دجوكوۆيچ فەدەرەردى جەڭىپ، جىل سوڭىنداعى شەشۋشى جارىستىڭ اعا جۇلدەگەرلىگىن ءتورت رەت ەنشىلەدى

     ەرلەردىڭ جەكە تۇردەگى تور دوپ جارىسىنىڭ سپورتشىلارىن قاتارعا تۇرعىزۋدا دۇنيە بويىنشا  ءبىرىنشى ورىندى يەلەگەن دجوكوۆيچ 22-قاراشادا فەدەرەردەنى ارت-ارتىنان ەكى رەت جەڭىپ، تاريحتا تۇڭعىش رەتكى ATP جىل سوڭىنداعى شەشۋشى جارىستىڭ ءتورت رەت اعا جۇلدەگەرلىگىن ەنشىلەگەن سپورتشىعا اينالدى.

  سونىمەن سەربيالىق ازامات ءوزىنىڭ وسى  جارىس  ماۋسىمىنداعى  جارىسىن ءساتتى اياقتاتتى: ول تۇتاس جىلدا 11 رەتكى جارىستىڭ اعا جۇلدەگەرى بولدى، مۇنىڭ ىشىندە، 3 رەت 3 تۇردەگى جارىستىڭ اعا جۇلدەگەرلىگىن بىردەي ەنشىلەگەن. بۇل جارىس مەزگىلىندە ول 88 مايدان جارىسقا قاتىناسىپ، 82 مايدانىندا جەڭىپ، 6 مايدانىندا جەڭىلىسكە ۇشىراعان.

  بۇدان ءبىر كۇن بۇرىنعى  تور دوپ جارىسىندا جەڭىلگەن نادار: « دجوكوۆيچ قازىر ناعىز جەڭىمپازعا اينالدى» دەگەن بولاتىن. فەدەرەر بۇرىن شاعىن گرۋپپالار جارىسىندا دجوكوۆيچتى جەڭىپ، ونىڭ  23 مايدان جارىستا جەڭىلمەۋ جاعدايىن اياقتاتتى، ءبىراق بۇل مايدان جارىس شەشۋشى جارىسقا ءتۇسۋ  تولىمدىلىعىن الاتىن نەگىزگى شەشۋشى جارىس ەمەس بولاتىن. شەشۋشى جارىستا دجوكوۆيچ ءوز رولىن تولىق ساۋلەلەندىردى، ال فەدەرەردە كوپتەگەن جاقسى دوپ ۇرعان بولسا دا، اعاتتىعى باسىم بولىپ، بۇكىل جارىستا 31 رەت اعاتتىق  جىبەرىپ، سوڭىندا ءوزىنىڭ  دوپ باستاۋداعى اعاتتىعىمەن جارىستى  اياقتاتتى. سونىمەن  دجوكوۆيچ 6:3، 6:4 ۇپايمەن جەڭىپ شىقتى.

  دجوكوۆيچ تا ءوزىنىڭ فەدەرەرمەن سايىسۋ رەكوردىن 22:22 گە تەڭەستىردى، بۇدان ءبىر كۇن بۇرىن ناداردى جەڭگەننەن كەيىن ول دا ەكەۋىنىڭ سايىسۋ رەكوردىن 23:23 كە جەتكىزدى.
بۇل دجوكوۆيچتىڭ بەسىنشى رەت جىل سوڭىنداعى شەشۋشى جارىستىڭ اعا جۇلدەگەرلىگىن ەنشىلەۋى بولدى. ول ارت-ارتىنان ءتورت رەت اعا جۇلدەگەرلىكتى ەنشىلەۋدەن تىس، تاعى 2008-جىلى شاڭحايداعى جارىستىڭ اعا جۇلدەگەرلىگىن ەنشىلەگەن. ول سيلىق ساۋىتىنا يە بولۋمەن بىرگە،  2 ميلليون دوللاردان استام سيلىق اقشاعا قول جەتكىزدى.

  شەشۋشى جارىستا جەڭىلىسكە ۇشىراعاننان كەيىن دۇنيە جۇزىلىك تور دوپ سپورتشىلارىن قاتارعا تۇرعىزۋدا ءۇشىنشى ورىندا تۇرعان فەدەرەردە ۇلى بريتانيا سپورتشىسى مۋرريدان وزىپ، دۇنيە جۇزىلىك تور دوپ سپورتشىلارىن قاتارعا تۇرعىزۋدا ەكىنشى ورىندى يەلەۋ ورايىنان ايرىلىپ قالدى. ءبىراق ول ءبىر ميلليون 100 مىڭ دوللارلىق سيلىققا يە بولدى.

  28 جاستاعى  دجوكوۆيچ جارىستان كەيىن: « بۇل ناتيجەدەن ارتىق ناتيجە جاراتا الماسپىن، بۇل ۇزاققا سوزىلعان جارىس بولدى ءارى ومىرىمدەگى ەڭ تاماشا  جارىس  مەزگىلى  بولدى. مەن ءوزىمنىڭ ناتيجەمە ماقتانامىن» دەدى.

  فەدەرەر جەتىنشى رەت بۇل تۇردەگى جارىستىڭ اعا جۇلدەگەرلىگىن  ەنشىلەۋ ورايىنان ايرىلىپ قالسا دا، ءبىراق 34 جاستاعى ونىڭ وسىنداي دارەجەگە جەتۋىنىڭ ءوزى دە ءبىر كەرەمەت. ول بىلتىردا شەشۋشى جارىسقا كىرگەن، ءبىراق جارالانۋ سەبەبىنەن جارىستان شەگىنگەن.

  «شۆەتساريا  تور دوپ پاتشاسى» جارىستان كەيىن: «جەڭىسكە قول جەتكىزە الماۋ، شىنىندا، وكىنىشتى-اق، ءبىراق بۇل رەتكى جەڭىلىسىم وتكەن جىلعى شەشۋشى جارىسقا قاتىناسا الماۋدان جاقسى عوي» دەدى.


       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.