حالىقارالىق فۋتبول بىرلەستىگى 10-قاراشادا 2016-جىلعى ريو-دە-جانە-يرو وليمپيادا سپورت جارىسىنىڭ فۋتبول جارىسى كۇن ءتارتىبىن جاريالادى، وتاعاسى ەل بولعان برازيليا ەرلەر فۋتبول كومانداسىنىڭ جۇلدىزى وڭىنان تۋىپ وتكەن جىلعى الەم ساۋىتىنا تالاسۋ فۋتبول جارىسىنىڭ جارتىلاي شەشۋشى جارىسىندا « بەلۋ وريزونتي ايانىشتى جاعدايىنا » تاپ بولعان بەلۋ وريزونتيداعى مينەيرو فۋتبول الاڭىندا جارىسقا تۇسپەيتىن بولدى.
برازيليا الەم ساۋىتىنا تالاسۋ فۋتبول جارىسىنىڭ جارتىلاي شەشۋشى جارىسىندا برازيليا كومانداسى وسى فۋتبول الاڭىندا 7 گە قارسى ءبىر ۇپايمەن گەرمانيا كومانداسىنان ويسىراي جەڭىلگەن ەدى. «فۋتبول پاتشاسى» اتانعان برازيليانىڭ وسى رەتكى ساتسىزدىگى « بەلۋ وريزونتي وقيعاسى » دەپ اتالدى. ريو-دە-جانە-يرو وليمپيادا سپورت جارىسىنىڭ فۋتبول جارىسى 6 قالادا وتكىزىلمەكشى، مۇندا بەلۋ وريزونتيداعى مينەيرو فۋتبول الاڭى دا بار. الايدا، حالىقارالىق فۋتبول بىرلەستىگىنىڭ جاريالاعان جارىس كۇن تارتىبىنە نەگىزدەلگەندە، برازيليانىڭ ەرلەر فۋتبول كومانداسى ساتسىزدىككە تاپ بولعان وسى فۋتبول الاڭىنان ءساتتى قۇتىلعان ەكەن.
قايسى فۋتبول الاڭىندا كىم مەن كىم جارىسقا تۇسەتىندىگى جەرەبە سۋىرعان سوڭ بەلگىلەنەتىن بولعانىمەن، برازيليا كومانداسى وتاعاسى ەل بولۋ سالاۋاتىمەن الدىن الا A1 ورىندى يەلەدى. شاعىن گرۋپپالار جارىسى مەزگىلىندە برازيليا ەرلەر فۋتبول كومانداسى برازيليا مەن سالۆادور قالاسىندا جارىسقا تۇسەدى، ەگەر جولدارى بولىپ، سوڭىنا دەيىن كۇرەسە الاتىن بولسا، بەلۋ وريزونتيعا بارمايدى، بۇل قالادا قولا مەدالعا تالاسۋ جارىسى وتكىزىلەدى.
برازيليا ەرلەر فۋتبول كومانداسى الەم ساۋىتىنا تالاسۋ فۋتبول جارىسىنىڭ اعا جۇلدەگەرلىگىن 5 رەت ەنشىلەگەنىمەن، وليمپيادا سپورت جارىسىندا ەجەلدەن اعا جۇلدەگەر بولىپ كورمەدى، 2012-جىلعى لوندون وليمپيادا سپورت جارىسىنىڭ شەشۋشى جارىسىندا مەكسيكا كومانداسىنان جەڭىلىپ قالعان ەدى. وسى جولى ءوز ەلىندە جارىسقا تۇسەدى، ونىڭ ۇستىنە بىلتىرعى الەم ساۋىتىنا تالاسۋ جارىسىندا جىبەرىپ العان ەسەسىن قايتارىپ الماقشى، سوندىقتان برازيليا ەرلەر فۋتبول كومانداسىنىڭ مىندەتى اۋىر. بارسەلونا كلۋبىنىڭ فۋتبول شولپانى نەيمار جاسى اسىپ كەتكەن بولسا دا، كوماندا باستىعى سالاۋاتىمەن التىن مەدال الۋعا اتوي سالماقشى.
برازيليا ايەلدەر فۋتبول كومانداسى دا شاعىن گرۋپپالار جارىسىندا بەلۋ وريزونتيعا بارا قويمايدى، الايدا، ىرىكتەۋ جارىسىندا بۇل قالاعا بارىپ قالۋى مۇمكىن.
جارىس كۇن تارتىبىنە نەگىزدەلگەندە، ريو-دە-جانە-يرو فۋتبول جارىسى 2016-جىلى 3-تامىزدا، ياعني وليمپيادا سپورت جارىسىنىڭ اشىلۋ سالتى باستالۋدان 2 كۇن بۇرىن وتكىزىلەدى. ەرلەر مەن ايەلدەردىڭ شەشۋشى جارىسى تۇگەلدەي ريو-دە-جانە-يرونىڭ ماراكانا فۋتبول الاڭىندا وتكىزىلەدى ەكەن.
ريو-دە-جانە-يرو وليمپيادا سپورت جارىسىنىڭ فۋتبول جارىسى ريو-دە-جانە-يرو ( ەكى فۋتبول الاڭىندا )، سان-پاۋلۋ، سالۆادور، برازيليا، بەلۋ وريزونتي جانە ماناۋس سياقتى 6 قالاداعى 7 فۋتبول الاڭىندا وتكىزىلەدى، وسى قالالاردىڭ بارلىعىندا بىلتىرعى الەم ساۋىتىنا تالاسۋ فۋتبول جارىسى وتكىزىلگەن ەدى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.