قوبىقسارى اۋدانى شىرعالاڭ تۋدىرىپ قاشىپ كەتۋ دەلوسىن اشكەرەلەدى

 ۇسىنىس ەتىلگەن ءتىلشى حى چىڭچياڭ
 

    قاتىناس شىرعالاڭى تۋىلعاننان كەيىن دەرەۋ ءبىر جايلى ەتپەي، قۇتىلىپ كەتپەكشى بولىپ اۆتوموبيلىن ايداپ قاشىپ كەتكەن شوفەر ويدا جوقتا 3 ساعات ىشىندە قاتىناس  ساقشىلارى جاعىنان تەكسەرىلىپ انىقتالعان.

  17-قاراشادا ءتىلشىنىڭ قوبىقسارى موڭعۇل اۆتونوميالى اۋداندىق قاتىناس ساقشى ۇلكەن اترەتىنەن ۇعىسۋىنشا، شىرعالاڭ تۋدىرىپ قاشىپ كەتكەن شوفەر جاڭ xx قىلمىستى ىستەر قىلمىسىمەن قاماۋعا الىنعان.

  بارلاۋ جۇرگىزۋ مەن تور جايىپ ۇستاۋدى تەڭ يگەردى
 
  1-قاراشا بەيجيڭ ۋاقىتى ساعات 13 مولشەرىندە قوبىقسارى اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى مالىمەت توپتاۋ ورتالىعىنداعى حالىق ساقشىلارىنىڭ قامداعان قوبىقسارى اۋدانىنىڭ مەملەكەت جولى 217-لەنياسىنان ساجىقاي كومىر كەنىنە باراتىن 7 كيلومەتر 170 مەتر ارالىقتا قاتىناس شىرعالاڭى تۋىلىپ، شىرعالاڭ تۋىلعان ناق مايداندا  ءبىر موتوتسيكلدىڭ اۋدارىلىپ جاتقاندىعى، موتوتسيكل ءمىنۋشىنىڭ جاراقات جاعدايىنىڭ بەلگىسىز ەكەندىگىن، شىرعالاڭ تۋدىرۋشىنىڭ اۆتوموبيلىن ايداپ دەلو تۋىلعان ناق مايداننان قاشىپ كەتكەندىگى جانە قاتىناس ساقشى ۇلكەن اترەتىنىڭ دەرەۋ ناق مايدانعا كەلىپ شىرعالاڭدى ءبىر جايلى  ەتۋى جونىندەگى دەلو مالىمدەۋىن قابىلدايدى.

  حالىق ساقشىلارى دەرەۋ شىرعالاڭ تۋىلعان ناق مايدانعا جەتىپ كەلگەننەن كەيىن موتوتسيكل مىنگەن ادامنىڭ ناق مايداندا قايتىس بولعاندىعىن، جاقىن ماڭدا سوعىلۋدان اۋىر ويراندالعان موتوتسيكل مەن  شىرعالاڭ تۋدىرعان اۆتوموبيلدىڭ  ۇساق جانە كەسەك بولشەكتەرىن بايقاعان. حالىق ساقشىلارى بۇرىنعى قاتىناس شىرعالاڭىن تۋدىرىپ قاشىپ كەتۋ دەلو جاعدايى مەن ەرەكشەلىگىنە نەگىزدەلە وتىرىپ، العاشقى ادىمدا مۇنىڭ قاتىناس شىرعالاڭىن تۋدىرىپ قاشىپ كەتۋ دەلوسى ەكەندىگىن، شىرعالاڭ تۋدىرۋشىنىڭ اۆتوموبيلىنىڭ ءىرى تۇرپاتتى جۇك اۆتوموبيلى بولۋ مۇمكىنشىلىگى كۇشتى ەكەندىگىن تۇراقتاندىرادى.

  بۇل دەلوعا باسا ءمان بەرىپ، ارناۋلى جوبا الىپ شىعادى

  دەلو تۋىلعاننان كەيىن اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى دەرەۋ شىرعالاڭدى تەكسەرۋگە جاۋاپتى ورتا اترەتىندەگى حالىق ساقشىلارىن دەلو تۋىلعان ناق مايدانعا جيناپ، دەلو جاعدايىنا تالداۋ  جاساۋ  ءماجىلىسىن اشادى. حالىق ساقشىلارى بۇرىنعى شىرعالاڭ  تۋدىرىپ قاشىپ كەتۋ دەلوسىن اشكەرەلەۋ تاجىريبەلەرى ارقىلى ايىرىم-ايىرىم ءسوز سويلەپ، اركىم ءوز پىكىرىن ورتاعا قويىپ، ناق مايداندا قالعان زاتتىق دالەل-سىپاتقا ەگجەي-تەگجەيلى تالداۋ جۇرگىزەدى. سونىمەن بىرگە، «1-قاراشا» شىرعالاڭ تۋدىرىپ قاشىپ كەتۋ دەلوسىن تەكسەرۋ ارناۋلى دەلو گرۋپپاسىن قۇرىپ، ءارقايسى مىندەت اتقارۋ ورتا اترەتتەرى قۋعىنداۋ، توسقاۋىلداۋ، ءبىر –بىرلەپ تەكسەرۋ قىزمەتىن جاقسى ىستەپ، دەلونى اشكەرەلەۋ قىزمەتىن تىڭعىلىقتى ورىستەتۋگە كەپىلدىك ەتتى.

  تەڭىزدەن تەبەن ىزدەگەندەي ءبىر-بىرلەپ تەكسەرۋ جۇرگىزدى

  ناق مايداندا قالعان زاتتىق دالەل،  ءجىپ ۇشى از بولعاندىقتان، ونىڭ ۇستىنە دەلو بيڭتۋان 10-ديۆيزياسىنىڭ كومىر كەنىنىڭ تارماق جولىندا تۋىلىپ، اينالاسىنا ەشقانداي باقىلاۋ قۇرىلعىلارى ورناتىلماعان. ونىڭ ۇستىنە، دەلو ءدال تۇسكى تاماق ۋاقىتىندا تۋىلعاندىقتان، دەلو تۋىلعان جولدا  ادامدار  از بولىپ، شىرعالاڭ تۋىلعان جاعدايدى  ءوز كوزىمەن كورگەن كۋاگەرلەر تابىلماي،دەلونى اشكەرەلەۋ قىزمەتىنە كوپتەگەن اۋرەشىلىكتەر اكەلگەن. ءتىپتى دە قۇندى ءجىپ ۇشىن  تابۋ ءۇشىن ارناۋلى دەلو گرۋپپاسىنداعى حالىق ساقشىلارى دەرەۋ توڭىرەكتەگى تۇرعىنداردىڭ ءۇيى، كوشە جانە جاقىن ماڭداعى رەمونت زاۆودتارىن ارالاپ، ءبىر-بىردەن تەكسەرۋ جۇرگىزىپ، ءوز كوزىمەن كورۋشى كۋاشى مەن شىرعالاڭ تۋدىرعان اۆتوموبيلدى ىزدەستىرىپ، قىسقا عانا ەكى ساعاتتا ۇلكەن اترەتتەگى حالىق ساقشىلارى 200 دەن استام وتباسىن ارالاپ، 20 دان استام ءجىپ ۇشىنا ءبىر-بىرلەپ تەكسەرۋ جۇرگىزەدى.

  سايكەسە وتىرىپ بىرلەسىپ توسقاۋىل قويىپ، قىلمىس كۇماندىسىن قولعا ءتۇسىردى

  شىرعالاڭ تۋدىرۋشى اۆتوموبيل مەن قىلمىس كۇماندىسىن تەزىرەك قولعا الۋ ءۇشىن، اۋداندىق قاتىناس ساقشى ۇلكەن اترەتى دەرەۋ سايكەسە وتىرىپ بىرگە قيمىلداۋ قىزمەت مەحانيزمىنە نەگىزدەلە وتىرىپ، كورشىلەس بۋرىلتوعاي اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى جانە قارامايلى قالاسىنىڭ ورقى رايوندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتىمەن وسى دەلونى بىرلەسىپ اشكەرەلەۋ جونىندە دەرەۋ بايلانىس جاسايدى. ارناۋلى دەلو گرۋپپاسىنداعى حالىق ساقشىلارى سوڭىنا ءتۇسىپ قاداعالاي تەكسەرۋ، جولدارعا توسقاۋىل قويۋ، وتباسىلارىن ارالاپ جاعداي ۇعىسۋ جانە جىڭىشكەلىكپەن  تەكسەرۋ  جۇرگىزۋ  ارقىلى ا مىرزانىڭ  ءوز  كوزىمەن كورگەن ماڭىزدى  ءجىپ   ۇشىنا  يە   بولادى. ا مىرزا شىرعالاڭ تۋىلعان كەزدە وسى جولدان وتكەندىگىن، 新C ماركالى اۋىر تۇرپاتتى ەكى سۇيرەۋىش اۆتوموبيلىنىڭ قارسى باعىتتا ءوتىپ بارا جاتقاندىعىن، بۇل ەكى ماشينا سۋ جاڭا بولعاندىقتان، بىرنەشە قايتارا قاراعاندىعىن، بۇل  ەكى  اۆتوموبيلدىڭ ساجىقاي كومىر كەنىنە قاراي كەتكەندىگىن ايتقان. بۇل ءجىپ ۇشىنا يە بولعاننان  كەيىن حالىق ساقشىلارى دەرەۋ ساجىقاي كومىر كەنىنە بارىپ ونداعى اۆتوموبيلدەرگە تەكسەرۋ جۇرگىزەدى، بەيجيڭ ۋاقىتى ساعات 16 مولشەرىندە ارناۋلى دەلو گرۋپپاسىنداعى حالىق ساقشىلارى ساجىقاي كومىر كەنىنىڭ تۇننان كومىر كاسىبى ماڭىنان ءوز كوزىمەن كورۋشى ادامنىڭ ايتقانىمەن ۇقساس سۇيرەۋىش اۆتوموبيلدى بايقاپ، سالىستىرىپ تەكسەرۋ جۇرگىزۋ ارقىلى اۆتوموبيلدەگى سوعىلعان داقتاردان العاشقى ادىمدا شىرعالاڭ تۋدىرعان اۆتوموبيل ەكەندىگىن تۇراقتاندىرادى.

  وسىلايشا، «1-قاراشا» شىرعالاڭ تۋدىرىپ قاشىپ كەتۋ دەلوسى ارناۋلى دەلو گرۋپپاسىنداعى حالىق ساقشىلارىنىڭ جاپالى قىزمەت ىستەۋلەرىنىڭ ارقاسىندا تەز ارادا اشكەرەلەنەدى. بەيجيڭ ۋاقىتى ساعات 16 مولشەرىندە «1-قاراشا» شىرعالاڭ تۋدىرىپ قاشىپ كەتۋ دەلوسىنىڭ قىلمىس كۇماندىسى جاڭ xx قوبىقسارى اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتىنە ۇستاپ اكەلىنەدى. قىرۋار فاكت پەن دالەل-سىپات الدىندا قىلمىس كۇماندىسى  جاڭxx   «ءبىرىنشى قاراشا» شىرعالاڭ تۋدىرىپ قاشىپ كەتۋ دەلوسىن مويىندايدى، حالىق ساقشىلارى دەرەۋ جاڭ xx تى قولعا الادى ءارى شىرعالاڭ تۋدىرىپ قاشقان اۆتوموبيلدى ۇستاپ قالادى دا بۇل دەلو ءساتتى اشكەرەلەنەدى.

 كەزەكتە جاڭ xx ەرەكشە اۋىر قاتىناس شىرعالاڭىن تۋدىرىپ قاشىپ كەتكەندىكتەن، قىلمىستى ىستەر قىلمىسىمەن قاماۋعا الىنىپ،بۇل دەلو ىشكەرىلەي تەكسەرىلۋدە.

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.