىستىڭ قۇنىن ءتىپتى دە ايگىلەپ، كوپتەگەن دەمەۋشى ساۋداگەرلەردى باۋراۋعا بولاتىندىعىن، قاۋىرسىن دوپ ەرەكشە دارەجەلى بىرلەسپە جارىسىنىڭ ىقپال كۇشىن ارتتىرۋ ءۇشىن بارلىق ادامنىڭ بىرلىكتە قۇلشىنۋى كەرەكتىگىن ءبىلدىردى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.