ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

جوعارى مەكتەپ ەمتيحانىندا

جولدانعان ۋاقىتى : 2015/11/2 11:03:41

مويان

  بۇل ايگىلى جازۋشى موياننىڭ شالقىماسى، شىعارمادا اۆتوردىڭ جوعارى مەكتەپ ەمتيحانىنا قاتىناساتىن قىزىنا سەرىك بولعان كەزدەگى كوڭىل كۇيى مەن العان اسەرى ايتىلعان، جازۋشىلار باسپاسىنان شىققان «ءان شىرقاي الاتىن داۋال» دەگەن كىتابىنان الىندى.

  شىلدەنىڭ 6- جۇلدىزىنىڭ كەشى، كىتاپ، كيىم- كەشەك، ءدارى- دارمەك، ازىق- تۇلىك سياقتى ءۇش كۇندىك ەمتيحان ۋاقىتى كەزىندە ىستەتەتىن قاجەتتى بۇيىمدارىمىزدى الىپ، كىرە اۆتوكولىگىن توسىپ، ەمتيحان بەرۋگە جول الدىق. تالەيىمىزگە قاراي، قىزىمنىڭ ەمتيحان مايدانى ءوزىنىڭ مەكتەبىندە ەكەن، مەكتەپتەگى كۋرس ورتالىعىنا بايلانىس جاساپ، الدىن الا اۋا تەڭشەگىشى بار قوناق ءۇي الىپ قويعامىز. قىزىمنىڭ ەمتيحان مايدانىنىڭ ءوز مەكتەبىندە بولۋى ەمتيحان بەرۋ بارىسىنداعى اسەر ەتەتىن ورتا فاكتورىنان ساقتاپ قالماستان، ارلى- بەرلى شاپقىلاۋدىڭ اۋرەسىنەن دە ارىلتقان. بۇددا دىنىنە سەنەتىن ايەلىم، «بۇلدا بولسا ساكيامۋنيدىڭ جار بولعانى» دەدى، مەندە «ءيا بۇل بۇددا اۋليەسىنىڭ قولداعانى» دەدىم.

  ءبىز وتىرعان كىرە اۆتوكولىكتىڭ تاقتا ءنومىرىنىڭ قالدىق سانى 575 ەكەن، ىشتەي ىرىمداپ، قىزىم وسى جولعى جوعارى مەكتەپ ەمتيحانىندا 575 ءنومىر السا ەكەن دەپ مەدەت ەتتىم، ەگەر شىنىمەن 575 ءنومىر الىپ  جاتسا، وندا  قىزىم ءتۇيىندى جوعارى وقۋ ورنىنىڭ قاقپاسىنان يمەنبەي كىرىپ كەتۋشى ەدى. كىرە اۆتوكولىگى كوشە اۋزىنداعى باعدار شامعا توقتاپ تۇرعان كەزدە، قاتارىمىزعا كەلىپ توقتاعان اۆتوكولىكتىڭ تاقتا نومىرىنە كوز سالعان ەدىم، ونىڭ تاقتا ءنومىرىنىڭ قالدىق سانى 268 ەكەن، كوڭىل كۇيىم قاتتى بۇزىلىپ، قىزىم 286 ءنومىر السا تۇگەدىك دەپ، دەرەۋ ارت جاعىمىزدا ەرىپ كەلە جاتقان اۆتوكولىكتىڭ نومىرىنە قارادىم، ونىڭ تاقتا ءنومىرىنىڭ قالدىق سانى 629 ەكەن، بۇنى كورگەندە قاتتى قۋانىپ  كەتتىم، الايدا قىزىم جاراتىلىستىق ءپانىن ۇناتپاسا دا جاراتىلىس  وقىتقامىز. ەكىنشى رەتكى بايقاۋ ەمتيحانىندا ارەڭ 540 ءنومىر العان تۇرسا، جوعارى مەكتەپ ەمتيحانىندا 629 ءنومىر الۋى مۇمكىن  بە، 575  ءنومىر السا دا زور قۋانىش قوي دەپ ويلادىم. اۆتوكولىك 3- اينالما جولدان وتكەن كەزدە، ءبىرقانشا وقۋشىلار مەن اتا- انالار سۋمكە اسىنىپ، جوعارى مەكتەپ ەمتيحانىن بەرەتىن وقۋشىلار ءۇشىن ارنايى ارزانداتىلعان قوناق ۇيلەرگە جاپا-تارماعاي  كىرىپ  جاتىر  ەكەن. ەرەكشە ارزان باعاداعى قوناق ءۇي دەگەنمەن، ءار كۇنى 400 يۋان، ال ءبىزدىڭ العان قوناق ءۇيىمىزدىڭ ءار كۇنى نە بارى 120 يۋان، بۇندا ەڭ ماڭىزدىسى اقشا ەمەس، قايتا بۇل قوناق ۇيلەر ەمتيحان مايدانىنا كولىكپەن بارۋعا تاتىمايدى، ال جاياۋ جۇرۋگە قولايسىز ورنالاسقان. ال ءبىزدىڭ العان قوناق ءۇيىمىز ەمتيحان مايدانىنا ءجۇز مەتر ارالىقتا ورنالاسقان. جاقسىلىقتىڭ نىشانى دەپ بۇعان قاتتى قۋاندىم!

  قورجىن-قولاڭىمىزدى ىڭعايلاپ بولعان سوڭ، قىزىم ۇستەلگە اسىلا وتىرىپ «ءولىم الدىنداعى جانتالاس» دەگەندي، ءتىل- ادەبيەت ساباعىن پىسىقتاۋعا كىرىستى. قىزىمدى تەلەۆيزور كورۋگە نەمەسە مەكتەپ اۋلاسىن  اينالىپ   سەرۋەندەۋگە ءناسيحاتتاعان ەدىم، ءبىراق ول باسپادى، سودان ساعات ون ءبىر بولعاندا، لامپانى ءوشىرىپ، دەم ال دەدىم، الايدا ول ۇيىقتايىن دەپ توسەگىنە جانتايعانىمەن، ۇيىقتاي الماي، بىردە «قورعان ءۇستى» دەگەن شىعارما كىمدىكى ەدى دەسە، ەندى بىردە گوركي رەسەيدىڭ جازۋشىسى ما، الدە سۆەت وداعىنىڭ جازۋشىسى ما دەپ سۇرايدى. مەن وتىرىك  ۇيىقتاعان  بولىپ  ونىڭ ءسوزىن ەلەمەي قويدىم، ىشتەي وعان تىنىشتاندىرۋ تابلەتكاسىن ىشكىزۋ كەرەك پە، تىنىشتاندىرۋ تابلەتكاسىن  ىشكىزسەم ونىڭ ميىنا زاقىم جاساي ما دەپ تاعى ويلايمىن.

  وسىنداي ويلاردىڭ جەتەگىندە جاتقاندا ايتەۋ ونىڭ  شۇر  ەتىپ ۇيىقتاپ كەتكەنىن بايقادىم. شام جاعىپ، ساعاتتى كورۋگە باتىلدىق ەتپەدىم، مولشەرمەن تۇنگى ساعات 12 دەن اسىپ كەتكەن بولسا كەرەك.
تاڭ ءسارى. تەرەزە سىرتىنداعى تەرەكتەردىڭ اراسىنان توپ-توپ تورعايدىڭ جابىلا شىقىلداعان، ساۋىسقانداردىڭ سايراعان داۋىستارى ەستىلەدى. قۇس داۋىستارىنىڭ قىزىمدى وياتىپ جىبەرۋىنەن الاڭداعان ەدىم، الايدا ول  الدەقاشان ويانىپ العان ەكەن،  ساعاتىما قاراسام تورتتەن اسىپتى، بالام ادەتتە وتە ۇيقىشى بولاتىن، تەرەزەنىڭ الدىنداعى بىرنەشە قۇستىڭ شىقىلىقتاعان داۋىسىن قويىپ، قۇلاعىنىڭ تۇبىنە تورسىلداق اتساڭ دا ويانبايتىن، ال بۇگىن ءبىر توپ قۇستىڭ سايراعان ءۇنىن  ەستىپ  ويانىپ وتىر، تەرەزە پەردەسىن   اشقان ەدىم، جەرگە جارىق ءتۇسىپ كەتىپتى، تورعايلاردىڭ شىقىلداۋى باسىلعان، تەك ساۋىسقاننىڭ شىقىلىقتاعان ءۇنى قۇلاققا كەلەدى، مەن ىشتەي قۋانىپ، جاقسىلىقتىڭ نىشانىنا بالادىم.

  قىزىم بەتىن جۋدى دا قايتادان ساباق پىسىقتاۋعا كىرىستى، وعان ءناسيحات ايتۋدىڭ ونىمدىلىگى جوق ەكەنىن ءبىلىپ، ءتىل قاتپادىم. ەمتيحانعا كىرگەنگە ءالى ءتورت ساعات مولشەرىندە ۋاقىت  بار، ونىڭ ەمتيحان ۋاقىتىندا ابدەن قالجىراۋىنان الاڭداپ، قاتتى ابىرجىدىم.

  تاڭعى استى مەكتەپ اسحاناسىنان ىشتىك، ادەتتە تاماق دەسە ءولىپ تۇراتىن بالامنىڭ بۇگىن تابەتى جوق، تاماقتانىپ بولعان سوڭ، مەكتەپ اۋلاسىن اينالىپ، سەرۋەندەپ  كەل  دەپ  ەدىم، ايتىپ  اۋىز جيماي جاتىپ، ول ءالى كوپ سۇراقتاردىڭ جاۋابىن انىق بىلمەي تۇرمىن دەپ اسىعىس باسىپ، جاتاققا قاراي ساباق قاراۋعا كەتتى. تاڭەرتەڭگى ساعات جەتىدەن باستاپ، تازالىق ۇيىنە قايتا-قايتا بارىپ بەتى-قولىن جۋىپ سەرگۋمەن بولدى.

  ەسىمە اجەم ءتۇسىپ كەتتى. ول كەزدە جاپون شاپقىنشىلارى كەلدى دەپ قورقىتىپ وينايتىنبىز، اجەم جاپون الباستىسى كەلدى  دەگەن ءسوزدى ەستىسە بولدى جۇگىرىپ بارىپ تازالىق ۇيىنە تىعىلاتىن. ازات بولعانعا كوپ جىل بولسا دا جاپون شاپقىنشىلارىنىڭ جاۋىز ارەكەتى حالىق ساناسىندا قالعانى سونشالىقتى، جاپون الباستىلارى كەلدى دەگەن ءسوز شىقسا بولدى، اجەمنىڭ ءوڭى وزگەرىپ، تازالىق ۇيىنە قاراي جۇگىرەتىن، ءاي، مىنا جوعارى مەكتەپ ەمتيحانى دا سول جىلدارداعى  جاپون  الباستىلارى سياقتى وتە قورقىنىشتى بولسا كەرەك.

  ساعات سەگىزدەن 20 مينۋت ءوتىپ، مەكتەپتىڭ كەرنايىنان وقۋشىلاردىڭ ەمتيحان مايدانىندا بىلۋگە ءتيىستى ماسەلەلەرىن حابارلاندىرىپ جاتتى.  قىزىمدى ەمتيحان مايدانىنا الىپ كەلدىم، كۋرس ورتالعى مەن ەمتيحان مايدانىنا دەيىنگى جولعا قىزىل ءجىپ تارتىپ تاستاپتى، اتا- انالاردىڭ ودان ارى وتۋىنە بولمايدى ەكەن.
قىزىم قىزىل جىپتەن ءوتىپ بارىپ،جەتەكشى مۇعالىمگە تىزىمدەلدى.

  ساعات سەگىزدەن ون مينۋت ءوتىپ، وقۋشىلار ەمتيحان مايدانىنا كىرە باستادى. مەن الىستا تۇرىپ، قىزىل كويلەك كيگەن قىزىم قالىڭ وقۋشىلارمەن بىرگە ەمتيحان بەرەتىن عيماراتقا كىرىپ كەتكەنشە كوزىممەن ۇزاتتىم. ەمتيحان باستالعانعا ءبىراز ۋاقىت بار، الگىندە عانا قالىڭ ادام ساپىرىلسقان مەكتەپ اۋلاسىنا تىنىشتىق ورناعان، تەك اعاش اراسىنداعى بەزىلدەۋىك شەگىرتكەنىڭ بەزىلدەگەن داۋىسى قۇلاققا تۇرپىدەي تيەدى. ءبىر اسكەري سىم كيگەن  ادام  كەكىرەيە «بەيجيڭدە بۇنداي بەزىلدەۋىك شەگىرتكە قاشان پايدا بولعان؟» دەسە، كوز اينەك تاققان ءبىر ادام  «مەكتەپ بۇل بەزىلدەۋىك شەگىرتكەلەردىڭ ءۇنىن ءوشىرۋ كەرەك»   دەيدى،  تاعى  بىرەۋى، «بۇل داۋىس ونداي قورقىنىشتى ەمەس، ەمتيحان باستالسا بولدى وقۋشىلار ەشتەمەنى ەستىمەيدى» دەپ بەزىلدەۋىك شەگىرتكەنى اڭگىمە ەتىپ تۇرعاندا، قولىنا ەمتيحانعا قاجەتتى بۇيىمدار دورباسىن ۇستاعان ءبىر تومپاق وقۋشى الشاڭداي باسىپ  كەلدى. ادامداردىڭ بارلىعى ساعاتتارىنا قاراعان ەدى، ەمتيحانعا ون مينۋتقا جەتپەيتىن ۋاقىت قالىپتى. ءبىر جەتەكشى مۇعالىم ول تومپاق وقۋشىعا: «كەشىگىپ قالدىڭ، اياعىڭدى تەز باس» دەپ كىنالاي سويلەدى. الايدا، ول وقۋشى قول ساعاتىنا ءبىر قارادى دا اسپاي- ساسپاي الشاڭداي باسىپ، ەمتيحان مايدانىنا قاراي بەتتەدى. كورىپ تۇرعان اتا- انالاردىڭ بىرنەشەۋى «بۇل جۇگىرمەك وتە بايسالدى ەكەن»  دەسە، كەيبىرەۋلەر «بۇل ءاسىلى ەڭ ناشار وقۋشى بولسا كەرەك» دەيدى، ال تاعى  ءبىر  سارى ءتۇستى سىم    كيگەن   بىرەۋى «جاقسى ءيا ناشار وقۋشى بولسىن، ونىڭ  پسيحيكاسى  وتە  جاقسى ەكەن، بۇنداي وقۋشىدان ەسەيگەندە قوسىن باستايتىن قولباسشى شىعادى» دەدى.

  كوپشىلىك اڭگىمە دۇكەنىن قۇرىپ تۇرعاندا، مەكتەپتىڭ قاقپاسى جاعىنان باسەڭ عانا دابىرلاعان دىبىس جەتتى، ەكى ازامات باسى قيسايىپ قالعان دەنساۋلىعى وتە ءالسىز ۇل وقۋشىنى سۇيەپ  ءجىتي باسىپ مەكتەپ قاقپاسىنان كىرىپ كەلەدى. ۇل وقۋشىنىڭ اياق سۇيەگى جوقتاي، بالاعى جەر سوعادى. موينى ءبىر جاعىنا قاراي قيسايىپ قالىپتى، بەينە باسىنىڭ سالماعىن كوتەرە الماي تۇرعانداي سەزىلەدى. قولىنا ەمتيحانعا قاجەتتى بۇيىمداردى سالعان  دوربا  مەن ورامال   جانە   ءدارى-دارمەك سياقتى زاتتاردى العان ورتا جاستار مولشەرىندەگى ءبىر ايەل (قاراعاندا ونىڭ اناسى بولسا كەرەك) ۇل وقۋشىنىڭ ارتىنان قالماي ءبىر جاعىنان، جۇگىرە باسىپ، ءبىر جاعىنان، بار پارمەنىن جيناپ، اققان تەرى مەن كوز جاسىن ءسۇرتىپ قويادى.

  ءبىر توپ وقىتۋشى ەمتيحان بەرەتىن عيماراتتان جۇگىرىپ شىعىپ، ۇل وقۋشىنى ەكى ەر ازاماتتىڭ قولىنان الىپ، ەمتيحان مايدانىنا كىرىپ كەتتى، الگى انا  ەمتيحان مايداننىڭ سىرتىندا قالىپ قويدى. قىزىل ءجىپتىڭ سىرتىنداعى بارلىق ادام ەرەكشە تولقىپ، كەيبىرەۋى كۇرسىنسە، ال كەيبىرەۋى باسەڭ داۋىسپەن كۇڭكىلدەپ، جاڭاعى انامەن تىلەۋلەس بولىپ تۇر. مەنىڭ تۇيسىگىم ونداي جوعارى ەمەس بولعانىمەن، جاڭاعى مۇگەدەك  وقۋشىعا   نيەتتەستىك ءبىلدىرىپ تۇرمىن، الايدا كوبى ىشتەي كوڭىلدى، قالاي دەگەنمەن، قىزىم ءوزىنىڭ ەمتيحان مايدانىنا امان-ەسەن جەتىپ، قازىر قالامىن قولىنا الىپ، ەمتيحان سۇراۋلارىنا جاۋاپ بەرە باستاعان بولسا كەرەك.

  ەمتيحان رەسمي باستالدى،بەزىلدەۋىك شەگىرتكەنىڭ داۋىسى مەكتەپ اۋلاسىنىڭ ىشىنە وزگەشە تىنىشتىق ورناتقان،  مەكتەپتىڭ كۋرس ورتالىعىنان جاتاقحانا العان ءبىرقانشا تالەيلى اتا- انا تالدىڭ كولەڭكەسىندە تۇرىپ، ۇلكەن قاقپانىڭ الدىندا كۇنگە كۇيىپ تۇرعان اتا- انالار شوعىرىن كورىپ ىشتەي كۇيىنىشتەمىز. ءبىزدىڭ بۇل جەردەن جاتاقحانا الۋىمىزدىڭ سەبەبى، كۋرس ورتالىعى جاتاقحاناسىنىڭ سىرتقا تيجارات جاسايتىنىن ەرتە ەستىگەنبىز، ءبىز كۇنىنە 120 يۋان تولەگەندىكتەن، تالدىڭ كولەڭكەسىندە تۇرىپ، شىجىعان كۇننىڭ استىندا تەرگە  مالشىنعان وزىمىزبەن سالاۋاتى ۇقساس سول ءبىر اتا- انالارعا كوز سالامىز. دەمەك، دۇنيەدەگى ىستەرگە نازار اۋدارساڭىز، بارلىعىندا تەڭدىك دەگەن مۇلدەم ءومىر سۇرمەيدى ەكەن، جوعارى مەكتەپ ەمتيحانىن ايتار بولسا، بۇندا دا كوپتەگەن تەڭسىزدىكتەر   ساقتالىپ  وتىر، دەگەنمەن سوناۋ جىلدارداعى جۇمىسشى،ديقان، اسكەر ستۋدەنتتەرىن تانىستىرۋعا قاراعاندا  كوش ءادىل دەۋگە بولادى. قالىڭ حالىق بۇقاراسىنىڭ بالالارى جونىنەن العاندا، جوعارى مەكتەپ ەمتيحانى وزدەرىنىڭ باقىتتى ءومىر جولدارىن باستايتىن تاماشا تالعام، الايدا ەمتيحاننان باسقا، وقۋعا جىبەرۋ، كورسەتۋ، ءتۇرلى ءنومىر قوسۋلاردىڭ بارلىعىندا كوزبوياۋشىلىق ىستەۋ مۇمكىندىگى ساقتالۋدا.

  كەيبىر اتا-انالار جاتاقحانالارىنا كەتسە دە كوپ ءبولىم  اتا-انالار اۋەلگى ورىندارىندا ءالى دە اڭگىمەلەسىپ تۇر. شارىقتاپ بىردە بەيجيڭنىڭ اۋا رايىن ءسوز ەتىپ، بىردە بەيجيڭ افريكاداي نەمەسە يندياداي ىسىپ كەتتى دەسە، ال بىرەۋلەر بۇرىنعى كەزدەگى جوعارى مەكتەپ ەمتيحانىنىڭ ەمىن-ەركىندىگىن تىلگە تيەك ەتىپ، قازىرگىدەي قورقىنىشتى ەمەس ەدى دەپ ءار اڭگىمەنىڭ باسىن ءبىر شالىپ تۇرعاندا، مەكتەپتىڭ اماندىق قورعاۋشىلارى كەلىپ، اتا- انالارعا مەكتەپ ىشىندە سويلەمەۋدى ەسكەرتتى، اتا- انالار اماندىق قورعاۋشىلاردىڭ سوزىنە قۇلاق اسىپ، تاراپ كەتتى.

  ساعات ون ءبىر جارىم بولىپ قالعاندا، اتا- انالاردىڭ بارلىعى كەرمە قىزىل ءجىپتىڭ قاسىنا جينالىپ، وقۋشىلار ەمتيحان بەرىپ جاتقان ۇلكەن عيماراتقا ۇمىتپەن قادالا،كوزدەرى ءتورت بولىپ كۇتتى. وسى كەزدە ۇلكەن كەرنايدان «ەمتيحان تاپسىرۋشىلار ەمتيحان قاعازىن تولتىرۋدى توقتاتىپ، ەمتيحان قاعازىن جيناستىرىپ، پارتانىڭ ۇستىنە قويىڭدار» دەگەن داۋىس ەستىلدى. قىزىمنىڭ كلاس جەتەكشىسى جۇگىرىپ كەلىپ، كوڭىلدى بەينەمەن «مو مىرزا، ءبىر 18 نومىرلىك ەمتيحان سۇراۋى حايدان رايوندىق ەكىنشى رەتكى ەلىكتەمە ەمتيحان سۇراۋىمەن ۇقساس ەكەن!» دەدى. كوپشىلىكتىڭ بارلىعى قۋانىپ كەتتى. قايسى مەكتەپتىڭ گرۋپپا جەتەكشىسى ەكەنىن بىلىمەدىم، ءبىر مۇعالىم «كەلەر جىلى حايدان رايونىنىڭ ەمتيحان ماتەريالدارىن كوپتەپ ساتىپ الۋ كەرەك» دەدى.

  وقۋشىلار ەمتيحان بەرگەن عيماراتتان جاپىرىلا شىقتى، قىزىمدى كوزىم شالىپ قالدى، الىستان قاراعانىمدا ول قادامىن نىق باسىپ كەلەدى ەكەن، ەمتيحانى جاقسى بولماي قالدى ما دەپ كۇدىكتەنىپ قالعان ەدىم، جاقىنداپ قاسىما كەلگەندە بارىپ ونىڭ جۇزىندەگى كۇلكىنىڭ لەبىن كورىپ، كوڭىلىم ساباسىنا ءتۇستى.
قۇلاعىم ونىڭ سوزىندە.

  - كوڭىل كۇيىم وتە جاقسى، ەمتيحان مايدانىنا كىرگەنىمدە، كوڭىل كۇيىم ەرەكشە ورنىقتى بولدى، ماقالانىڭ تاقىرىبى «تولعان اي» ەكەن، ونى دا وتە جاقسى جازدىم.
تۇستەن كەيىن حيميا ساباعىنان ەمتيحان الىنعان، ەمتيحان مايدانىنان وقۋشىلاردىڭ  بارلىعى  ءماز-ءمايرام تارادى، بارلىعى بيىلعى حيميا ساباعىنىڭ ەمتيحانى وڭاي شىعىپتى دەسەدى، قىزىم دا جاقسى بەرگەن سىڭايلى. ءبىرىنشى كۇنگى ەمتيحاننىڭ بارلىعى ءساتتى بولدى، بۇل قۋانىشتى حاباردى وتباسىمداعىلارعا مالىمەت ەتتىم. كەشكى استان كەيىن قىزىم ماتەماتيكا ساباعىن پىسىقتاي باستادى، ساعات ون ءبىر بولىپ، ۇيىقتايتىن ۋاقىت جەتكەندە ول كەنەتتەن ماعان ءتىل قاتىپ:

  - اكە، تۇستەن كەيىنگى حيميا ساباعى ەمتيحانىندا ءبىر سۇراۋداعى «ەرىمەگەن...» دەگەن ءسوزدى باسپادان قاتە باسىلىپ كەتكەن ەكەن دەپ، «ەرىگەن» دەپ قالاممەن وزگەرتىپ تاستاپ، ارتىنان وشىرەمىن دەپ ۇمىتىپ كەتىپپىن دەدى. مەن وعان بۇندا تۇرعان دانەڭە جوق قوي دەدىم، ول كەنەتتەن ابىرجىپ: «كاماسسيا مۇعالىم ەمتيحان قاعازىنا ەشقانداي بەلگى قويۋعا بولمايدى، ەگەر بەلگى قويىلاتىن بولسا، ەمتيحاندا قارالىق جاسالدى دەپ قارالىپ، ءنومىرى نولگە تەڭ بولادى دەپ ايتقان» دەدى. ول مەنىڭ جۇباتۋىما قۇلاق اسپاي، كوڭىل كۇيى بارعان سايىن الا ساپىراندانىپ، «ءبىتتىم، حيميا ساباعىنان ءنول  الاتىن بولدىم» دەدى. مەن «مەنىڭ ايتقانىما  سەنبەيدى ەكەنسىڭ، ولاي بولسا مۇعالىمىڭا تەلەفون سوعىپ سۇراپ كور، ول كىسى نە دەيدى ەكەن؟» دەدىم. ول مۇعالىمىنا تەلەفون جالعاپ، جىلاپ تۇرىپ، بولعان جاعدايدى   ايتتى.  مۇعالىم  وعان «ەشتەڭە تۇرعان جوق، الاڭداما» دەسەدە ونىڭ كوڭىلى ورنىقپادى.

  مەن امالسىزدان شاندۇڭداعى - تۋعان جەرىمدەگى ورتا مەكتەپتىڭ باستىعى بولىپ ىستەيتىن ۇلكەن اعاما تەلەفون سوعىپ، قىزىما ءناسيحات ايتساڭ دەدىم. قىزىما: «ولار سەنىڭ ەمتيحان ناتيجەڭدى قارالىق جاساعان دەپ ءنول  قوياتىن  بولسا، ارىز-شاعىم بەرىپ، ولارمەن سوتتاسامىز، اكەڭ كوپتەگەن احپارات سالاسىنىڭ ادامدارىن تانيدى، مەديالاردىڭ كومەگىمەن سوتتا جەڭىپ شىعارمىز دەدىم...»
قىزىم قايعىرا-قايعىرا تاڭعى ساعات ءبىر بولعاندا، ارەڭ ۇيقىعا كەتتى.

  مەن توسەگىمدە جانتايىپ جاتىپ، ءۇنسىز تاڭىردەن تىلەك تىلەدىم، قىزىم سودان ساعات سەگىزگە دەيىن ۇيىقتادى، مەن ونىڭ حيميا ەمتيحانى تۋرالى ىستەردى ۇمىتىپ، ەرتەڭگى ەمتيحانعا بار پەيىلىمەن كىرىسۋىن ءۇمىت ەتتىم. ەرتەڭ تاڭەرتەڭ ماتەماتيكا ساباعىنان، تۇستەن كەيىن فيزيكا ساباعىنان ەمتيحان بەرەدى، بۇل ساباقتارعا دا تىم شىركىن-اي ەمەس ەدى...

اۋدارعان - امان مەللات ۇلى

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn