ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

تەزەكتىڭ كوك ءتۇتىنى

جولدانعان ۋاقىتى : 2015/11/9 11:07:50

جۇكەل حاماي  (موڭعۇليا)

       كوكشە قىزى

كوكشەدەن كەلگەن ءىنىم اڭىز ايتتى،
قوس ىشەكتى دومبىرانىڭ
كومەكەيى تالعانشا،
تاماشا ءبىر انگە باستى.
سول ءبىر قىز تۋرالى ايتقاندا،
اسپان قۇسى شاڭىراقتان
كىرىپ كەلگەندەي بولدى.
جۇرەك ەلجىرەگەندەي،
سول سۇلۋدىڭ ەسىمىن ايتقاندا
ءتور الدىنا كەمپىرقوساق
تۇسكەندەي بولدى.
كوكشەدەن كەلگەن ءىنىم اڭىز ايتتى:
كول جاعاسىندا ەكى ءۇي بولعان
باتىسىنداعى اق ۇيدە
سول قىز تولعان  دەدى!
توبەدەگى شوق جۇلدىزعا
سونىڭ اتىن قويعان دەدى!
گۇل كوبەلەگى كىرپىگىنە
شىر اينالىپ قونار دەدى!
جانارىن كورسە كوگىلدىر قۇس
ايدىنىم دەپ قالار دەدى!..
كوكشەدەن كەلگەن ءىنىم اڭىز ايتتى
تۇسىمدە كورمەس سۇلۋدى ايتتى!..

 كوكشەدە
 
  كورگەن تۇستەي كوزگە جىلى كورىنگەن،
بۇل ولكە مەن كەلمەگەن جەر ەكەن.
كوك بۇلتتار كوك بوياۋداي سەبىلگەن،
كوگىلدىر تاۋلاردىڭ شەرى ەكەن.
الا كويلەكتىڭ بەدەرىندەي توگىلگەن،
الاۋ گۇلدەر اق ەركەنىڭ ءيىسى ەكەن.
مىنا ءبىر الا قىنالى تۇعىر تاسقا،
ەگىز ەلىك قاي كەزدە كەلىپ وتىردى ەكەن.
ءسۇيىر ساۋساقتارىنىڭ ءسۇپ-سۇيكىمدى تابى مەن
ءبىر سىنىق كوز جاسىن قالدىرىپ كەتىپتى!..
تاۋ دەپ كورگەنىم تاۋ ەمەس، تاڭعاجايىپ ءسوز ەكەن
تاس قىنامەن ونى كىم قاشاپ كەتتى ەكەن!

  كوكشەنىڭ قىزى...

(كوكشە تاۋلىق ءانشى اپاي قاپاشقا)
كوكشەنىڭ  قىزى وتىرعان جەردە،
كويلەك تۇستەس گۇلدەر ءوسىپ،
كوكشەنىڭ  قىزى تۇنەگەن كولگە،
كوگالا ۇيرەك جۇزەدى دەپ پە ەدى؟!
كوكشەنىڭ  قىزى جۇرگەن جەردە،
سامال جەل دە يمەنە ەسىپ،
كوكشەنىڭ  قىزى وتىرعان جەردە،
مارال ءجۇنى تۇلەيدى دەپ پە ەدى؟!
كوكشەنىڭ  قىزى جاتقان جەردە،
كوك مايسانىڭ يىسىنە بوگىپ،
كۇمىس تۇندە كيىكتىڭ لاعى
ساۋلە قۇشىپ ۇيىقتايدى دەپ پە ەدى؟!
كوكشەنىڭ  قىزى ءجۇرىپ وتكەن
سەكسەن كولدىڭ جاعاسى دا
سۇلۋلىقتىڭ بۋىنا سولاي،
جاسارىپ ماڭگى جاتادى دەپ پە ەدى؟!
كوكشەنىڭ  قىزى وتىرىپ كەتكەن،
كوك جاساڭعا كەيىننەن،
كوكشىل ءبىر تورعاي كەلىپ،
ۇياسىن سالادى دەپ پە ەدى؟!
           ***   
كەشقۇرىم كوكشەنىڭ جاعاسىنا
كوكشىل ءبىر تورعاي كەلدى دە
كولدەگى تولقىنعا قاراي
كۇمبىرلەتىپ ءبىر اۋەن تارتتى.
سول كوكشىل تورعايدىڭ
كۇمبىرلەتكەن اۋەنىنىڭ ىرعاعىنا،
كوك جۋسان بەلىن جازىپ،
كولگە تۇسكەن جۇلدىزدىڭ

كوز ساۋلەسىنە

كوڭىلدەنە ءۇن قاتتى.
سولايشا كوكشەنىڭ كوك تولقىنى
كوكتەگى كوپ جۇلدىزدارمەن قوسىلا
ارقانى انگە بولەپ،
جاڭا بوسانعان جاس كەلىندەي
بۋسانىپ جاتتى.
كەشقۇرىم كوكشەنىڭ كوك تولقىنى
كوك اسپانمەن وسىلايشا،
ەكەۋىمىزدىڭ العاشقى كەزدەسۋىمىز سياقتى
كوڭىلدەنە سىرلاستى!..
  ***
كوكشە دەسە،
كوز باستاۋدىڭ سۋىن جۇتقانداي
سارايىم كەڭىپ،
سال سەرىلەردىڭ سالعان ءانى
كوك اسپانعا شارىقتاعانداي،
داريعا جۇرەك كەتەدى-اي، سۋسىپ
كەڭىستىك بويلاپ سايعاق بوكەندەي
ەركىندىك اڭساپ،
قۇلاگەردىڭ شابىسىنداي ەكپىندەپ،
بوزبالاعا دا ىرىق بەرمەي
دۇنيە داۋرەن-اي!..
كوكشە دەسە،
سەن كەلەتىن جاققا اسىققانداي.
كوكشە دەسە،
تۇزدەن قۇرالاي شاقىرعانداي.
كوكشە دەسە،
دۇنيە داۋرەن-اي،
بار قايعىمدى ۇمىت ەتىپ كەتەم-اي!..
  ***
  كوكشەنىڭ كوك ايدىنىنان قازدىڭ ءۇنى ەستىلىپ،
گۇل قاۋىزىندا كوز جاسىنداي
   كوگىلدىر  تامشى مولدىرەيدى.
كوك جۋساننىڭ بويىنان
       قىز مۇڭىنداي جەڭىل ساۋلە ءورىلىپ،
كوكتەن جۇلدىز اققانداي
              كۇمىس اۋەن توگىلەدى.
كوك ورماندا كەرى مارال
             ەرسىلى-قارسىلى كەزەدى،
كۇمىس ايدىڭ بەتىنەن كونە ەرتەگى ەستىلەدى.
ءتۇن قاتىپ جورتقان كۇلىك
       تەرلىگىنەن اپپاق تامشى مولتىلدەپ،
كەرميىقتىڭ جاۋدىرەگەن جانارىنا ىركىلەدى.
اقىل-ويىم اينالا تىرلىكتەن الدەنەنى كۇتكەندەي،
كەرى قۇلىن جۇيتكيدى ەنەسىن ءيدىرىپ،
       ءسۇت ەمبەي.
قوعا قۋعان سامالعا كوڭىل جيەگى سوگىلىپ،
وبىپ جاتىر ۋاقىت
               تىرلىك ءدانىن بىلدىرتپەي!..
      ***
كوكشەنىڭ كوك جۋسانى
تۇسىندە مەنى كورەدى-اۋ دەيمىن.
سول مەنى تۇسىندە كورگەن
كوك جۋساننىڭ جانىنا
كوكشىل ءبىر ەلىك كەلىپ،
كۇزگى تۇندە تۇنەيدى-اۋ دەيمىن.
كوك جاساڭنىڭ ءمولدىر شىعىن
كەۋدەسىنە جابىستىرىپ،
كوپ كوك جۇلدىزدىڭ استىندا،
ءتاتتى ءبىر ءتۇس كورەدى-اۋ دەيمىن.
كوكشەنىڭ كوك جۋسانى
تۇسىندە مەنى كورەدى-اۋ دەيمىن!..

 ۋاقىت 
 
كوك كويلەكتى قىز
قوي قوساقتاپ جاتقانداي.
كوك كويلەكتى قىز
قوساق اعىتىپ تۇرعانداي.
كوكپەڭبەك ساعىم
سوناۋ الىستان مۇنارتىپ،
كەشقۇرىم قالىڭ قوزى
جامىراعانداي.
كوكجيەكتەن جۇلدىز
سامسىپ،
كەشقۇرىم ساباعا ءسۇت
تولتىرعانداي.
شىعىستان كۇمىس اي
تولىقسىپ،
سەن كەلىپ قۇلاعىما
الدەنەنى سىبىرلاعانداي.
سەن كەلىپ شاشىمدى
اقىرىن سيپاعانداي.
اق سامال
اق شيلەردىڭ باسىن شالىپ،
كۇزدىڭ ءبىر كۇنى بارادى
مەنەن وزىپ!..
 
         تەزەكتىڭ كوك ءتۇتىنى

  «تەزەك ءتۇتىنى بۋداقتاعان مالشىنىڭ ۇيىندە تۋدىم مەن!..»
                            - چ. چيميد
  1
قاستەرلى انامنىڭ قۇرساعىنا بىتە بەرە،
ىستىق قانىما ءسىڭىپ، دەنەمە تاراعان.
(قاسيەتتى اكەمنىڭ بوساعاسىنا تۇسكەنىمدە،
قىزىل شاقا تاناۋىمدى قىتىقتاپ...)
تىرلىكتىڭ ءيىسىن سەزدىرگەن
تەزەكتىڭ كوك ءتۇتىنى.
     2  
ءتاڭىرى دەمەپ، شىر ەتىپ جەرگە كەلگەندە،
دالانىڭ بارشا جۇپارىمەن دەنەمە سىڭگەن.
اۋزىما العاش اق ءتيىپ، ۋىز ىشكەندە،
اتا جۇرتتىڭ جۋسان ءيىسىن سەزدىرگەن،
سەزىم، تۇيسىگىمنىڭ باستاۋى
تەزەكتىڭ كوك ءتۇتىنى!
  3
قالىڭ ەلىمنىڭ ءتورت تۇلىگى قاپتاي ورىستەپ،
قۇمالاقتاي شاشىلىپ.
ۇلانعايىر بايتاعىنا،
ۇرپاعىم جالعاسىپ جاتقاندا،
ءتورىمدى جاماندىقتان الاستاپ،
تورتكۇل دۇنيەگە ءيىسىن شاشار
تەزەكتىڭ كوك تۇتىنى!
     4
كيىز تۋىرلىعىمدى كوتەرگەن
قارىندى ۋىقتارىم سەكىلدى،
وردامنىڭ ەڭسەسىن تۇسىرمەس
تەزەكتىڭ كوك ءتۇتىنى!
   5
جەلىگە تىزىلتە بايلاعان
اساۋ قۇلىندارىم سەكىلدى.
القاپتى دالامنىڭ جەلكەسىندە
جەلكىلدەپ جاتار
تەزەكتىڭ كوك ءتۇتىنى!

     دايىنداعان – قاجىبەك ايدارحان


      
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn