ءتىلشىمىز شۇي مىڭلي
بيىل الدىڭعى ءۇش توقساندا، شاۋەشەك قالالىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى اراق ءىشىپ ماس بولىپ اۆتوكولىك جۇرگىزگەن 32 دەلو مەن اراق ءىشىپ اۆتوكولىك جۇرگىزگەن 69 دەلونى تەكسەرىپ ءبىر جايلى ەتىپ،شاعىم ايتىلعان 29 دەلونى جوعارىعا جولداعان.
اراق ءىشىپ اۆتوكولىك جۇرگىزۋ وزىنە دە، وزگەگە دە زياندى، اراق ءىشىپ اۆتوكولىك جۇرگىزۋدىڭ زيانىن ادامدار انىق بىلەدى، الايدا ءىشىنارا ادامدار تۋىس-تۋعان، دوس-جاراندارىنىڭ كوڭىلىن قيماي بىرنەشە رۋمكا اراق ءىشىپ الىپ، اۆتوكولىگىن جۇرگىزىپ ۇيىنە قايتادى.
اراق ءىشىپ اۆتوكولىك جۇرگىزگەننەن كەيىنگى ايانىشتى جاعدايدىڭ تۋىلۋىنان ساقتانۋ ءۇشىن شاۋەشەك قالالىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى بيىل قاڭتاردان 20-قازانعا دەيىن « شىرعالاڭدى ازايتىپ، قاتىناستى ىركىلىسسىزدەندىرۋدى » نەگىزگى نىسانا ەتىپ، اراق ءىشىپ اۆتوكولىك جۇرگىزۋدى ارناۋلى وڭاۋ قيمىلىن ورىستەتىپ، شوفەرلەردىڭ حاۋىپسىزدىگى تانىمىن جوعارىلاتتى. شاۋەشەك قالالىق قوعام حاۋىپسىزدىك مەكەمەسى قاتىناس ساقشى ۇلكەن اترەت ۇگىت ورتا اترەتىنىڭ ورتا اترەت باستىعى لۋ يۋە: « اراق ءىشىپ اۆتوكولىك جۇرگىزۋ ارەكەتىن ءونىمدى وڭاۋ ءۇشىن، ءبىز كەز كەلگەن ۋاقىتتا جولعا شىعىپ زاڭ اتقارىپ، ۇقساماعان ورىنداردا باسقارۋ قاراستىلىعىنداعى جول بولەكتەرى، قالا رايونى، كوڭىل اشۋ ورىندارى سىندى ورىنداردا كەز كەلگەن ۋاقىتتا زاڭ اتقارۋدى جولعا قويدىق ءارى اراق ءىشىپ ماس بولىپ اۆتوكولىك جۇرگىزۋ ولشەمىنە جەتكەندەردىڭ بارلىعىنىڭ ۇستىنەن شاعىم ايتىپ، شاۋەشەك قالالىق حالىق پروكۋراتۋرا مەكەمەسىنە تاپسىرىپ بەردىك، ‹ جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ› 133-تارماعىنداعى بەلگىلەمەگە ساي، ‹ اۆتوكولىكتى قاتەرلى جۇرگىزۋ قىلمىسىنىڭ › قىلمىستىق ىستەر جاۋاپكەرلىگى قۋزاستىرىلادى. اراق ءىشىپ اۆتوكولىك جۇرگىزۋ ولشەمىنە جەتپەگەندەرگە قاراتا ‹ جۇڭحۋا حالىق رەسپۋبليكاسىنىڭ جول قاتىناس حاۋىپسىزدىگى زاڭىنىڭ› 91-تارماعىنداعى بەلگىلەمەگە نەگىزدەلىپ، اراق ءىشىپ اۆتوكولىك جۇرگىزۋ جازاسىن قولداندىق » دەدى.
لۋ يۋە: « اراق ءىشىپ اۆتوكولىك جۇرگىزۋدىڭ زيانى اۋىر بولاتىندىعىن بىلە تۇرا، كوپتەگەن اراق ءىشىپ اۆتوكولىك جۇرگىزۋشلەر ءوزىنىڭ شوفەرلىك تەحنيكاسىنا تىم سەنىپ كەتكەندىكتەن، اراق ءىشىپ اۆتوكولىك جۇرگىزۋدىڭ وراسان زور حاۋىپسىزدىك كومەسكى قاتەرىن تۋدىراتىندىعىن بىلە بەرمەيدى دە وقيعا تۋىلعاننان كەيىن عانا ورنى تولماس وكىنىش ارقالايدى. ءبىزدىڭ رەتتەۋ-وڭاۋ قىزمەتىن ورىستەتۋدەگى ماقساتىمىز اراق ءىشىپ اۆتوكولىك جۇرگىزگەن شوفەرلەردى ۇستاۋ ەمەس، قايتا اراق ءىشىپ اۆتوكولىك جۇرگىزەتىن شوفەرلەردىڭ بولماۋىن ءۇمىت ەتەمىز» دەدى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.