حالىقارالىق جەڭىل اتلەتيكا بىرلەستىگىنىڭ ءتوراعاسى سەباستيان كوە 9-قاراشادا ۇستىنەن شاعىم ايتىلعان رەسەي جەڭىل اتلەتيكا قوعامىنىڭ قوزدىرعىش ءدارى پايدالانعاندىعى جونىندەگى حابارعا ويداعىداي جاۋاپ قايتارۋىن ءۇمىت ەتەتىندىگىن، ەگەر ولاردىڭ قوزدىرعىش ءدارى پايدالانىپ، الدامشىلىق ىستەۋگە ۇيىمداستىرعاندىعى بايقالسا، رەسەي جەڭىل اتلەتيكا قوعامىنىڭ جارىسقا قاتىناسۋ تولىمدىلىعىن كۇشىنەن قالدىراتىندىعىن ايتتى.
دۇنيە جۇزىلىك قوزدىرعىش ءدارى پايدالانۋعا قارسى تۇرۋ قۇرىلىمىنىڭ دەربەس كوميتەتى 9-قاراشا جەنەۆا قالاسىندا تەكسەرۋ دوكلاتىن جاريالاپ، رەسەي جەڭىل اتلەتيكا قوعامىندا ءىرى كولەمدە قوزدىرعىش ءدارى پايدالانۋ ماسەلەسىنىڭ ساقتالعاندىعىن راستادى، بۇل كوميتەت رەسەيدىڭ 2016-جىلعى جازدىق وليمپيادا سپورت جارىسىنىڭ جەڭىل اتلەتيكا جارىسىنا قاتىناسۋىن كۇشىنەن قالدىرۋ جونىندە ۇسىنىس بەردى.
سەباستيان كوە احپارات قۇرالدارىنىڭ تەلەفونداعى تىلشىلىگىن قابىلداعاندا رەسەي جەڭىل اتلەتيكا قوعامىنىڭ ايتىلعان بارلىق شاعىمعا تۇسىنىك جاساۋىن ءۇمىت ەتەتىندىگىن ءارى حالىقارالىق جەڭىل اتلەتيكا بىرلەستىگى القالار كەڭەسىنىڭ ەڭ سوڭعى ۇيعارىم جاساۋىن تالاپ ەتەتىندىگىن ايتتى.
بيىل تامىزدا حالىقارالىق جەڭىل اتلەتيكا بىرلەستىگىنىڭ ءتوراعاسىندىق مىندەتىن ۇستىنە العان سەباستيان كوە: « مەن وقشاۋلاۋ ساياساتىن قولدانباي، ءوزارا راقايلاسۋدى قولدايمىن، الايدا دوكلاتتا ايتىلعانداي ءىرى كولەمدى قوزدىرعىش ءدارى پايدالانۋ ءجايتى بولسا، مەن حالىقارالىق جەڭىل اتلەتيكا بىرلەستىگى القالار كەڭەسىنىڭ رەسەي جەڭىل اتلەتيكا قوعامىنان وسى اپتانىڭ سوڭىنا دەيىن جاۋاپ قايتارۋىن تالاپ ەتۋىن ءۇمىت ەتەمىن » دەدى.
سەباستيان كوە ايتىلعان شاعىمدار كىسىنى تۇرشىكتىرەدى ءارى بۇل حالىقارالىق جەڭىل اتلەتيكا بىرلەستىگىنە ساقتىق دابىلىن سوقتى، بۇل وسى تۇردەگى سپورت سالاسىنا بۇرىندى-سوڭدى بولىپ كورمەگەن اۋىر سوققى بولدى دەپ قارادى.
سوڭىنان ۇلى بريتانيا راديو سەرىكتىگىنىڭ تىلشىلىگىن قابىلداعاندا، سەباستيان كوە رەسەي جەڭىل اتلەتيكا قوعامىنىڭ جاۋاپ قايتارۋ ۋاقىتى وسى اپتانىڭ بەسى كۇنىنە دەيىن ەكەندىگىن ايتقان. ول تاعى ەگەر رەسەي جەڭىل اتلەتيكا قوعامىنىڭ ۇستىنەن ايتىلعان شاعىمنىڭ شىندىعى انىقتالسا، حالىقارالىق جەڭىل اتلەتيكا بىرلەستىگىنىڭ ولاردىڭ جارىسقا قاتىناسۋ تولىمدىلىعىن كۇشىنەن قالدىرۋ جازاسىن بەرەتىندىگىن باسا دارىپتەدى.
دۇنيە جۇزىلىك قوزدىرعىش ءدارى پايدالانۋعا قارسى تۇرۋ قۇرىلىمىنىڭ دوكلاتىندا، جارىسقا قاتىناسۋ تولىمدىلىعى كۇشىنەن قالدىرىلعان كەيبىر سپورتشىلار لوندون وليمپيادا سپورت جارىسىنا قاتىناسىپ، وسى كەزەكتى جارىسقا كەسىرىن تيگىزگەندىگىن، لوندون وليمپيادا سپورت جارىسىن ۇيىمداستىرۋ كوميتەتىنىڭ ءتوراعاسى بولعان سەباستيان كوەنىڭ بۇل ماسەلەنى اۋىزعا الاتىندىعى ايتىلعان. ول: «ءبىز بۇگىن عانا بۇل حاباردى قابىلدادىق، بۇعان ىشكەرىلەي تەكسەرۋ جۇرگىزەمىز، باسقارۋ جاعىندا جاۋاپكەرلىك بارلىعى بايقالسا، سايكەستى شارا قولدانامىز» دەدى.
سەباستيان كوە 2007-جىلدان باستاپ حالىقارالىق جەڭىل اتلەتيكا بىرلەستىگىنىڭ ورىنباسار ءتوراعالىق مىندەتىن ۇستىنە العان، ءتىلشىنىڭ وتكەن 8 جىلدا ونىڭ حالىقارالىق جەڭىل اتلەتيكا بىرلەستىگىنىڭ ىشكى بولەگىندە ءىرىپ-ءشىرۋ مەن قوزدىرعىش ءدارى پايدالانۋ ماسەلەسىن بايقاي العان-الماعاندىعى جونىندەگى سۇراۋىنا ول تىكە جاۋاپ قايتارمادى. ول: «ءبىز جەڭىل اتلەتيكا سپورت جارىسىنىڭ تازا وتكىزىلۋىن دارىپتەيمىز، ەگەر ءتۇزىلىس اينالىمىندا ماسەلە بايقالسا، ءسوزسىز، ءبىر جايلى ەتەمىن » دەدى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.