ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

قۇن ايىرۋ اسپابى

جولدانعان ۋاقىتى : 2015/11/16 10:33:19

حوشي شينيتجي ( جاپونيا ) 

  باسىن اپپاق قىراۋ شالعان قارت دوكتور شاعىن عانا زەرتحاناسىندا كوپ جىلدان بەرى عىلمي زەرتتەۋدەن باس المايتىن. ءبىر كۇنى ول ءوزىنىڭ كوپ وتپەي ءپاني دۇنيەمەن قوشتاساتىنىن سەزىپ، باقيعا اتتانار الدىندا كومەكشىسى N مىرزانى شاقىرىپ الىپ:

  - مەن ۇزاقتان بەرى زەرتتەپ، قايتا-قايتا تاجىريبەدەن وتكىزۋ ارقىلى مىنا اسپاپتى جاساپ شىقتىم. سەن پالەندەي ۇزدىك كومەكشى بولماعانىڭمەن، جالاقىڭ ماردىمسىز بولسا دا كەيىمەي مەن ءۇشىن قاجىرلىلىقپەن قىزمەت ىستەدىڭ. ساعان العىسىم تاۋداي. سوندىقتان بۇل اسپاپتى ساعان ەستەلىككە قالدىرماقشىمىن،- دەيدى.

  بۇل اسپاپتىڭ ءپىشىنى شاعىن قويىن ساعاتپەن قارايلاس بولىپ، ءبىر ۇشىندا سۋلياۋ تۇتىكپەن جالعاسقان  شيپاگەردىڭ  تىڭداعىشى ءتارىزدى نارسە بار ەدى.

  N مىرزا:

  - بۇل نە؟- دەپ سۇرايدى.

  - بۇل ۋنيۆەرسال ساپا تەكسەرگىش اسپاپ. بۇل باسىن تەكسەرەتىن نارسەگە قويىپ تۇرساڭ بولعانى، ساعات ءتىلى تەربەلەدى. ەگەر وڭ جاعىنا قاراي قوزعالسا، بۇل زات قۇندى بولعانى. سولىنا قاراي قوزعالسا، كەرىسىنشە بولعانى. مۇنىڭ وسىنداي ەرەكشەلىگى بار...- دەپ اقتىق ءسوزىن ايتىپ ، قارت دوكتور دۇنيە سالادى.

  وسىلايشا ۋنيۆەرسال تەكسەرگىش اسپاپ N مىرزاعا تاۋەلدى بولىپ قالا بەرەدى. اۋەل باستا ول ۇنەمى باعدارىن شاتاستىرىپ الادى، دەسەدە، كوپ وتپەي اسپاپتى پايدالانۋدىڭ امالىن يگەرەدى. بۇعان ابدەن توسەلگەن N مىرزا  اسپاپتىڭ وزگەشە قاسيەتىنە تاڭداي قاعا ءتانتى بولادى. اسپاپ مەيلى نەندەي زات بولسا دا ونىڭ قۇنىن قاس- قاعىم ساتتە ءمۇلت جىبەرمەي انىقتاپ شىعاتىن ەدى.

  N مىرزا الدىمەن ۋاقىتشا ءبىر شاعىن دۇكەن اشادى. بۇل ءتۇرلى بۇيىمدار دۇكەنى سەكىلدى شاعىن دۇكەن بولعانىمەن، قاريدارلارى كۇن سايىن مولايا تۇسەدى. مۇنىڭ ەش ءبىر تاڭ قالارلىعى جوق ەدى. N مىرزا دۇكەنگە زات كىرگىزگەندە ەشقاشان زيان شەگىپ كورمەدى. ۋنيۆەرسال تەكسەرگىش اسپاپ ارقىلى ساپاسىز زات ساتىپ الىپ قالۋدان ساقتانادى. اسپاپتىڭ ساعات ءتىلى سولعا قاراي تەربەلسە بولعانى، ءلام دەپ ءتىل قاتپاي- اق باسىن شايقايدى. ءىستىڭ ءمانىن تۇسىنبەيتىن تولايىم ساتۋشى ساۋداگەرلەر N مىرزانى تاۋار جونىندەگى ءبىلىمى وتە مول، ۇزاق جىلدىق مامان ەكەن دەپ، ىشتەي قاتتى تاڭ قالىپ، مويىنسال بولادى.

  ساعات ءتىلى وڭعا قاراي تەربەلسە دە ول تەربەلۋ شاماسىنا قاراي باعاسىن تۇراقتاندىرادى. سوندىقتان مۇلدە جوعارى باعادا زات كىرگىزىپ، زيان شەگىپ كورمەگەن ونىڭ دۇكەنىندە ىلعي ارزان، ساپالى زاتتار    ساتىلىپ،  ەشبىر  قاريدار «ساتقان زاتىڭنىڭ ساپاسى  ناشار ەكەن» دەپ شاعىم ايتپايدى. دۇكەننىڭ سەنىمدىلىگى دە ارتا بەرەدى.

  « بارلىعى ساتىنە باستى. نەتكەن عاجاپ، ەشقانداي قۋلىق-سۇمدىقسىز قالتام قامپايدى. دۇرىس- اۋ، تيجارات كولەمىن كەڭەيتەيىن» دەپ ويلادى.

  N مىرزا قىزمەتكە قۇلشىنا كىرىسىپ، زاتتى   كوپتەپ  ساتىپ اكەلىپ، كولەمدى بازار اشادى. ارينە، ساۋداسى اۋەلگىدەي كۇسەت بولىپ، بايلىعى تاسي بەرەدى ءارى تيجارات باسقارۋ جاعى دا ايتارلىقتاي تاماشا بولادى. ويتكەنى الگى اسپاپ زاتتى عانا ەمەس، ادامدى دا تۋرا تاني الاتىن ەدى.

  قىزمەتكەرلەردى قابىلداعان كەزدە، اسپاپتى ادامعا پايدالانسا بولعانى، ساعات ءتىلى سولعا قوزعالسا، مەيلى ول كورەر كوزگە قانشالىق ادال كورىنسە دە قابىلدامايدى. كەرىسىنشە ساعات ءتىلى وڭعا قوزعالسا، وعان قىزمەت بەرىپ، جوعارى جالاقىمەن سيلايدى. سوندىقتان  دۇكەنىندە   وڭشەڭ  ادال، تەحنيكالىق ورەسى جوعارى قىزمەتكەرلەر جۇمىس ىستەيدى. كوللەكتيۆ اقشاسىن جوتكەپ ىستەتۋ جانە قيانات جاساپ، ۇرلىق ىستەۋ سەكىلدى ىستەر مۇلدە تۋىلمايدى ءارى ولارعا اسپاپتى جاسىرىن پايدالانۋ ارقىلى ساعات ءتىلىنىڭ قوزعالۋ مولشەرىنە قاراي دارەجەسىن ءوسىرۋ مەن سيلىق اقشا بەرۋدى ۇيعارادى. سوندىقتان كوپشىلىكتىڭ ءبارى رازى، الا بوتەن پىكىرى بولمايدى.

  پايدا كورسەتكىشى جوعارىلاي بەرەدى. N مىرزا جالعاستى اسەمونەر تۋىندىلارىن ساتاتىن دۇكەن  اشادى. اسەمونەر بۇيىمدارى ساۋداگەردەن اسەمونەردى باعالاي الاتىن ونەردى تالاپ ەتەتىن  ەدى. ءبىراق N مىرزانىڭ قولىندا ساپا تەكسەرگىش بار بولعاندىقتان، ول اناۋ جالعاننان جاسالعان بۇيىمداردى مۇلدە ساتىپ المايدى، «الدانىپ قالامىن- اۋ» دەپ الاڭدامايدى دا.

  قاريدارلاردىڭ N مىرزادان ساتىپ العان اسەمونەر بۇيىمدارىنىڭ بارلىعى دا اتى-زاتىنا ساي اسەمونەر بۇيىمى بولعاندىقتان، كوپ وتپەي بۇل اسەمونەر دۇكەنىنىڭ اتى جەر جارىپ، اتاعى الىستارعا كەتەدى.

  N مىرزا زور سەنىممەن جىلجىمايتىن مۇلىك سەرىكتىگىن قۇرادى. ول بار بولعانى اسپاپتى جەرگە قويىپ، ساعات ءتىلىنىڭ قوزعالۋ مولشەرىنە قاراسا بولعانى ەدى. جەر ساتىلعاننان كەيىن، ساتىپ الۋشىنىڭ ماسەلە بايقاپ، جەر باعاسىن ءتۇسىر دەيتىن  كوڭىلسىز  ىستەر  مۇلدە تۋىلمايدى.

  كوپ وتپەي N مىرزا نەكەلەنەدى. ول كوپ باس قاتىرماي- اق، تەكسەرگىش اسپاپ ارقىلى ءبىر اق كوڭىل بويجەتكەندى تاۋىپ، وزىنە جار ەتەدى.

  N مىرزا   اسپاپ  ارقىلى  ءار ءتۇرلى زاتتاردىڭ ساپاسىن تەكسەرگەنىمەن، ءوزىن تەكسەرىپ كورمەگەن بولاتىن. ول ءوزى تابىسكەر بولسا دا ءارى بۇل ءىس ونىڭ كوكەيىندە كوپتەن بەرى جۇرسە دە بۇعان باتىلى بارماي كەلگەن بولاتىن.

  ءبىر كۇنى تۇندە N مىرزا اقىرى ءبىر بايلامعا كەلىپ، تەكسەرگىش اسپاپتىڭ ءبىر ۇشىن ءوز دەنەسىنە قويادى. ىلە-شالا قولىنداعى اسپاپقا قاراپ، اسپاپ ءتىلىنىڭ وڭعا قاراي كۇشتى تەربەلگەنىن كورەدى دە موينىنان ءبىر ءزىلماۋىر جۇك تۇسكەندەي شاتتانىپ:

  - كەرەمەت! قانشا ايتقانمەن ۇلى اداممىن عوي،- دەپ ايعاي سالادى.

  ايەلى ونىڭ ايعايلاعان داۋىسىن ەستىپ، قاسىنا كەلەدى دە :

  - نەگە سونشا  ايعايلادىڭ؟ ءاسىلى مىنا عاجايىپ اپپاراتپەن قاتسى بار سەكىلدى عوي. بۇل تەگى قانداي اسپاپ، بۇرىن كورسەم دە نە ەكەنىن بىلمەي جۇرگەن ەدىم؟- دەيدى.

  -مەن سەنىڭ مۇلدە سەنىمدى ايەل ەكەنىڭدى بىلەمىن. سوندىقتان قۇپيامدى سەنەن جاسىرماي-اق قويايىن. بۇل اسپاپ ساپا تەكسەرگىش اسپاپ. بار بولعانى مۇنىڭ ءبىر جاعىن تەكسەرىلەتىن زاتتىڭ ۇستىنە قويىپ، ساعات ءتىلىنىڭ تەربەلىس احۋالىنا قاراساڭ بولعانى...- دەيدى.

  - نەتكەن عاجايىپ اسىل ەدى! مەن دە سىناپ كورەيىنشى؟- دەيدى ايەلى.

  ايەلى N مىرزادان اسپاپتى الىپ، ماڭايىنداعى زاتتاردى بىردەن تەكسەرە باستايدى. ساعات ءتىلى وڭعا قاراي تەربەلەدى، ياعني ماڭايىنداعى زاتتاردىڭ بارلىعى دا باعاسى قۇندى، ساپالى زاتتار ەدى. ايەل جاي عانا كوڭىل كوتەرگىسى كەلىپ، اسپاپتى N مىرزانىڭ دەنەسىنە قويادى. ساعات ءتىلى ويلاماعان جەردەن سولعا قاراي كۇشتى تەربەلەدى.

  -ويپىرىم-اي، تەز قاراشى! بۇعان نە بولدى...

  ءاسىلى تەكسەرگىش اسپاپ N مىرزانىڭ ءوز قولىندا بولسا، شىنىمەن جارامدى ادام بولار ەدى. ءبىراق، اسپاپ وزگەنىڭ قولىندا بولعاندىقتان، ول تەك قانا قاتارداعى جاي پەندە بولىپ قالعان ەدى.

  اۋدارعان - قانات جۇماش ۇلى

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn