ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

قاسىرەتتى جانار

جولدانعان ۋاقىتى : 2015/11/2 11:08:34

ك. ل. مۇحاممەت (ينديا)
 
مەنى كورە قالعان كوزى بار پەندەنىڭ بارلىعى جاتتا كەپ كۇلەتىن.

ويتكەنى، مەن الاسا بويلى، كومىردەي قارا اداممىن. قول-اياعىم قيسىق-قىڭىر، رەتسىز بىتكەن، قازانداي باسىم قيسىق تا قۇنىس دەنەمنىڭ ۇستىنە ورناتا سالعان اتەشتىڭ ايدارى سياقتى ايتەۋىر بىردەمە. بادىرايا دوڭگەلەنگەن ەكى كوزىم شۇڭىرەيىپ، جۋان تۇمسىق، كەرە قارىس اۋزىم سالپيا بىتكەن ەكى قۇلاعىمنىڭ اراسىنا قىستىرا سالعانداي بولىپ، شەشەك ويىپ كەتكەن سەكپىل بەتىم بىتىرانىڭ وعى تيگەندەي بۇجىرلانىپ تۇراتىن-دى.

بالا كەزىمدەگى ءبىر جازدىڭ كۇنى  وڭ اياعىم مەرتىگىپ قالعان. ءيا، ايتەۋىر، ادامدىق بەينەدەن جۇرداي كەيىپسىز جانمىن. دەسەدە،ءتاڭىرىم  ماعان دا  وزگەلەر  سياقتى ءلاززاتتى سەزىنۋ تۇيسىگىن بەرسە كەرەك.

  مەنىڭ ماحاببات كەشىرمەم دە كىسىنى قايران قالدىراتىنداي ەدى.  بۇل كەلبەتىمدى، جۇرت اتاۋلىنى تىكسىندىرەتىن مىنا بەينەمدى ەلەپ تە قويماستان، ۋىزداي ءبىر جاس بويجەتكەن ۇناتىپ قالىپ، ماعان تۇرمىسقا شىقتى.

ونىڭ ەسىمى لاري، ءوزى ءبىر سوقىر تىلەمشى ەدى.

كۇندەلىكتى جانىما كەلىپ-كەتىپ جۇرەتىن ول بارا-بارا ماعان بۇكىلدەي ۇيىرلەسىپ كەتتى. سولاي بولسا دا ءبىزدىڭ ارامىزدا ەشقانداي ءسوز ايتىلمايتىن. دەگەنمەن، كوڭىلىمدەگى اۋىر قاسىرەتتەن ايىعا باستاعانداي بولعان مەنى ءومىردىڭ قىزىعى وزىنە ەلىكتىرە باستادى.

لاريدىڭ جانارى كورە الار بولسا، ءتىپتى ادەمى بولىپ كەتەر ەدى عوي، شىركىن!

نەلىكتەن بۇلاي ويلاي قالعانىمدىءوزىم دە بىلمەدىم.

-لاري، سەنشە مەن قاندايمىن؟- دەدىم ءبىر كۇنى وعان.

ول قىمسىنا جىميىپ قانا قويدى.

-مەنى ۇناتاسىڭ با، لاري؟

 ەشتەمە دەمەستەن قىسىلا تۇقىرجي بەردى ول تاعى دا. ودان ارى نە دەرىمدى بىلمەدىم. بۇرىن قانشالىق ازاپتا جاساپ كەلسەم دە ەندى ءوزىمدى تىلمەن ايتىپ جەتكىسىز باقىتتى سەزىنە باستادىم.

ەكىنشى كۇنى لاري تاعى كەلدى. بۇل جولى وعان قايران قالدىرارلىقتاي سۇراۋ قويدىم.

-لاري، ماعان تۇرمىسقا شىعۋدى قالايسىڭ با؟

-ماقۇلمىن!-ول اقىرى ءتىل قاتتى،-قاشاندا مەنى كەمسىتكەن سوزدەردى عانا ەستيتىنمىن. جولدان ءوتىپ بارا  جاتقانىمدا ولاردىڭ قاشاندا ‹‹انە، مايمىلدىڭ عاشىعى›› دەگەندەرىن ەستىپ قالاتىنمىن. ولاردىڭ سوزىنە قاراعاندا،  سونشاما  كورىكسىز  جان سياقتىسىڭ.

-وندا، ءوزىڭ قالاي ويلايسىڭ، لاري؟

-مەن ولاردىڭ، ءسىرا، قانداي سۇلۋلىقتى ايتاتىنىن بىلمەيمىن؟-دەدى ول ءسوزىن ودان ارى  جالعاستىرا،-مايمىلدى دا  كورمەگەن ەكەنمىن، سول ءۇشىن ولاردىڭ نە دەپ جاتقانىمەن ساناسقىم كەلمەيدى. ءمۇبادا ولار سەنى جەر-الەمدەگى ەڭ كەلبەتتى جىگىت دەگەن كۇندەدە ماعان ونىڭ نە قاجەتى بولماق؟ مىنا ءومىردى، سۇلۋلىق پەن كورىكسىزدىكتى كوڭىلىممەن عانا سەزىنە  الامىن. وزىڭدە بوتەن وي بولماسا، مەندە پىكىر جوق.

سودان كوپ وتپەي ءبىز باس قۇرادىق.

كەيىن لاريدىڭ بوساناتىن كۇنى تاياپ، مەن اكە بولۋعا اسىعا باستادىم.

ءسويتىپ جۇرگەندە، بوسانۋىنا ەكى اپتاداي قالعان لاري اياق-استىنان ناۋقاستانىپ جاتىپ قالدى.

-ناۋقاسى ونشاما سالماقتى ەمەس ەكەن. بۇنى داۋالاپ ساۋىقتىرا الامىن،-دەگەن شيپاگەر،- ونىڭ كوزى كورە الماي ما؟-دەپ سۇراي قالدى.

-ءيا،-دەدىم مەن.

لاريدىڭ كوزىن ارى-بەرى تەكسەرىپ كورگەن شيپاگەر ءبىراز ويلانىپ وتىرىپ:

-بۇنىڭ كوزىن وپەراتسيا جاساپ قالپىنا كەلتىرە الامىن. ءبىراق، قازىر ەمەس، تۋىتتان تۇرەگەلگەننەن كەيىن ءبىر-اق كورەمىز،-دەدى.

ونىڭ وسى ءبىر اۋىز ءسوزى جۇرەگىمدى ءدىر ەتكىزىپ، ءۇنجىرعامدى ءبىر-اق ءتۇسىردى،ءتىپتى قالىپتى تىرلىگىمدى شايقالتىپ جىبەرگەندەي بولدى.

‹‹ول لاريدىڭ كوزىن ساۋىقتىرا الامىن دەيدى. راسىندا، ول كورە قالسا، اۋەلگىسىندەي ءسۇيىپ، اۋەلگىسىندەي قۇرمەتتەي الار ما مەنى؟›› شيپاگەرگە نە ايتارىمدى بىلە المادىم.

-كوزىمنىڭ قالپىنا كەلۋىن اڭسايمىن. سەن دە قۋاناتىن شىعارسىڭ، ءوزىڭدى كورە الار بولسام، ماعان دەگەن ىنتىزارلىعىڭ، ءتىپتى دە ارتار ما ەدى؟!

سودان باستاپ ونىڭ مىنا ومىرگە بولعان ءۇمىتى شاتتانعان جۇزىنەن ايقىن بىلىنە باستادى.  ويتكەنى ءبىز ءۇشىن تىرلىكتىڭ جاڭا بەتى اشىلعالى تۇرعان جوق پا...

دەسەدە، ءار نەنى ويلاعان مەنىڭ لاريدان گورى كوڭىلىم الەم-تاپىرىق كۇيگە ءتۇستى.

اقىرى لاري ەكەۋىمىز بالپاناقتاي ءبىر ۇلدى بولدىق. ونىڭ ءبىتىمى لاريعا، كوزى ماعان تارتقان ەكەن. دەنساۋلىعى قالپىنا كەلگەن سوڭ لاري مەنى قۋزارلاي ءتۇستى.

-ەندى بارىپ الگى شيپاگەرگە كورىنبەيمىز بە؟

بۇل ءسوزى مەنىڭ جان-دۇنيەمى قانشالىق استاڭ-كەستەڭ ەتكەنىن ول ءوزى بىلگەن دە جوق.

-ءيا، مەن ونى قازىر-اق ىزدەپ بارايىن.

ونى الداۋسىراتا ايتقان سوزىمە بولا ءوزىمدى سۋعا كەتىپ، تال قارماعانداي كۇيگە تۇسكەن مەن شىعا جونەلدىم. بىرنەشە ساعات اينالسوقتاپ قايتىپ كەلگەن سوڭ:

-الگى شيپاگەر قايتىس بولىپ كەتىپتى،-دەدىم.

ايتارىمدى ايتسام دا جانىم ەزىلىپ كەتتى. قانشا قينالعانىممەن وسىدان وزگە تارتىمدى وتىرىك تابا المادىم. كۇڭىرەنگەن كوڭىلىمنىڭ تۇكپىرىندە وسى ءبىر قاتىگەز دە ءوزىمشىل قۇپيالىعىمدى بۇگىپ قالا بەردىم.

بۇل ماعان توزۋگە بولمايتىن اۋىر قىسىم بولىپ، وزىمشىلدىكپەن ىستەگەن قىلىقتارىم جانىمدى تۇڭعيىق ىشىندە قالتىراتىپ، تورعايداي شىرىلداتتى.

ءبىر كۇنىم ءبىر جىلداي بولىپ قان جىلاپ وتە بەردى.

ءبىر كۇنى سىرتتان قايتىپ ورالعان مەن ۇرەيلى وقيعانىڭ ۇستىنەن ءبىر-اق شىقتىم.

لاريدىڭ شەشەسى قولا ىدىستى سالدىر ەتكىزىپ قويا سالعان ەكەن. سودان شوشىپ ويانىپ شىر ەتە تۇسكەن بالاعا سوقىرلار تاياعىن قولىنا الۋعا دا ۇلگىرمەي تۇرا جۇگىرگەن لاري ەسىك جاقتاۋىنا سوعىلىپ جارالانىپتى،ونە-بويى قان-جوسا. مەن جالما-جان ونى كوتەرە شيپاحاناعا جۇگىردىم.

‹‹لاري، مەنىڭ تىنىسىمسىڭ، بارىمسىڭ!››

جانىنا تامان بارعانىمدا، ول توسەكتە قاتتى قينالىپ جاتىر ەكەن.

جانارىنان جاس توگىلە ءتىل قاتتى ماعان:

-بارمىسىڭ، جانىم، مەنىڭ ءدام-تۇزىم تاۋسىلدى. تىرلىگىمدە ءوزىڭدى ءبىر كورىپ كەتەر بولسام، ارمانىم جوق ەدى عوي.

لاريدىڭ وسى ءبىر اقتىق ارمانى بەينە مەنى ار سوتىندا سىناپ جاتقانداي.

الگى شيپاگەردىڭ «ءولىمى» ونى  سونشاما ازاپتاپ كەلگەن بولدى عوي...

-لاري!- دەدىم مەن وعان،- مەنى الدەقاشان كىرشىكسىز جۇرەگىڭمەن كورىپ، پاك كوڭىلىڭمەن ۇعىنىپ ەدىڭ عوي، مىنا جالعاندا ماعان بىردەن-ءبىر كوز جەتكىزگەن جان سەن عانا ەكەنىڭدى بىلەمىن، جانىم. پەندە اتاۋلى تەك كوزىنە سۇيەنىپ قانا ءبىر-بىرىنە كوز جەتكىزە المايدى. قامىعا بەرمەشى، جانىم، ءالى-اق تاۋىرلەنىپ كەتەسىڭ.

نۇرلى ديدارىن سوڭعى رەت جارق ەتكىزىپ، كۇن دە ۇياسىنا باتىپ بارا جاتتى.

لاريدىڭ جانارى جاسقا شىلاندى. كوكىرەگىمدى قارس ايىرعان قاسىرەتكە توزە الماي مەن تۇرمىن. بار دارمەنىمدى بويىما جيىپ، قارعىس اتقىر الگى ءبىر قۇپيالىعىمدى اقتارا ايتا باستادىم.

لاري سول باياعى كىرشىكسىز بەينەدە  كوز جۇمىپ بارا جاتتى، جۇرەگى سوڭعى رەت لۇپىلدەپ بارىپ ماڭگىلىك توقتادى.

مەن ەستەن ايرىلا  تۇرىپ قالدىم. تەك اينالام استاڭ-كەستەڭ، توبەمە اسپان قۇلاپ كەلە جاتقانداي كۇي كەشتىم.


  اۋدارعان - ريشات سابىرباي ۇلى

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn