يسپانيا A دارەجەلى كاسىپتىك فۋتبول بىرلەسپە جارىسىن ۇيىمداستىرۋ كوميتەتى 30-قاراشادا بارسەلوناداعى حالىقارالىق ءماجىلىس ورتالىعىندا 2014-جىلدان 2015-جىلعا دەيىنگى جارىس مەزگىلىندەگى سيلىق تاراتۋ سالتىن وتكىزدى، مەسسي ەڭ ۇزدىك فۋتبولشى جانە ەڭ تاڭداۋلى الدىڭعى اتويشى سيلىعىن قانجىعاسىنا بايلادى، رەال مادريد كلۋبىنىڭ فۋتبول شولپانى كريستيانو رونالدو تەك قانا الەۋمەتتىك تاڭداۋ سيلىعىن ەنشىلەدى.
وتكەن جارىس ماۋسىمىندا ءۇش بىردەي اعا جۇلدەگەرلىكتى ەنشىلەگەن بارسەلونا كومانداسى وسى كەزەكتى سيلىق تاراتۋ سالتىندا سيلىقتى ەڭ كوپ ەنشىلەگەن كومانداعا اينالدى. كوماندا باستىعى مەسسي ەڭ ۇزدىك فۋتبولشى جانە ەڭ تاڭداۋلى الدىڭعى اتويشى سيلىعىن ەنشىلەۋدەن سىرت، باس جاتتىقتىرۋشى ەنريكە ەڭ ۇزدىك جاتتىقتىرۋشى سيلىعىن ەنشىلەدى، باس وراتار براۆو ەڭ ۇزدىك وراتار سيلىعىنا يە بولدى، برازيليا فۋتبول شولپانى نەيمار امەريكا قۇرلىعىنداعى ەڭ ۇزدىك فۋتبولشى سيلىعىن ەنشىلەدى.
ايگىلى رەال مادريد فۋتبول كلۋبى دا ەرەن تابىستارعا قول جەتكىزدى، كوماندا باستىعى راموس ەڭ ۇزدىك بەك سيلىعىنا يە بولسا، مەكسيكانىڭ فۋتبولشىسى جامىس رودريگۋز ورتاڭعى مايدانداعى ەڭ ۇزدىك فۋتبولشى سيلىعىنا يە بولدى. كريستيانو رونالدو الەۋمەتتىك تاڭداۋ سيلىعىن قانجىعاسىنا بايلادى.
مۇنان تىس، ۆالەنسيا فۋتبول كلۋبىنداعى الجيريا فۋتبولشىسى فەگۋلي افريكاداعى ەڭ ۇزدىك فۋتبولشى سيلىعىنا يە بولدى.
وسى رەتكى سيلىق تاراتىلاتىن ەڭ ۇزدىك فۋتبولشىلاردى يسپانيا A دارەجەلى كاسىپتىك فۋتبول بىرلەسپە جارىسىن ۇيىمداستىرۋ كوميتەتىنىڭ كومپيۋتەر جۇيەسى فۋتبولشىلاردىڭ جارىستاعى ساندى مالىمەتىنە نەگىزدەلىپ سارالاپ شىقسا، ەڭ تاڭداۋلى بەك، ەڭ ۇزدىك وراتار، ەڭ ۇزدىك ارتقى قورعاۋشى، ورتاڭعى مايدانداعى ەڭ ۇزدىك فۋتبولشى جانە ەڭ تاڭداۋلى الدىڭعى اتويشى سيلىقتارىن يسپانيا A دارەجەلى كاسىپتىك فۋتبول بىرلەسپە جارىسىنداعى ءارقايسى كوماندالاردىڭ باستىقتارى داۋىس بەرىپ سايلايدى، الايدا ءارقايسى كوماندا باستىقتارى ءوز كومانداسىنداعى فۋتبولشىلارعا داۋىس بەرۋىنە بولمايدى ەكەن.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.