ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ءپىل ساۋىرلى تاۋلار

جولدانعان ۋاقىتى : 2015/11/9 11:02:25

حەمينگۋەي   (امەريكا)

  تەبرو وزەنى ارناسىنىڭ اناۋ، ارعى جاعىنداعى  اق ءتۇستى وركەش-وركەش  تاۋ  شوقىلارى ۇزىننان ۇزاققا سوزىلىپ جاتىر. مىنا   جاعىندا  وسكەن اعاش تۇرماق قىلتان دا جوق. بەكەت - كۇن نۇرىمەن شاعىلىسقان قوس رەليستىڭ ورتاسىندا. بەكەتتىڭ ءبىر جاعىنا يىق سۇيەي ىستىق كولەڭكە كومكەرگەن ءۇي كوزگە شالىنادى. شالقاسىنان اشىلعان  قاباقحانا ەسىگىنە شىبىن توسۋ ءۇشىن بامبۇك مارجاندارىن تىزبەكتەپ وتكىزىپ جاساعان ەسىك پەردەسى ۇستالىپتى. الگى امەريكالىق جانە ونىمەن بىرگە جۇرگەن بويجەتكەن سول ءۇيدىڭ سىرتىنداعى سالقىن جەرگە قويىلعان ۇستەل جانىندا وتىر. كۇن قاپىرىق ىستىق.
بارسەلونادان كەلەتىن تەز پويەزدىڭ جەتۋىنە ءالى قىرىق مينۋت ۋاقىت بار. پويەز مىنا بەكەتتە ەكى مينۋت ايالداعان سوڭ جالعاستى مادريتقا قاراي تارتادى.

-نە ىشسەك بولار؟- دەپ سۇرادى بويجەتكەن. ول باس كيىمىن الىپ، ۇستەل ۇستىنە قويدى.

-كۇن نەدەگەن شىجىپ كەتتى،- دەدى جىگىت.

-سىرا ىشەيىك.

-«Doscervezas» (ىشىمدىك اتى) – دەدى   جىگىت ەسىك شىمىلدىعىنا قاراي.

- ۇلكەن ستاكانمەن بە؟- دەپ سۇرادى ەسىك كوزىندە تۇرعان ايەل.

- ءيا، ەكى ۇلكەن ستاكان.

  الگى ايەل ەكى ۇلكەن ستاكانمەن سىرا جانە ستاكانعا ەكى كيىز تۇبەكشە اكەلىپ ۇستەل ۇستىنە قويدى دا جىگىتكە كوز سالدى، سونسوڭ تاعى بويجەتكەنگە دە قاراپ قويدى. بويجەتكەن  سوناۋ قيىرداعى تاۋ سۇلباسىنا  قاراپ  وتىرعان ەدى. تاۋلار كۇن نۇرىندا اپپاق بولىپ كورىنەدى. ال اۋىل سۇرلانىپ توزىپ تۇر.

- ولار كورەر كوزگە ءبىر ءۇيىر اق ءپىل ءتارىزدى،- دەدى بويجەتكەن.

- ءپىلدى ەجەلدەن كورمەگەن ەكەنمىن،- دەدى جىگىت سىرانى ءبىر-اق جۇتىپ تاۋىسىپ.

- سەن كورە المايسىڭ.

- بالكىم، مەن كورگەن شىعارمىن،- دەدى جىگىت،- كورە المايسىڭ دەگەنىڭ ەشبىر ماسەلەنى تۇسىندىرە المايدى.

بويجەتكەن بامبۇك مارجانىنان جاسالعان پەردەگە قاراپ:

- ولار ونىڭ ۇستىنە الدەنە سىزىپ قويىپتى، وعان نە دەپ جازىپ قويعان؟- دەدى.

    - AnisdelToro (ءبىر ءتۇرلى سۋسىن).
- ءدامىن تاتىپ كورمەيمىز بە؟ جىگىت ەسىك پەردەسى جاققا قاراي «ءاي!» دەپ ايعاي سالدى. الگى ايەل قاباقحانادان شىقتى.

- بارلىعى ءتورت ريل بولدى.

- بىزگە تاعى ەكى ستاكان AnisdelToro  اكەلىڭىز.

- سۋ قوسايىن با؟

- سەنىكىنە سۋ قوسسىن با؟

- بىلمەيمىن،- دەدى بويجەتكەن،- سۋ قوسسا جاقسى ما؟

- سۋ قوسقانى جاقسى.

- سۋ قوسقىزاتىن بولدىڭدار ما؟

- جارايدى، سۋ قوسسىن.

- مىنا شاراپتىڭ ءدامى مياداي كەرمەك ەكەن،- دەدى بويجەتكەن شاراپ ستاكانىن قويىپ جاتىپ،- بارلىق نارسە وسىنداي.

- ءيا، سولاي،- دەدى بويجەتكەن،- بارلىق نارسە ميا سەكىلدى  كەرمەك  ءدامدى، اسىرەسە بىرەۋدىڭ كوپتەن اڭساعان زاتىنداي، قۇددى ءجۇزىم شارابى قوسىلعان اراق سەكىلدى.

- ويبوي، ايتپاي- اق قويشى.

- الدىمەن ءوزىڭ باستادىڭ  عوي،- دەدى بويجەتكەن،- ماعان الگىندە قىزىق سەزىلدى. جاڭا نەداۋىر جەلپىنىپ قالدىم.

- ماقۇل، ءبىز وندا جەلپىنۋدىڭ قامىن جاسايىق.

-جارايدى. مەن الگىندە ويلاپ وتىرعام. ايتپاقشىم مىناۋ تاۋلار كورەر كوزگە ءبىر ءۇيىر  اق  ءپىل ءتارىزدى ەكەن. تەڭەۋىم ءتاۋىر ەمەس پە؟

- ءتاۋىر ەكەن.

- مەن تاعى ءىشىپ كورمەگەن مىناداي شاراپتىڭ ءدامىن تاتۋدى ۇسىندىم. بار بولعانى كورىنىستى تاماشالاپ، ءىشىپ كورمەگەن شاراپتان ءدام تاتتىق ەمەس پە؟

- مەنشە سولاي.

بويجەتكەن تاعى الىستاعى تاۋلارعا كوز سالدى.

- مىنا   تاۋلار  ادەمى- اق ەكەن،- دەدى ول،- كورەر كوزگە ءبىر ءۇيىر اق پىلگە تىم ۇقساپ تا   كەتپەيدى.  مەن  الگىندە «اعاشتىڭ بەر جاعىنان قاراسا تاۋدىڭ بەتى اق ەكەن» دەدىم.

- تاعى ءبىر ستاكان ىشەمىز بە؟

- جارايدى.

ىستىق جەل ەسىك پەردەسىن ۇستەلگە قاراي جەلپىدى.

- مىنا سىرا سالقىن، ءدامدى ەكەن،- دەدى جىگىت.

- دامىندە ايتار جوق،- دەدى بويجەتكەن.

- ول وتە قاراپايىم وپەراتسيا، جيەگ،- دەدى جىگىت،- وپەراتسيا دەۋگە دە كەلمەيدى.

بويجەتكەن ۇستەل سيىراعى تۇرعان جەرگە قادالا قارادى.

- كاپەرىڭە المايتىنىڭدى بىلەمىن، جيەگ. شىنىندا وندا تۇرعان دانەڭە جوق. اۋامەن بىرگە ىشىڭە ءبىر تارتساڭ بولعانى.

بويجەتكەن ەشتەمە دەمەدى.

- مەن ساعان سەرىك بولىپ بىرگە بارايىن. ونىڭ ۇستىنە، باستان-اقىر قاسىڭدا بولامىن. ولار بار بولعانى اۋانى جىبەرسە بولعانى، سونسوڭ بارلىعى دا قالپىنا كەلەدى.

- وندا كەيىن ءبىز قايتەمىز.

- كەيىن بىزدە ءبارى جاقسى بولادى، قۇددى بۇرىنعىعا ۇقساس.

- قالايشا بۇلاي ويلايسىڭ؟

- ويتكەنى ءبىزدى مازالايتىنى كوز الداعى وسى ءبىر ءىس قانا، ءبىزدى باستان-اقىر  كوڭىلسىز ەتەتىن دە وسى ءىس.

بويجەتكەن مارجان پەردەگە قاراپ تۇرىپ، ەكى تىزبەك مارجاندى ۇستاي الدى.

- وندا سەن بۇدان بىلاي كوڭىلدى وتەمىز، ەشقانداي مازاسىزدىق بولمايدى دەپ قارايمىسىڭ.

- ءبىزدىڭ باقىتتى بولا الاتىنىمىزعا كوزىم جەتەدى، الاڭ بولما! مەن كوپتەگەن شيپاگەردى تانيمىن.  ولاردىڭ    بارلىعى وسىنداي وپەراتسيانى جاساعان.

- مەن دە وسىنداي وپەراتسيا   جاساتقان  كوپتەگەن ادامداردى تانيمىن،- دەدى بويجەتكەن،- وپەراتسيادان كەيىن ولاردىڭ بارلىعى دا كوڭىلدى تۇرمىس كەشىرىپ جاتىر.

- جارايدى،- دەدى جىگىت،- ەگەر وپەراتسيانى جاساتقىڭ كەلمەسە، زورلانباي- اق قوي. جاساتقىڭ كەلمەسە مەن دە سەنى ماجبۇرلەمەيىن.   دەسەدە، بۇل وپەراتسيانىڭ جاي ءىس ەكەنىن ابدەن بىلەمىن.

- مەنىڭ وپەراتسيا جاساتۋىمدى شىنىمەن قالايسىڭ با؟

- مەن مۇنى ەڭ ۇيلەسىمدى امال دەپ  ويلايمىن. دەگەنمەن، ءوزىڭ جاساتقىڭ كەلمەسە، سەنى ماجبۇرلەمەيمىن.

- ەگەر مەن وپەراتسيا جاساتسام، سەن ريزا بولاسىڭ، بارلىعى بۇرىنعى قالپىنا كەلەدى، سەن مەنى سۇيەسىڭ بە؟

- مەن قازىردىڭ وزىندە سەنى سۇيەمىن. ءوزىڭ دە سەنى سۇيەتىنىمدى بىلەسىڭ عوي.

- بىلەمىن. دەسەدە، مەن وپەراتسيا جاساتسام، پالەن نارسە ءبىر ءۇيىر اق پىلگە ۇقسايدى ەكەن دەسەم، جانە ول ءىس ساتىنە باسار بولسا، قۋاناسىڭ با؟

- مەن توتەنشە شاتتانعان بولار ەدىم. شىنتۋايتىندا قازىردىڭ وزىندە سەنىڭ وسىلاي دەگەنىڭدى تىڭداي بەرگىم كەلەدى. بار بولعانى زەيىنىمدى سوعان  شوعىرلاندىرا  الماي وتىرمىن. كوڭىلىم مازاسىزدانعاندا قالاي وزگەرىپ كەتەتىنىمدى ءوزىڭ دە بىلەسىڭ.

- ەگەر مەن وپەراتسيا جاساتسام ەندىگارى مازاسىزدانبايسىڭ عوي؟

- وسى ءىس ءۇشىن مازاسىزدانبايتىن بولامىن. ويتكەنى وپەراتسيا وتە وڭاي.

- وندا مەن وپەراتسيا جاساتۋعا  بەكىدىم.   ويتكەنى ءوزىمدى پالەندەي كاپەرگە المايمىن.

- بۇل نە دەگەنىڭ؟

- ءوزىمدى كاپەرگە المايمىن دەيمىن.

- ءبىراق مەن كاپەرگە الامىن.

- و، ءيا. دەسەدە، مەن وزىمە سولايمىن. مەن وپەراتسيا جاساتامىن، سونسوڭ بارلىعى ويداعىداي بولادى.

- ەگەر سەن بۇلاي ويلاساڭ، سەنىڭ وپەراتسيا جاساتۋىڭا قوسىلمايمىن.

بويجەتكەن ورنىنان تۇرىپ، بەكەتتىڭ ەڭ شەتىنە باردى. تەمىر جولدىڭ قارسىسىندا، اناۋ جاقتا تەبرو وزەنىنىڭ  ەكى  جاعالاۋى ەگىس اتىزدارىمەن، اعاشتارمەن كومكەرىلىپ  تۇر. الىستا، وزەننىڭ انا جاعى، وركەش-وركەش تاۋ سىلەمى. ءبىر شوكىم بۇلت كولەڭكەسى اتىزدى باسا-كوكتەپ ءوتىپ بارادى. ول اعاشتار اراسىنان وزەندى كوزى شالدى.

- ءاسىلى وسىلاردىڭ بارلىعىنان  مەيىلىنشە   قۇزىرلانار ەدىك،- دەدى بويجەتكەن،- ءبىز ءاسىلى ومىردەگى بارلىق ىستەردەن راقاتتانا يگىلىكتەنەر ەدىك. دەسەدە، كۇن ارتىنان كۇن ءوتىپ بارادى، ءبىز كوڭىلدەگىدەي تۇرمىستى ەندىگارى كورە الماسپىز.

- نە دەپ تۇرسىڭ؟

- ءاسىلى، ومىردەگى بارلىق ىستەردەن  راقاتتانا  يگىلىكتەنەر ەدىك دەيمىن.

- ارينە، سولاي بولادى.

- جوق، بىزدە مۇمكىندىك جوق.

- ءبىز بارلىق جەردى ارالاپ كورۋىمىزگە ابدەن بولادى.

- جوق، بىزدە ول مۇمكىندىك جوق. مىنا دۇنيە ەندىگارى بىزگە تاۋەلدى ەمەس.

- بىزگە تاۋەلدى.

- جو، جوق. ولار الىپ كەتسە، ودان ماڭگى ايرىلعانىڭ.

- ءبىراق، ولار ءالى الىپ كەتپەدى ەمەس پە.

- ءالى- اق كورەرمىز.

- سالقىن جەرگە تۇرشى،- دەدى جىگىت،- سەندە ونداي وي بولماۋى كەرەك.

- مەندە ەشقانداي وي جوق،- دەدى بويجەتكەن،- بار بولعانى ءىستىڭ انىعىن بىلەمىن.

- ءوزىڭ ۇناتپايتىن ءارقانداي ءىستى ىستەۋىڭدى قالامايمىن.

- ياكي وزىمە ءتيىمسىز ىستەردى،- دەدى قىز،- بىلەمىن. ءبىز سىرا الايىقشى، جاراي ما؟

- جارايدى. دەسەدە، سەن مىندەتتى تۇردە مىنانى ءبىلۋىڭ كەرەك...

- مەن بىلەمىن،- دەدى بويجەتكەن،- ەندىگارى ايتا بەرمەيىكشى، جاراي ما؟

ولار  ۇستەل  شەتىنە  كەلىپ وتىردى. بويجەتكەن قارسىداعى قۇرىپ قالعان وزەن اڭعارىنا جانە تاۋ سىلەمىنە قارادى. جىگىت بويجەتكەنگە، ۇستەلگە عانا  قاراپ وتىر.

- مىندەتتى تۇردە ءبىلۋىڭ كەرەك،- دەدى جىگىت،- ەگەر وپەراتسيانى جاساتقىڭ كەلمەسە، سەنى ماجبۇرلەگىم جوق. باستان- اقىر توزىمدىلىك ىستەيتىن بولامىن. ەگەر بۇل سەن جونىنەن وتە ماڭىزدى بولسا...

- ءزايىرى بۇل سەن جونىنەن ماڭىزدى بولماعانى ما؟ ءبىز تىم قۇرىعاندا الدامالاپ جۇرە تۇرارمىز.

- مەن جونىنەن دە ارينە ماڭىزدى. ءبىراق ماعان وزگە ەمەس، سەن عانا كەرەكسىڭ. مەيلى  كىم  بولسا دا  كەرەك ەمەس. ونىڭ ۇستىنە، ول وپەراتسيانىڭ وتە ادەتتەگى وپەراتسيا ەكەنىن دە بىلەمىن.

- ارينە، سەن ونىڭ وتە ءبىر جاي وپەراتسيا ەكەنىن بىلەسىڭ.

- قالاي دەسەڭ دە مەيلى، دەگەنمەن، بۇل ءىستىڭ شىنىمەن دە وسىنداي ەكەندىگىنەن حابارلىمىن.

- قازىر مەن ءۇشىن بىرەر ءىس ىستەپ بەرە الاسىڭ با؟

- سەن ءۇشىن ءارقانداي ءىستى ىستەۋگە بارمىن.

- وندا،  سەن،  سەنەن وتىنەرىم، وتىنەمىن، جالىنامىن، ەندى ايتا بەرمەشى، جاراي ما؟

جىگىت ءۇنسىز قالدى. تەك بەكەتتىڭ انا جاعىندا داۋالعا جاستاي قويعان چەمودانعا قاراعان  كۇيى وتىر. چەموداندارعا ولار تۇنەگەن بارلىق قوناق ۇيلەردىڭ بەلگىسى جاپسىرىلعان ەدى.

- ءبىراق مەن سەنىڭ وپەراتسيا جاساتۋىڭدى ءۇمىت ەتپەيمىن،- دەدى جىگىت،- جاساسىن، جاساماسىن  ماعان ءبارى بىردەي.

- تاعى سويلەسەڭ شىڭعىرىپ ايعايلايمىن.

الگى ايەل قولىنا ەكى ستاكان سىرانى الىپ، بامبۇك مارجانىنان جاسالعان تەرەزە پەردەنى قايىرىپ سىرتقا شىقتى دا سىرانى شىلقىلداعان ستاكان تۇبەكشەسىنە قويدى.

-پويەز بەس مينۋت ىشىندە بەكەتكە جەتەدى،- دەدى ول.

-ول نە دەيدى؟- دەدى بويجەتكەن.

-بويجەتكەن الگى ايەلگە رازى بولا جىميىپ، العىس ايتتى.

- جۇكتەرىمىزدى بەكەتتىڭ انا جاعىنا اپارىپ قويايىن،- دەدى جىگىت. بويجەتكەن وعان قاراپ كۇلىمسىرەدى:

- جارايدى. قويىپ بولعان سوڭ تەز كەل، ەكەۋىمىز سىرانى تاۋىسىپ ىشەيىك.

جىگىت اۋىر ەكى چەموداندى كوتەرىپ، بەكەتتەن اينالىپ ءوتتى دە ولاردى وزگە ءبىر رەليس جاققا اپارىپ قويدى. ول تەمىر جولدى بويلاي پويەز كەلەتىن جاققا قارادى، ءبىراق پويەزدى كورە المادى. كەرى   قايتقاندا،  شاراپحانانىڭ ىشىنەن   ءوتىپ، پويەز توسىپ وتىرعانداردىڭ تۇگەل شاراپ ءىشىپ وتىرعانىن كوردى. ول پوكايدا تۇرىپ، ەكى ستاكان بەديان شارابىن ىشە تۇرىپ، ماڭايداعىلارعا كوز سالدى.

ولاردىڭ ءبارى سابىرلىلىقپەن پويەزدىڭ كەلۋىن كۇتىپ تۇر. ول بامبۇك مارجاننان  ءتىزىپ  جاساعان ەسىك پەردەسىن قايىرىپ تىسقا شىقتى. بويجەتكەن ۇستەلدىڭ قاسىندا وتىر، جىگىتكە قاراپ جىميىپ قويدى.
- ءتاۋىر بولىپ قالدىڭ با؟- دەپ سۇرادى جىگىت.

- ايتار جوق،- دەدى بويجەتكەن،- مەندە ەشقانداي اۋىرۋ جوق تۇرسا، قازىرگى كوڭىلىم كۇيىم تاماشا- اق.



اۋدارعان - قانات جۇماش ۇلى

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn