قانات جۇماش ۇلى
جۋىقتا شاعانتوعاي اۋداندىق حالىق سوت مەكەمەسى ازاماتتار اراسىنداعى قارىز اقشا داۋ- شارىنا ۇكىم شىعارىپ، جاۋاپكەردى العان قارىز سوماسىن وسىمىمەن بىرگە داۋگەرگە تولەپ بەرۋدى بۇيىردى. دەسەدە، ءوسىمنىڭ شەكتەن اسقان بولەگىن قولدامادى.
ءاسىلى جاۋاپكەر جاڭ x ەگىن ەگەتىن اقشام جەتپەي تۇر دەپ، 2014- جىلى داۋگەردەن 120 مىڭ يۋان نەسيە العان ءارى مىناداي كەلىسىم جاساسقان: 1. جاۋاپكەر ءۇي يەلىك ۇقىعى كۋالىگىن، نوپوسىن، كەپىل ادامنىڭ دۇكەنىن، مالدارىن كەپىلگە قويعان. 2. ءار مىڭ يۋاننىڭ كۇندىك ءوسىمىن ءبىر يۋاننان ەسەپتەپ، ءوسىمىن اي سايىن جابۋعا، مۇنى كەيىنگە سوزباۋعا كەلىسكەن. 3. قارىزدى قايتارىپ بولۋدىڭ مەرىزىمى 180 كۇن، ەگەر مەرزىمى اسىپ كەتسە ءار مىڭ يۋاننىڭ ءوسىمى 2 يۋاننان ەسەپتەلەتىن بولعان. سوڭىندا جاۋاپكەر قارىزدى ۋاقىتىندا قايتارماعاندىقتان، داۋگەر ونى سوتقا بەرگەن.
سوت مەكەمەسى: ەكى جاقتا زاڭ بويىنشا قارىز بەرۋ- الۋ قاتىناسى قالىپتاسقان. جاۋاپكەردىڭ شەكتى مەرزىم ىشىندە قارىزدى قايتارماۋى كەلىسىمگە قايشىلىق جاساعاندىق. ونىڭ نەسيەنى وسىمىمەن قايتارۋى كەرەك. دەسەدە، ەكى جاقتىڭ كەلىسىمىندەگى قارىز اقشانىڭ ءوسىمى وتە جوعارى. 2015- جىلى 1- قىركۇيەكتەن باستاپ اتقارىلعان « ەڭ جوعارى حالىق سوتىنىڭ ازاماتتار اراسىنداعى قارىز اقشا دەلوسىن ءبىر جايلى ەتۋگە ۇيلەسەتىن زاڭ- ءتۇزىم ماسەلەلەرى جونىندەگى بەلگىلەمەنىڭ » 26- تاراۋ 1- تارماقشاسىنا نەگىزدەلگەندە، قارىز اقشاعا قاتىستى ەكى جاقتىڭ كەلىسكەن ءوسىمى جىلدىق ٪24 وسىمنەن اسپاسا، قارىز بەرۋشىنىڭ كەلىسىم بويىنشا ءوسىم تالاپ ەتۋىنە بولادى. بۇل دەلوداعى قارىزدىڭ ءوسىمى جىلدىق ءوسىم بويىنشا ٪36.5 كە جەتكەن بولىپ، بەلگىلەمەدەگى شەكتەن اسىپ كەتكەندىكتەن، داۋگەردىڭ تالاپ ەتكەن ءوسىمىنىڭ شەكتەن اسقان بولەگىن سوت مەكەمەسى قولدامايدى، جاۋاپكەر قارىز اقشانى جانە اقشا ءوسىمىن اقشانىڭ جىلدىق ٪24 ءوسىمى بويىنشا قايتارسىن دەپ ۇكىم شىعاردى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.