كوبە وسى جارىس ماۋسىمى اياقتاعاننان كەيىن جارىستان شەگىنەتىندىگىن جاريالادى

        لوس-انجەلەس لاكەرس كومانداسىنىڭ ايگىلى سپورتشىسى كوبە بريانت 29-قاراشادا ءمالىم ءبىر احپارات دانەكەرىنىڭ  «سپورتشىلار  تالقى  مىنبەسىندە» وسى  جارىس ماۋسىمى اياقتالعاننان كەيىن جارىستان شەگىنەتىندىگىن جاريالادى. 

    «سۇيىكتى باسكەتبول» اتىنداعى ماقالادا 37 جاستاعى كوبە «باسكەتبول 6 جاستاعى ەر بالانىڭ لاكەرس كومانداسىنا كىرۋ ارمانىن جۇزەگە اسىردى، سوندىقتان باسكەتبولدى ماڭگى سۇيەمىن» دەپ جازعان ەكەن.
 
    كوبە: «الداعى جەردە باسكەتبولعا ەندىگارى بۇرىنعىداي قۇمارتا المايتىن كورىنەمىن، ويتكەنى وسى جارىس ماۋسىمىندا مەن بار كۇشىمدى سالدىم، جۇرەگىم ءالى سوققىعا شىدايدى، قاجىر-قايراتىم قيىنشىلىقتارعا توزە الادى، الايدا جاسىم ۇلعايىپ، جارىس مايدانىمەن قوشتاسۋ ءساتىنىڭ جەتكەندىگىن سەزىنگەندەيمىن، سوندىقتان مەن بۇعان تولىق دايىندالىپ بولدىم » دەدى. 

      NBA  دىڭ باس القاسى ادام سيلۆەر ءبىر مالىمدەمەدە: « شولپاندار شوعىرىنان 17 رەت ورىن العان، 5 رەت باس جۇلدەگەر بولعان، 2 رەت وليمپيادا سپورت جارىسىنىڭ التىن مەدالىن ەنشىلگەن ەرەن ناتيجەسى جانە قاجىمايتىن كاسىپتىك رۋحىمەن كوبە باسكەتبول سپورتى تاريحىنداعى ەڭ ۇلى سپورتشىنىڭ بىرىنە اينالدى. مەيلى شەشۋشى جارىس مايدانى بولسىن، الدە تاڭ سارىدەگى جالعىز ادامدىق جاتتىعۋدا بولسىن، ول  باسكەتبولعا بار ىنتا-پەيىلىمەن بەرىلدى. مەن كوبەنىڭ جان كۇيەرلەرىمەن بىرلىكتە  ونىڭ  كاسىپتىك باسكەتبول ومىرىندە جاراتقان ناتيجەلەرىنە بارىنشا سۇيىنەمىن ءارى ونىڭ  بارشامىزعا وسىنداي كەرەمەت ساتتەردى كورۋگە ءناسىپ قىلعانىنا العىس ايتامىز » دەدى. 

      كوبە 1996-جىلى چارلوتتە حورنەتس  كومانداسى  جاعىنان 13-ورىنداعى سپورتشى رەتىندە تولىق ورتا مەكتەپتەن تىكە قابىلدانادى، ىلە-شالا لاكەرس كومانداسىنا جوتكەلەدى. ول 20 جىلدىق كاسىپتىك ءومىرىن بۇكىلدەي لاكەرس كومانداسىنا ارنادى، جەكە-جەكە 2000، 2001، 2002، 2009 جانە 2010-جىلدارى لاكەرس كومانداسىن باستاپ، NBA دىڭ اعا جۇلدەگەرلىگىن 5 رەت ەنشىلەدى، 2008-جىلى داعدىلى جارىستارداعى ەڭ قۇندى سپورتشى سيلىعىن ەنشىلەسە، 2009-جىلى جانە 2010-جىلى جالپى شەشۋشى جارىستىڭ ەڭ قۇندى سپورتشى سيلىعىن ەنشىلەدى ءارى  4 رەت باسكەتبول شولپاندارى جارىسىنىڭ  ەڭ  قۇندى سپورتشى سيلىعىن يەلەدى. كەزەكتە، ول NBA دىڭ جەكەلەي ۇپاي الۋ تاريحىندا جاببار مەن كارل  مالوننان كەيىنگى ءۇشىنشى ورىندى يەلەۋدە. 

     جاس سپورتشىلاردىڭ جارىس ماۋسىمىندا كوبە شولپاندار جارىسىندا كارگە دوپ تاستاۋدان ۇپاي الۋدا اعا جۇلدەگەر بولىپ، ەكىنشى جارىس ماۋسىمىندا شولپاندار كومانداسىنا قابىلدانىپ، ءبىر ءداۋىردىڭ ەگەيىنە اينالادى. 2006-جىلى 22-قاڭتاردا تورەنتو راپتورس كومانداسىمەن بولعان جارىستا كوبە ءبىر مايدان  جارىستىڭ وزىندە 81 ۇپاي الىپ، NBA تاريحىنداعى ەڭ جوعارى ناتيجەنى جاراتقان ءبىر مايداندا 100 ۇپاي العان چامبەرلايننان كەيىنگى ەكىنشى ورىندى يەلەدى. سونىمەن بىرگە، كوبە NBA تاريحىنداعى بىردەن-ءبىر ءۇرتىس 20 جارىس ماۋسىمىندا ءبىر كومانداعا ەڭبەك سىڭىرگەن سپورتشى سانالادى ەكەن. 


        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.