جەرگىلىكتى ۋاقىت 9-قاراشا كەشتە كريستيانو رونالدونىڭ جەكە كينوسى «رونالدونىڭ» تۇڭعىش قويىلۋ سالتى لوندون قالاسىندا وتكىزىلدى، كريستيانو رونالدو ۇلىمەن بىرگە ساحناعا شىعىپ، قىزۋ قارسى الۋعا بولەندى.
بۇل ءومىر بايان سيپاتىنداعى كينودا 2014-جىلى رەال مادريد كلۋبىنا ەۆروپا اعا جۇلدەگەرلىگىنە تالاسۋ بىرلەسكەن جارىسىنىڭ اعا جۇلدەگەرلىگىن الىپ بەرۋدەن كريستيانو رونالدو 3-رەت التىن دوپ سيلىعىنا يە بولعانعا دەيىنگى ۋاقىت نەگىز ەتىلىپ، كريستيانو رونالدونىڭ رەال مادريد كلۋبىنداعى تۇرمىسى مەن وتباسى اڭگىمەلەرى باياندالعان.
كينونىڭ تۇڭعىش قويىلۋ سالتىندا، كريستيانو رونالدو ءوزىنىڭ سۇيىكتى ۇلىن ساحناعا ەرتىپ شىعىپ، اكە مەن بالا اراسىنداعى شەكسىز سۇيىسپەنشىلىكتى ايگىلەدى. ۇلىنىڭ تۋعان شەشەسى تۋرالى ءسوز بولعاندا، كريستيانو رونالدو: « ۇلىمنىڭ تۋعان شەشەسىنىڭ كىم ەكەندىگىن ەشكىمگە ايتىپ كورمەدىم، ماڭگى ايتپايمىن » دەدى.
كينوعا ءوزىنىڭ بۇرىنعى قىز دوسى ەلەنانىڭ نەلىكتەن شىقپاعاندىعى جونىندەگى سۇراۋعا، كريستيانو رونالدو كينو قۇراستىرۋ ۇيىرمەسىنىڭ بۇل ءبولىمدى ماڭىزدى ەمەس دەپ قاراعاندىعىن ايتتى.
بۇل كينودا جۋىقتا ءىرىپ-ءشىرۋ وقيعاسىمەن قاتىستى دەگەن جامان اتى شىققان بلاتتەردە بوي كورسەتكەن، بيىل قاڭتاردا بلاتتەر كريستيانو رونالدوعا 3-رەتكى التىن دوپ سيلىعىن تاراتقان. بلاتتەرگە قاتىستى ماسەلە جونىندە كريستيانو رونالدو: « مەنىڭ ءسوزىم وتە زور ىقپال جاسايدى، بۇل ىسكە ارالاسقىم كەلمەيدى » دەدى.
كريستيانو رونالدو كينونىڭ تۇڭعىش قويىلۋ سالتىنا قاتىناسقان اياۋلى ۇستازى فەرگۋسونعا العىس ايتتى. ول سول كەزدە ۇستازىنىڭ مانچەستەر فۋتبول كلۋبىنا كىرگىزۋگە ۋادە بەرگەندىگىن، مۇنىڭ وزىنە زور قوزعاۋشى كۇش باعىشتاعاندىعىن ايتتى.
سول كۇنى كەشتە كينونىڭ تۇڭعىش قويىلۋ سالتىنا رەال مادريد كلۋبىنىڭ بۇرىنعى جاتتىقتىرۋشىلارى انكەلوتتي مەن موۋرينحودا قاتىناستى. كريستيانو رونالدونىڭ مانچەستەر فۋتبول كلۋبىنداعى كوماندالاستارىنان نەۆيللە مەن ساحا ناق مايدانعا بارىپ قۇتتىقتادى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.